متابعة استفتاء 19 مارس .. يوم قد يسجله التاريخ

[eslam elmasre]

القاهرة - أ ش أ

قام الدكتور عبدالعظيم وزير محافظ القاهرة يرافقه عدد من قيادات المحافظة بالادلاء بصوته فى الاستفتاء على التعديلات الدستورية فى لجنة مدرسة قصر الدوبارة بشارع القصر العينى.

وتفقد المحافظ اللجنة واطمأن على سير عملية الاستفتاء وتوفير كافة المستلزمات داخل اللجنة لقيام اللجنة بعملها على أكمل وجه.

وكان عدد من المواطنين المتواجدين باللجنة والتى شهدت زحاماً ملحوظاً قد احتجوا لقيام المحافظ والوفد المرافق له بالتوجه مباشرة إلى مقر لجنة الاستفتاء للادلاء بصوته دون الالتزام بالوقوف فى الطابور

العالم دي مش هاتتغير ابدا

هايفضلوا مفكرين نفسهم احسن من الناس

عشان كده يجب ازاحتهم من امامنا الان.

[مغتربة]

مسا الحريه علينا جميعا

معلش واصله متاخره جدا جدا ( احم احم عدوها معلش كان عندى مشاغل )

مش عارفه اوصف بصراحه انا حاسه بايه

امتزاج غريب بين الفرحه الشديده بالصوره الحضاريه الجميله دى الى ساعات الواحد زمان كان بيشك انه ممكن يموت قبل ما يشوفها متحققه فعلا على ارض الواقع على اد الاحباط الى كان بيكون فيه لكن الحمد لله ان ربنا ورانا الحلم الجميل دا حقيقه على ارض مصر و طبعا مع الفرحه دى كلها فى بقى حزن لان انا مقدرتش اشارك فى بس ان شاء الله ملحوقه فى الانتخابات الى جاييه

الصفحات كتيره قوى مش هعرف اقراها كلها لكن متاكده انكم عاملين فيها شغل جامد كالعاده

تحيتى لكل من نزل و شارك فى الاستفتاء بنفسه و تحيتى لكل الى نقل لينا الاخبار هنا و شارك فى نقل الصوره لينا احنا معشر المغتربين و ان شاء الله بعد الى شوفته النهارده بقول ان مصر هتتغير للافضل

مش مهم نعم و لا لا الى هيكون ليها الغلبه بالعكس الشعب المصرى كله هو الى ليه الغلبه النهارده

المفروض ان التصويت كدا وقته خلص صح و لا ايه

ممكن حد يفيدنا و يقولنا امتى النتائج هتظهر

[م تيمور المراغي]

مين قال ان اغلب المغتربين من النخب المثقفة

او اللي في الاقاليم اغلبهم بسطاء التفكير

؟؟؟؟؟؟؟؟؟؟؟؟؟؟؟؟؟؟؟

حقك عليا يا ستي ,,

اغلب المغتربين محدودي التفكير ,,

والارياف حائزين على نوبل ,,

[engmido]

اكتب اليكم من ارض الميدان بعد التصويت بالحبر الفسفورى

الله اكبر ولله الحمد

لسه جاى دلوقتى حالا من الصندوق وعشت وشفت الصندوق ع الحقيقة فى مصر

الحمد لله

اول مرة الواحد يحس ان صوته مؤثر وليه لازمة

وان الواحد لو مرحش هيشعر بذنب كبير جدااا نحو هذا البلد

انا ومراتى وملك بنتى اللى تمت سنة امبارح

كل سنة واحنا كلنا طيبين وبخير وعمار يا مصر

حمد الله على السلامه يا ميدو احب اسالك ,

انت صوتت بايه ؟

والاغلبيه كا نرايها ايه ؟

تقبلا لتحية

من وجهة نظرى المتواضعة الغالبية مع نعم

على حسب ما سمعت وشفت

بس الملاحظ ان العملية منظمة تلقائيا...يعنى الناس ملتزمة من نفسها لا عسكرى بينظم ولا ظابط بيشتم

