لكل ام حنون...................كل سنة وانت طيبة

[Howayda Ismail]

مش عاوزين مشاكلنا ومشاغلنا تنسينا احتفالنا بعيد الام

يبقى نخلى الاسبوع ده كله احتفال بعيد الام وياريت اللى مزعل حد مش بس امه او ابوه

يصالحه عشان المناسبة الحلوة دى

لكل ام

لامنا مصر الحبيبة

لام كل شهيد وشهيدة ضحى بنفسه

لامى حبيبتى

اقول لهم كلهم كل سنة وانتم طيبين

http://www.youtube.com/watch?v=fFyPQlW9hpo

ودى ابسط هدية ممكن اقدمها لكم

وطبعا مش حننسى كل ام رحلت عن دنيانا ندعى لها بالمغفرة والرحمة

[لونا]

كل سنة وانت طيبة يا هند :wub:

كل سنة و كل نون النسوة هنا في المنتدى طيبة

و بالنسبة لجمع مذكر سالم

كل واحد يروح يبوس إيد مامته .. و يقول لزوجته كل سنة وانت طيبة

حيتبسطوا أوي إنك بتقولهم من بدري bv:-

كل سنة و كل أم مصرية بألف خير

كل سنة وأمنا كلنا مصر بصحة و نصرة و عافية و حرية و أمان و رخاء :egyflag:

عارفين 21 مارس السنة دي حيبقى صعب أوي على مين

على أمهات الشهداء

ربنا يصبرهم .. و يريحهم لما القانون ياخد لهم حقهم من قتلة أولادهم و بناتهم

ملحوظة : بعد إذنك يا هند

نعلم جيدًا أن هناك خلاف فقهي على الإحتفاء بهذه المناسبة

يا ريت لكل الأخوة الذين يعتقدون بحرمانية هذا الإحتفاء

أن يتركونا نحن الذين لا نعتقد بأنه حرام نهنئ بعضنا البعض

مع كامل احترامي للجميع

أصلنا بنتلكك على أي حاجة تخرجنا من جو القلق اللي عايشينه اليومين دول :unsure:

[Howayda Ismail]

عارفين 21 مارس السنة دي حيبقى صعب أوي على مين

على أمهات الشهداء

ربنا يصبرهم .. و يريحهم لما القانون ياخد لهم حقهم من قتلة أولادهم و بناتهم

وانت طيبة لونا حبيبتى

ياريت اى حد يعرف عنوان لاى ام شهيد يكتبه هنا عشان كلنا نراسلهم ونعرفهم ان اولادهم

فى قلوبنا كلنا وان شباب كتير كان يتمنى ينول شرف الشهادة زى ولادهم

[لماضة مصرية جدا]

السلام عليكم و رحمة الله و بركاته

كل سنة....و كل أم....قلبها آد الكون

كل سنة...و كل أم...هي طاقة النور اللي بتقوينا في ايامنا

كل لحظة...و كل ام......مدفيانا بحضنها و قلبها و دعاها في الفجر

كل ثانية....و كل ام....راضية علينا...و مسامحانا علي غبائنا...و عصبيتنا...و انانيتنا....و حياتنا اللي هي شايفها محور حياتها هي في حين ان احنا شايفين ان حياتنا لازم تكون محور حياة الكون بحاله...(منتهي الغشومية اوي مني...لما بفكر كده)

ممكن اقترح اقتراح

من ساعة الثورة....و انا حاسة فيه مشاعر كتير بتتغير جوايا

فيه مشاعر حب مختلفة

فيه مشاعر ارتباط

فيه حبل سري.....مش راضية ينقطع بيني و بين الوطن البعيد الذي احب

كنت بقترح ان السنة دي

لانها سنة خاصة جدا

و الايام دي ايام خاصة جدا

و حياتنا كلها بتتغير....بنتولد...و بنتصهر.....و بتترتب فينا و جوانا حاحات كتير

ممكن السنة دي

تكون امنا كلنا......مصر

البلد الجميل....الارض العفية...الحلم البعيد القريب.....الونس.....الاهل....و امل الرجوع.....و التفاصيل اللي واخدانا مننا و كأننا في حالة عشق لا تنتهي

