ممكن سؤال ؟ هل مريتوا بنفس الاحساس ؟

[kaza]

الى الاخوة اللي قدموا للهجرة .. و الى الناس اللي جالها الفايل نمبر و الى الناس اللي بتلم حجتها وشنطها ومسافرة

هل جالك الاحساس ده من قبل ؟

خووووووف

قلق

حاسس بخنقة ...

بتفكر كتييييير بس تفكيرك مشتت ؟

دايما سرحان ؟

حاسس انك ضايع ؟

حاسس انك متردد وبتقول ايه اللي انا عملتوا مانا عايش كويس بالمكان اللي انا فيه ؟ مستقبل ؟ هو حد ضامن يعيش بكرة ؟

هل في لخبطة برغباتك ؟

****** عملت ايه لما حسيت بكل ده ؟ وايه هي احسن حاجة تعملها في الحالة دي ؟

[weekweed]

الى الاخوة اللي قدموا للهجرة .. و الى الناس اللي جالها الفايل نمبر و الى الناس اللي بتلم حجتها وشنطها ومسافرة

هل جالك الاحساس ده من قبل ؟

خووووووف

قلق

حاسس بخنقة ...

بتفكر كتييييير بس تفكيرك مشتت ؟

دايما سرحان ؟

حاسس انك ضايع ؟

حاسس انك متردد وبتقول ايه اللي انا عملتوا مانا عايش كويس بالمكان اللي انا فيه ؟ مستقبل ؟ هو حد ضامن يعيش بكرة ؟

هل في لخبطة برغباتك ؟

****** عملت ايه لما حسيت بكل ده ؟ وايه هي احسن حاجة تعملها في الحالة دي ؟

أحسن حاجة تعملها في الحاله ديه إنك تسافر....طالما انك عارف انك مش ضامن تعيش لبكره يبأه كمان عارف ان رزقك هتلاقيه في أى مكان...وطالما انت كنت واخد قرار الهجرة لأسباب منطقيه منها تحسين حياتك وتحقيق أهدافك...يبأه تجرى ورا أحلامك وسيبك من الكلمتين بتوع ماأنا هنا مرتاح لو كل واحد عمل اللى يريحه مكانش حد نجح وخد مني بيتين الشعر دول للإمام الشافعى:

ما في المقام لذي عـقـل وذي أدب من راحة فدع الأوطان واغتـرب

سافر تجد عوضـا عمن تفارقــه وانْصَبْ فإن لذيذ العيش في النَّصب

إني رأيت ركـود الـماء يفســده إن ساح طاب وإن لم يجر لم يطب

والأسد لولا فراق الغاب ما افترست والسهم لولا فراق القوس لم يصب

والشمس لو وقفت في الفلك دائمة لملَّها الناس من عجم ومن عـرب

والتِّبرُ كالتُّـرب مُلقى في أماكنـه والعود في أرضه نوع من الحطب

فإن تغرّب هـذا عـَزّ مطلبـــه وإن تغرب ذاك عـزّ كالذهــب

[kaza]

انا اسف لسة شايف المشاركة

البيتين فعلا اكثر من محمسين و بيدوا الواحد قوة ودفعة الى الامام وفقك الله وسهل امور الجميع ان شاء الله

[suavemente]

الى الاخوة اللي قدموا للهجرة .. و الى الناس اللي جالها الفايل نمبر و الى الناس اللي بتلم حجتها وشنطها ومسافرة

هل جالك الاحساس ده من قبل ؟

خووووووف

قلق

حاسس بخنقة ...

بتفكر كتييييير بس تفكيرك مشتت ؟

دايما سرحان ؟

حاسس انك ضايع ؟

حاسس انك متردد وبتقول ايه اللي انا عملتوا مانا عايش كويس بالمكان اللي انا فيه ؟ مستقبل ؟ هو حد ضامن يعيش بكرة ؟

هل في لخبطة برغباتك ؟

****** عملت ايه لما حسيت بكل ده ؟ وايه هي احسن حاجة تعملها في الحالة دي ؟

أحسن حاجة تعملها في الحاله ديه إنك تسافر....طالما انك عارف انك مش ضامن تعيش لبكره يبأه كمان عارف ان رزقك هتلاقيه في أى مكان...وطالما انت كنت واخد قرار الهجرة لأسباب منطقيه منها تحسين حياتك وتحقيق أهدافك...يبأه تجرى ورا أحلامك وسيبك من الكلمتين بتوع ماأنا هنا مرتاح لو كل واحد عمل اللى يريحه مكانش حد نجح وخد مني بيتين الشعر دول للإمام الشافعى:

ما في المقام لذي عـقـل وذي أدب من راحة فدع الأوطان واغتـرب

سافر تجد عوضـا عمن تفارقــه وانْصَبْ فإن لذيذ العيش في النَّصب

إني رأيت ركـود الـماء يفســده إن ساح طاب وإن لم يجر لم يطب

والأسد لولا فراق الغاب ما افترست والسهم لولا فراق القوس لم يصب

والشمس لو وقفت في الفلك دائمة لملَّها الناس من عجم ومن عـرب

والتِّبرُ كالتُّـرب مُلقى في أماكنـه والعود في أرضه نوع من الحطب

فإن تغرّب هـذا عـَزّ مطلبـــه وإن تغرب ذاك عـزّ كالذهــب

بصراحة بيت شعر جميل و كلامه محمس جد " و تسلم أيدك

[أدهم الشرقاوى]

الى الاخوة اللي قدموا للهجرة .. و الى الناس اللي جالها الفايل نمبر و الى الناس اللي بتلم حجتها وشنطها ومسافرة

هل جالك الاحساس ده من قبل ؟

خووووووف

قلق

حاسس بخنقة ...

بتفكر كتييييير بس تفكيرك مشتت ؟

دايما سرحان ؟

حاسس انك ضايع ؟

حاسس انك متردد وبتقول ايه اللي انا عملتوا مانا عايش كويس بالمكان اللي انا فيه ؟ مستقبل ؟ هو حد ضامن يعيش بكرة ؟

هل في لخبطة برغباتك ؟

****** عملت ايه لما حسيت بكل ده ؟ وايه هي احسن حاجة تعملها في الحالة دي ؟

طب تصدق بقى أنا زعلت!

يا سيدى البلد دى خلاص مفيش أمل فيها, إحنا داخلين على أيام لا يعلم بها إلا الله و اللى بيحب نفسة لازم ياخد بعضة و يهج خالص!

الأبيات الشعرية بتاعة الإمام الشافعى أنا طبعتها و هاحطها قدامى دائما و أنا بذاكر الفرنساوى و أنا ببذل أى مجهود عشان أهاجر لأن فعلا ألأبيات جميلة جدا و محمسة!

كمل اللى أنت بدأتة و جرب ناس تانية و مجتمع آخر يقدر الإنسان و يحترم قدراتة و عقليتة و آدميتة, مكام تشم فية هوا نظيف زى مخاليق ربنا, تاكل أكل أنت مش خايف لا يكون مليان مواد مسرطنة ولا مروى بمية مجارى أعزكم الله, تربى أولادك فى مجتمعات حرة متعلمة تقدر العلم و كرامة الإنسان! تطلع برة القنابل و التفجيرات و الحروب اللى طاحنة الشرق الأوسط.

أنت قلبت على المواجع :) معلش بكرة تروق و تحلى!

سافر يا راجل سافر و ولا يهمك, و إبقى كلمنا من هناك و إحكيلنا عن الحياة مع الناس المحترمة :)

تم تعديل 23 مارس 2011 بواسطة أدهم الشرقاوى

[kaza]

يا ادهم يا شرقاوي :) والله ماقصدي اقلب عليك المواجع ... كان جوايا احساس فظيع بالحيرة و الرهبة من المجهول فاهم .. فحبيت

اعرف هل في ناس مرت بالتجربة دي ولا لا ؟ الواحد احيانا بيحتاج فعلا دفعة زي اللي ادهاني weekweed يعني ريحني وانت كمان ريحتني ان مش انا لوحدي

وبالتوفيق ان شاء الله بموضوع الفرنسي

[أدهم الشرقاوى]

يا ادهم يا شرقاوي :) والله ماقصدي اقلب عليك المواجع ... كان جوايا احساس فظيع بالحيرة و الرهبة من المجهول فاهم .. فحبيت

اعرف هل في ناس مرت بالتجربة دي ولا لا ؟ الواحد احيانا بيحتاج فعلا دفعة زي اللي ادهاني weekweed يعني ريحني وانت كمان ريحتني ان مش انا لوحدي

وبالتوفيق ان شاء الله بموضوع الفرنسي

الله يخليك أنا كنت باهزر معاك يا كبير إوعى تزعل :)

أنا عارف إنك أكيد خايف و هايب فكرة السفر و ترك الأهل و الأحباء و الأصدقاء و الهجرة إلى بلد غريب و مجتمع لا تعرف عنة شىء و دة وضع طبيعى جداً لأى حد جديد فى أى حاجة, بس هى كل حاجة فى الدنيا بتبقى صعبة فى الأول و بعد كدة بتيجى بالتعود و واحدة واحدة إن شاء الله كلة يبقى تمام و تتعمود.

