الاصلاح العاطفي

[جويرية]

الاصلاح العاطفي

بعد ما مشي مبارك و ساب الدنيا مكركبة بعده ، و الشعب عليه انه يبتدي في الاصلاحات في كل مجال

اتكلمنا عن الاصلاح السياسيي و التشريعي و الاقتصادي في موضوعات كتير

انا قلت بقي اكتب موضوع عن الاصلاح العاطفي اللي حنبتديه في العهد الجديد

و ازاي نصلح ما تم افساده ،

اما اسباب الحالة العاطفية اللي مش بخير ،

البطالة اللي رفعت سن الجواز

المرتبات الضعيفة اللي خلت الزوج يشتغل شغلتين ، و البيت بقي بالنسبة ليه فندق ياكل فيه و ينام

مناهج التعليم اللي حاطينها مش خبراء التربية ، خبراء النكد عشان يقرفوا الناس ، و بقت الزوجة يا دوب قاعدة طول اليوم وسط الكتب و الكراريس عشان تحصل قطر التعليم السريع و تلحق تلاقي لأولادها مكان

اما اميرة الاحلام اللي كانت في القصص القديمة بتجمع الزهور و بتغني مع العصافير ، بقت في ثانوية عامة و بتقطع في شعرها من صعوبة الامتحانات و ايديها مليانة حبر من كتر المذاكرة

اما فارس الاحلام اللي كان بياخد الاميرة علي الحصان الابيض ، دلوقتي ييجي يقولها انتو حتجيبوا ايه في العفش و احنا حنجيب ايه ،

حكومة مبارك كعادتها كانت بتكدب علي الشعب ، و و يقولوا ان الحالة العاطفية عند الشعب بخير و ان البلد مليانة دباديب وورد احمر خصوصا في عيد الحصبة المسمي بعيد الحب اللي كل الناس لابسة احمر فيه ، و برضو الاعلام المصري كعادته بيضلل الناس و تلاقي المذيعيين و المذيعات لابسين احمر

اما امتي الحكومة الجديدة حتبدأ خطوات الاصلاح العاطفي ، لازم الاصلاح الاقتصادي الاول ، و طبعا قبل الاصلاح الاقتصادي الاصلاح السياسي ، و قبله الاصلاح التشريعي

وكمان خطط الاصلاح الاقتصادي دي خطط طويلة الاجل يعني خطة عشرية و خطط 50 سنة

انا برضو عايزة يتم محاكمة مبارك ، بتهمة لم توجه له من قبل ، تهمة التنكيد علي الناس ،

فأيه رأيكم دام فضلكم

خطوات الاصلاح العاطفي في الحكومة الجديدة حيبقي خطواتها أزاي ؟

[لونا]

اتصوري فكرة حلوة إنه يتحاكم بتهمة التنكيد على المصريين

و حتبقى حاجة جديدة خالص في تاريخ الشعوب

بس و الله عجبني سردك لتسلسل الأحداث

و ازاي الموضوع تحول من فساد اقتصادي و فساد في التعليم و و و ..

و في الآخر أدى لتخريب حياة المصريين العاطفية

تحياتي

[جويرية]

اتصوري فكرة حلوة إنه يتحاكم بتهمة التنكيد على المصريين

و حتبقى حاجة جديدة خالص في تاريخ الشعوب

بس و الله عجبني سردك لتسلسل الأحداث

و ازاي الموضوع تحول من فساد اقتصادي و فساد في التعليم و و و ..

و في الآخر أدى لتخريب حياة المصريين العاطفية

تحياتي

اشكرك يا لونا

ما هيا سلسلة مترابطة الحلقات ، بس موضوع الحالة الاقتصادية ،، الفقر مش اختراع جديد

بس الفقر في عهد مبارك ، فقر مركب ، فقر علي جهل علي قهر

[جويرية]

للرفع

الموضوع ده اتظلم وسط ايام الأستفتاء ، زي الأفلام اللي اتعرضت وقت الثورة

[ozoozo]

والله انا بفكر ابتدي بنفسي في موضوع الاصلاح العاطفي ده واتجوز تاني :closedeyes:

بس المشكله بيزعقوا عندي في البيت علي الحاجات دي :protest:

[الســـاري]

موضوع هايل جوجو ..

بس فعلا .. الحالة العاطفية تتأثر بالوضع العام السياسي والوضع الخاص الاقتصادي .. بس دي حسابها بقى عند رب العالمين

كله كوم وتعبير " يوم الحصبة " دي كوم تاني

:P

اوزاوز .. مش كل الثورات تقدر تنجح فيها

الثورة اللي عايز تعملها في البيت دي عايزة قلب ميت بجد

اتصل باركتيكت في السجن بتاعه وهو ينسق لك ثورة على مقاسك

ومش هاتسمع زعيق تاني

[جويرية]

والله انا بفكر ابتدي بنفسي في موضوع الاصلاح العاطفي ده واتجوز تاني :closedeyes:

بس المشكله بيزعقوا عندي في البيت علي الحاجات دي :protest:

نسيت اكتب في عنوان الموضوع ( الاصلاح العاطفي فيما عدا تعدد الزوجات )

عشان مواضيع تعدد الزوجات في جميع المنتديات بتتحول الي حرب طاحنة :closedeyes:

[جويرية]

موضوع هايل جوجو ..

بس فعلا .. الحالة العاطفية تتأثر بالوضع العام السياسي والوضع الخاص الاقتصادي .. بس دي حسابها بقى عند رب العالمين

كله كوم وتعبير " يوم الحصبة " دي كوم تاني

اشكرك

زمان الاطفال الصغيرين كانوا بيلبسوهم احمر لما يحصبوا ، ليه معرفش ، تقريبا كانوا فاكرين ان الجن ليه سبب في الموضوع ده و هما عايزين بيعدوا الجن باللون الاحمر

[ذهبية]

موضوع جميل جدا يا جويرة احييك علية لانك دخلتى لنقطة فى منتهى الاهمية يمكن حياتنا كلها بتقوم علية فكرة وجود الحب و الاستقرار العاطفى

عمرك ما هتوصل الى النجاح الا لو انت بتحب اللى بتعملة من كل قلبك

ازاى نوصل لدة

اولا لازم ننشر برامج التنمية البشرية لانى مقتنعة بحد ان الانسان فية طاقات رهيبة جوة كل واحد فينا بس عايوز الطريقة اللى يطلعها بيها

لازم نمرن نفسنا اننا نعبر عن مشاعرنا اى كانت بالسلب او الايجاب لان الكبت بيجيب الانفجار و ساعاتها انتم كلكم عارفين هيحصل اية

يعنى اى زوج و زوجة مضايقين من حاجة من بعض يفضفضوا يقولوا مش لازم الكبت اللى فجاة لو انفجر البيت كلة بينهد

لازم نتعلم فى مصر ازاى نحب نفسنا ازاى

يعنى انا باحس ان المصريين عندهم حاجة غريبة قوى انهم بيحوشوا كل حاجة

بيحوشوا الفلوس علشان بكرة بيحوشوا اللبس الحلو للمناسبات بيحوشوا المشاعر للاعياد الرسمية زى عيد الام و وعيد الزواج و عيد الميلاد يعنى بعد الايام دى يتنسى كل حاجة لحد ما السنة تلف و نستنى حد يفكرنا بالاذاعة او فى ورق النتيجة ان النهاردة فية مناسبة

الفكرة لو حسيت بالحب قولة مش لازم بمناسبة عيش حياتك وبلاش تحوش الايام و تكسل و تعينها لبكرة محدش عارف بكرة دة فية اية

عيش اللحظة بكل ما فيها لان الدقيقة اللى بتعدى استحالة ترجع تانى

ادى لنفسك يوم اجازة فى الاسبوع اعمل فية اللى بتحبة سافر غير جو اجتمع مع حد بتحبة من عيلتك او اصحابك

ادخل السعادة على قلب حد قريب او غريب صدقنى هتتنقل لك مباشرة

[شيدوان]

اعتقد ان الاصلاح العاطفى سيكون آخر الاصلاحات وبشرط نجاح الاصلاحات الاخرى السابقة عليه ،

فالافكار نستطيع السيطره عليها والتحكم فيها وتنفيذها متى اردنا ، اما العواطف فهى التى تسيطر عليناوتتحكم فينا وتدفعنا لتنفيذها متى تريد هى

ثم ان الاصلاحات الاخرى نستطيع تحقيقها لان الطرف المخطئ فيها معروف ومتفق عليه، والطرف الذى يريد الاصلاح معروف ايضا ومتفق عليه ، اما فى الاصلاح العاطفى فليست هناك معرفه او اتفاق على من المخطئ من الزوجين ويستحق الاصلاح ، ومن المصيب ومن حقه المطالبه بالاصلاح

ففى داخل البيت الواحد الزوجة ترفع لافته بانها تريد اصلاح الزوج ، والزوج يرفع لافته بانه يريد اصلاح الزوجه ، وسوف تستمر الثوره والثوره المضاده طويلا حتى يهدى الله احد الطرفين او كلاهماالى الالتقاء فى منطقه وسط وقبول بعض الاصلاحات او التنازل عنها .

اعتقد انه امامنا وقت طويل حتى تنحل المشاكل وينعدل الحال ويروق المزاج ، فنشوف الدنيا لونها بمبى اوحتى فوشياونقبل التصالح ولو حتى دون اصلاح

شكرى وتحياتى

[جويرية]

موضوع جميل جدا يا جويرة احييك علية لانك دخلتى لنقطة فى منتهى الاهمية يمكن حياتنا كلها بتقوم علية فكرة وجود الحب و الاستقرار العاطفى

عمرك ما هتوصل الى النجاح الا لو انت بتحب اللى بتعملة من كل قلبك

ازاى نوصل لدة

اولا لازم ننشر برامج التنمية البشرية لانى مقتنعة بحد ان الانسان فية طاقات رهيبة جوة كل واحد فينا بس عايوز الطريقة اللى يطلعها بيها

لازم نمرن نفسنا اننا نعبر عن مشاعرنا اى كانت بالسلب او الايجاب لان الكبت بيجيب الانفجار و ساعاتها انتم كلكم عارفين هيحصل اية

يعنى اى زوج و زوجة مضايقين من حاجة من بعض يفضفضوا يقولوا مش لازم الكبت اللى فجاة لو انفجر البيت كلة بينهد

لازم نتعلم فى مصر ازاى نحب نفسنا ازاى

يعنى انا باحس ان المصريين عندهم حاجة غريبة قوى انهم بيحوشوا كل حاجة

بيحوشوا الفلوس علشان بكرة بيحوشوا اللبس الحلو للمناسبات بيحوشوا المشاعر للاعياد الرسمية زى عيد الام و وعيد الزواج و عيد الميلاد يعنى بعد الايام دى يتنسى كل حاجة لحد ما السنة تلف و نستنى حد يفكرنا بالاذاعة او فى ورق النتيجة ان النهاردة فية مناسبة

الفكرة لو حسيت بالحب قولة مش لازم بمناسبة عيش حياتك وبلاش تحوش الايام و تكسل و تعينها لبكرة محدش عارف بكرة دة فية اية

عيش اللحظة بكل ما فيها لان الدقيقة اللى بتعدى استحالة ترجع تانى

ادى لنفسك يوم اجازة فى الاسبوع اعمل فية اللى بتحبة سافر غير جو اجتمع مع حد بتحبة من عيلتك او اصحابك

ادخل السعادة على قلب حد قريب او غريب صدقنى هتتنقل لك مباشرة

اشكرك يا اختي ذهبية

زي ما قلتي التنمية البشرية و ازاي الناس تقدر تعبر عن العاطفة

بشوف ان الستات زمان كان ثقافتهم اعلي من دلوقتي ، يعني هما توارثوا عن جداتهم كلام جميل ، تلاقي جداتنا وسط كلامهم ممكن تلاقي قصص حلوة او شعر او امثال و حكم

اما بنات اليوم ( علي رأي الفلم ) تلاقيهم كل اللي يعرفوه المكياج و الموضة ،و المكياج ده عبارة عن دقيق و بوية بيتحط علي الوش ،

وده طبعا بيدل علي ثقافة سطحية بسبب مقررات وزارة التعليم

ده غير الاعلام اللي بيقدم ان الجميلات هما فلانة ولا فلانة اللي عاملة 50 عملية تجميل

[جويرية]

اعتقد ان الاصلاح العاطفى سيكون آخر الاصلاحات وبشرط نجاح الاصلاحات الاخرى السابقة عليه ،

فالافكار نستطيع السيطره عليها والتحكم فيها وتنفيذها متى اردنا ، اما العواطف فهى التى تسيطر عليناوتتحكم فينا وتدفعنا لتنفيذها متى تريد هى

ثم ان الاصلاحات الاخرى نستطيع تحقيقها لان الطرف المخطئ فيها معروف ومتفق عليه، والطرف الذى يريد الاصلاح معروف ايضا ومتفق عليه ، اما فى الاصلاح العاطفى فليست هناك معرفه او اتفاق على من المخطئ من الزوجين ويستحق الاصلاح ، ومن المصيب ومن حقه المطالبه بالاصلاح

ففى داخل البيت الواحد الزوجة ترفع لافته بانها تريد اصلاح الزوج ، والزوج يرفع لافته بانه يريد اصلاح الزوجه ، وسوف تستمر الثوره والثوره المضاده طويلا حتى يهدى الله احد الطرفين او كلاهماالى الالتقاء فى منطقه وسط وقبول بعض الاصلاحات او التنازل عنها .

اعتقد انه امامنا وقت طويل حتى تنحل المشاكل وينعدل الحال ويروق المزاج ، فنشوف الدنيا لونها بمبى اوحتى فوشياونقبل التصالح ولو حتى دون اصلاح

شكرى وتحياتى

في اصلاح الناس بترفض الاعتراف بيه و ربنا حلله

هو الطلاق اذا فشلت جميع محاولات الاصلاح