حد هنا بيعرف يشوي؟؟

[Alattar]

السلام عليكم

حكايتي النهاردة..مؤثرة جدا..

انبارح..اللي هو الجمعة..قررت اني أشوي فراخ في البيت

ما تسألونيش الفكرةدي جاتلي ازاي..المهم انها طلعت في دماغي و خلاص..

اشتريت الشواية..و جبت الفحم..وجبت بتاع كده عامل زي مكعبات صابون..عشان أولع بيه الفحم

و جبت الفراخ من عند بنده..لقيت عندهم فراخ متبلة جاهزة للشوي

المهم..قلت أطلع في حتة كده علي السطح بتاع البيت و أديها بأه...جت الدنيا مطرت و رياح شديدة

كان المفترض اني ألغي فكرة تمامن من دماغي .. لكني أصريت الحاحا..

الشقة عندي فيها حمامين..رحت الحمام الصغير و شغلت الشفاط..و قفلت الباب عليا و شغلت المودام المسكينة معايا صبي حاتي..و بقت هي اللي تناولني العدة

المهم..ولعت الفحم..و شوية كده و حطيت الفراخ..و عشر دقايق كده و لقيت الفراخ سبحان الله ..لونها قبل ما أشويها كان أبيااااض...و زي القشطة..عشر دقايق و ما بقتش عارف أفرق بينها و بين الفحم اللي تحتها..

ندهت للمدام..و قلتلها بكل ثقة..الفراخ خلصت..بلا اعمليلنا شوية سلطة طحينة و جهزي الليلة علي ما أغسل ايدي ووشي

رحت أغشل وشي..و بصيت لروحي فجأة..تعبت من المفاجاة..لقيتني فعلا واحد تاني خالص

عيني حمراااا...ووشي مقشر..ولا كأني راجع من راس البر حالا..ناهيك عن بعض الاصابات و الخسائر

زي مثلا بعض الأخرام في بنطلون البيجاما ..نتيجة الشرار اللي كان بيطلع من الفحم و أنا بهوي عليه

و دخلت آكل يا جدعان..و ألاقي الفراخ من جوة نيئة تمامن..ولا كأني عملت أي حاجة..و أتاري الحرق ده كان من بره بس..جالي احباط شديد..و قلت طب أطلب شوية ريش زي ميشو ابن أخت تانت عفاف..و في الآخر..قلت..ماله البيض..نسلق بيضتين و خلاص..و نضرب معاه سلطة الطحينة

بعد القصة المفجعة دي..حد فيكوا عنده شوية نصائح للموضوع ده...عشان أنا حاسس ان المودام خلاص جابت آخرها من اختراعاتي كل كام يوم..و نفسي أأكل البت الغلبانة دي حتة لحمة

تم تعديل 12 مارس 2011 بواسطة Alattar

[مسافر]

شوف يا عم

احلى حاجة في الشوي

ان يكون في حوش البيت او السطح اوحديقة

لكن في الحمام انت كانت طالب ساونا

اولا المادة المشتعلة اما تكون حطب او فحم

أ الحطب يعني شجر ناشف تقطعة بالبلطة وتجمعه من البر

وده لتوليعه يحتاج للفترة الاولى نار مسمرره حتى تمسك فيه ويشعلل

تجيبها منين اما انك تضع تحت الحب قطعة قماش قطن مببله بالبنزين

وطبعا تبعد وانت بتحدف عليها عود الكبريت

اواورق كثيرة اوسعف نخل ناشف

اول ماتمسك النار في الحطب تتابعها انها مطفيش

بالتهويه كلما احتاجت للهوا

[ ب الفحم

المقصود بيه الخاص بالشوي اما المكعبات الصغيره ده خاص بالبخور وده مينفعش

توليع الفحم بنفس طريقة الحطب لكن اسهل لانه جاهز

[Alattar]