أنا بس كان صعبان على كل المجهود اللى أنت بذلتة و أنا عارف قد إية موضوع الهجرة دة مكلف وقت و جهد و فلوس و أعصاب و مذاكرة, إستحرمت يضيع عليك التعب عشان شوية خوف وتردد طبيعيين جدا بيجوا لأى حد بيغير شىء جذرى فى حياتة و حقك تقلق بس ماتديش الموضوع أكبر من حجمة, هو آخرة شوية قلق كدة و خلاص كمل عادى, أنت عارف إنك عندك أسباب منطقية و دوافع مهمة للهجرة بيقى خلاص تمسك بالهجرة و أنهى ما بدأت من أجل حياة كريمة و إحترام لآدميتك يهون أى شىء.

أتمنى لك صديقى التوفيق و النجاح و سرعة التعود هناك و أتمنى إنى ألحقك إن شاء الله فى أقرب فرصة.

تقبل منى أطيب التحيات و ربنا يسهلك الصعب و يسلكلك الطرق و يهون عليك الغربة.

أدهم

[اغابي]

الى الاخوة اللي قدموا للهجرة .. و الى الناس اللي جالها الفايل نمبر و الى الناس اللي بتلم حجتها وشنطها ومسافرة

هل جالك الاحساس ده من قبل ؟

خووووووف

قلق

حاسس بخنقة ...

بتفكر كتييييير بس تفكيرك مشتت ؟

دايما سرحان ؟

حاسس انك ضايع ؟

حاسس انك متردد وبتقول ايه اللي انا عملتوا مانا عايش كويس بالمكان اللي انا فيه ؟ مستقبل ؟ هو حد ضامن يعيش بكرة ؟

هل في لخبطة برغباتك ؟

****** عملت ايه لما حسيت بكل ده ؟ وايه هي احسن حاجة تعملها في الحالة دي ؟

اهلا اهلا اهلا

شوف يا كازا - الجملة الموف الملونة الحلوة الامورة دى - فيها اكتر من احساس - ومش ممكن كلهم تحت بند الخوف

اولا : فى بداية ارسالك الملف لسوريا - بيجيلك احساس التفائل - لحياه جديدة وفرصة جديد للسفر - وهى كندا

ثانيا : لما يوصلك الفايل نمبر - يسيطر عليك احساس الفرحة الشديدة بالفايل نمبر لانه اول علامات النصر وبعده علطول يركبك عفريت القلق والترقب

ثالثاً : بعد حصولك على السي اس كيو وتنجح فى المقابلة او ما يعادلة فى الفيدرال

- بتحس ان الساعة بطييييييييييييييئة وانك مش قادر تنتظر اكتر ومنتظر فى اى لحظة جواب الميديكال ومفيش صبر

ورابعا : لما تخلص من الميديكال - بتنتظر الفيزا بتخطيط كتير وزحمة شديدة فى دماغك وقلق ما بعده قلق وبتحس ان معاك 100 حاجة وفرحان وزعلان وخايف

-وطول الوقت تكلم نفسك - طب هاعمل ايه ؟؟ طب لما اروح هناك اشتغل ايه ؟؟ وتفضل تتنقل من مكان لمكان على المنتديات والنت وخلاص هاتشت وتزرع الغرفة ذهابا وايابا

( ايه تزرع الغرفة ذهابا وايابا دى :blink:- هو انا بجيب الكلام داه منين بس يارب يدوسنى تروماى لو كنت فاهمة حاجة )

ومستغرب من الى بيحصلك وفرحان وزعلان وخايف وشوية تناقضات كتيرة فى نفس الوقت

اخيرا علشان ما اطولش عليك - اللى انت فيه داه - اسمــــــــــه - زهــــق ومــــلل - بس اتمنى يارب انه ما يكونش يأس

ربنا معاك ويزيح عنك الغمة

اغابي كوتش هههههههههه

خد شم مش خسارة فيك

الوردة مسمومة - خلينا نخفف الزحمة

;)

[Alrefaey]

طبيعى انك تخاف ,وده شىء ايجابى ,خلى خوفك يعطيك دفعه للتخطيط السليم وتوكل على الله

وكفى بالله وكيلا

[kaza]

يا شرقاوي ربنا يهنيك على خفة دمك ودماثة خلقك ويا معلم احلى كلمة كلمة يا صديقي وده شيء بيشرفني وكلامك بجد بيخفف و يشيل التوتر اللي في دماغي

اما الهانم اغابي ام وردة مسمومة فبصراحة انا اتشرف انك تكتبي ليا وتردي عليا وتشاركيني في قلقي وان شاء الله عما قريب افراحي :) حلوة عما قريب ؟

اما بالنسبة للوردة المسمومة فأنا بشمها بكل فرح يكفي انها منك بس لو مت ماتنسيش تبعتيلي سنووايت او سندريلا تيجي ترقعني بوسة وتصحيني :]

ولو صعبة تروحي امريكا ( ديزني لاند ) في فلوريدا " مع العلم انها هتكون قريبة منك جدا اصلها اخت كندا في الرضاعة " فممكن اتنازل وتبعتيلي منة شلبي :)

كفاية بس تمسك ايدي وانا هنسى مفعول الوردة ...

لأ بجد تسلم ايديك اللي طبعتلي الوردة وكلك زوووووق وفعلا كلامك عجبني لانه رتب الاحاسيس بترتيب منطقي لمواقف طبيعية بتحصل للانسان

اما بالنسبة ل تزرع الغرفة ذهابا وايابا مش حسامحك عليها ابدااااا بتاتا بتاتا ( بتاتاً مش بطاطا بدلع الحريم ) :) لاني فضلت اقراها خمس مرات ومفهمتش

بس عشان المسمومة هعديها يا قمر.

الرفاعي كلامك موزون ومعقول وجميل وفعلا توكلت على الله وان شاء الله هحاول اعمل اللي عليا و اكتر وربنا يقدر اشوف الفرحة وانا مهاجر وبمستقبلي أكبر :)

حلو الكلام ؟

وربنا يوفقكوا جميعا

( اما بخصوص اغابي فالبوكيه ده عشانك ومن غير مسمومة :) عشان نحافظ على الناس الكويسة النادرة :)

:flr1:

[أدهم الشرقاوى]

يا شرقاوي ربنا يهنيك على خفة دمك ودماثة خلقك ويا معلم احلى كلمة كلمة يا صديقي وده شيء بيشرفني وكلامك بجد بيخفف و يشيل التوتر اللي في دماغي

اما الهانم اغابي ام وردة مسمومة فبصراحة انا اتشرف انك تكتبي ليا وتردي عليا وتشاركيني في قلقي وان شاء الله عما قريب افراحي :) حلوة عما قريب ؟

اما بالنسبة للوردة المسمومة فأنا بشمها بكل فرح يكفي انها منك بس لو مت ماتنسيش تبعتيلي سنووايت او سندريلا تيجي ترقعني بوسة وتصحيني :]

ولو صعبة تروحي امريكا ( ديزني لاند ) في فلوريدا " مع العلم انها هتكون قريبة منك جدا اصلها اخت كندا في الرضاعة " فممكن اتنازل وتبعتيلي منة شلبي :)

كفاية بس تمسك ايدي وانا هنسى مفعول الوردة ...

لأ بجد تسلم ايديك اللي طبعتلي الوردة وكلك زوووووق وفعلا كلامك عجبني لانه رتب الاحاسيس بترتيب منطقي لمواقف طبيعية بتحصل للانسان

اما بالنسبة ل تزرع الغرفة ذهابا وايابا مش حسامحك عليها ابدااااا بتاتا بتاتا ( بتاتاً مش بطاطا بدلع الحريم ) :) لاني فضلت اقراها خمس مرات ومفهمتش

بس عشان المسمومة هعديها يا قمر.

الرفاعي كلامك موزون ومعقول وجميل وفعلا توكلت على الله وان شاء الله هحاول اعمل اللي عليا و اكتر وربنا يقدر اشوف الفرحة وانا مهاجر وبمستقبلي أكبر :)

حلو الكلام ؟

وربنا يوفقكوا جميعا

( اما بخصوص اغابي فالبوكيه ده عشانك ومن غير مسمومة :) عشان نحافظ على الناس الكويسة النادرة :)

أيوة كدة يا عم إضحك و روق دة الهم بيموت و إسألنى أنا :)

شكرا لكلماتك الرقيقة, و كويس إنك هديت كدة و إطمنت أنا فعلا فرحان إننا قدرنا نساعدك.

الحمد لله على كل حال, يلا إتوكل على الله و حقق أحلامك و ماتنسناش و أنت هناك.

سلامى و تحياتى

أدهم