** نساعد بعض عشان محدهش يشتغلنا **

[Ahmed Anwer]

معلهشي عنوان الموضوع غريب ،،

بس ده فعلا إحساسي حاليا ،،

أخوكم العبد لله ،، عنده 35 سنة

يعني لما كانت أوروبا الشرقية و جنوب افريقيا بتتغير

من الديكتاتورية للديمقراطية

كنت أنا مراهق أو صبي مش متابع اووي السياسة الدولية

يعني فاكر مشاهد تليفزيونية مش فاكر تفاصيل ،،

دلوقتي الجماعة بتوع مجلس رئاسي من ثلاثة أحدهم عسكري - حكومة توكنقراط وطنية - جمعية تأسيسية لوضع دستور جديد

بيقولوا ده اللي كتاب العلوم السياسية بيقوله !!!!

و مصممين و غير كده رأسهم و ألف جزمة إنه التفاف ،،،

و في الناحية التانية ،، الجماعة بتوع

التعديلات الدستورية أقرب طريق لدستور جديد ،،

بيقولوا إن الديمقراطية الحقيقية و الشعب و الثورة هما الضامن الوحيد لأي التفاف !!!

بس للأمانة الجماعة بتوع التعديلات الدستورية أكثر ديمقراطية و بيقولوا إن ده وجهة نظرهم

اللي ممكن تكون غلط

لكن الجماعة التانيين بيقولوا دي مش وجهة نظر ده الحق المطلق ،،

لدرجة إن البرادعي باشا دعي لمقاطعة الاستفتاء ،،

طبعا أنا شامم ريحة هنا و هنا ،،،

و الاتنين ريحة انتهازية سياسية

اللي شايف إن الوضع الحالي في مصلحته و أدييه بيقعد مع المجلس العسكري و مجلس الوزراء و بيحققوله بعض المطالب و عايز يكتب دستور علي مزاجه و

شايف الديمقراطية هتهمشه ،، رغم إن هوا نفسه عايز يهمش باقي الشعب و القوي السياسية

و اللي شايف إن الديمقراطية في مصلحته

مع الأخذ في الإعتبار إن الطرفيين وطنيين و الطرفين لهم دور فعال في الثورة

طيب أنتم مالكم بقه ؟؟

الحمد لله ،، لاحظت في هذا المنتدي الرائع نخبة من دارسين التاريخ و المتابعين و المهتمين بالشأن العام عامة

عايزهم لو فيها تقالة نعمل زي بحث صغير عن تجارب الدول الآخري في الإنتقال من الديكتاتورية للديمقراطية

أيه الخطوات ؟؟ كانوا بيحلوا الحزب الحاكم السابق ؟؟ كانوا بيحلوا الأجهزة الأمنية ؟ هل فعلا كانوا بيسيبوا فترة طويلة لتكوين أحزاب ؟؟ الخ ،،،

عشان نعرف بس لو الجماعة الأولانيين بيتكلموا صح و كتاب العلوم السياسية بيقول كده ،،، يبقي منظلمهشي

و ده هيبان طبعا في تجارب الدول الآخري

لكن لو كل دولة كانت بتتغير بطريقة مختلفة ،، حسب ظروفها

يبقي بيشتغلونا !!!

[Alattar]

فعلا..عندك حق

وخصوصا ان فعلا فيه ما يشبه التشتت الذهني دلوقتي لناس كتير..و فيه ناس عاوزة تقول في التعديلات دي لأ..

بس برضه خايفين..لأنهم مش عارفين ايه اللي هيترتب علي كده..

و فيه ناس عاوزة تقول نعم..بس خايفة أحسن يكونوا لسه بيضحكوا عليهم

عشان كده احنا فعلا الفترة دي محتاجين لحكماء نستمع لأرائهم و خبراتهم..عشان يفيدونا

مش لازم نمشي زي دول معينة ولا حاجة..كل دولة و ليها ظروفها وأحزابها..و ظروف سياسية و اقتصادية محيطة بيها..عشان كده أنا شايف اننا مش لازم نربط نفسنا بحد,,المهم نعرف ايه هو الصح في ظل ظروفنا دي..