جزاك الله خيرا يا أخ مسافر..أنا علي فكره ما جبتش الفحم الصغير

لأ..أنا جبت مكعبات كده لتوليع الفحم بس

و بالنسبة لمكان الشوي..أنا عارف انه لازم مكان مفتوح..بس هنعمل ايه بأه,لما المطر نزل

ما كانش هينفع...و أنا خلاص كنت عملت فيها قدام المودام سبع الرجال..و حاتي قديم

و بعدين بصراحة منظر الفراخ لما جبتها من بنده كان مغري جدا..و ما كنتش قادر أصبر أكتر من كده

متشكرين جدا يا أخ مسافر ..وان شاء الله المرة الجاية انت معزوم عندي..لحد ما الأكل يخلص بس

و بعدين معلش ابقي اتكل علي الله عشان آكل لوحدي.. :)

[fatfouta]

شوف يا عطار يا خويا فيه موضوع لاخونا العزيز سكوربيون عن الكباب والمشويات عامة

هتستفيد منه ان شاء الله....اتفضل

الكباب الكباب ليخلوا عيشتي هباب

[wsadani]

للشوى فى البيت أو فوق السطوح حضرتك الأفضل تسلق الفرخة أو تديها صدمة قبل الشواء وبعدين تحطها عشر دقايق على الفحم ( طبعا مش على الفحم مباشرة )

وبرضه بالنسبة للحم حط اللحم مع التتبيلة من غير مية وقلبهم ومتخلهوش يتحرق منك

كده انت ضمنت السوا والسرعة وطعم الشواء اللذيذ

[مسافر]

الفحم ولع وشعلل مجيش احط الفراخ علطول

حيحصل اللي حصل معاك

لا تستنى ياحلو كده لغاية مالفحم يصفى ويبقى جمر

يعني لونه احمر ومفيش نار موجوده

وتححط ايك كده من على بعد 10 سنتمتر

متستحملش حرارة الجمر

تروح حاطط الفرخ

كل 10 دقايق تقلبها عشان متتحرقش من بره

جيب سكينه وعند مفاصل الدجا

او قريب العظم

تخبطها بطرف السكينه

ليه عشان ادم الموجود فيها يتسرب بسرعه

وتعجل بتسويتها من جوه

وعموما انا في الخدمة لو حبيت اجيلك

اعطيك دوره

وكل بحسابه

تتبيل دجاج سمك لحم

شوي وتجهيز

اكل وتنظيف

[cup cake]

ههههههههههههههههههه فكرتنى بالذى مضى

والدى متخصص شوى و كنا دايما بنتفرج عليه و هو بيشوى بس عمرى ما جربت و كنت حاسه الموضوع سهل قوى و بعد ما اتجوزت واحده صحبتى ربنا يسامحها قالتلى انى ممكن اشوى جوه الشقه فى المطبخ و افتح الشفاط و كله هيبقى تمام و لان والدى كان مسافر و كنا فى العيد و كان نفسى اشوى قوى قلت لجوزى انى هشوى فى المطبخ و هو يحاول معايا يهديكى يرضيكى و انا ابدا هشوى يعنى هشوى

وحصل و شويت و رقدت 3 ايام العيد فى السرير اعانى من عمى مؤقت و ضيق فى التنفس و الشقه ريحتها كلها دخان كأن كان فيها حريقة و كان عيد لا ينسى

اما عن الطريقه الصحيحه للشوى فهى كالاتى

المكان يكون مفتوح و ميكنش فى رياح شديده علشان الدخان ميرجعش عليك و انت بتشوى

الفحم يكون كتير و يكون فى قاع الشوايه رمل كعازل علشان الشوايه متتخرقش من الحرارة

علشان نولع محتاجين علبه حليب نيدو فارغه كبيرة و نفتحها من الجهتين و نملاها فحم و نحط عليه الجاز او مكعبات الاشعال كل ده طبعا جوا الشوايه

نولع و نسيب الفحم لحد ما يصفى يعنى يحمر و بعدها نشيل العلبه و نفرد الفحم

للشوى الفراخ لازم متكنش قطع كبيرة و لازم التقليب المستمر و علشان تعرف استوت ولالا اغرس فيها سكينه لو نزلت دم او ميه تبقى لسه نيه المهم تقلبها كل دقيقتين علشان متتحروقش