ولا حد بيتخانق والعملية ممتازة بنسبة اكتر من 95%

يعنى طبعا فيه بعض التجاوزات من بعض الاشخاص وده وارد ومتوقع ولكن هذه الاشياء الصغيرة لا تظهر ابدا وسط الحالة الوطنية العالية بين جميع المواطنين

وجميع الفئات ..اكرر جميع الفئات ولك ان تتخيل معنى هذه الكلمة وتطلق لخيالك العنان فيما تحمله هذه الكلمة

يعنى كل مصر

[fatfouta]

إلقاء الطوب على البرادعى فور وصوله مقر الاستفتاء فى مقر اللجنة فى المقطم

http://www.youtube.com/watch?v=sPA6r832IUc&feature=share

تم تعديل 19 مارس 2011 بواسطة fatfouta

[أبو محمد]

أحد الرسائل علي تويتر

شكراً جزيلاً للحكومة المصرية لحرماننا من شرف المشاركة في أول استفتاء في مصر الحرة! مصري مغترب

شئ مُحزن فعلااااااا :sad:

تفتكري اقصاء النخبة المثقفة من الاستفتاء مقصود !

هذه المشاركة عبارة عن :

إقصاء X إقصاء

:sad:

اتامرون الناس بالبر وتنسون انفسكم

ماتقول لنفسك ,,

السيد المعمارى

أنا أنقد الفكر الذى احتوت عليه مداخلتك ولا اهتمام لى البتة بشخصك .. إن كان لك تعليق على رأيى بالقبول أو بالرفض فأهلا ومرحبا ..

أما محاولتك لشخصنة الحوار .. فهى غير مقبولة

مداخلتك دي هي عين الشخصنه

وغير مقبوله

توقف اتوقف ,,

وان عدتم عدنا ,,

هل تستطيع شرح الشخصنة فى مداخلتى ؟

كالعادة حنسيب الاستفتاء و غرفة العمليات والردود على اللي بيتصلوا بيا ويسالوني ونتفرغ لبعض ,,

اتوقف عن الرد عليك بالخير او بالشر ,,

ولو زودت الكلام مش حرد عليك وتبقى الشاهد على نفسك ,,

خليك في المهم احسن ,,

خلصنا

عجزت عن الإجابة على سؤالى

المداخلات أمامك وأمام الجميع .. وواضح فيها من بدأ محاولة الخروج من الحوار حول الأفكار إلى الحوار حول الأشخاص .. وهو أسلوب ، معروف تماما من يلجأ إليه

إنتهى كلامى معك .. ولاتحاول مرة أخرى أن توجه لى أى مداخلة كشخص ..

[م تيمور المراغي]

كلامي كان موجه لمدام فتفوته و بيني وبينك ما صنع الحداد وانت دخلت في النص ,,

ليه الاستفزاز !

[Alshiekh]

شيئ مقزز

http://www.youtube.com/watch?v=cpx9JhBNq3w

[م تيمور المراغي]

شيئ مقزز

http://www.youtube.com/watch?v=cpx9JhBNq3w

ده طبعهم ,,

ومش حنسيبهالهم برضوا ,,

[مسافر]

عمرو موسى

سرور

محافظ القاهرة

ولا واحد اضرب بالطوب

ايه سبب ضرب البرادعي

الاحتمالات

ان النظام السابق وصى البلطجيه عليه

ودي حلها يذهب للجنة اخرى

الثاني ان الناس نفسها كرهاه

لانه اثناء ثورة 52 يناير

كان جالس بفيلته باكتوبر

الثالث حركة منه يستعطف بها قلوب المصريين

والله اعلم

[capitshino]

شيئ مقزز

http://www.youtube.com/watch?v=cpx9JhBNq3w

ده طبعهم ,,

ومش حنسيبهالهم برضوا ,,

مش معقولة كده يا جماعة

كل موضوع يتحول بقدرة قادر للهجوم على الاخوان المسلمين

انا عاوز دليل واحد ان اللى عمل كده يتبع الاخوان المسلمين !