[دكتور عادل الليثي]

الذي حدث في أوروبا الشرقية وجنوب أفريقيا كان بإرادة دولية ... يعني كان محدد الإتجاه مسبقا .... والدول اللي كان فيها معارضة ديموقراطية طبعا تولت الحكم حتى تغيير الدستور والانتخابات .... واللي ماكانش فيها معارضة خدوا المعارضة من داخل النظام وخدت وقت وفيه مشاكل حتى الآن

أما ما حدث في مصر فهو بإرادة شعبية .... وغصب عن الإرادة الدولية

يعني لابد أن يحرس الشعب الطريق لآخره .... رغما عن الإرادة الدولية وإرادة المضارين من التغيير

وزي ما بيقولوا " ما يبقاش إبني على كتفي وارجع أدور عليه "

ولهذا

أنا مش عارف ليه الجيش متسربع

مش عارف ليه ما غيروش خمسين في الميه عمال وفلاحين

ليه ما غيروش إلى الانتخاب بالقائمة .... وخاصة أن كل البلاوي بتحصل من الانتخاب الفردي ... شراء الأصوات والبلطجية والقبلية وخلافه ....... وخاصة أن الحزب الوطني كان مرتكز على السلطة والمال أو هو نتيجة للتزاوج بينهم .... ودلوقتي هو خسر السلطة ... فاضله المال اللي هيحاول ييجي عن طريق الانتخابات الفردية

ثم ماهي العبقرية قصدي الغباوة في أن الجمعية التأسيسية يختارها مجلس الشعب المنتخب .... يعني إللي هاينجح في مجلس الشعب .... الإخوان والوطني ولا واحد فيهم ديموقراطي .... هما اللي هايشكلوا الجمعية التأسيسية إللي هاتعمل الدستور .... يعني في حالتنا لابد من وقت تنضج فيه أحزاب تعبر عن ما إستجد في المجتمع ..... وهنا التحدي الحقيقي هل ممكن يطلع حزب أو حزبين ديموقراطيين وجامدين في نفس الوقت

وخلال هذا الوقت نبحث عن طريقة جيدة لتشكيل الجمعية التأسيسية حتى يكون هناك دستور ما يخرش الميه

والبرادعي هو أفضل الاختيارات

[Ahmed Anwer]

يمكن مش عارف أوصل فكرتي ،،

عارفين لما اتضايقنا كلنا من البافطة اللي بتقول التصويت بالموافقة واجب شرعي !!!

نفس الفكرة ،، فيه ناس بتقول كذا و كذا ده الصح و ده العلمي ،،

و بيقولوا بثقة العلماء ،،

و أنا حاسس إنهم بيشتغلونا و السبب إني كذا مرة أقتنع بحاجة و تطلع اشتغالة ،،

فعشان كده عايز افهم معاكم كلامهم صح و علمي لأن فيه فيل بيلعب في عبي

إنه مصالح سياسية فقط ،،

بس مبدئيا خلينا نتفق أن لا نثق في اي حد و نأخذ رايه إنه مسلم به ،،

أول اشتغالة اكتشفتها ،،

حل الحزب الحاكم السابق

في أوربا الشرقية ظلت الأحزاب الشيوعية تعمل بنفس الأسم و بعضها غير اسمه فقط للحزب الاشتراكي

و اكتفوا فقط بمحاسبة من أذنب منهم و توبة الباقي

ثاني اشتغالة اكتشفتها ،،

إن هوية الدولة ،، نفاق سياسي ،، لأن الدولة كيان اعتباري مالهوش دين

و اقتنعت جدا بالاشتغالة دي

بعدين اكتشفت إن دول كتير جدا حاطه نصوص في دساتيرها بنفس المعني و كلها دول مدنية متقدمة

نفسي بقه اعرف فكرة المجلس الرئاسي دي اشتغالة و لا فعلا اتطبقت في دول ؟؟ لأنها غير مقنعة إطلاقا

و فكرة نقعد بقه نستريح كده و ناخد فترة انتقالية طويلة عشان نوعي الشعب و نكون أحزاب و نعيش حياتنا

كان بيحصل ايه في الدول التانية ؟؟

يعني أنا مقتنع أكتر بالديمقراطية السريعة لأن الديمقراطية بتصلح نفسها بنفسها

و عايز اي فترة انتقالية تكون تحت لواء مدني ديمقراطي منتخب

و مش هيجلينا مجلس شعب من الملائكة و دستور محصلشي لأن كله من صنع البشر

يبقي نجرب أحسن و نختبر كل قوة علي أرض الواقع أو أرض الحكم

بس إحساسي إن فيه قوي مبسوطة كده أكتر و أهم قاعدين يقرفوا في المجلس العسكري و مجلس الوزراء

بدل ما يطلع عينهم في انتخابات و ديمقراطية ممكن تهمشهم

الذي حدث في أوروبا الشرقية وجنوب أفريقيا كان بإرادة دولية ... يعني كان محدد الإتجاه مسبقا .... والدول اللي كان فيها معارضة ديموقراطية طبعا تولت الحكم حتى تغيير الدستور والانتخابات .... واللي ماكانش فيها معارضة خدوا المعارضة من داخل النظام وخدت وقت وفيه مشاكل حتى الآن

