عايزين نبخر المنتدي....حابس...حابس

[م تيمور المراغي]

هل ياتي الصلح بدون العتاب

ام لابد اولا من العتاب

ثم يعقبه الصلح ؟

الصلح اولا .. حتى تكون الارضية ممهدة للعتاب فيما بعد

انا معاك

لكني قابلت من البشر النوع التاني ,,

ده بقى اللي عاوز منك صبر الجبال

بس في النهاية بيكون الصلح معاه

اشد من فولاذ ,,

[عبير يونس]

هل ياتي الصلح بدون العتاب

ام لابد اولا من العتاب

ثم يعقبه الصلح ؟

شوف يا ارك باشا

الأرواح جنود مجندة

ما تعارف منها ائتلف و ما تناكر منها اختلف

في ناس مع بعضها ما تحتاجش عتاب

و بيروقوا بسرعة

من غير اعتذار و لا عتاب

و في ناس طيبة بس ممكن تقول حاجات أو تعمل حاجات

من غير ما تحس ان وقعها جامد على الآخرين

فدول مفيش مانع نواجههم بلطف و ممكن بطريقة غير مباشرة باللي بيعملوه

و حسب أهمية الانسان اللي قدامك

بتختار له طريقة تناسبه

اما لو الشخص مش مهم أساسا

فلا داعي أصلا لإضاعة الوقت في البحث عن طريقة تناسبه

ابتعد عنه

و لا تفكر فيه

تعرف يا ارك

كنت بافتكر زمان ان الناس الشريرة بيبقى شكلهم وحش و بيخططوا للشر

و اكتشفت ان محدش بيعترف بالسوء اللي جواه

و دايما بيعتبر نفسه ضحية

و يبرر لنفسه تصرفاته

و الحقيقة لا أميل لتصنيف الناس لأشرار و أخيار

لأن التصنيف ده غير سليم تماما

في ناس مثلا بحبهم جدا و معايا زي العسل و خدومين جدا و جدعان جدا

و الاقي اصحاب تانيين بيعيطوا منهم بالدموع

كلنا فينا خير وشر

بس سبحان الله ربنا يرزقنا خيرهم و شرهم يذهب لغيرنا

عشان كده ما باشغلش نفسي كتير بالتفكير

باسيب نفسي لأحساسي

تهت مني مش كده :blink:

عموما كويس انك بتحب الناس و مبتحبش حد يزعل منك

ده شيء طيب

ربنا يزيدك

العتاب بينفع مع البعض

و بيكبر المواضيع مع البعض

عن نفسي مبحبوش أبدا

عن تجارب كتير بيزود الخلاف

و مادام الصلح تم يبقى ايه فايدة العتاب؟

من الآخر

كل واحد له مفتاح

لو الشخص يهمك

يبقى لازم تدور على المفتاح

[أيمن عبد العزيز]

السلام عليكم و رحمة الله و بركاته

قد لا أكون أهلاً للتدخل في هذه المشكلة بحكم حداثة عهدي بكم و بحكم كوني دخيلاً إلى حدٍ ما عليكم أو هذا ما أشعر به

و لكن لي رأي أود أن أقوله و أرجو أن يتسع صدر الجميع له

خلافات و مشاكل المنتديات جميعها سببها الوحيد سوء الفهم المبني على توقع نية الطرف الآخر و هو مبدأ خاطيء فلا يعلم النوايا إلا الله ، لذلك فحل الخلافات بدون مواجهتها و تحليلها يتشابه مع المجالس العرفية اللتي لا تسمن و لا تغني من جوع

غالباً تُحل خلافات المنتديات بمثل هذا الموضوع الملائكي للفاضلة ريهام و لكن هذا الأسلوب يذيب ما يطفو من المشكلة على السطح و يبقي الجزء الأكبر منها في الأعماق

و الحلول اللتي تعتمد على إحراج طرف على حساب طرف لا تجدي فعلى حسب إجماع الفقهاء ما أخذ بسيف الحياء فهو حرام

الحل الجذري هو المواجهة في هدوء و شرح إختلاف وجهات النظر و شرح المقاصد الحقيقية من أفعال الطرفين و هنا سيتحدد هل هناك مخطيء أم أن القصة كلها إعتمدت على سوء فهم من الطرفين بناءاً على قراءة كل طرف لنوايا الطرف الآخر

في النهاية أتمنى أن يدوم الود دائماً و يبقى المحاورات معتصماً بأعضائه و مشرفيه اللذين هم عماده و كل ثرواته

[عبير يونس]

طزززززززززز.؟؟؟!!!

اسلوب جديد وفريد

ول سيف الاسلام القذافى السبق

وحقوق الابتكار

اللهم اجعل كلامنا خفيف عليهم يارب

اعلن تضامنى مع عنبو

بس انا قاعد على قلبهم

!!!!!!!!!!!!!!!!!!!!!!!!!!!!!!!!!!!!!!!!!!!!!!!

:blink:

[م تيمور المراغي]

..............

لو الشخص يهمك

يبقى لازم تدور على المفتاح

لا ماتهتش منك ,,

بل وصلني كل حرف كتبتيه يا مصرية ,,

ونفسي نبدا احنا بنفسنا

انا صالحت كل الموجودين واعتذرت ,, واتمنى الكل هنا يقول للاخرين نفس الكلام ,,

لجيل السبعينات

كلمات سيد حجاب والحان عمار الشريعي ,,

ماشية اوي مع مود التوبيك ده ,,

http://www.youtube.com/watch?v=hY2nUK8jpqs

[عبير يونس]

..............

لو الشخص يهمك

يبقى لازم تدور على المفتاح

لا ماتهتش منك ,,

بل وصلني كل حرف كتبتيه يا مصرية ,,

ونفسي نبدا احنا بنفسنا

انا صالحت كل الموجودين واعتذرت ,, واتمنى الكل هنا يقول للاخرين نفس الكلام ,,

لجيل السبعينات

كلمات سيد حجاب والحان عمار الشريعي ,,

ماشية اوي مع مود التوبيك ده ,,

http://www.youtube.c...h?v=hY2nUK8jpqs

اذا تقصدني أنا إني أعتذر لحد

فأنا ممكن أطاوعك و أريحك و خلاص و انا مش فاهمة أنا بأعمل إيه ؟ و ليه؟

بس بجد مينفعش أعتذر عن غلط مش مقتنعة اني قمت به أساسا

و لو حسيت اني غلطانة لا ينقص من قدري نهائيا اني اقول إني آسفة

بس لما أحس إني غلطت في حد حأبقى أعتذر

و اذا كنت تقصد حد تاني

فكل واحد حر

عن نفسي مش زعلانة من أي حد و لا مستنية اعتذار من حد

و على فكرة انا داخلة هنا اتحاور

و مش بأقصد حد معين زي ما البعض تصور

أنا باتكلم بشكل عام

[م تيمور المراغي]

طيب فكرتي انك تعتذري لانسان ما

ومش قصدي حد معين على فكره

لمجرد انه واخد على خاطره منك !

حتى لو عارفه انك ما غلطتيش

انا والله ماقصدي على موقف معين

انا بتكلم بتجرد على العموم ,,

[عبير يونس]

الصلح يعني تضحية

والتضحية بالامور الكبيرة .. مش الصغيرة ..

وفيه فرق شاسع بين التضحية .. وبين التنازل

كلنا ضد التنازل .. وده مش عيب

بس الشجاعة بالتضحية ..

لازم نضحي

هي الحياة كدة .. مجبورين نعيشها كده .. لما تمنح مساحة سلام مش هتحس ان التضحية صعبة اوي

وما تنظرش ان التضحية تنازل .. التضحية ايثار ..

والايثار منزلة عظيمة في النفس .. توصلها النفوس السامية .. اللي ما تنظرش لصغائر الامور ..

كلنا هننسى اي مشكلة حصلت .. النسيان مش صعب .. بس الصعب .. هنقدر نعدي فترة العتب بدون كلمات تزعلنا قبل ما تزعل غيرنا

التضحية .. ممكن تكون صعبة .. بس فعلا هي للنفوس الكبار

كلام جميل يا ساري

و مش صعب اطلاقا

إذا كان لشخص يستاهل

هذا هو الشرط الوحيد

[عبير يونس]

طيب فكرتي انك تعتذري لانسان ما

ومش قصدي حد معين على فكره

لمجرد انه واخد على خاطره منك !

حتى لو عارفه انك ما غلطتيش

انا والله ماقصدي على موقف معين

انا بتكلم بتجرد على العموم ,,

ما قلنا يا باشمهندس

الموضوع يتوقف على أهمية الشخص نفسه

و اللي يحدد الأهمية دي هي المحافظة على الحدود و الاحترام المتبادل

اللي يتخطى حدوده ميلزمنيش

مهما كان

و مهما كانت معزته أو غلاوته السابقة

إلا قلة الاحترام

لا تغتفر عندي نهائيا

و مع ذلك لا أجنح للعداء مطلقا

فقط يكون كل واحد في حاله و ربنا يسهل عليه

[باهى الطائر الحزين]

احيانا البعض منا يدفعه الغرور

الى عدم الاعتراف بأنه مخطئ

على الاقلب بينه وبين نفسه

والبعض يعمى اصلا عن اخطائه

وانا هنا اتكلم بشكل عام

وليس فى نيتى احد على وجه الخصوص

تم تعديل 14 مارس 2011 بواسطة طائر الليل الحزين

[م تيمور المراغي]

ليس الواصل بالمكافيئ

لكن الواصل

من اذا قطعه الناس

وصلهم ,,

التغلب على النفس

هو اصعب الجهاد ,,

[الســـاري]

مصرية مغتربة

في اول ليالي العتاب .. لا يجد الصلح مكانا .. هذه حقيقة

نحن نقول فقط .. امنحوا انفسكم مهلة تفكير ..

ليس هذا الوقت الملائم للحكم ان كانت الارواح ائتلفت او اختلفت

لن يصور لي عقلي في حالة العتب او الغضب .. ان من اختلف معه تقع روحينا على نفس الموجة

والكلام الذي قاله الفاضل

MEMES

كلام رائع في محله ونشكره عليه

نحن في النهاية في منتدى

لا تربطنا مصالح عمل .. او واجبات قرابة .. او التزامت عيش مشترك

ان هي الا مساحة نتنفس فيها .. ونتحاور .. وتتلاقى الافكار لا الشخوص

قد تقع كلمة وهي مقروءة موقعا عظيما في النفس يختلف في حالها ان كانت الكلمة مسموعة

عندما نتكلم .. تحكم نبرة الصوت صدق عاطفتنا .. ان كنا نعني منها ما يثير النفس او يهدئها

لكن الحروف .. قد تقع موقعا آخر .. ليس بالضرورة ان تكون في مكانها الصحيح

قبل عدة ايام .. قلتي كلمة يا سيدتي .. قلتي ان الابتسامات والسمايلز وضعت في المنتديات لتعبر عن روح العبارة

احتجتي ان تقولي هذه العبارة .. عندما شعرت ان عبارتك وقعت في محل غير الذي اردتيها فيه

هي لغة اخرى .. نستوعبها شكلا .. وقد لا نستوعب روحها .. فكلنا مختلف في طبائعه و طريقته في السرد

وتبقى النوايا

لا احد هنا ينوي السوء لاحد .. لماذا ؟ باختصار لانه لا احد يستفيد من اثارة عداوة احد .. حتى من يخالفه الفكر لن تفيده عداوته ولن تضره .. ففي النهاية نحن في هذا العالم الافتراضي صور وتواقيع وحروف متراصة

لكن نفوسنا وارواحنا هي ما يظهر هنا ..

وعلينا ان ننقيها باستمرار .. ان كنا مطالبين هكذا في واقعنا .. لماذا نعجز ان نظهره الان

اختي .. امنحي نفسك وقتا .. وليس الكلام لك وحدك .. بل هو لنا جميعا .. كم في هذا المنتدى من عداوة جبرت .. و نفوس هدئت بعد شحناء ..

طيب بيني وبينك .. فيه عضوة هنا كانت تكرهني كره العمى وكنت مش طايق اسمع اسمها .. ودلوقتي نفتكر مشكلة ايام زمان ونضحك اوي

واول حرف من اسمها فتفوتة

:P

خلونا نعطي نفسنا مساحة نحاول نقلل فيها من رشق الحجارة على قولة الفاضلة سلوى .. وما نتسرع في اعطاء اوصاف او الحكم على وضع معين

بس اللي عايزينه منكم .. مساحة صبر .. وحلم .. وبعدها ربك يجيب الخير ان شاء الله

[عبير يونس]

كلام رائع

بارك الله فيكم

أستاذ طائر الليل الحزين

و باشمهندس تيمور

و شكرا لصاحبة الموضوع

فعلا لازم الواحد يقف مع نفسه

و يشوف حاله

ده شيء صحي جدا

و دايما بأحرص أقف مع نفسي الوقفة دي كل فترة

أصفي نفسي

و أبدأ صفحة جديدة مع الحياة

و انسى كل ما يمكن أن يشغلني عن السير في طريقي و تحقيق أهدافي

[الســـاري]

كلام رائع

بارك الله فيكم

أستاذ طائر الليل الحزين

و باشمهندس تيمور

و شكرا لصاحبة الموضوع

فعلا لازم الواحد يقف مع نفسه

و يشوف حاله

طب وانا :blink:

بعد كل الكلام المؤثر اللي كتبته ده ..

والا عشان انا اجنبي ؟

ليه العنصرية دي بس ..

وانا قاعد اعطي مواعظ من الصبح ومصدق حالي

استاذ طائر الليل

وباشمهندس تيمور

وصاحبة الموضوع

مصرية طنشتني كأني سلابندر قاعد ؟

ايه شبح انا مش شايفيني ؟

[عبير يونس]

كلام رائع

بارك الله فيكم

أستاذ طائر الليل الحزين

و باشمهندس تيمور

و شكرا لصاحبة الموضوع

فعلا لازم الواحد يقف مع نفسه

و يشوف حاله

طب وانا :blink:

بعد كل الكلام المؤثر اللي كتبته ده ..

والا عشان انا اجنبي ؟

ليه العنصرية دي بس ..

وانا قاعد اعطي مواعظ من الصبح ومصدق حالي

استاذ طائر الليل

وباشمهندس تيمور

وصاحبة الموضوع

مصرية طنشتني كأني سلابندر قاعد ؟

ايه شبح انا مش شايفيني ؟

ههههههههههههههههههه

انا كتبت المداخلة قبل ما أشوف مداخلتك والله

و لا تزعل يا فندم

مشكور و ماقصرت يا أبو السواري

[م تيمور المراغي]

طال عمرك :P

[tarek hassan]

أنا مش متصالح إلا لما تتحقق جميع المطالب

وأشجب وأندد وأحذر من قناة الجزيرة المغرضة والغير مهنية حيث تجاهلت كل مطالبي الفئوية والعنصرية الهدامة

تم تعديل 14 مارس 2011 بواسطة tarek hassan

[ozoozo]

ارجوكم بلاش خناق

حتي عشان خاطر ارواح الشهداء دول

انا يمكن اكون شايفهم دلوقتي بيبصوا علينا وبيقولوا دول خساره فيهم ارواحنا

اللي راحت عشانهم

http://www.youtube.com/watch?v=btXZMh5tHDA

[لماضة مصرية جدا]

السلام عليكم و رحمة الله و بركاته

اتضايقت من غلق التوبيك بتاع عنبو امبارح

هو كتب بعصبية.....

و استاذة مصرية ردت بنفس العصبية

و استاذة فولانة اغلقت التوبيك.....و مفهمتش ليه و بالسرعة دي؟؟؟؟

قواعد المنتدي المكتوبة مهمة ....بس روح المنتدي اهم

استاذة ضحي و استاذ سين سين اتخانقوا....و مع كل البلاغة اللي فيها اساتذتي ليه مش قادرين يوصلوا لنقطة مشتركة....ارض حياد

الخناقة المعتادة بين المسيحين و المسلمين في اي توبيك......هتخلص امتي؟؟؟

هتقولولي و انتي ايه اللي حشرك طالما اسمك مش مكتوب......معاكو حق.....

بس اعمل ايه

معشتش عالم المنتديات.....انا اول ما جيت علي وطن الغربة....حطيت رحالي هنا....و معرفتش اروح اي حتة تانية

حزينة.....ده أكيد

مستغربة.....و ده برضه أكيد

معترضة...ده اكيد جدا جدا جدا

كتير بنتكلم في المنتدي هنا ان احنا لازم نفكر في الأفكار المطروحة من غير ما نحكم علي قائلها من غير ما نحكم يا تري خلفيته ايه...من غير ما نتنصح و نعمل نفسنا فاهمين ايوة ده كتب الكلمة ديت عشان كان يقصد كذا....و حط المداخلة دي في الوقت ده عشان يوصل رسالة كذا

هي مش الدنيا بره المنتدي صعبة بما فيه الكفاية.....

هو احنا ليه غاويين نصعبها كمان في المكان الافتراضي اللي بايدينا نتخلص فيه من كل احكامنا المسبقة

عجبتني اوي كلمات الساري....

و خليني اكمل حروفك........و اقول

من فضلك اقراني......

من أقصي اليمين....

ابتداء بالصورة الرمزية

و انتهاء بالتوقيع

و مرورا بالفكرة اللي عرضتها في المداخلة اللي تخص التوبيك الاصلي

من فضلك متحاولشي تستنصح و تفتكر انك قادر تعرف اللي في قلوب الناس

اكتفي بالحروف المكتوبة....

قلبها يمين و شمال يمكن تحرك فكرة في راسك...

يمكن تخليك تعيد النظر في حاجات كتير في حياتك الحقيقية و اللي محدش يعرف عن التاني حاجة هنا الا بالقدر اللي بنتشاركه بارادتنا و بنطرحه علي استحياء في موضوع هنا او موضوع هناك

لما فتحت التوبيك.....مكنشي قصدي اني اجبر اي عضو او عضوة معانا انه يعتذر لاي حد تاني

انا فتحته مساحة للتصافي....

مساحة لاكتشاف ارضية مشتركة نقدر نقف عليها بدل ما عمالين نتنازع عنها في توبيكات السياسة و مرورا بالتوبيكات الخفيفة

المساحة دي...عمرها ما هتحصل لو فضلنا نستخدم اللون الرمادي....في الحوار

و مش هتحصل لو كل واحد قال كلمتين يطبطب بيهم علي اللي قدامه

لما اختلف مع حد في فكر....يبقي نرد عليه في فكر....(من ساعة ما دخلت المنتدي انا بسمع الجملة دي..!!!!)

لما فتحت الموضوع كان قصدي بوضوح شديد

يا فولان انا اتضايقت من فولان عشان الفكرة

1-.....

2-.....

3- .......

و ارجوك وضحلي برضه..... في نقط محددة

1. .....

2......

3......

و بكده نلاقي ارض مشتركة.......نلاقي حتة نتنفس فيها

و الا يبقي بنضيف للحياة معركة جديدة.....مع انها مش مستاهلة

علي هامش المداخلة

انا معرفشي بشكل شخصي هنا في المنتدي......غير شخصيتين نسائيتين فقط و دولم ادافع عنهم قلبا و قالبا ......غير كده......

مبدافعشي عن اي حد

و مبهاجمشي برضه اي حد

و زهقت من كتر الواحد يحط مداخلة و بعدين يحط مداخلة تاني يشرح فيها الاولانية

(وش واحد عمالة تنفخ و تقول افتتتتتتتتت)

بس خلاص

لماضة.....زهقت آآآآآآآآآآآآآخر حااااااااااااااااااجة

[Folana]

السلام عليكم ورحمة الله....

لماضة مصرية كتبت :

اتضايقت من غلق التوبيك بتاع عنبو امبارح

هو كتب بعصبية.....

و استاذة مصرية ردت بنفس العصبية

و استاذة فولانة اغلقت التوبيك.....و مفهمتش ليه و بالسرعة دي؟؟؟؟

قواعد المنتدي المكتوبة مهمة ....بس روح المنتدي اهم

ولانك غالية عندى يالماضة وأزعل لو أنت زعلتى ..حأرد على حضرتك...

موضوع عنبو اللى حضرتك زعلتى انه اتقفل بسرعة ولم تزعلى أنه اتفتح أصلا لتوجيه اللوم والاتهامات للفريق...مخالف للقواعد اللى اتمنى ان حضرتك تقرأيها مرة أخرى...

لا دخل لروح القانون هنا بموضوع مفتوح مخصوص للنيل من أعضاء الفريق...روح المنتدى تتمثل فى احتواء اى خلاف وتوضيح وجهات النظر...وهذا ماقمت به بالفعل بمراسلة الفاضل عنبو...

أما أن نجد موضوع مفتوح يعلن العضو فيه انسحابه لانه راسل الادفايزور ولم يتلقى رد..او لانى حذفت جزء من مداخلته باعتبار ان هذا الجزء خارج سياق الموضوع ويعمل على تشتيته بالاضافة الى انه بيتكلم فيه عن موضوع تم الاتفاق فيه من قبل ولا داعى اطلاقا لاعادة الكلام فيه..ثم يتهمنى بأنى حذفته تعنتاً انطلاقا من مبدأ لا تناقش يا اخ على..ومش عارفة مين الاخ على ده بصراحة..:)

يبقى هنا القواعد هى اللى تطبق مش روحها....لان مابنى على باطل فهو باطل....

ولان الموضوع يخص الفاضل عنبو فقد استكملت نقاشى معه على الخاص..ولم أكن ادرى ان هناك من يريد الاصطياد فى الماء العكر ليشجب ويرفض ويعترض ويتهم ويخلص تاره هو كمان بالمرة..

مرة اخرى الموضوع لم يغلق لانه اتكلم بعصبية...لادخل لى بهذا...ولكن تم غلقه لانه مخالف للقواعد ...

خالص مودتى واحترامى