[الغريب]

شيئ مقزز

http://www.youtube.com/watch?v=cpx9JhBNq3w

ده طبعهم ,,

ومش حنسيبهالهم برضوا ,,

متوقع خبر هينزل دلوقتي

كل المتهجمين على البرادعي بلحى ويرتدون جلباب قصير

الحمدلله أن فيه فيديو

[pink rose]

شيئ مقزز

http://www.youtube.com/watch?v=cpx9JhBNq3w

شئ مخزي

ايه دا في ايه

طب احترموا سنه على الاقل

و لا بس فالحين يقولولنا احترموا سن مبارك لما بس كنا بنقوله امشي

حاجه تقرف

[التونسى]

شاركت والحمد لله .. المشاركه من قبل الناس كانت فوق المتوقع .. عملت استطلاع عشوائى لعشر اشخاص .. سبعه قالوا نعم وتلاته قالوا لا

على فكره انا وصلت لقناعه ان نعم او لا مش فارقه كتير .. والدليل هو تقارب الاراء .. وان شاء الله كده او كده خير .. ولن تجتمع امتنا على باطل باذن الله

اتنين من صحابى كانوا مقتنعين جدا ب لا رغم انهم تقدر تقول عليهم من زمرة السلفيين ... لكن فوجئت بهم بيغيروا رايهم الى نعم بعد ان نما الى علمهم حشد الكنيسه للاقباط انهم يصوتوا ب لا .. ووصفوا هذا بانه طائفيه .. وبتدخل للدين فى التوجيه السياسى للناس ... ومن هذا المنطلق غيروا رايهم .. اكيد ده له دلاله لكل لبيب

[pink rose]

عمرو موسى

سرور

محافظ القاهرة

ولا واحد اضرب بالطوب

ايه سبب ضرب البرادعي

الاحتمالات

ان النظام السابق وصى البلطجيه عليه

ودي حلها يذهب للجنة اخرى

الثاني ان الناس نفسها كرهاه

لانه اثناء ثورة 52 يناير

كان جالس بفيلته باكتوبر

الثالث حركة منه يستعطف بها قلوب المصريين

والله اعلم

طب السبب الاول جايز

لكن السبب التاني الراجل ما كانش في فيلته وقت الثورة

الراجل نزل يوم جمعة الغضب و نظرا لسنه ما قدرش يستحمل الغاز

السبب التالت معلش دا مش مقبول للعقل من الاساس

و في سبب حضرتك نسيته ممكن يكونوا ناس عادية بس للاسف بسبب حملات التشوية الشنيعة اللي الراجل اتعرض لها من النظام السابق كرهت الناس فيه

في كل الاحوال اللي حصل دا شئ مرفوض تماما و قلة ادب

[fatfouta]

إلقاء الطوب على البرادعى فور وصوله مقر الاستفتاء فى مقر اللجنة فى المقطم

http://www.youtube.com/watch?v=sPA6r832IUc&feature=share

دى همجية واضحة وماحدش يعمل كده غير بقايا النظام وبتوع الحزب الواطى

الراجل حتى مش قادر يجرى عشان كبير فى السن

عيييييييب كده

تم تعديل 19 مارس 2011 بواسطة fatfouta

[ComingSoon]

الهجوم علي البرادعي لاعلاقة له بسلفية واخوان

هؤلاء مجموعة من البسطاء متأثرين بالدعاية السوداء التي كان يبثها نظام مبارك ضد البرادعي واتهامه انه عميل للامريكان

هو ديه كل الحكاية

[doha]

مين قال ان اغلب المغتربين من النخب المثقفة

او اللي في الاقاليم اغلبهم بسطاء التفكير

؟؟؟؟؟؟؟؟؟؟؟؟؟؟؟؟؟؟؟

حقك عليا يا ستي ,,

اغلب المغتربين محدودي التفكير ,,

والارياف حائزين على نوبل ,,

ردك الاخير اكثر تطرفا وعنصرية من ردك الاول وعن نفسي اراه اهانة لقاطني الاقاليم ـ وانا منهم ـ واتهام لهم بانهم مجموعة من البسطاء او السذج خاصه مع وصفك لهم ( بالارياف ) وكأن المدنية محصورة في القاهرة فقط ..

