معاك سي اس كيو و قدامك سنة او اكتر على السفر .. هتعمل فيها ايــــــــــــه

[دون كاملو]

طبعا كلنا ملاحظين الوقت القاتل ما بين الحصول على السي اس كيو و ما بين السفر

لازم نستغل الوقت دة بطريقة تخدم مشروع الهجرة و في حاجات كتيرة ممكن تتعمل

بداية من قرارك .. هل ناوي تكمل كيبيك و لا تنقل فيدرال .. لان دة هيترتب علية قرارت تانية

على سبيل المثال و ليس الحصر للحاجات اللى ممكن تعملها

تعادل شهادتك

كورسات لغة

اتعلم مهنة او حرفة تانية

هتسكن فين

تكوين شبكة معارف و علاقات فى كيبيك

مراتك او جوزك هيعمل اية هناك لو لغتة ضعيفة

مدارس او حضانة الاولاد

تدبير الفلوس اللى هتحتاجها هناك اول كام شهر

.

.

.

سلسلة لا تنتهى من الحاجات اللى ممكن تتعمل من مصر .. تسهل عليك الفترة الاولى في كيبيك

ممكن كدة واحدة واحدة مع بعض نبدأ نخطط للوقت دة علشان ميبقاش وقت ضايع

بالنسبة ليا انا ناوي اكمل كيبيك علشان مراتي مدرسة فرنساوي و ليها فرص عمل هناك لانها معاها شهادة معتمدة دوليا و كمان بنتي ابتدت دراستها بالفرنسي

الحيرة الحقيقية ليا انا .. الفرنسي بتاعى ضعيف

خبرتي فى مجال المبيعات و التسويق و بالتحديد فى مجال السيارات و طبعا صعب عليا الاقي شغل فى المجال دة هناك

مؤخرا اتخصصت في مجال تحليل السوق و دة محتاج دراسات في مجال ابحاث التسويق و التحليل الكمي وهنا تظهر مشكلة تانية ان الدارسات الموجودة فى مصر و المعتمدة دوليا باللغة الانجليزية فقط .. غير ان الله وحدة يعلم مدى صعوبة دراسة تلك المواد باللغة الفرنسية

و من هنا فكرت اتعلم حرفة او مهنة .. يعنى مثلا - ومن غير تريقة - انا بحب المطبخ جدا .. ففكرت التحق بدراسات معتمدة دوليا بتخرج شيفات معتمدين دوليا

بس .. بصراحة و من منطلق رجعى متخلف مش عايز اولادي يكبروا و يلاقوا .......... الوضع دة او يلوموني على عدم الاصرار فى المحاولة على الاستمرار في مجالى

ففكرت امشي الاتنين مع بعض يعني اشتغل كدة و ادرس في نفس الوقت و مين عارف يمكن موضوع الشيف دة يضرب معايا و اكتشف فى نفسي موهبة مدفونة

يعني انا قلت افتح كلام و ياريت نبتدي نفكر مع بعض و نساعد بعض بافكار تسهل من صعوبة الفترة الاولى للهجرة

انا حصلت على السي اس كيو فى 8/11/2010 و ارسلت الملف فيدرال فى 13/3/2011

[jonathan]

منور يا دون كاملو..طبعا موضوع زي العسل و خصوصا السطرين بتوع الاكل اللي كتبتهم..فعلا موضوع يفتح النفس..يلا شد حيلك و افتح مطعم هناك و حتلاقينا كلنا عندك..بس بما اننا حنجي على الحميد المجيد..يبقى اعمل حسابك على ربنا يعوضك...تحياتي

[دون كاملو]

منور يا دون كاملو..طبعا موضوع زي العسل و خصوصا السطرين بتوع الاكل اللي كتبتهم..فعلا موضوع يفتح النفس..يلا شد حيلك و افتح مطعم هناك و حتلاقينا كلنا عندك..بس بما اننا حنجي على الحميد المجيد..يبقى اعمل حسابك على ربنا يعوضك...تحياتي

صباح الفل يا عم جوناثان

دي لسة فكرة عندي و الله يعلم ممكن تطلع للنور ولا لأ

المهم انت وضع الملف بتاعك اية.. يعني وصلت لحد فين

واية خططك و مجال شغلك و ناوي على اية هناك

خلينا نفكر مع بعض بصوت عالى و مين عارف فكرة مني على فكرتين منك و العملية تمشي

تحياتي

[dr gege]

فكرة هايلة يا دون كاملو انت دائما مبدع فعلا الانتظار قاتل نستغلة احسن في حاجة تفيدناوربنا يسهل

[دون كاملو]

فكرة هايلة يا دون كاملو انت دائما مبدع فعلا الانتظار قاتل نستغلة احسن في حاجة تفيدناوربنا يسهل

طالما الفكرة عجبتك يا دكتورة .. يلا ابتدي شاركينا بخططك و افكارك و ناوية على اية هناك

وازاي هنبدأ من هنا نحضر لسنة اولى هجرة

سيداتي انساتى سادتى

نقدم اليكم الكتاب الجديد "خططي و مقترحاتي للعالم الاتى" تاليف الدكتوره جيجي

clp:: clp:: clp::

[Filomina]

الموضوع مهم جدا .... هو احنا لسة معملناش الإنترفيو اصلا بس ان شاء الله ربنا يكملها علي خير وناخد السي اس كيو (يارب)

بس عامة احنا برده فكرنا في موضوع العمل الخاص ده وعلي فكره انا جوزي برده بيطبخ حلو جدا وهو فكر في كذا فكره بس طبعا مستقرش علي حاجه لسه علشان مش عارفين طبعا مصاريف حاجه زي كده هناك ايه ؟ يعني لازم نعمل حاجه زي دراسة جدوي ... علشان اكيد الوضع هناك مختلف عن هنا ومنضيعشي تحويشة العمر اول من نروح طبعا وفي نفس الوقت المعادلة بتاعة الشهاده(محاسبة) بتاعتنا طويل :Head: .. ربنا يسهل ويقف مع الكل

[دون كاملو]

الموضوع مهم جدا .... هو احنا لسة معملناش الإنترفيو اصلا بس ان شاء الله ربنا يكملها علي خير وناخد السي اس كيو (يارب)

بس عامة احنا برده فكرنا في موضوع العمل الخاص ده وعلي فكره انا جوزي برده بيطبخ حلو جدا وهو فكر في كذا فكره بس طبعا مستقرش علي حاجه لسه علشان مش عارفين طبعا مصاريف حاجه زي كده هناك ايه ؟ يعني لازم نعمل حاجه زي دراسة جدوي ... علشان اكيد الوضع هناك مختلف عن هنا ومنضيعشي تحويشة العمر اول من نروح طبعا وفي نفس الوقت المعادلة بتاعة الشهاده(محاسبة) بتاعتنا طويل :Head: .. ربنا يسهل ويقف مع الكل

تمام يا فيلومينا .. كلامك صح جدا

بس هو ممكن يتعلم و يبدأ هناك يشتغل كمساعد شيف ثم شيف لحد ما يفهم الوضع هناك اية و بعد كدة يقرر يفتح مشروع لحسابة

و على فكرة شغل الشيفات هناك بيكسب معقول من 10 الى 20 دولار في الساعة حسب الخبرة

بس اية رايك انت و جوزك في الموضوع من حيث المبدأ .. من ناحية الشكل العام - الوضع الاجتماعي .... يعنى انتو شايفين الموضوع ازاي

و نباركلكم عن قريب على السي اس كيو

تحياتي

[خائف]

في الاول سلامي للجميع

اولا يا ابو دون يارب تكون سنه مش اكتر لان انا محروق دمي حتي الان لان انا مقدم في نص ديسمبر و حتي الان رقم الفايل ليسه مشرفش بالرغم من ان في ناس مقدمه بعدي و جالها بس المفترض انه علي وصول

فعلا فكره همتازه و انا اوردي بفكر فيها من بدري و دماغي هتتفرتك بس علي كل حال انا دلوقتي بذاكر فرنساوي و بحاول اخد شهاده في النيتورك حيث انا مهندس اتصالات بس في نفس الوقت مش عارف ايهما افضل شغل الشركات ولا مشروع تبتدي فيه صغير و يكبر مثلا زي موضوع الصب واي هناك بتاع الاكل لانه مشهور اوي هناك في كيبيك

[دون كاملو]

في الاول سلامي للجميع

اولا يا ابو دون يارب تكون سنه مش اكتر لان انا محروق دمي حتي الان لان انا مقدم في نص ديسمبر و حتي الان رقم الفايل ليسه مشرفش بالرغم من ان في ناس مقدمه بعدي و جالها بس المفترض انه علي وصول

فعلا فكره همتازه و انا اوردي بفكر فيها من بدري و دماغي هتتفرتك بس علي كل حال انا دلوقتي بذاكر فرنساوي و بحاول اخد شهاده في النيتورك حيث انا مهندس اتصالات بس في نفس الوقت مش عارف ايهما افضل شغل الشركات ولا مشروع تبتدي فيه صغير و يكبر مثلا زي موضوع الصب واي هناك بتاع الاكل لانه مشهور اوي هناك في كيبيك

صباح الفل يا خائف .. ميرسي على مشاركتك

بص يا سيدي .. بكل الاحوال لازم فى الاول هيكون شغل شركات وممكن شغل كاجوال يعني اي حاجة و السلام لحد ما الواحد يعرف البلد و المكان الى هيستقر فية و يفهم الناس و طبيعة الحياة و الفرص التسويقية المتاحة .. لأن المنافسة هناك اكيد صعبة

بالنسبة ليك .. مهم جدا تكون الشهادة بتاعتك معتمدة دوليا جدا و خصوصا من التعليم الكندي او الامريكي

و طالماانت مكمل تعليم فرنساوي يبقى انت ناوي كيبيك .. طيب هل فكرت هتقعد فين و السكن و .... الخ الخ

و عرفنا اكتر لو سمحت عن الملف بتاعك يعنى : اعزب متزوج اطفال تعليم خبرة سن

ممكن اسألك انت بتتعلم فرنساوي ازاى او مع مين

حاجة تانية .. انا عايز اعرف لية الفايل نمبر اتاخر اوي كدة و عرفت منين انة على وصول

حاجة تالتة .. ممكن تقرا المشاركة الاولى بتاعتى و تفكر معايا و تشاركني برايك

تحياتي

[dr gege]

شكرا شكرا لا لا دعونا نعمل في صمت ههههههه

بص انا عن نفسي هبتدي ارجع ازاكر الفرنساوي من تاني لاني حاسة اني ابتديت انسي دةية خطوة مهمة لان كل اصحابي اللي سافرة قالولي لازم تزاكري كويس اللغة قبل السفر دة اول حاجة انا ناوية اعملها ان شاء اللة

[اغابي]

ميرسي يا دون كاملو

انا هاقتحم التوبيك واشارك معاكم ليالى الملاح - حتى الصباح - برغم انى لسة ما حصلتش على الاس سي كيو لانى لسة فى مرحلة الفايل نمبر

لكن اهو احب الاستعجال واحب انى اعيش فى الدور واسبق الاحداث

اقولكم من الاخر رايي - اهم اهم اهم حاجة

اللغــــــــــــــــــة لكل افراد الاسرة

- حتى ابنك الصغير لو عمره 8 او 9 سنين خليه يعيش فى جو اللغة الفرنسية

لازم كل الاسرة تتكمن من اللغة الفرنسية - حقيقي هو داه اول مفتاح سحرى بجد لكل ابواب الفرج هناك

خلصت من اللغة ولسة برضوه باقى وقت - يبقى تعالو ننقل على المرحلة التانية

فاصل ونواصل

انتظرونى

تم تعديل 18 مارس 2011 بواسطة اغابي

[دون كاملو]

دكتورة جيجي

كلامك صح 100 في الـ100 لأ 1000 فى الـ100

أنا كمان هرجع اشد تاني في الفرنساوي .. انا كنت خلصت 4 مستويات في السنتر و امتحنت دلف

بس مش ناوي ارجع تاني اروح السنتر .. انا هبدأ من كتاب هوجو للمبتدئين و بعدين هوجو المتقدم و معايا المدام كمان بتساعدنى .. و بعدين ممكن اروح اعمل امتحان تحديد مستوي فى السنتر

اة بالمناسبة .. انتو عارفين ان كل اللى معاة سي اس كيو من حقة ياخد كورسات فى السنتر لحد 1500 دولار كندي و يستردهم لما يوصل بشرط وجود الايصالات

أغابي

يا باشا انت تنور في اى مكان على المحاورات .. دة انا اللى ضيف عليكى

و بعدين سي اس كيو اية و بتاع اية دا انتى هيتحايلو عليكي علشان تقبلي تخديها هههههه

عارفين يا جماعة ممكن نعمل اية تانى يفيدنا جدا هناك .. بكرة نكمل

[خائف]

في الاول سلامي للجميع

اولا يا ابو دون يارب تكون سنه مش اكتر لان انا محروق دمي حتي الان لان انا مقدم في نص ديسمبر و حتي الان رقم الفايل ليسه مشرفش بالرغم من ان في ناس مقدمه بعدي و جالها بس المفترض انه علي وصول

فعلا فكره همتازه و انا اوردي بفكر فيها من بدري و دماغي هتتفرتك بس علي كل حال انا دلوقتي بذاكر فرنساوي و بحاول اخد شهاده في النيتورك حيث انا مهندس اتصالات بس في نفس الوقت مش عارف ايهما افضل شغل الشركات ولا مشروع تبتدي فيه صغير و يكبر مثلا زي موضوع الصب واي هناك بتاع الاكل لانه مشهور اوي هناك في كيبيك

صباح الفل يا خائف .. ميرسي على مشاركتك

بص يا سيدي .. بكل الاحوال لازم فى الاول هيكون شغل شركات وممكن شغل كاجوال يعني اي حاجة و السلام لحد ما الواحد يعرف البلد و المكان الى هيستقر فية و يفهم الناس و طبيعة الحياة و الفرص التسويقية المتاحة .. لأن المنافسة هناك اكيد صعبة

بالنسبة ليك .. مهم جدا تكون الشهادة بتاعتك معتمدة دوليا جدا و خصوصا من التعليم الكندي او الامريكي

و طالماانت مكمل تعليم فرنساوي يبقى انت ناوي كيبيك .. طيب هل فكرت هتقعد فين و السكن و .... الخ الخ

و عرفنا اكتر لو سمحت عن الملف بتاعك يعنى : اعزب متزوج اطفال تعليم خبرة سن

ممكن اسألك انت بتتعلم فرنساوي ازاى او مع مين

حاجة تانية .. انا عايز اعرف لية الفايل نمبر اتاخر اوي كدة و عرفت منين انة على وصول

حاجة تالتة .. ممكن تقرا المشاركة الاولى بتاعتى و تفكر معايا و تشاركني برايك

تحياتي

انا يا سيدي مدوز ايون مدوز و عندي واحد بيبي و سني 31 و 8 سنيين خبره

و بالنسبه للشهاده انها تكون معتمده دوليا فهي ببساطه شهاده في ال اي تي من شركه سيسكو في عالم الشبكات و هي اوريدي شهاده عالميه

CCNA and after that CCNP

ليه الفايل نمبر اتاخر مش عارف

ليه علي وصول لان بعد ما بعت ميليين و بعت فاكس و بعد ما روحت بنفسي و قدمت طلبيين في الصندوق بنفسي حنو علي و بعتولي ميل يقلولي ان الدنيا عندهم زحمه و اول ما هيخلصوه هبعتهولي و بكده انا بس اتاكدت انه مضعش في البريد و الحمد لله

[خائف]

بتعلم فرنساوي ان انا بذاكر مع نفسي بسمع حاجات كتير و بشوف فيديوهات و بحاول اقول بصوت عالي و اظن انا انا هكمل في السنتر و علي فكره الكتاب الي انت بتذاكره اكتر من ممتاز و مفيد جدا انا ذاكرت منه جزء كبير قبل كده........ السكن اظن ان مفهوش مشكله انا اعتقد اكيد هنزل علي مونتريال او لافال لان اعرف ناس هناك

يا ريت يا جماعه لو حد يعرف اي حد بيشتغل في مجال شبكات سيسكو هناك او حتي من اخواتنا هنا الي ناويين يهاجرو يقولي

[Shab Masri]

صباح الخير

لو سمحتوا سؤال بش مش عن الهجرة .. عن فيزا السياحة .. تورنتو

اناهكون موجود في امريكا عدة شهور لامور خاصة

و عاوز ادخل كندا خلال تلك الفترة عشان الفيز الامريكية بتكون مددها قصيرة ومليانة تعقيد و شروط

الدخول والخروج عبر كندا هيكون مهم ليا ويحل لي مشاكل كتير

وكمان ازور اقارب واصحاب..

محتاج فيزا زيارة سياحة لكندا

مع العلم ان لنا اقارب واصدقاء هناك ممكن يبعتولي رسالة انفتيشن

بس هل فيزا السياحة لكندا سهلة ؟

ولا صعبة زي فيزا امريكا B1B2 ?

وهل السفارة في مصر بتدي الفيزا 5 سنين دخول متعدد ؟

ولا فقط 6 شهور دخول مرة واحدة ؟

ولا صعبة اساسا للشباب المصريين ؟

الرجاء الافادة من اصحاب الخبرة

تحياتي

[دون كاملو]

صباح الخير

لو سمحتوا سؤال بس مش عن الهجرة .. عن فيزا السياحة .. تورنتو

الرجاء الافادة من اصحاب الخبرة

تحياتي

السيد شاب مصري .. نورت التوبيك .. و اتفضل شاي

أعتقد ان خبرة الناس الموجودة هنا فى جزئية السياحة دي ممكن تكون محدودة

بس لو حد عندة رد أكيد من هيبخل بية عليك

كمان يهيأ لى ان في مواضيع تانية مفتوحة و اصحابها عندهم معلومات اكتر خصوصا ان طلبك فيدرال مش كيبيك

تحياتي

تم تعديل 19 مارس 2011 بواسطة دون كاملو

[Shab Masri]

شكرا لاهتمامك

ربنا يوفقك

[dr gege]

اية الكسل دة فين الناس والافكار دة الوقت لسة طوييييييييل احنا فين والميديكال فين

[petro]

مساء الفل يا استاذ دون كاملو انت عملت الموضوع ده وكانك تقراء افكاري سبحان الله انا بردو حصلت على ال csq في 8/12/2010 و قدمت الفيل في السفارة 17/3/2011 يعني احتمال ناخد الفيزا في وقت واحد و كنت زيك بفكر في الوقت اللي فاضل ممكن اعمل فيه ايه ولقيت و ده رايي اني مخدش كرسات و درسات متخصصة في اى مجال دلواتي لاني ببساطة مش شايف الدنيا على الطبيعة و مش عارف ظروف كل مهنة ايه بس بقول اني في كورسات ودراسات مهمة جدا ومش هتحدد توجهتنا الوظيفية زى ايه؟؟؟؟؟؟؟؟؟؟

1- طبعا اللغة الفرنسية اكيد لازم نزود اللغة عندنا مش مجرد مادة هنمتحن فيها لا لازم نوصل باللغة انها جزء من كلامنا لاننا هناك مش هنتكلمها ساعة ولا اتنين لا ده على طول

2- تاني حاجة انا شايفها مهمة الكمبيوتر كلنا طبعا خبراء في استخدام الكمبيوتر و الويندوز و بنعمل حاجات كتيرة لكن انتو عرفين ان ممكن يكون الويندوز هناك بالفرنسي يعني كل اللى احنا حفظينة واتعلمناه بالانجليش مش هينفعنا كتير (إلا لو خدناها بالشبه ) في المركز في كورسا كمبيوتر بالفرنسي و معتمده طبعا

3- لو انت ناوي تشتغل في نفس مجالك يبقى تبتدي تدور على المعادلة وتعرف ايه الظروف ولو تقدر تذاكر من هنا عشان لما توصل هناك تنجح من اول مرة

انا عن نفسي بفكر اخد شهادات في الكمبيوتر بالفرنسي معتمدة لانه رغم اني عفريت في الويندوز و الورد اني بردو معنديش اى شهاده معتمدة او مش

و ياريت نكمل مع بعض واللى عنده خبره في الشهدات والدرسات يحكلنا

[دون كاملو]

اية الكسل دة فين الناس والافكار دة الوقت لسة طوييييييييل احنا فين والميديكال فين

ايوة كدة يا دكتورة .. جميل اوي التشجيع دة

انتى بردة ممكن تعمليلنا شوية دعاية فى التوبيكس التانية .. انتى بردى حبايبك كتييييييييير و تقدري تجبيلنا زباين للتوبيك الغلبان دة