برامج الهباب الشهيرة ببرامج الشباب

[Sherief AbdelWahab]

ما رأيكم في برامج الهباب المقدمة للشباب في التليفزيون الراقد لدينا؟

خلص الكلام

[Cleo]

ما رأيكم في برامج الهباب المقدمة للشباب في التليفزيون الراقد لدينا؟

خلص الكلام

أنا الحمدلله... ربنا شفانى من داء التليفزيون ولم أعادنى أشاهده نهائيا...

(وأصابنى بعد ذلك بداء الانترنت)

[Katamando]

هو أنت لسه بتتفرج على التليفزيون يا عم شريف

يا صبرك يا أخي

ربنا معاك

[فــيــروز]

آخر حاجه اوعى عليها من برامج الشباب كان "امانى و اغانى"

كان فى بدايته جيد جدا وكانت اكتر حلقه بتعجبنى حلقة اوائل الثانويه العامه .. فعلا كنت كل سنه باستنى اشوفها حتى بعد ما دخلت الجامعه ..

احيان كده كنت اقع على برنامج فى القناه التالته اسمه شارع الشباب على ما اذكر بس ده كان بيبقى وانا باجهز الشنطه عشان تانى يوم الشغل .. حاجه كده فى منتهى السآله .. البرنامج يعنى .. يقدم مشكلات مفروض انها مشكلات شبابيه كلها بطلاتها و ابطالها مراهقات ومراهقين مشكلتهم انهم مش عارفين الطرف التانى بيحبهم ولا لأ !! ويا ترى فيه حاجه اسمها حب من طرف واحد؟ ولو فلان ضحك لى وقت ما ضحكت له ده معناه انه بيحبنى ولا هو كان بيسلك سنانه فى اللحظه دى صدفه !!

واللى كان بيغيظنى اكتر انهم بيجيبوا طبيب نفسى "هما بيقولوا كده" عشان يحل المشكله دى !!

برنامج آخر -بس ده حكومى اوى- اسمه لو بطلنا نحلم نموت .. هو فعلا يموت لو الواحد نسى نفسه شويه قصاد التليفزيون .. خاصة ان لقاءاته مع شباب الجامعه اللى بيبقى طالع حافظ كويس هيقول ايه خصوصا فى حلقه كانت عن مشاركة الشباب فى العمل السياسى !!

فى رمضان الماضى كان فيه برنامج للاسف لم يحظ بدعايه كبيره .. كان على القناه التانيه وكان بيتكلم عن شباب نجحوا فى مجالات بعيده عن مجال تخرجهم .. الفكره كانت جيده جدا والنماذج معقوله و مشجعه .. لكنها للاسف كانت تركز كالعاده على شباب القاهره و لا اتذكر انها قدمت نماذج من خارجها

الخلاصه

بيج زيرو

[emmyyy]

ولا برامج المسابقات الي بيجيبوا فيها شباب من الجامعه يسالوهم في المعلومات العامه بتبقي حاجه تكسف وديما يبقي في بنتين و الاتنين ميتين علي نفسهم من الضحك و هما ولافهين حاجه والمنظر التاني بتسال واحد سؤال قوم ايه بقي الناس تتلم حوليه قوم ايه كل واحد يقعد يشاور ويتنطط :unsure:

علشان الناس تشفوا في التلفزيون والله ده حته عيب يطلعوا منظر شبابنا كده

[فــيــروز]

ولا برامج المسابقات الي بيجيبوا فيها شباب من الجامعه يسالوهم في المعلومات العامه بتبقي حاجه تكسف وديما يبقي في بنتين و الاتنين ميتين علي نفسهم من الضحك و هما ولافهين حاجه والمنظر التاني بتسال واحد سؤال قوم ايه بقي الناس تتلم حوليه قوم ايه كل واحد يقعد يشاور ويتنطط :blink:

  علشان الناس تشفوا في التلفزيون والله ده حته عيب يطلعوا منظر شبابنا كده

آه والله معاكى حق :unsure:

طيب اللى بتضحك دى وميته من الكسوف بسبب الظهور فى برنامج تليفزيونى بلاش توافق تظهر فيه وتريحنا .. احنا بردو زى اخواتهم الصغيرين mf(

تم تعديل 16 أغسطس 2004 بواسطة فــيــروز