ممكن

يكون احتفالنا السنة دي.....بيها

كل واحد ممكن يقول لننفسه في خلال الاسبوع ده

انا هعمل حاجة حلوة لمصر

يمكن انشر فكرة جميلة

يمكن...انزل انضف شارعي

يمكن....انظم قعدة للجالية المصرية....تلمنا و نكسر بيها سواد الغربة

يمكن....و يمكن و الف يمكن

خلوها السنة دي

تكون مختلفة

خلونا كلنا نقدر نقولها بنحبك......كل واحد بطريقته....و باللي تشوفه عينيه

و خلواو لادنا كمان يتعملوا معانا......ان فيه حب تاني...و عشق تاني...اسمه..."حب ارضك....و طينك"

كل سنة.....و احنا ولاد و بنات....رجالة و ستات...في حضن دافي اوي....مصري اوي

مساكم........حب من نوع خاص

[عبير يونس]

أمي الحبيبة

الله يرحمك و يسكنك فسيح جناته

6 سنوات مرت على رحيلك بالجسد

و تبقى روحك الطاهرة معي تؤنسني

كل عام وأنا أسير على خطاكي

و على تربيتك ليا و تعليمك ليا

و يارب أقدر أكمل رسالتك في أبنائي

أمي الحبيبة ماما سلوى

معنديش ماما اقول لها كل سنة وانت طيبة غير حضرتك

احم احم و حماتي طبعا :closedeyes:

ربنا يبارك في أعماركم و يسعدكم و يديم عليكم السعادة

آمين

أمي الحبيبة مصر

مبروك خروجك من غرفة الانعاش

و أتمنى أن يتم الله شفاؤك على خير

[Salwa]

أمي الحبيبة

الله يرحمك و يسكنك فسيح جناته

6 سنوات مرت على رحيلك بالجسد

و تبقى روحك الطاهرة معي تؤنسني

كل عام وأنا أسير على خطاكي

و على تربيتك ليا و تعليمك ليا

و يارب أقدر أكمل رسالتك في أبنائي

أمي الحبيبة ماما سلوى

معنديش ماما اقول لها كل سنة وانت طيبة غير حضرتك

احم احم و حماتي طبعا :closedeyes:

ربنا يبارك في أعماركم و يسعدكم و يديم عليكم السعادة

آمين

أمي الحبيبة مصر

مبروك خروجك من غرفة الانعاش

و أتمنى أن يتم الله شفاؤك على خير

انا كنت داخلة اكتب حاجة تانية خالص غير اللى ف بالى دلوقت .

فوجئت بكلامك ليا .

صعبت عليا نفسى ..........ونسيت...........نسيت حتى انا كنت عايزة اكتب ايه؟

...تصدقى ياعبير ؟؟

تصدقى بقى ان دى من الأوقات القليلة جدا اللى بتمر ف حياتى وبنسى فيها تماماااااا ازاى اقدر اعبر عن مشاعرى ؟ تهنئة جميلة من انسانة اجمل .

كل سنة وانتى طيبة ياحبيبة قلبى ويارب يسعدك بولادك وبكل حبايبك ويارب تشوفى بناتك امهات وولادك آباء وتفرحى بيهم وبولادهم.

شكر وامتنان لصاحبة الموضوع العزيزة هند ويارب دايما نبارك لبعض ف كل افراحنا وايامنا الحلوة اللى ان شاء الله حاتكون كتيررر قوى قوى ..من هنا ورايح يعنى .

واما ريهام واقتراحها الجميل فأنا بقول لها .

شئ طبيعى ياريهام انك تشعرى نفس الشعور ده .

اللى حصل مكانش سهل ومكانش ف بال اى مخلوق ..اقصد اقول حتى ف احلام اليقظة مكانش يخطر على بالنا ان ربنا حايكافئنا بجائزة رائعة زى ازاحة كابوس الديكتاتورية .

يارب تكمل فرحتنا ويارب ساعدنا على عبور كل المحن اللى موجودة دلوقت .

ويارب قدرنا على تخطى العثرات .

كل سنة وكل أم مصرية بخير.

كل سنة وكل أم فرحانة بولادها .

ورحم الله امهاتنا الطيبات .