أما ما حدث في مصر فهو بإرادة شعبية .... وغصب عن الإرادة الدولية

يعني لابد أن يحرس الشعب الطريق لآخره .... رغما عن الإرادة الدولية وإرادة المضارين من التغيير

وزي ما بيقولوا " ما يبقاش إبني على كتفي وارجع أدور عليه "

ولهذا

أنا مش عارف ليه الجيش متسربع

مش عارف ليه ما غيروش خمسين في الميه عمال وفلاحين

ليه ما غيروش إلى الانتخاب بالقائمة .... وخاصة أن كل البلاوي بتحصل من الانتخاب الفردي ... شراء الأصوات والبلطجية والقبلية وخلافه ....... وخاصة أن الحزب الوطني كان مرتكز على السلطة والمال أو هو نتيجة للتزاوج بينهم .... ودلوقتي هو خسر السلطة ... فاضله المال اللي هيحاول ييجي عن طريق الانتخابات الفردية

ثم ماهي العبقرية قصدي الغباوة في أن الجمعية التأسيسية يختارها مجلس الشعب المنتخب .... يعني إللي هاينجح في مجلس الشعب .... الإخوان والوطني ولا واحد فيهم ديموقراطي .... هما اللي هايشكلوا الجمعية التأسيسية إللي هاتعمل الدستور .... يعني في حالتنا لابد من وقت تنضج فيه أحزاب تعبر عن ما إستجد في المجتمع ..... وهنا التحدي الحقيقي هل ممكن يطلع حزب أو حزبين ديموقراطيين وجامدين في نفس الوقت

وخلال هذا الوقت نبحث عن طريقة جيدة لتشكيل الجمعية التأسيسية حتى يكون هناك دستور ما يخرش الميه

والبرادعي هو أفضل الاختيارات

أهووا كل الليهات دي اللي مشككاني في نوايا القوي الآخري

طب منين بيتهموا المجلس العسكري بالبطء

و هما عايزين ياخدوا وقتهم ؟؟؟

بخصوص سيناريو الانتخابات اللي حضرتك حطه ،،

في رأيي الشخصي إنه مجرد فزاعة بيعملوهنا زي فزاعات النظام السابق

انتخاب جمعية تاسيسية ،، أمر محال ،،

عارف زي ما تكون عايز تنتخب مهندس معماري كويس

في الآخر أنتا الزبون تقول للمهندس ،، صمملي فيلا و اعملي الريسبشن تحت و و خلي الحمامات علي ورا

بس أنتا صاحب القرار ،، هوا مجرد راجل فني بينفذ رغباتك ،،

الجمعية التأسيسية دي ناس فنيين ،،، لكن مش اصحاب رأي ،، إحنا نقولهم عايزين كذا و كذا هما يفصولنا الصيغة القانونية السليمة

الأوقع نختار ممثلين للشعب ،، هما يشرفوا علي الترزي ده ،، مش نختار الترزي اللي مالهوش دور !!

و اساسا مش متخيل رجال القانون دوول هننتخبهم إزاي !! ،، علي راي نوارة ،، محمود الخضيري يكتب علي وشه يس وي كان و ينزل يلف في الشوارع

طب بلاش ارهانك لو قالوا بكره هننتخب جمعية تأسيسية هيطلعوا يقولك الانتخابات هتجيب أخوان و حزب وطني !!!!

إحساسي إنهم ضد الانتخابات و الديمقراطية و خلاص ،،، عايزين يركبوا و خلاص

و الصراحة في حته الحكم دي ما باثقشي في اي حد ،،

ثانيا ،، يعني أيه حزب وطني ؟؟؟

طب عايز حد يقولي أيه أفكاره أو ايه برنامجه ؟؟؟

الحزب الوطني استحالة ينتهي لأنه جماعة مصالح ،،، مش حزب سياسي ليه فكر بالمعني المعروف

يبقي نكبر دماغنا منه ،، و نحاول نحط إجراءات

تمنع استغلال المال في السياسة (( اعتقد فيه قانون بالمعني ده )) ،، تمنع استغلال العصبيات القبلية (( زي فكرة القائمة النسبية )) ،، تمنع الفساد (( تفعيل دولة القانون و الجهات الرقابية و الإعلام الشفاف ))

ساعتها هيكون العمل السياسي حمل ثقيل و ليس سبوبه

و يعني لو حتي أصحاب المصالح دوول وصلوا للبرلمان ،، هيكون كل هدفهم إنهم يرضوا الشعب عشان ينتخبهم تاني

خلاااص ،،، ايه المشكلة المهم ميكونوش حرامية

المهم يعني عايزين نرجع لموضوعنا ،،

لو فيه حد عنده معلومات عن الطرق اللي اتطبقت قبل كده في الانتقال من الديكتاتورية للديمقراطية

يفيدنا بيه ضروري