عايزين نبخر المنتدي....حابس...حابس

[لماضة مصرية جدا]

السلام عليكم و رحمة الله و بركاته

مش عارفة ليه الليلادي دخلت حسيت ان احنا عايزين نبخر المنتدي....(وش اي واحدة مش شايفة من دخان البخور)

و عشان نبقي عمليين

ممكن اللي متضايق من حد....او اللي عاتب علي حد

او اللي لبس جلابية الخناق......و مسك في جلابية اللي قدامه

ممكن بس

تعالوا التوبيك

خدوا نفس......(محدش يفهمني غلط....قصدي نفس عميق...من الهواء النقي)

اقعدوا مع نفسكم شوية كده

اهدوا

افتكروا ان كل واحد من حقه يعبر عن افكاره....و يصطدم برضه بافكار مخالفة ليه

اللي عايز يتصالح.....يتفضل هنا

و الاجمل اللي بيبتدي بالسلام ع فكرة

هروح اجيب رجل ارنب ....و عين العفريت.....و ربنا يديم علينا اللمة المحاوراتية

مساكم....من غير اي زعل خاااااااااااااالص

مين قال

ابتدي

؟؟؟؟؟؟؟؟؟

[م تيمور المراغي]

انا فيه سبعين واحد وواحده زعلانين مني

ايه العمل ؟؟ هههههه

:happy:

[aimen]

انا مش معاكى يا لماضة

احنا عاوزين نبخر مصر كلها فى الفترة دى مش المنتدى بس

ونعرضها للشمس علشان بقايا العهد البائد تختفى

ونحاول نبدا من جديد وعلى نظيف فى كل حاجه

[fatfouta]

والله انتى بنت حلال كنت لسه داخلة اقول كده برضو

احنا اتحسدنا يا ولاد صلوا عالنبى دى عين وصابتكم والله

مافيش داعى نقف لبعض عالواحدة لازم نعدى شوية

الله يخليكم يا جماعة كل واحد يضليق من التانى يعد من واحد لعشرة

ويقول...اللهم انى اعوذ بك من شرورهم واجعلك فى نحورهم

الدعاء ده بجد لما بيكون فيه خناقة بين اى اتنين بحبهم بدعيه وربنا بيهدى نفوسهم ان شاء الله

ارجع يا ريس.....إرجع عملنالك الفتنة اللى كنت عاوزها ارجع بقى

[aimen]

لا وانتى الصادقة يا مدام فتفوتة

ارجع يا ريس

الجيش غرقنا رسائل SMS

[fatfouta]

لا وانتى الصادقة يا مدام فتفوتة

ارجع يا ريس

الجيش غرقنا رسائل SMS

هو بيبعت لك يا ايمن؟؟؟

طب إشمعنى انا بقى ماحدش بيبعت لى..

همسك انا فى خناقك دلوقتى بقى

[باهى الطائر الحزين]

السلام عليكم يا

ممكن تسبنى فى حالى {الله} يخليك

اما انت بقى :h!!!h:

ربنا يسمحك

وانا برده زى ما انت عارف الكبير :buba:

[م تيمور المراغي]

طب تخيلوا

انا الطقم كله وحشني

العادلي و احمد عز وجمال مبارك و سرور موافقة

دي عشره برضوا يا اخواننا

عيب علينا كده !

[Folana]

السلام عليكم ورحمة الله...

بالرغم من ان دوامى انتهى من ساعة تقريبا ...وعايزة ألحق الرز باللبن..لكن لما قرأت جملتك دى يا فتفت قلت لازمن أرد

ويقول...اللهم انى اعوذ بك من شرورهم واجعلك فى نحورهم

الدعاء ده بجد لما بيكون فيه خناقة بين اى اتنين بحبهم بدعيه وربنا بيهدى نفوسهم ان شاء الله

انت كده تبقى بتحبيهم ؟ :)

موضوع جميل يا لماضة...ونفسى أشارك فيه ..بس دعوة فتفوتة وقفت فى زورى ..:)

لى عودة صباحا ان شاء الله

تصبحوا على خير

[spain]

انا تقريبا جديدة في وسطيكم

الباك جروند عندي عن مضمون الموضوع ده

شبه منعدم

قليل جدا بادخل المنتدي

ويمكن زاد من اسبوع

وباستفاد من المنتدي وبحبه لاني حسيت ان الاعضاء فيه بيحبوا بعض باحترام

-------------------

وعلي هامش :happy: الموضوع

اي حد شايف نفسه .....حسن

يشوف سوكة بتعمل ايه

وما يجيبش اجوان

http://www.youtube.com/watch?v=iFvFP7wAjEk

My link

[لماضة مصرية جدا]

انا فيه سبعين واحد وواحده زعلانين مني

ايه العمل ؟؟ هههههه

:happy:

مش صعبة دي

متهيالي تقول حضرتك

انا

آ

س

ف

سهلة دي.......

و مترخمشي عليهم تاني...

برضه سهلة دي

و لوحسيت ان اللي قدامك راح ينحرج يبقي خلاص تسيبه في حاله....

سهلة دي

اقول لحضرتك ايه تاني

سهلة دي

مش كده

[م تيمور المراغي]

انا فيه سبعين واحد وواحده زعلانين مني

ايه العمل ؟؟ هههههه

:happy:

مش صعبة دي

متهيالي تقول حضرتك

انا

آ

س

ف

سهلة دي.......

و مترخمشي عليهم تاني...

برضه سهلة دي

و لوحسيت ان اللي قدامك راح ينحرج يبقي خلاص تسيبه في حاله....

سهلة دي

اقول لحضرتك ايه تاني

سهلة دي

مش كده

ليكي حق يا ريهام

انا آسف لكل من تعديت عليه منكم ,,

و بقول اني كنت مجبر على ذلك احيانا واحيانا اخرى سوء تفاهم او تسرع واحيانا ثالثة بسبب الضغوط اللي كلنا كنا واقعين فيها

واصلا من غير مبررات ,,

الاعتذار فضيلة والكبر وبطر الحق من شيم الضعفاء

والذي يبدا بالسلام له الاجر الكبير

وقد مددت يدي اليكم جميعا بالسلام

[لماضة مصرية جدا]

طب كان نفسي قبل ما اخش انام احس اني عملت حاجة يعني....حتي لو كانت الكترونية انترناتية

و حيث ان لسه محدش ابتدي بالصلح

ابتدي انا

انا اسفة

احيانا بحس ان لساني طويل....(هو مش احيانا....هو طول الوقت الحقيقة :closedeyes: )

فأنا آسفة لو كنت ضايقت حد....او حداية

و اوعدكم.....اني اخده غرزتين رجل الكنبة

و احاول اتحلي بالاخلاق الرفنتوعة

(هحاول.......هحاول...هحاول....بس مقدرشي اوعد....وش اي عيل عمال يدخل لسانه جوه بوقه)

يالا صافي يا لبن

تصبحوا.....علي قلب مسامح

و كون بيقولكم....و الله ما مستاهلة

مسااااااكم.....سماح...(بس مش سماح انور.... :P )

[الســـاري]

يا جماعة انا شايف الوضع جاد وزاد .. والتبخير ضروري

نقول اللهم صلي وسلم على سيدنا محمد رسول الله

حاشاكم اخواني واخواتي الافاضل ان تكونوا فريسة للانفعال ، كل من هنااشخاص نكن لهم جميعا كل تقدير واحترام

اخي المحاور .. التمس العذر لاخيك مرتين وثلاث .. نربأ بكم ان تكونوا ممن يفقدهم الانتصار للذات حلمهم الذي عرفناه بهم .. او ان يعتقد احدكم بالاخر او يفترض سوء ظن ..

كلنا نغضب .. كلنا نثور .. كلنا ( تصعب ) علينا انفسنا بشكل او بآخر .. كلنا فينا هذه الصفة بشكل او بآخر

انتم الان تمرون في ايام صعبة اسأل الله ان ينهي اموركم بما يسركم .. فلا يصح ان تعتبوا على بعضكم .. بل يجب عليكم الان اكثر من اي وقت مضى ان تلتمسوا لبعضكم الف عذر ..

خضتم ما يشبه الحرب المصغرة .. و القصص التي رويتموها عن تعرض اقرب اقاربكم لمشاكل و اصابات ايام الثورة تجعلنا جميعا نعذركم وندعو الله ان تلتئم الجراح وتندمل الالام

وما كان من المشاركات الاخيرة فهذه بإذن الله نهاية المطاف لهذه الخلافات .. كل منا يتعرض لضغوط عندما يشعر ان الغير لا يفهمه ، او يضطر لأن يفتح جبهات مع الكل كي يدافع عن وجهة نظره وقناعاته الشخصية

اساتذتي الافاضل .. لا داعي للخوض اكثر بالتفاصيل .. فالشيطان في التفاصيل كما يقول الانجليز .. انما هو سوء فهم ودفاع شريف لكل منكم في قضية شريفة كما يراها .. ..

وارجو ان تسامحوني على تدخل اخوكم الاصغر فيما لا يعنيه

ولا تنسوا

وخيرهما الذي يبدأ بالسلام

[باهى الطائر الحزين]

ولو

الاهى وانت جاهى

تخبطك مراتك بكزرلة اللبن الصبح بدرى

علشان مترحش الشغل،وتترفد واشوفك بتشحت

وماشى حافى وبتشد فى شعرك (الجعيدى)1 المنكوش

قولوا امين يارب :waving:

1- اقتباس

[عبير يونس]

قضيت معظم عمري

حاملة هم اللي يزعل

و محبش حد يزعل مني

و لازم أصالح الناس حتى لو مش غلطانة

عشان أعرف أنام

و في ناس فعلا يستاهلوا منزعلهمش أبدا

بس في فرق لما تعمل كده مع واحد متعصب شوية بس أبيض من جوة

و تهدى انت و تهدي الأمور

و في ناس فعلا مينفعش معاهم كده

بل كل ما كنت طيب معاهم كل ما تاخدهم العزة بالإثم و يزدادوا صلفا و غرورا

لازم تواجههم

و يزعلوا مش مشكلة

ما هو أصلنا مش ممكن حنقدر نرضي جميع الناس

الناس دي بيبقى مخها حجري و بتكون فكرة في راسها عنك و تبتدي تعاملك على أساسها

و دول لازم يتقال لهم

طزززززززززز

بكل ما تعنيه الكلمة

رأيكم في لا يمثلني أنا و لكن يمثلكم أنتم

و نقلب صفحتهم تماما من حياتنا

مفيش بني آدم مهما كان يستاهل ياخد من أعصابنا و يحرق دمنا

لذلك لازم النوعية دي نقوم ببترها من حياتنا

و نكمل طريقنا

بمنتهى راحة الضمير

و النار اللي جواهم يولعوا بيها

[م تيمور المراغي]

هل ياتي الصلح بدون العتاب

ام لابد اولا من العتاب

ثم يعقبه الصلح ؟

[باهى الطائر الحزين]

طزززززززززز.؟؟؟!!!

اسلوب جديد وفريد

ول سيف الاسلام القذافى السبق

وحقوق الابتكار

اللهم اجعل كلامنا خفيف عليهم يارب

اعلن تضامنى مع عنبو

بس انا قاعد على قلبهم

[الســـاري]

الصلح يعني تضحية

والتضحية بالامور الكبيرة .. مش الصغيرة ..

وفيه فرق شاسع بين التضحية .. وبين التنازل

كلنا ضد التنازل .. وده مش عيب

بس الشجاعة بالتضحية ..

لازم نضحي

هي الحياة كدة .. مجبورين نعيشها كده .. لما تمنح مساحة سلام مش هتحس ان التضحية صعبة اوي

وما تنظرش ان التضحية تنازل .. التضحية ايثار ..

والايثار منزلة عظيمة في النفس .. توصلها النفوس السامية .. اللي ما تنظرش لصغائر الامور ..

كلنا هننسى اي مشكلة حصلت .. النسيان مش صعب .. بس الصعب .. هنقدر نعدي فترة العتب بدون كلمات تزعلنا قبل ما تزعل غيرنا

التضحية .. ممكن تكون صعبة .. بس فعلا هي للنفوس الكبار

[الســـاري]

هل ياتي الصلح بدون العتاب

ام لابد اولا من العتاب

ثم يعقبه الصلح ؟

الصلح اولا .. حتى تكون الارضية ممهدة للعتاب فيما بعد