كل سنة وكل شهر وكل يوم وكل ساعة وكل دقيقة وكل ثانية (وكل فيمتو ثانية ) وانتوا جميعا بخير وسعادة ورضا. :give_rose:

[رضوي]

انتوا بدأتوا الاحتفال بدري ليه ؟؟

كل سنة وكلكم طيبين وبصحة وبخير وسعادة

اولاً لأمي الحبيبة ........... امي مهما ......مهما قولت ..... مهما عملت ...... والله ياامي مش هقدر أبداً اوفيكي حقك ....... تعبتي اوي اوي اوي اوي علشانا ...... ولسة بتتعبي ....... وماعندكيش ابداً نهاية لتعبك

كل سنة وانتي احلي واطيب ام ...... كل سنة وانتي بصحة وطاعة ورضا

امي التانية ....... حبيبتي الغالية اوي علي نفسي ........ انتي كمان تعبتي اوي ولسة عطائك مابينتهيش ....... رنا يديكي الصحة ويبعد عنك كل شر

كل سنة وانتي حبيبتي ...... كل سنة وانتي بخير وصحة

جدتي ......... كل سنة وانتي طيبة ياحبيتي ......... كل سنة وانتي اطيب واهدي ......... كل سنة وانتي الي الله اقرب .......كل سنة وانتي حبيبتنا كلنا

ماما قلب أبيض ............. كل سنة وانتي طيبة ........... كل سنة وانتي دايما في قلوبنا كلنا

عايزة اقول بقي لأخواتي ف المحاورات ( لسة صغننين ماينفعش يكونوا ماما يعني )

- فتفوتة

- مدام هند

- أم مروان حبيبتي

- ذهبية

- مغتربة

- لموضة

- ريمو

كل سنة وكلكم بخير وصحة وسعادة

[م تيمور المراغي]

هو التوبيك مخصوص لنون النسوة والا ايه ؟ :happy:

كل سنه وانتي طيبه يا امي

كل سنه وكل ام مصرية بخير وسلام,,

واقول ايه في الدنيا اعظم من قيمة الام اللي ربنا سبحانه وتعالى والنبي الرحيم كرموها في الكتاب والسنة

اقول لك يا امي انتي شمعة تحترق راضية مطمانه

ويكفيكي فخرا ان جعل الله الجنة تحت اقدامك انت ,,

كل سنه واخواتي الامهات والبنتوتات بخير وعافية ورضى من الله اكبر ,,

[Howayda Ismail]

كل سنة وكل أم مصرية بخير.

كل سنة وكل أم فرحانة بولادها .

ورحم الله امهاتنا الطيبات .

كل سنة وكل شهر وكل يوم وكل ساعة وكل دقيقة وكل ثانية (وكل فيمتو ثانية ) وانتوا جميعا بخير وسعادة ورضا. :give_rose:

ربنا يكرم حضرتك على كم المشاعر الطيبة دى

وكل سنة وحضرتك طيبة ودايما فرحانة باولادك

http://www.youtube.com/watch?v=HLjFR75vTqs

تم تعديل 16 مارس 2011 بواسطة Hend ali

[المهندسه]

كل سنه و كل ام طيبه يارب

كل سنه و انتى طيبه يا هند بس مبتديه بدرى كده ليه

يارب يرحم كل ام غابت عن دنيانا ...و يهون اليوم ده على امهات الشهداء

و على كل انسان فقد امه و بحينلها فى اليوم ده بألاخص

و برضه ما ننساش نقول لكل رجل فقد زوجته و عاش لأولاده ام و اب معا ...و فى كتير كده ..ما ننساش نقوله "كل سنه و انت طيب يا بابا"

[Howayda Ismail]

انتوا بدأتوا الاحتفال بدري ليه ؟؟

كل سنة وكلكم طيبين وبصحة وبخير وسعادة

وانت طيبة يارضوى

اصل احنا زى ماقالت لونا بنتلكك على حاجة تفرحنا

http://www.youtube.com/watch?v=L_EcTnoFIQU&feature=related

[Howayda Ismail]

هو التوبيك مخصوص لنون النسوة والا ايه ؟ :happy:

كل سنه وانتي طيبه يا امي

كل سنه وكل ام مصرية بخير وسلام,,

كل سنه واخواتي الامهات والبنتوتات بخير وعافية ورضى من الله اكبر ,,

لا هو مش مخصص لنون النسوة لكن شكله بيفكركم بتمن الهدايا ههههههههههههه

كل سنة وحضرتك طيب

[Howayda Ismail]

كل سنه و كل ام طيبه يارب

كل سنه و انتى طيبه يا هند بس مبتديه بدرى كده ليه

يارب يرحم كل ام غابت عن دنيانا ...و يهون اليوم ده على امهات الشهداء

و على كل انسان فقد امه و بحينلها فى اليوم ده بألاخص

و برضه ما ننساش نقول لكل رجل فقد زوجته و عاش لأولاده ام و اب معا ...و فى كتير كده ..ما ننساش نقوله "كل سنه و انت طيب يا بابا"

وانت طيبة ياام ليلى ويفرحك بيهم

http://www.youtube.com/watch?v=hTIdPRPWExo&feature=related

[عبير يونس]

ماما قلب أبيض ............. كل سنة وانتي طيبة ........... كل سنة وانتي دايما في قلوبنا كلنا

عايزة اقول بقي لأخواتي ف المحاورات ( لسة صغننين ماينفعش يكونوا ماما يعني )

- فتفوتة

- مدام هند

- أم مروان حبيبتي

- ذهبية

- مغتربة

- لموضة

- ريمو

كل سنة وكلكم بخير وصحة وسعادة

و أنا

:sad:

[رضوي]

ماما قلب أبيض ............. كل سنة وانتي طيبة ........... كل سنة وانتي دايما في قلوبنا كلنا

عايزة اقول بقي لأخواتي ف المحاورات ( لسة صغننين ماينفعش يكونوا ماما يعني )

- فتفوتة

- مدام هند

- أم مروان حبيبتي

- ذهبية

- مغتربة

- لموضة

- ريمو

كل سنة وكلكم بخير وصحة وسعادة

و أنا

:sad:

شكلي بقي وحش اووووووووووووي لما استخبى احسن po::

:sofa:

[Howayda Ismail]

http://www.youtube.com/watch?v=8GBfTUTvdw8&feature=related

[Howayda Ismail]

http://www.youtube.com/watch?v=8GBfTUTvdw8&feature=related

[رضوي]

مدام مصرية متغربة

بنت بلدي ........ الشرقاوية الاصيلة

كل سنة وانتي طيبة

كل سنة وانتي بينا كلنا اقرب

كل سنة وانتي دايماً بخير

وخلاص بقي قلبك أبيض :blush2:

[عبير يونس]

مدام مصرية متغربة

بنت بلدي ........ الشرقاوية الاصيلة

كل سنة وانتي طيبة

كل سنة وانتي بينا كلنا اقرب

كل سنة وانتي دايماً بخير

وخلاص بقي قلبك أبيض :blush2:

و انتي طيبة يا رضوى يا حبيبتي

ما شاء الله عليكي و ربنا يبارك لمامتك فيكي يارب

و كل سنة وهي طيبة هي و كل ماماهتكم جميعا

و يرحم اللي امهاتهم قابلوا وجه كريم و يسكنهم الفردوس الأعلى مع أمي الله يرحمها

و الشكر موصول لحبيبتي هند هانم صاحبة التوبيك

و ربنا يجعله في ميزان حسناتها

آمين

[Om Zayd]

جزاكم الله خيرا يا هند

اقولكم حاجة .. بعد ما ربنا رزقنا بزيد .. فهمت أكثر يعني ايه أم - من أيام الحمل بصراحة و انا دموع و حاسة بتقصيري في حق امي و اني مهما عملت مش هديها حقها - .. دايما نحتار هنجيب هدية ايه

بس دلوقت فهمت انه اهم حاجة عندها .. انها تحس بحبنا لها و اهتمامنا بها

كلمة أمي .. ماما .. حبيبتي .. و هيا طالعة من القلب .. لا تقدر بثمن

ده ما يمنعش انكم تجيبوا هدايا

و مش في يوم واحد في السنة

:closedeyes:

بلاش بخل

:protest: