قانون العفو العام

[se_ Elsyed]

كنت اشاهد حلقة الشاعر العظيم فاروق جويدة على قناة الحياة بالأمس . وذكر إنه تلقى إتصال من الوزير المحترم حسب الله الكفراوي بيقول لهعلى إقتراح ممكن الحكومة تنفذه وهو إننا نخصص إدارة في مكتب النائب العام لتلقي الإعترافات والإقرارات التي يتقدم بها رجال أعمال من أنفسهم وبدون إتهام تتعلق بإستفادتهم المادية بشكل أو باخر بدون وجه حق خلال عصر الفساد وبالتالي يتنازلوا عنها ودياً للدولة مرة أخرى بدون شوشرة أو فضايح أو منع من السفر وتجميد حسابات ... وده يبقى بشكل سري بالتأكيد ويبقى كمان بعد تحقيق مقابل العفو العام عنهم

لكن أركز على نقطة التحقيق الكامل والعادل .... يعني أعتقد إن واحد سارق 100 مليون مثلاً .. مش ييجي يرجع لي 50 ويقول خلاص سامحوني بقى أنا كده براءه ..

كمان أقترح إن يتم عمل محاكم متخصصة ومتفرغة لحسم تلك القضايا .. لإن الموضوع لو تُرك للقضاء العادي ... يبقى موت يا حمار .. معليش يعني ... فأقل تأجيل للإطلاع دلوقت بيستغرق شهر وأكثر ... ولسه الحكم ولسه الإستئناف ولسه الطعن ولسه ألعاب الحواة بتاعت المحامين ... وبالتالي مش هانخلص والمواضيع هاتبرد وهاندخل في سنوات طويلة من الإجراءات...

بالإضافة إلى إن الموضوع ينطوي ويحمل خطورة ماحدش حاسس بها .

فمثلاً المصانع العملاقة اللي عند أحمد عز المحبوس ... إيه نظامهادلوقت وإيش ضمننا إن ما بيحصلش فيها لعب دلوقت لإن مالهاش أصحاب .. طب إيرادتها بتروح لمين ... طب هل هاتعود لأملاك الدولة ونرجع للعقليات الإدارية البيروقراطية المميتة واللي بتخسرنا الجلد والسقط ولا إيه النظام ؟

مرة أخرى .. الهدف من القانون مش بس تطبيق العقوبة .. لا .. ولكنه تحقيق العدل والحق ... فقد يكون كثير ممن تم إلقاء القبض عليهم أو تجميد أرصدتهم أبرياء .. إيه المانع من كده ... يبقى حرام إنهم يفضلوا مسجونين لفترات طويلة قيد التحقيق لإن إجراءات التقاضي عندنا بصراحة تجيب شلل ... ويكفي مثال لقضية طلعت مصطفى اللي قعدت أكتر من سنتين عشان ينطقوا بالحكم ... ولسه في إستئناف كمان .. يعني داخلين في 3 سنين وأكثر ..

وشيء مهم أخر .. إن لو ثبت على المسجونين واللي متوريطن في الفساد تهمة التربح والإعتادء على المال العام .. فبالتأكيد الممتلكات والأرصدة اللي هاترجع للدولة وتتأمم دي هاتنفعنا في مرحلة الوقوف على رجلينا مرة أخرى .

عشان كده إحنا محتاجين عدل وحق سريع بدون الإخلال أو الظلم لأي طرف ..

[م تيمور المراغي]

كده كاننا بنقول للمفسدين القادمين

اسرق براحتك

ولو انكشفت يا حلو ,,

ديتها ترجع اللي سرقته للبلد ويا دار مادخلك شر !

الفاسد يعتقل و تصادر امواله ويترمي في السجن

[se_ Elsyed]

مين قال كده يا تيمور ؟

انا باتكلم عن المرحلة الحرجة دي بس ...

إنت مش متخيل كم القاضيا والبلاغات الموجودة واللي عاوزه سنين عشان يتفصل فيها

يعني المفروض نوقف الحياة القضائية عشان الحاجات دي بس وتخرب البلد بقى وكل واحد له مصلحة تتعطل إلى أجل غير مُسمى ..

[م تيمور المراغي]

نصبر شهور ماحنا صبرنا سنين

الفاسد لن نتركه

بل نقطع يده .

[Alattar]

كده كاننا بنقول للمفسدين القادمين

اسرق براحتك

ولو انكشفت يا حلو ,,

ديتها ترجع اللي سرقته للبلد ويا دار مادخلك شر !

الفاسد يعتقل و تصادر امواله ويترمي في السجن

متهيألي يا تيمور ان ده هيبقي قرار استثنائي بس لرجال الأعمال اللي عملوا بزنس علي أفا الحكومة أيام مبارك بس..لكن اللي بعد كده هيتحاكم بالطريقة العادية

أنا شايف انها طريقة كويسة..بس يكون فيه فعلا ليها تنظيم قانوني و ضمانات عشان زي ما قال سين سين

ما يجيش يرحع نص اللي خده و يقول خلاص كده

تم تعديل 12 مارس 2011 بواسطة Alattar

[Ahmed Anwer]

إمبارح كان فيه محامي في التليفزيون

بيكلم عن حاجة اسمها (( لجان الحقيقة و المصالحة ))

تكونت في جنوب افريقيا و المغرب

بتكون لجان مدنية مستقلة من رجال القانون و ليست من النظام القضائي

اللي إحتمال كبير يكون كان مخترق من العهد البائد

و تتشكل بقانون ،،

و يكون مهمتها التحقيق في الفساد و ليس التفاوض معه

[crossfield]

مفيش استعجال على محاكمتهم كلهم دلوقتى حالاً

ما اعتقدش ان اللى خد على النهب هييجى كده عن طيب خاطر ويقولك اتفضل ادى كل اللى سرقته

ماعندك الحاج عز أهوه سرق و نهب و فى الآخر جاى يقولك خد مليار و صافى يا لبن

كل ما هياخد على قفاه كل ما هيزود الرقم

يبقى مصالحة مع مين؟

لف و دوران و قذارة بتجرى فى الدم مش هتنتهى الا بالموت

لا تصالح و لو منحوك الذهب

[رضوي]

كده كاننا بنقول للمفسدين القادمين

اسرق براحتك

ولو انكشفت يا حلو ,,

ديتها ترجع اللي سرقته للبلد ويا دار مادخلك شر !

الفاسد يعتقل و تصادر امواله ويترمي في السجن

بالظبط كدة ............ طالما انه هيستمتع بحياته عادي جدا ويعيش من غير اي عقوبة ولا فضايح ولا غيره ........ يبقي بقي احنا في مصر هنبقي بنشجع السرقة والنهب والاختلاس

لازم العقوبة تكون رادعة

الاعتراف ممكن يخفف العقوبة لكنه لايلغيها

الناس دي لازم تتحاسب ........... لو ضمنا محاكمة عادلة .......... يبقى كل الاموال المنهوبة هترجع

[جويرية]

ليا مشاركة في موضوع اخر

و قلت يا ريت نعفو عن الناس دي بشرط يرجعوا الفلوس

ما هيا كانت عزبة ملهاش صاحب

و بعدين ما كل واحد بياخد ارض بيقول و اشمعني فلان خد و هوه احسن مني في ايه

ان أويد كلام الوزير حسب الله الكفراوي