لترتيب الشوى الفراخ او الريش الاول لانهم بيحتاجوا نار حاميه و الكفته فى الاخر لانها بتحتاج تستوى على رواق

طبعا لازم تهو على الفحم طول الشوى والا هينطفى وزى ما قلت لازم الفحم يكون كتير

و بالهنا و الشفه

[اغابي]

معلش يا استاذ عطار

انت صعبت عليا خالص

cr((: cr((:

انا هاديك معلوماتى فى الاول لازمن التتبيلة

المقادير

نصف كوب (روب ) او زبادى

معلقة ك صلصلة حمرا

حبة طماطم مبشورة

حبة بصل مبشورة

واحد فص ثوم مهروس

نصف كوب خل

نصف ليمونة

بشر ليمونة

معلقة زعتر

ملح وفلفل اسود حسب الطلب

الطريقة

ومن الليل يا استاذ عطار

تمسك الفرخة وتبجها بالسكينة بجيج فى كل حتة

علشان لما تبات فى التتبيلة من الليل تتشرب كويس الطعم

ودى اهم وال خطوة ابقى اشرحها للمودام

وخلى بالك التتبيلة السرية دى من احد اشهر المطاعم السورية فى الكويت

يعنى سر فزززززيع وبنشكر عليه اخوانا السوريين اللى كانو فى المطعم وقالوهولى - وانا قولتهولك

تانى خطة تحضر الفحم قبلها بفترة وتتاكد انه ولع كويس اوى

ملحوظة

الفرخة تبقى كاملة اثناء الشوى

اذا كانت وزنها من 700 - 900 جرام

وتتقسم الى نصفين اذا كانت وزنها من 1000-1200 جرام

وتبدأ الشوى ويفضل مع وجود عدة الشغل

الشواية و والفحم والشبك

وكمان الهواية الريش ضرورية جدا

وجودك مكان فيه هواء طلق ياريت البلكونة

اغلاق اى منافذ للشقة ممكن تدخلك دخان الشواء

وتعيـــــــــــش حيــــــــــــــاتك

وموضوع ان لون الفرخة بقى اسود ولونك بقى اسود - عادى وما تقلقش - داه الطبيعى يا استاذ عطار

واختتم هذه الامسية الرائعة ان الفحم المولع بعد ما تخلص شوى ابقى استفيد منه وحط عليه براد الشاى واشرب اجمل كوباية شاى

واذا كنت هاوى ما تنساش - نفس الشيشة التفاح

و صحتين على قلبك

rs:

بس افضل لو شوايه كهربا اسهل واسرع بكتيرررررررر

تم تعديل 12 مارس 2011 بواسطة اغابي

[Alattar]

شوف يا عطار يا خويا فيه موضوع لاخونا العزيز سكوربيون عن الكباب والمشويات عامة

هتستفيد منه ان شاء الله....اتفضل

الكباب الكباب ليخلوا عيشتي هباب

جزاكي الله خيرا يا أخت فتفوتة..ان شاء الله أحاول أقرأ الموضوع ..بس لما عيني تخف شوية

[se_ Elsyed]

ده أنت جيت في أسهل حاجه يا عطار ..

فعلاً أهم حاجه لشوي الفراخ إنك تغزها بالسكينة كم غزة عشان التتبيلة توصل لداخلها . وكمان لو فيها دم ولا حاجه جوه يبقى تتخلص منه أثناء الشوي .. وكمان النار تدخلها من الداخل ... وخلي بالك الفراخ شاطت منك عشان تلاقيك كنت واخدها لعبه وعمال تهوي على أم الفراخ جامد وتشعلل الفحم .. فأتحرقت من الخارج وبقت نيه من الداخل . .. وبالتالي خلي التهوية بسيط بسيط ...

وأهم حاجه يا عطار يا بني .. سندوتش السجق بخمس وسعبين .. أما والكبدة فبنص جنيه ... قصدي لازم تشوي طماطم صغننة .. وبصل بقشرة صغنن برضوا مع الحركات دي ... وبامانة هاتسيب الفراخ وتاكلهم حاف ...

وزي ما قالت لك أغابي .. أهم حاجه براد الشاي المعتبر .. وحجرين المعسل ...

أخوك سين سين بعون الله .. دكتوراة فقرية من مطاعم أبو شقرة لشوي الفراخ ...

بس أنا افشل واحد في الدنيا يشوي لحمة أو كفته .. عُمرها ما ظبطت معايا

النصيحة المهمة بقى وأجري على الله ..

بنده والعثيم والهايبرات الكبيرة مش بيحبوك عشان خاطر جمالك وهايبيعوا لك فراخ متتبلة .... فنصيحة لكل شاب ولكل فتاة مقبلين على حفلة بربيكيو .. جيبوا الفراخ وتبلوها في البيت ... لإن الفراخ المتتبلة جاهز دي بتبقى قربت تبوظ عندهم وبالتالي بيكلفتوها في التتبيلة عشان تضيع طعمها وريحتها المعفنة ... خدوها مني نصيحة وأنا عارف أنا بأقول إيه

[Alattar]

للشوى فى البيت أو فوق السطوح حضرتك الأفضل تسلق الفرخة أو تديها صدمة قبل الشواء وبعدين تحطها عشر دقايق على الفحم ( طبعا مش على الفحم مباشرة )

وبرضه بالنسبة للحم حط اللحم مع التتبيلة من غير مية وقلبهم ومتخلهوش يتحرق منك

كده انت ضمنت السوا والسرعة وطعم الشواء اللذيذ

جزاك الله خيرا

فكرة برضه موضوع السلق أو موضوع الصدمة ده..نجرب كده ان شاء و أوافيكم بآخر التطورات

[Alattar]

الفحم ولع وشعلل مجيش احط الفراخ علطول

حيحصل اللي حصل معاك

لا تستنى ياحلو كده لغاية مالفحم يصفى ويبقى جمر

يعني لونه احمر ومفيش نار موجوده

وتححط ايك كده من على بعد 10 سنتمتر

متستحملش حرارة الجمر

تروح حاطط الفرخ

كل 10 دقايق تقلبها عشان متتحرقش من بره

جيب سكينه وعند مفاصل الدجا

او قريب العظم

تخبطها بطرف السكينه

ليه عشان ادم الموجود فيها يتسرب بسرعه

وتعجل بتسويتها من جوه

وعموما انا في الخدمة لو حبيت اجيلك

اعطيك دوره

وكل بحسابه

تتبيل دجاج سمك لحم

شوي وتجهيز

اكل وتنظيف

معلش يا عم مسافر تاعبينك معانا احنا كده..

و ان شاء الله أعزمك في مرة كده..بس ياريت تعيد النظر في موضوع الأكل و التنظيف ده

عشان دي الحاجة الوحيدة اللي بعرف أعملها في الموضوع ده كله

[Alattar]

ههههههههههههههههههه فكرتنى بالذى مضى

والدى متخصص شوى و كنا دايما بنتفرج عليه و هو بيشوى بس عمرى ما جربت و كنت حاسه الموضوع سهل قوى و بعد ما اتجوزت واحده صحبتى ربنا يسامحها قالتلى انى ممكن اشوى جوه الشقه فى المطبخ و افتح الشفاط و كله هيبقى تمام و لان والدى كان مسافر و كنا فى العيد و كان نفسى اشوى قوى قلت لجوزى انى هشوى فى المطبخ و هو يحاول معايا يهديكى يرضيكى و انا ابدا هشوى يعنى هشوى

وحصل و شويت و رقدت 3 ايام العيد فى السرير اعانى من عمى مؤقت و ضيق فى التنفس و الشقه ريحتها كلها دخان كأن كان فيها حريقة و كان عيد لا ينسى

اما عن الطريقه الصحيحه للشوى فهى كالاتى

المكان يكون مفتوح و ميكنش فى رياح شديده علشان الدخان ميرجعش عليك و انت بتشوى

الفحم يكون كتير و يكون فى قاع الشوايه رمل كعازل علشان الشوايه متتخرقش من الحرارة

علشان نولع محتاجين علبه حليب نيدو فارغه كبيرة و نفتحها من الجهتين و نملاها فحم و نحط عليه الجاز او مكعبات الاشعال كل ده طبعا جوا الشوايه

نولع و نسيب الفحم لحد ما يصفى يعنى يحمر و بعدها نشيل العلبه و نفرد الفحم

للشوى الفراخ لازم متكنش قطع كبيرة و لازم التقليب المستمر و علشان تعرف استوت ولالا اغرس فيها سكينه لو نزلت دم او ميه تبقى لسه نيه المهم تقلبها كل دقيقتين علشان متتحروقش

لترتيب الشوى الفراخ او الريش الاول لانهم بيحتاجوا نار حاميه و الكفته فى الاخر لانها بتحتاج تستوى على رواق

طبعا لازم تهو على الفحم طول الشوى والا هينطفى وزى ما قلت لازم الفحم يكون كتير

و بالهنا و الشفه

سبحان الله..أنا حاسس انها نفس التجربة.بس الفرق ان حضرتك في المطبخ

و أنا في الحمام..بس برضه شغلت الشفاط..بس ولا عمل أي حاجة

[Alattar]

معلش يا استاذ عطار

انت صعبت عليا خالص

cr((: cr((:

انا هاديك معلوماتى فى الاول لازمن التتبيلة

المقادير

نصف كوب (روب ) او زبادى

معلقة ك صلصلة حمرا

حبة طماطم مبشورة

حبة بصل مبشورة

واحد فص ثوم مهروس

نصف كوب خل

نصف ليمونة

بشر ليمونة

معلقة زعتر

ملح وفلفل اسود حسب الطلب

الطريقة

ومن الليل يا استاذ عطار

تمسك الفرخة وتبجها بالسكينة بجيج فى كل حتة

علشان لما تبات فى التتبيلة من الليل تتشرب كويس الطعم

ودى اهم وال خطوة ابقى اشرحها للمودام

وخلى بالك التتبيلة السرية دى من احد اشهر المطاعم السورية فى الكويت

يعنى سر فزززززيع وبنشكر عليه اخوانا السوريين اللى كانو فى المطعم وقالوهولى - وانا قولتهولك

تانى خطة تحضر الفحم قبلها بفترة وتتاكد انه ولع كويس اوى

ملحوظة

الفرخة تبقى كاملة اثناء الشوى

اذا كانت وزنها من 700 - 900 جرام

وتتقسم الى نصفين اذا كانت وزنها من 1000-1200 جرام

وتبدأ الشوى ويفضل مع وجود عدة الشغل

الشواية و والفحم والشبك

وكمان الهواية الريش ضرورية جدا

وجودك مكان فيه هواء طلق ياريت البلكونة

اغلاق اى منافذ للشقة ممكن تدخلك دخان الشواء

وتعيـــــــــــش حيــــــــــــــاتك

وموضوع ان لون الفرخة بقى اسود ولونك بقى اسود - عادى وما تقلقش - داه الطبيعى يا استاذ عطار

واختتم هذه الامسية الرائعة ان الفحم المولع بعد ما تخلص شوى ابقى استفيد منه وحط عليه براد الشاى واشرب اجمل كوباية شاى

واذا كنت هاوى ما تنساش - نفس الشيشة التفاح

و صحتين على قلبك

rs:

بس افضل لو شوايه كهربا اسهل واسرع بكتيرررررررر

طول عمرك قلبك حونين يا مدام أغابي..ان شاء الله أبلغ المودام بموضوع التتبيلة ده

و نقعدطول الليل ندعيلك لو الموضوع ده نجح ان شاء الله..و ياريت تجيبي الأسرة كلها و معزومين عندي

[mekkawy]

السلام عليكم

شوف يا عمنا العطار

الصراحة إخواننا مسافر و أغابي و س س ما قصروش معاك بس مفيش مانع نزيدك من الشعر بيتاً

السر يا ريس في حاجتين .. ايه هما؟؟؟

التتبيلة و النار

اينعم .. التتبيلة بأة السر فيها مش بس مكوناتها .. مدتها .. يعني لو هتشوي الصبح تبل من بالليل .. و لو هتشوي بالليل .. تبل من الصبح و هكذا .. و المكونات مهمة جداً كمان على قد قوة التتبيلة على قد تأثيرها في اللحم سواء كان فراخ أو لحم .. لو التتبيلة تمام ممكن تسوي الفراخ بالذات على اشعة الشمس الهادئة ولا تولع فحم ولا دخنة ولا بهدلة :closedeyes:

النار .. أعاذنا الله و إياك منها .. النار دي يا سيدي اللي هي الفحم يعني لازم يتولع صح و خد دي مني بأة و سجلها عن مكاوي .. سوي الفحم قبل اللحم .. يعني ايه

يعني الفحم كله يولع صح .. و إوعا تحط اللحم على الفحم و هو مولع نار .. لأ استمر في التهوية و التوزيع لحد م الفحم كله يبا مية واحدة زي ما قال أخونا مسافر كدة .. جمر .. كله يا عطار مش حتة منه .. و بعد كدة افرش الفحم في الشواية طولاً و عرضاً و جيب شبكتك بفرختك المتتبلة بيتي مش بتاعت بندا الفاشلة .. و حطها على الفحم .. و هوي كل ما تتطلب هوا .. أيوة هي هتطلب هتقولك هوي عليا ملكش دعوة :happy:

تستمر بأة يا ريس في التقليب و التسوية و دي المرحلة الأخيرة .. سويها على نار هادية .. و قلب باستمرار و ما تتغرش في السواد و تفكرها مستوية .. تجيب شوكة بس مش محمية .. و تغرزها في لحم الفرخة و فخادها كأنك بتعذبها .. و تطلع بالشوكة بميل كدة و تجيب معاه نسيرة من لحم الفرخة هتلاقيه مستوي و زي الفل .. و بالهنا و الشفا

نصائح عامة .. التتبيلة قوتها بتسوي عضم الفرخة و ما تشوفش المنظر المؤرف بتاع الوش المستوي و الداخلي بتاع الكفر .. أقصد الفرخة تلاقيها أحمر دم و العيال ترجع بأة و قرف كدهوت

النار المستوية مع التقليب المستمر هيطلع دخنة ريحتها حلوة و مش هيعميكوا و مش بعيد المدام و الأولاد يدفعولك حق الشوي في اخر الجيم

الجيران .. هيشموا طبعاً فاعمل حسابهم معلش

[Alattar]

ده أنت جيت في أسهل حاجه يا عطار ..

فعلاً أهم حاجه لشوي الفراخ إنك تغزها بالسكينة كم غزة عشان التتبيلة توصل لداخلها . وكمان لو فيها دم ولا حاجه جوه يبقى تتخلص منه أثناء الشوي .. وكمان النار تدخلها من الداخل ... وخلي بالك الفراخ شاطت منك عشان تلاقيك كنت واخدها لعبه وعمال تهوي على أم الفراخ جامد وتشعلل الفحم .. فأتحرقت من الخارج وبقت نيه من الداخل . .. وبالتالي خلي التهوية بسيط بسيط ...

وأهم حاجه يا عطار يا بني .. سندوتش السجق بخمس وسعبين .. أما والكبدة فبنص جنيه ... قصدي لازم تشوي طماطم صغننة .. وبصل بقشرة صغنن برضوا مع الحركات دي ... وبامانة هاتسيب الفراخ وتاكلهم حاف ...

وزي ما قالت لك أغابي .. أهم حاجه براد الشاي المعتبر .. وحجرين المعسل ...

أخوك سين سين بعون الله .. دكتوراة فقرية من مطاعم أبو شقرة لشوي الفراخ ...

بس أنا افشل واحد في الدنيا يشوي لحمة أو كفته .. عُمرها ما ظبطت معايا

النصيحة المهمة بقى وأجري على الله ..

بنده والعثيم والهايبرات الكبيرة مش بيحبوك عشان خاطر جمالك وهايبيعوا لك فراخ متتبلة .... فنصيحة لكل شاب ولكل فتاة مقبلين على حفلة بربيكيو .. جيبوا الفراخ وتبلوها في البيت ... لإن الفراخ المتتبلة جاهز دي بتبقى قربت تبوظ عندهم وبالتالي بيكلفتوها في التتبيلة عشان تضيع طعمها وريحتها المعفنة ... خدوها مني نصيحة وأنا عارف أنا بأقول إيه

ايه ده..عرفت منين يا أبو الأسيان اني عملت كده..وقعدت أهوي علي الفحم؟؟

بس بصراحة أنا كنت خايف يطفي مني..عشان كده كنت كل شوية أمرن ايدي و أهوي عليه شوية

و بالنسبة لموضوع الطماطم و البصلة..عملتهم والله و تقريبا دي كانت أمتع حاجة في أكلة امبارح

و موضوع الفراخ بتاع بنده ده أنا أول مرة أعرفه..عموما..ما حدش بيتعلم ببلاش

ان شاء الله المرة الجاية أجيب للمودام كتاب مدام أغابي صفحة التتبيلة..و أعمللها مراجعة ليلة الامتحان و الأمور ان شاء الله تمشي تمام

[Alattar]

السلام عليكم

شوف يا عمنا العطار

الصراحة إخواننا مسافر و أغابي و س س ما قصروش معاك بس مفيش مانع نزيدك من الشعر بيتاً

السر يا ريس في حاجتين .. ايه هما؟؟؟

التتبيلة و النار

اينعم .. التتبيلة بأة السر فيها مش بس مكوناتها .. مدتها .. يعني لو هتشوي الصبح تبل من بالليل .. و لو هتشوي بالليل .. تبل من الصبح و هكذا .. و المكونات مهمة جداً كمان على قد قوة التتبيلة على قد تأثيرها في اللحم سواء كان فراخ أو لحم .. لو التتبيلة تمام ممكن تسوي الفراخ بالذات على اشعة الشمس الهادئة ولا تولع فحم ولا دخنة ولا بهدلة :closedeyes:

النار .. أعاذنا الله و إياك منها .. النار دي يا سيدي اللي هي الفحم يعني لازم يتولع صح و خد دي مني بأة و سجلها عن مكاوي .. سوي الفحم قبل اللحم .. يعني ايه

يعني الفحم كله يولع صح .. و إوعا تحط اللحم على الفحم و هو مولع نار .. لأ استمر في التهوية و التوزيع لحد م الفحم كله يبا مية واحدة زي ما قال أخونا مسافر كدة .. جمر .. كله يا عطار مش حتة منه .. و بعد كدة افرش الفحم في الشواية طولاً و عرضاً و جيب شبكتك بفرختك المتتبلة بيتي مش بتاعت بندا الفاشلة .. و حطها على الفحم .. و هوي كل ما تتطلب هوا .. أيوة هي هتطلب هتقولك هوي عليا ملكش دعوة :happy:

تستمر بأة يا ريس في التقليب و التسوية و دي المرحلة الأخيرة .. سويها على نار هادية .. و قلب باستمرار و ما تتغرش في السواد و تفكرها مستوية .. تجيب شوكة بس مش محمية .. و تغرزها في لحم الفرخة و فخادها كأنك بتعذبها .. و تطلع بالشوكة بميل كدة و تجيب معاه نسيرة من لحم الفرخة هتلاقيه مستوي و زي الفل .. و بالهنا و الشفا

نصائح عامة .. التتبيلة قوتها بتسوي عضم الفرخة و ما تشوفش المنظر المؤرف بتاع الوش المستوي و الداخلي بتاع الكفر .. أقصد الفرخة تلاقيها أحمر دم و العيال ترجع بأة و قرف كدهوت

النار المستوية مع التقليب المستمر هيطلع دخنة ريحتها حلوة و مش هيعميكوا و مش بعيد المدام و الأولاد يدفعولك حق الشوي في اخر الجيم

الجيران .. هيشموا طبعاً فاعمل حسابهم معلش

متشكرين يا عمو مكاوي..هو بصراحة لسه مافيش عيال..و الحمد لله ان مافيش..والا كانوا فضحوا أهلي قدام أي حد جايلنا البيت

بس ايه يا عم الحلاوة دي

الفحم..قبل...اللحم

أنا هكتبها في لوحة كده و أعلقها فوق الشواية..ايه المواهب دي

متشكرين يا فندم و ان شاء الله ليك انت كمان عزومة عندي..بس لما أطمئن ان ما فيش أي خسائر بشرية ان شاء الله في المرة القادمة

[Alattar]

اخواني الكرام..كلكوا جبتوا حلول لموضوع التتبيلة و الفحم

بس ما حدش جاب سيرة بنطلون البيجاما الأزرق اللي بقي كله اخرام...ما حدش عنده فكره كيف أستغله؟؟

[mekkawy]

شوف يا سيد الناس

بالنسبة للأنتي هولز سولوشنز بتاعت المنطلون البلو بتاع البيجاما بتاعتك .. دي حاجة سهلة أوي

انتي تقدر توسع الهولز دي شوية و بعد كدة تشوي فيها الفرخة مع وضع طبقة عزل على المنطلون طبعاً عشان ما يشيطش

في حل تاني .. إنك تقدم طلب للمدام ببيجاما جديدة بدل فاقد طبقاً لقانون العمل و يا ريت تغير اللون الأزرق للون الأحمر .. أيون أحمر

و بعدين انت أصلاً حد يلبس بيجاما و هو بيشوي .. يا عم حد يلبس اصلاً و هو بيشوي :closedeyes:

عامة يا عطار يا أخويا اذا كنت في جدة فإنت من السعداء اللي ربنا أكرمهم بجوار السيد مكاوي و نقدر نتقابل في حفل شواء عائلي لذيذ و نتبادل الخبرات .. و دمتم

[Alattar]

شوف يا سيد الناس

بالنسبة للأنتي هولز سولوشنز بتاعت المنطلون البلو بتاع البيجاما بتاعتك .. دي حاجة سهلة أوي

انتي تقدر توسع الهولز دي شوية و بعد كدة تشوي فيها الفرخة مع وضع طبقة عزل على المنطلون طبعاً عشان ما يشيطش

في حل تاني .. إنك تقدم طلب للمدام ببيجاما جديدة بدل فاقد طبقاً لقانون العمل و يا ريت تغير اللون الأزرق للون الأحمر .. أيون أحمر

و بعدين انت أصلاً حد يلبس بيجاما و هو بيشوي .. يا عم حد يلبس اصلاً و هو بيشوي :closedeyes:

عامة يا عطار يا أخويا اذا كنت في جدة فإنت من السعداء اللي ربنا أكرمهم بجوار السيد مكاوي و نقدر نتقابل في حفل شواء عائلي لذيذ و نتبادل الخبرات .. و دمتم

متشكرين يا عمو مكاوي علي اقتراحاتك بخصوص المنطلون..و بالنسلة لتقديم طلب شراء بيجاما جديدة

أعتقد ان هيتطلب تعميد مدير الشئون المالية..و ده ما بيوافقش علي حاجة

للأسف أنا في الرياض..كان يبقي ليا الشرف والله اني أتعرف عليك..بس ملحوقة ان شاء الله..لو جيت جدة في يوم..هجيب شنطة الفحم..و العدة كلها..و أعدي عليك ان شاء الله