المغتربين على العين والراس وزي مافي منهم الخبراء النادرين الي اضطرت الدول الاخرى اضطرارا لاستقدامهم ففي منهم برضه البسطاء والعاجزين والي مقدروش يلاقوا لهم شغل او اهمية في مصر فقرروا يشدوا الرحال لخارجها .. اذا مهياش ميزه اني اكون مغترب عشان افترض اني من النخبة وغيري هم من البسطاء وضحلي الثقافة ..

ده غير حقيقة اكيده ان حتى المغتربين انفسهم مشفناهمش اجمعوا على كلمة واحده فمن بينهم من قال نعم كما بينهم من قال لا فعلى اي اساس افترضت ان النخبه لم تدلي باصواتها وعليه فهنيئا لكم يامن قال نعم !!!!

معرفش ليه الاصرار على تصوير كل من قال لا بانهم ( النخبة ) لمجرد انهم قالوها .. وبرضه مش عارفه ليه تصوير من يدعوا الناس ليقولوا نعم وكأنهم مجرمين اما من يقول لهم انا هقول لاه وكل النخب هتقول كده فدول عادي وعاوزين مصلحه الناس الي مبتفهمش ..

عموما واذا خرجت نتيجه التصويت بلا فهتقبلها لانها هتشكل رأي الاغلبية الي غصب عني لازم احترمه ومش هقول ساعتها دول اغلبية ساذجة او منقاده .. اما لو خرجت بنعم هقول الحمد لله ان اتفق رأيي مع الاغلبية الي اكيد مش هيتفقوا على ضلال .. وفي النهاية كل واحد مننا اجتهد وقال مااملاه عليه ضميره وقناعته سواء بقى كان عايش في القاهرة او في .. الارياف ..

تحياتي ..

وفي كل الاحوال نكون بسطاء نكون سذج متفرقش طالما ده اختيارنا واحنا وحدنا من سيتحمل نتائجه ..

[مسافر]

عمرو موسى

سرور

محافظ القاهرة

ولا واحد اضرب بالطوب

ايه سبب ضرب البرادعي

الاحتمالات

ان النظام السابق وصى البلطجيه عليه

ودي حلها يذهب للجنة اخرى

الثاني ان الناس نفسها كرهاه

لانه اثناء ثورة 52 يناير

كان جالس بفيلته باكتوبر

الثالث حركة منه يستعطف بها قلوب المصريين

والله اعلم

طب السبب الاول جايز

لكن السبب التاني الراجل ما كانش في فيلته وقت الثورة

الراجل نزل يوم جمعة الغضب و نظرا لسنه ما قدرش يستحمل الغاز

السبب التالت معلش دا مش مقبول للعقل من الاساس

و في سبب حضرتك نسيته ممكن يكونوا ناس عادية بس للاسف بسبب حملات التشوية الشنيعة اللي الراجل اتعرض لها من النظام السابق كرهت الناس فيه

في كل الاحوال اللي حصل دا شئ مرفوض تماما و قلة ادب

طب اللي حصل قلة ادب ومرفوض

وكنت اتمنى القبض عليهم

والسبب الرابع مع السرعة لم يأت على بالي

شكرا

[Alshiekh]

شيئ مقزز

http://www.youtube.com/watch?v=cpx9JhBNq3w

ده طبعهم ,,

ومش حنسيبهالهم برضوا ,,

مش معقولة كده يا جماعة

كل موضوع يتحول بقدرة قادر للهجوم على الاخوان المسلمين

انا عاوز دليل واحد ان اللى عمل كده يتبع الاخوان المسلمين !

شيئ مقزز

ده طبعهم ,,

ومش حنسيبهالهم برضوا ,,

متوقع خبر هينزل دلوقتي

كل المتهجمين على البرادعي بلحى ويرتدون جلباب قصير

الحمدلله أن فيه فيديو

الهجوم علي البرادعي لاعلاقة له بسلفية واخوان

هؤلاء مجموعة من البسطاء متأثرين بالدعاية السوداء التي كان يبثها نظام مبارك ضد البرادعي واتهامه انه عميل للامريكان

هو ديه كل الحكاية

لامؤاخذة ياجماعة

هو فى حد جاب سيرة الاخوان؟

انتوا الوحيدين اللى جابوا سيرة الاخوان فى التعليق على الفيديو