تحية خاصة لفتفوتة

[مصري أصيل]

أنتم مفكرين فتفوته دي فرد ؟؟؟؟؟

دي منظمه دوليه بيشتغل فيها عشرات الأشخاص كان الغرض منها إنجاح الثوره و بعد كده لما الثوره نجحت بقي الغرض منها دعم الثوره و مقاومة أعداء الثوره

لأن بالتأكيد يا جماعه اللي عامل المجهود ده كله لا يمكن يكون فرد واحد ( بسم الله ما شاء الله طبعاً) يعني جميع أخبار الثوره و

ما بعد الثوره من أخبار و نقل لقاءات تليفزيونيه و كليبات و صور و يكون شخص واحد اللي بيعمل كل ده

بجد مدام فتفوته خلتنا ما ندورش علي اي خبر في اي مكان تاني

و الله من فتره طويله نفسي أفتح التوبك ده بس بصراحه ما كنتش عارف اقول فيه ايه

بجد تحية تقدير و احترام لمدام فتفوته

و تأكيد علي ضرورة منحها وسام و لو انها تستحق أكثر من ذلك

[tarek hassan]

من باب العرفان بالجميل

نشكر الفاضلة فتفوتة لما بذلته ومازالت تبذله من جهد وما لها من فضل

وهي تستحق أعلى أوسمة المحاورات وكيف لا والموضوعات اللي كانت بتشارك فيها وصلت لأعلى معدل في القراءة والمشاركة بالأرقام وهو ما لم يحدث من قبل وليس ذلك من فراغ

عشنا في قلب الحدث وما زلنا بسبب تلك النقلة النوعية وقدرنا نتواصل مع الصفحات العديدة من خلالها هي وزملائها

أشكرها وأشكر الجميع وصاحبة الموضوع المتميز

وإلى الأمام

تم تعديل 12 مارس 2011 بواسطة tarek hassan

[التونسى]

وأنا بدورى أقدم لها خالص التحيه ...الخاليه من أى شائبة مجامله .. ف إحقاقا للحق .. الاخت الفاضلة فتفوته لها مجهود فى المتابعه الإعلاميه ملحوظ ومميز . الى جانب موضوعات متميزه ايضا .. جزاها الله كل خير على نشاطها المفيد والمثمر والايجابى بالمحاورات

[arkan]

السلام عليكم ورحمة الله وبركاته

من باب من لا يشكر الناس لا يشكر الله

انا داخلة خصوصا اقول لفتفوته جزاكي الله خيرا وربنا يجعله في ميزان حسناتك

ويجعل عملك خالص لوجه الله وأدام الله عليكي الصحة وتفضلي دينامو المحاورات

وشكرا ريهام على اللفته الطيبة كلك ذوق

ولا ابخس الاخوة والاخوات الافاضل اللى اتعلمت منهم

بارك الله فيكم جميعا

[عنبو]

فتفوته دى بنت بلد وجدعه

وتستاهل كل خير

انا رأى انها تستحق وسام عن المجهود الجبار اللى بذلته اثناء الثوره

ورأى ايضا اننا نمسكها مشرفه لمدة شهر بس مش عاوزين نكتر اكتر من كده

علشان نفسها مش تتغير يعنى اصل الكراسى بتغير الناس برده

تحياتى

عنبو الاعانيب

[Om Zayd]

حبيبتي لماضة

جزاكم الله خيرا على هذا الموضوع

دايما سباقة بالخير

فتفت حبيبتي

دايما مونساني.. بالذات بالليل

أهديكِ

على جنب

بلاش الى الامام دي .. منه لله القذافي

:closedeyes:

و بعدين ايه حكايةالاعتصام؟

انتم ما شفتوش الجيش عمل ايه في المعتصمين؟؟

:protest:

و بعدين بلاش

"فئوية

[Alrefaey]

فتفوتة الرائعة لكى منا خالص الود والتقدير

[Howayda Ismail]

دايما سباقة بالخير يالماضة

اقبلى منى دى

اما فتفت حبيبتنا كلنا فهى تستحق ماهو اكبر من الاوسمة على جهدها وتعبها وتميزها الواضح

وده اقل تعبير ممكن اقدمه لاول صديقة لى فى المنتدى

[Advisor]

تقديرا لجهود الفاضلة fatfouta فى تغطية ثورة 25 يناير إخباريا سواء من ميدان التحرير أو من مصادر الإعلام المختلفة ، فقد تم منح الفاضلة fatfouta وسام التألق الوردى الفضى.

و أنتهز هذه الفرصة و أدعو لها بدوام التوفيق.

[م تيمور المراغي]

تقديرا لجهود الفاضلة fatfouta فى تغطية ثورة 25 يناير إخباريا سواء من ميدان التحرير أو من مصادر الإعلام المختلفة ، فقد تم منح الفاضلة fatfouta وسام التألق الوردى الفضى.

و أنتهز هذه الفرصة و أدعو لها بدوام التوفيق.

الف الف مبروووك يا فتفت

والشكر موصول للادارة الكريمة

[لماضة مصرية جدا]

تقديرا لجهود الفاضلة fatfouta فى تغطية ثورة 25 يناير إخباريا سواء من ميدان التحرير أو من مصادر الإعلام المختلفة ، فقد تم منح الفاضلة fatfouta وسام التألق الوردى الفضى.

و أنتهز هذه الفرصة و أدعو لها بدوام التوفيق.

خبر حلو كتير......مبرووووووووووووووووووووووووووووووووك فتافيتو......فتافيتو مبرووووووووووك

حد بقي ينزل باغنية...اخترناه و بايعناه

و لا بلاش دي

مساكو لمة محاوراتية حلوة

(وش عيل عمال يجري بيدور يجيب بمب و بلالين)

[ozoozo]

ايه ده انا ماكنتش اعرف ان المطالب هاتتحقق بالسرعه دي

حيث كده انا عايز صينيه بط بالبرتقان:closedeyes:

[arkan]

مبررررررررررررررررررررررروك

[م تيمور المراغي]

تقديرا لجهود الفاضلة fatfouta فى تغطية ثورة 25 يناير إخباريا سواء من ميدان التحرير أو من مصادر الإعلام المختلفة ، فقد تم منح الفاضلة fatfouta وسام التألق الوردى الفضى.

و أنتهز هذه الفرصة و أدعو لها بدوام التوفيق.

خبر حلو كتير......مبرووووووووووووووووووووووووووووووووك فتافيتو......فتافيتو مبرووووووووووك

حد بقي ينزل باغنية...اخترناه و بايعناه

و لا بلاش دي

مساكو لمة محاوراتية حلوة

(وش عيل عمال يجري بيدور يجيب بمب و بلالين)

دي عاوزه من الساري ومنك يا لماضة تحية خاصة جدا ,,

بفنكم الراقي المبدع الساحر

عمل فني خاص بفتفوته ,,

وفتفت تستاهل كل خير والله ,,

تحيتي للجميع ,,

[م تيمور المراغي]

ايه ده انا ماكنتش اعرف ان المطالب هاتتحقق بالسرعه دي

حيث كده انا عايز صينيه بط بالبرتقان:closedeyes:

الحياة مش بس كبده جملي وبط بالرتقان يا اوزو :happy:

فيها احلام بتتحقق واوسمة ونياشين وتكريم واعتبارات ادبيه طعمها احلى بكتير اوي ,,

[tarek hassan]

ألف مبروك وبالتوفيق والنجاح على الدوام إن شاء الله

وتقبل الله منها ومن الجميع

تم تعديل 12 مارس 2011 بواسطة tarek hassan

[أهااات روح]

بجد والله يافتفوتة انتى تستاهلى كل خير على المجهود الرائع الى انتى قايمة بيه من وقت الثورة لغاية دلوقتى

انا الفترة الى فاتت دى كلها كنت بتابع تطور الاحداث منك انتى علشان ابنى والحمد لله مسيطر على التليفزيون سيطرة تامة 24 ساعة من براعم لسبيس تون

لف الف مبروووووووووووووووووووووووك وانتى تستاهلى اكتر من كده بكتييييييييييييير

[pink rose]

ايه داااااااااااااااااا

انتوا عاملين حافلة هنا و سايبني اشد في شعري من الكائن الحي اللي انا مخلفاه

ماشي الله يسامحكم

مبروك يا فتفوتة

و الله طول الايام اللي فاتت لما يفوتني حاجه ببقى عارفه اني هالاقيكي حاطاها هنا

و الاهم من دا انك بتعملي مراسل صحفي ليل نهار

لدرجة اني كنت باسأل نفسي هي فاطمة سربت العيال و ابوهم و لا ايه

ههههههههههههههههه

مبروك مرة تانية

بس بعد كده اللي يعمل حفلة و ما يقوليش هابعتله مريم

وش كده :closedeyes:

[Folana]

السلام عليكم ورحمة الله...

ياه ه ..أخيراً لقيت موضوع بيعبر عن مكنونات نفساويتى...

والله يافتفت كان نفسى أفتح الموضوع ده بس نظراً لظروفى الإشرافية ، إنحرجت من باقى الإخوة ليفتكروا ان الإدارة بتبيع خيار وفاقوس وكده ...

بس بجد أنا شخصياً بأتابع معظم الأحداث من مداخلات فتفت...وفى مكالمة هاتفية مع استاذ عادل قلت له بالحرف ان فتفوتة باعتبرها المراسل الصحفى للمحاورات .....

شكرا يافتافيتو على كل الاخبار الجميلة واللى مش...وشكرا على مجهودك الرائع وربنا مايقطع لك ثوارات

وشكرا يا لمضمض انك فتحتى الموضوع ده ليكون بمثابة ميدان تحرير أخر نتظاهر فيه للتعبير عن شكرنا وحبنا لفتافيتو..

ومع فتفوتة من قلب الحدث الى ناصية المحاورات ..مش حتقدر تغمض عينيك...

[fatfouta]

تقديرا لجهود الفاضلة fatfouta فى تغطية ثورة 25 يناير إخباريا سواء من ميدان التحرير أو من مصادر الإعلام المختلفة ، فقد تم منح الفاضلة fatfouta وسام التألق الوردى الفضى.

و أنتهز هذه الفرصة و أدعو لها بدوام التوفيق.

الأب الفاضل الغالى

انا بجد مش عارفة أشكر حضرتك على تقديرك اذاى

لكن انا بجد شايفة إنى لا أستحق أى وسام لانى اللى بعمل وربنا هو الوحيد اللى عالم بالنوايا مش عشان اى اوسمة

وانا كمان شايفة انى ماعملتش ولا حاجة عشان اخد وسام غير انى بحب بلدى وبحب المحاورات وبحس انى غيرانة عليها دايما وانه لازم يبقى فيه كل جديد

انا والله ما عارفة اتكلم خالص عشان كده هسكت

لكن انا بشكر حضرتك جدااا

وتقبل منى كل الحب والتقدير والتحية لانى فعلا دايما أشعر انك أب لينا كلنا

:hi: :hi: