متابعة استفتاء 19 مارس .. يوم قد يسجله التاريخ

[Om Zayd]

عايزين شوية تنسيق

اللي يعرف لجنة فاضية شوية يدلنا يا اولاد الحلال

[fatfouta]

عمرو دياب واقف فى الطابور مؤدب اهو ومش بيقول لا دخلونى انا الاول

يا جماعه فيه حاجه !

مش بقول على عمرو دياب

بس ليه اناس واقفين بالتزام مش ملفوفين حواليه بيتصوروا ويبصوا في الكاميرا والمناظر دي وكدهوت !

ليه دلوقتي في مصر كل واحد مصري حاسس انه

عمرو دياب !!!!!!

وهو فرق عنهم ايه عمرو دياب يعنى

ماهو مواطن مصرى

بس احنا حاطين صورته عشان هو مشهور

[Ahmed Anwer]

قالولي الطابور من ميدان سفير لميدان الحجاز ،،، هههههه

لالالالالالالالالالالالالالالالالالالالالالالالالالالالالالا

كنت ناوية اظبط زيد و الجو يكسر شوية و ننزل

بس هننزل برده باذن الله

استني شوية

أو زي الصور كده خدي معاكي شمسية ،،،

يا رب الطوابير تهدي شوية ،،

و خشي علي جوجل مابز و حددي أماكن اللجان بدقة عشان تاخدي لفة سريعة تشوفي أنهوا أفضي ،،

متركزيش علي لجنة واحدة

تم تعديل 19 مارس 2011 بواسطة Ahmed Anwer

[pink rose]

طائرة عسكرية تنقل قضاه الى نجع حمادى بقنا ومد ساعات التصويت الى الساعة التاسعة فى محافظةقنا فقط نظرا لتاخر القضاة واما باقى المحافظات على مستوى الجمهورية فى مواعيدها الرسمية.

ايه الحلاوة اللي فيها دي يا ولاد

يااااااااااااااااااااا رب نتيجة التصويت تكون فيها الخير لمصر

عشان تعب الناس ما يروحش على الارض

ايا كانت النتيجة يا ربي بادعيك انها تكون الخير لمصر

يا ربي انت كرمتها في قرآنك ليوم الدين

انصرها و قويها و ما تضيعش تعب ولادها اللي بيحبوها

:egyflag: :egyflag: :egyflag:

[لماضة مصرية جدا]

ده صورة نص الطابور بس و الباقي بعد الملف

غير اللي جوه اللجنة نفسها ،،، ده بس اللي في الشارع

صور حصرية لمحاورات المصريين

كرنفال حقيقي و الناس رايحة عائلات و بالأعلام و العربيات قافلة الشوارع

ممكن سؤال ,

هيا ليه الناس كلها متشيكه اوي كده

هيا ليه الشوارع زي الفل !

هو ليه الصوره حلوه اوي كده !!

منك لله يا بعيد ,,

هو انا لسه و الله كنت بسال نفس السؤالات ديت

و الله يا باشمهندس....احنا كويسين....و حلوين

مش ممكن كل ثقافة القبح اللي كانت مزروعة في ذهننا دي طول السنين اللي فاتت

مش ممكن كل الكذب و الزيف اللي اتسقالنا بالمعلقة

انا لو بايدي...كنت حاكمت مبارك و اشباهه...بتهمة...."سب و قذف الشعب المصري"

الشعب المصري النهاردة بيطلع للكل لسانه و بيثبتلهم بالدليل الحي

ان الارض عفية

و الشعب ده....شعب استثنائي

فعلا

ارفع راسك......انت مصري

[مسافر]

عمرو دياب واقف فى الطابور مؤدب اهو ومش بيقول لا دخلونى انا الاول

يا جماعه فيه حاجه !

مش بقول على عمرو دياب

بس ليه اناس واقفين بالتزام مش ملفوفين حواليه بيتصوروا ويبصوا في الكاميرا والمناظر دي وكدهوت !

ليه دلوقتي في مصر كل واحد مصري حاسس انه

عمرو دياب !!!!!!

وهو فرق عنهم ايه عمرو دياب يعنى

ماهو مواطن مصرى

بس احنا حاطين صورته عشان هو مشهور

معلش هو مين عمرو دياب ومشهور بايه

[م تيمور المراغي]

عمرو دياب واقف فى الطابور مؤدب اهو ومش بيقول لا دخلونى انا الاول

يا جماعه فيه حاجه !

مش بقول على عمرو دياب

بس ليه اناس واقفين بالتزام مش ملفوفين حواليه بيتصوروا ويبصوا في الكاميرا والمناظر دي وكدهوت !

ليه دلوقتي في مصر كل واحد مصري حاسس انه

عمرو دياب !!!!!!

وهو فرق عنهم ايه عمرو دياب يعنى

ماهو مواطن مصرى

بس احنا حاطين صورته عشان هو مشهور

ماتطلعوش فيها يا مصريين اوي كده ,,

الله يرحم لما كان امين شرطه بيقف في الشارع

الكل يروح يتصور جنبه ;)

[fatfouta]

شوفوا اون تى فى

حاجة جميلة جدااا الشباب كل مايلاقواحد سنه كبير يعدوه ويدخلوه اول الطابور

وعمرو موسى فى الصورة بيدلى بالتصويت

تم تعديل 19 مارس 2011 بواسطة fatfouta

[م تيمور المراغي]

و الله يا باشمهندس....احنا كويسين....و حلوين

شوفوا كمان بالله عليكم كل واحد سايب مسافه ازاي امامه وورائه بمنتهى التحضر ,,

مش متكربسين على بعض وكل واحد عاوز يخطف مكان التاني !!!!!!

[fatfouta]

طائرة عسكرية تنقل قضاه الى نجع حمادى بقنا ومد ساعات التصويت الى الساعة التاسعة فى محافظةقنا فقط نظرا لتاخر القضاة واما باقى المحافظات على مستوى الجمهورية فى مواعيدها الرسمية.

طيارة عسكرية بتنقل القضاة عشان عجز فى القضاة

براااافو يا جيشنا

[مسافر]

انا فرحان

ان المسحيين نزلوا الاستفتاء

معنى كده حيكونوا جزء من شعب مصر

مش شعب الكنيسة

[Alattar]

عمرو دياب واقف فى الطابور مؤدب اهو ومش بيقول لا دخلونى انا الاول

يا جماعه فيه حاجه !

مش بقول على عمرو دياب

بس ليه اناس واقفين بالتزام مش ملفوفين حواليه بيتصوروا ويبصوا في الكاميرا والمناظر دي وكدهوت !

ليه دلوقتي في مصر كل واحد مصري حاسس انه

عمرو دياب !!!!!!

وهو فرق عنهم ايه عمرو دياب يعنى

ماهو مواطن مصرى

بس احنا حاطين صورته عشان هو مشهور

معلش هو مين عمرو دياب ومشهور بايه

أنا أعرف عنه انه مغنواتي و كدهوت

[Howayda Ismail]

http://www.youtube.com/watch?v=P6_-u0vyneE

الله عليك يامصر

لسة جاية من اللجنة وخلى بالكم باكتب انهاردة بالحبر الفسفورى

ودى اول مرة فى حياتى ادخل لجنة انتخابية ويمكن اول مرة حتى اشوف لجنة من اساسه على الطبيعة

لان قبل كده مكنش ممنوع الستات بس لا والرجالة كمان . من الاخر كانت بهدلة مابعدها بهدلة

اخر مرة زوجى يروح لجنة كانت فى انتخابات 2005 لكن الشرطة والامن قفلوا الطرق المؤدية للجان بالبلطجية

وفرقوا الجموع بالقنابل المسيلة للدموع وبالليل تحول الشارع لساحة حرب من الامن المركزى والخير عندنا كتير

فى المنطقة اكبر مركزين للامن المركزى بالاسكندرية

لكن انهاردة اللى حصل شئ حضارى جدا ويمكن مثالى

اخر نظام اختاروا المدارس ذات البابين المواطنين واقفة طوابير خارج المدرسة وعسكرى الجيش يدخل مجموعة

مجموعة من باب ولما تنتهى عملية التصويت يخرجوا من الباب التانى

ورغم الاعداد الكتيرة الا ان النظام اللى الناس كانت فيه قضى على اى زحام

اللجنة كان فيها قاضى وضابط جيش و2 من جنود الجيش ومكنش فى اى اثر للشرطة ورغم كده الهدوء

كان سيد الموقف لان الناس كانت عاوزة كده ودا بيدى امل فى اى انتخابات تتم فى المستقبل

[fatfouta]

محافظى سوهاج واسوان

اللجنة اللى مافهاش جاضى مش هنشغلها يا بووووى

بلد ابويا وجدى وصعيدى يا بويا على حق.....صعيدى واقول الحق :)

[doha]

اتصلت بي اختي الساعه 10 الصبح بعد مارجعت من التصويت واخبرتني عن مشاهدتها في اللجنة وقالت بان الجو رايق وانها انتخبت على طول .. نصحتني اروح بدري قبل مالزحام يشتد .. وهو ماكان ..

رحت عشان ادلي بصوتي انا كمان بعدها يمكن بساعه او اقل بس الي حصل ان العدد كان زاد جدا وبالفعل كان في طابورين واحد ستات وواحد رجاله والطابورين طالعين في الشارع عادي جدا .. عساكر الجيش امام اللجنة كانوا بيوجهوا الناس وبيقولوا ان في مدرسة كذا وكذا قريبة الزحام فيها اخف ..

المهم .. دخلت من بين الطوابير ورحت للعسكري الجيش الواقف على راس الطابور وشرحت له ظروفي واني مقدرش اقف وبدون اي نقاش ابتسم وقالي اتفضلي وسمح لي ادخل على طول بدون انتظار ..

دخلت اخذوا مني البطاقة مع مجموعة بطاقات اخرى ووقفنا طابور صغير من خمسة سته سيدات وزيهم في طابور ثاني رجال .. ثم بدأوا ينادوا الاسماء ويسلمونا البطاقات ويعطوا كل واحد استماره للادلاء بالرأي (( بيقولوا في التلفزيون دلوقت تاكدوا ان الاستماره لازم تكون مختومه من الظهر او على الاقل ممضية من قاضي اللجنة ))

المهم ادليت بصوتي وخرجت في دقائق معدوده والجميل ان الطابور كان زاد في طوله ومع ذلك الناس استمرت في وقوفها فيه بدون اي تذمر وبنظام اشهد اني لم اراه في طابور مصري من قبل ..

المشاهدات .....

الانتخاب بالرقم القومي فقط بدون حتى التزام بمحل الاقامه .. والتعامل طبعا راقي جدا وبود ملحوظ ..

اثناء وقوفي كان الجميع بيقول نعم ماعدا واحده فقط قالت ان رأيها لا ..

من الملاحظات الي شفناها برغم اختلاف توقيت خروجنا للادلاء بالصوت واختلاف اللجان الي ادلينا بيها ان في تواجد مسيحي مكثف جدا في اللجان جايين على شكل مجموعات والغريب ان نسبه كبيرة منهم اوي ستات عواجيز وكان معاهم وحده بتنظم الطابور وبتأكد عليهم على الاختيار الي ناويين يقولوه ..

بالفعل في منشورات بتتوزع خارج اللجان ومكتوب فيها قولوا نعم بس للامانة مكتوب على ظهرها جدول يوضح هنقول نعم على ايه وليه مفروض نختار النعم دي ..

لاحظت برضه ان نسبة الشباب الصغير موجوده بوضوح والستات طبعا عددهم تقريبا نفس عدد الرجالة المشاركين ..

من نقاشي بعد عودتي مع البعض فتقريبا كل الي اعرفهم خرجوا للاستفتاء ماعدا اثنين هيشلوني بصراحه .. واحده مكانتش تعرف ان في استفتاء وبتحسب ان الانتخابات على رئيس الجمهورية والثاني رايح يقول لا بثقة وبيقولي عشان لما نقول لأه هتترفض التعديلات ويرجع الدستور للجنة الي عدلته تعدله تاني وتشيل منه نسبة العمال والفلاحين !!!

طبعا الاخير ده شلني مش لانه بيقول لاه ولكن لاني كنت احسبه على المثقفين ورايه الي اخذه ده وبتعصب كمان واخده بناء على قناعه ودراسة لمعطيات خاطئة من الاساس ..

الحمد لله بعد تفكير عميق رحت وعملت الي علي واخترت مابين موافق او غير موافق ..

نعم

اوافق وبكل ثقة ..

[fatfouta]

لأول مرة بشبرا.. لجان اقتراع بدون بلطجة أو رشاوي

منطقتى حبيبتى حبيبتى....يا ريتنى كنت فى مصر

[hOuSsAm]

افرحوا يا ولاد

بعد تعب فى الاقناع ابويا غير رايه من نعم الى لالالالالالالالالالالالالالالا

والله اتبسطت اوى

هجيبله هدية معتبرة وانا نازل :)

قول لاخواتك يراقبوه يا حسام شكله بيسجدك وخلاص عشان انت فى غربة وصعبان عليه :happy:

انا عندى ديمقراطية فى البيت (فى ظل حكم حسام)

كل واحد يقول رايه بحريته

عندك مثلا اخويا المتوسط قال نعم

نفس معاملة ابويا اللى قال لالالالالالالالالالالالالالا

(حرمااااااااااااان من الهدايا لمدة سنتين)

-----------------------------------------------------------------

والله يا جماعة بصرف عن اى حاجة وبصرف النظر عن ان ايدى ممسوكة ومش عارف اشارك بصوتى

بس جسمى بيقشعر وببكى من الفرحة ومبسوط اوى من جو الديمقراطية ده

والشعب الجميييييييييييييييييل اوى ده

والله يا جماعة مصر بخير

الناس كلها بتقول سواء كانت النتيجة بنعم ام لا هنتقبلها بنفس راضية طالما هى دى مطالب الاغلبية

حد يبخرنا يا جماعة

(ومن شر حاسد اذا حسد)

انا شايف واحد سورى بصصلنا فى التصويت ونفسه يعمل زينا :)

[أبوعمار]

غالبية «النخبة» ترفض «التعديلات» في أول استفتاء لا يعرف المصريون نتيجته مسبقًا

وأول استفتاء سنتحمل نتيجته بالكامل

المهم اننا فعلا إن عرس الديموقراطية -على رأي عصام شرف- يكمل للآخر بسلام

وربنا يبعد عننا أي فتن ... يارب

[Alshiekh]

ربما يكون أطول طابور فى مصر

طابور تم تصويره فى ثلاث دقائق وربع

http://www.youtube.com/watch?v=JLmp9MNm3Mw

[se_ Elsyed]

أحسن يا حيوان عشان تبقى عِبرة

رصد | الفيوم | مؤكد | عاجل : الجيش يلقي القبض على شخص أدلى بصوته مرتين بقصر الجبالي بمركز يوسف الصديق