متابعة استفتاء 19 مارس .. يوم قد يسجله التاريخ

[fatfouta]

رئيس لجنة الاستفتاء

اى مواطن موجود داخل او حول لجنة الاستفتاء يسمح له بالتصويت ومد الاستفتاء لاجل غير مسمى حتى تنتهى الاعداد

تم تعديل 19 مارس 2011 بواسطة fatfouta

[ComingSoon]

شيئ مقزز

http://www.youtube.com/watch?v=cpx9JhBNq3w

ده طبعهم ,,

ومش حنسيبهالهم برضوا ,,

مش معقولة كده يا جماعة

كل موضوع يتحول بقدرة قادر للهجوم على الاخوان المسلمين

انا عاوز دليل واحد ان اللى عمل كده يتبع الاخوان المسلمين !

شيئ مقزز

ده طبعهم ,,

ومش حنسيبهالهم برضوا ,,

متوقع خبر هينزل دلوقتي

كل المتهجمين على البرادعي بلحى ويرتدون جلباب قصير

الحمدلله أن فيه فيديو

الهجوم علي البرادعي لاعلاقة له بسلفية واخوان

هؤلاء مجموعة من البسطاء متأثرين بالدعاية السوداء التي كان يبثها نظام مبارك ضد البرادعي واتهامه انه عميل للامريكان

هو ديه كل الحكاية

لامؤاخذة ياجماعة

هو فى حد جاب سيرة الاخوان؟

انتوا الوحيدين اللى جابوا سيرة الاخوان فى التعليق على الفيديو

اصبر علي رزقك

الصحف المأجورة لازم هتجيب سيرة الاخوان والسلفية

دلوقتي لما حد بيكح المصري اليوم بتقول الاخوان والسلفية هما السبب اصلهم جابوا سيرته !!!

[مسافر]

نوارة نجم

Saturday, 19 March 2011

ناس ضربوا البرادعي في المقطم

دلوقت واحد اتصل بيا من الجمعية الوطنية للتغيير وقال لي ان البرادعي لما راح يصوت في المقطم ناس رموه بالطوب والازاز من البلكونات، هو بيقول انهم اخوان وسلفيين، وانا مش عارفة مين بالظبط، بس المهم ان تم الاعتداء عليه

واحمد الجوهري اتصاب وهو بيدافع عنه

ودانا وراجية عمران وفيروز كراوية وسيف نصراوي من الجمعية الوطنية للتغيير قبضت عليهم الشرطة العسكرية اثناء محاولتهم لمراقبة الانتخابات

اي تحديثات حنوافيكم بيها

[pink rose]

المرة الاولى في تاريخ مصر يتم حرمان المصريين المتوفيين من التصويت في الاستفتاء .. فين بقى الديمقراطية !

bv:-

[doha]

المرة الاولى في تاريخ مصر يتم حرمان المصريين المتوفيين من التصويت في الاستفتاء .. فين بقى الديمقراطية !

bv:-

طبيعي يحرموهم .. محاولات مكشوفة من الحزب اياه والجماعة اياهم لاقصاء النخبة

بس سيبك انتي .. مهما يحاولوا ..

احنا وراهم ..

:closedeyes:

[fatfouta]

شيئ مقزز

http://www.youtube.com/watch?v=cpx9JhBNq3w

ده طبعهم ,,

ومش حنسيبهالهم برضوا ,,

مش معقولة كده يا جماعة

كل موضوع يتحول بقدرة قادر للهجوم على الاخوان المسلمين

انا عاوز دليل واحد ان اللى عمل كده يتبع الاخوان المسلمين !

شيئ مقزز

ده طبعهم ,,

ومش حنسيبهالهم برضوا ,,

متوقع خبر هينزل دلوقتي

كل المتهجمين على البرادعي بلحى ويرتدون جلباب قصير

الحمدلله أن فيه فيديو

الهجوم علي البرادعي لاعلاقة له بسلفية واخوان

هؤلاء مجموعة من البسطاء متأثرين بالدعاية السوداء التي كان يبثها نظام مبارك ضد البرادعي واتهامه انه عميل للامريكان

هو ديه كل الحكاية

لامؤاخذة ياجماعة

هو فى حد جاب سيرة الاخوان؟

انتوا الوحيدين اللى جابوا سيرة الاخوان فى التعليق على الفيديو

اصبر علي رزقك

الصحف المأجورة لازم هتجيب سيرة الاخوان والسلفية

دلوقتي لما حد بيكح المصري اليوم بتقول الاخوان والسلفية هما السبب اصلهم جابوا سيرته !!!

طب والله فيه خبر على جريدة معينة بيقول انهم سلفيين ومش هحطوا طبعا عشان مابقاش عاملة ذى الاعلام الفاسد

مش عاوزين نظلم حد طالما مافيش حاجة بتؤكد ده

صلوا عالنبى (عليه افضل الصلاة والسلام)بقى دول بقايا الحزب الواطى قولت لكم

[ام سلمي]

رصد بدأت تحط نتائج مبدئية لكل منطقة

ادخلوا شوفوها

همتك يا فتفوتة تنقليها

[fatfouta]

صور من استفتاء النهاردة ويظهر فيها الموافق والغير موافق ومرشد الاخوان والبابا شنودة وجمييييييع طوائف الشعب

تحيــــــــــا مـــــــــــــــــــصر

يتبع

[fatfouta]

[محمد عبدالعزيز]

نزلت الساعة 2:30 ظهراً, لقيت الطابور قل شوية عن الساعة 11, فقلت أقف بقى وأمرى لله.

الوقفة فى الطابور طولت جداً, لدرجة إنى خلصت على الساعة 5:30 تقريباً.

خلال الوقفة فى الطابور, دارت مناقشات بينى وبين من كانوا قريبين منى, وكان فى ناس بتقول نعم وناس بتقول لأ, بس أغلبية بسيطة جداً لنعم.

أثناء المناقشات سمعنا صوت عالى, اتنين شباب المناقشة احتدمت ما بينهم, واحد قعد يقول بصوت عالى: "الإخوان هما اللى قاموا بالثورة وهما اللى عملوا الثورة", والشاب التانى رد عليه بصوت عالى برضه وقال مش الإخوان اللى عملوا الثورة.

اتنرفزت بصراحة ورحت قال بصوت عالى برضه: المصريين هما اللى عملوا الثورة مش الإخوان, ولقيت فى تأييد من الناس اللى حواليا والحمد لله الموضوع انتهى لحد كده.

شفت حرص كبير جداً من الناس على المشاركة, لدرجة إن واحد كان جايب معاه وصل كهرباء عشان كان خايف مايقدرش يصون لأن عنوانه فى البطاقة مش تبع الدائرة.

شفت ناس كبيرة جداً فى السن وكانت حريصة جداً على المشاركة.

توقعاتى إن الأغلبية حتكون لنعم, وأول مرة أحس بإحساس الزمالكاوية النهارده عشان حسيت إن الرافضين للتعديلات أقلية :closedeyes:

[عبد الله غريب]

يا جماعة أهم حاجة في المرحلة اللي جاية بعد ظهور نتائج الاستفتاء إن الكل ينسى الاستفتاء ..

كأنه ماحصلش .. و منشوفش قدامنا إلا صف واحد .. فريق عمل واحد .. مش فريقين،

يعني الفريق اللي ما حصلش على أغلبية في الاستفتاء ما يبقاش عاصر على نفسه لمونة و هو بيتعاون ..

و الفريق التاني اللي حصل على الأغلبية ما يعتبرش إن داه انتصار لنفسه ..

لأ ..

دي مرحلة و خلصت .. و عمرها ما كانت غاية .. دي أول أول (اتنين أول للتأكيد) خطوة في طريقنا ..

ننسى الاستفتاء و ملابساته .. يعني محدش بقى يركزلي على فلان زعقوا فيه الجماهير (ما الجماهير ياما فيها) و علان رشوا عليه ميه ..

يعني مش لازم نقعد نبروز بعض الحوادث و نديها اهتمام و حجم أكبر من حجمها علشان داه لو حصل حيكون هو بداية تكوين فريقين متضادين .. منتصر في الاستفتاء .. و مهزوم فيه .. و دا لو حصل مش حيخدم إلا اللي عاوزينها تولع .. يعني يشككوا في نزاهة الاستفتاء عن طريق تضخيم حوادث فردية هنا أو هناك ، زي اللي يقولك "البرادعي: تنظيم من البلطجية هاجمني أثناء التصويت"

و بعدين ازاي البرادعي ينتقد طريقة تنظيم الاستفتاء في مصر و كل اللي راحوا الاستفتاء راجعين معناويتهم في السما و بيشكروا في بعضهم اللي قال لأ و اللي قال أه ، الكل مبسوط - مش مطمن لإعلان البرادعي و لا لتصريحه ... خاصة بعد مد فترة الاستفتاء .. طب مش هوا عارف إن الأحوال كانت مستتبة في كل مكان؟ طيب إزاي يصرح تصريح يمس كل المصريين بالشكل داه و كانه مش عارف إن الاسنفتاء تم على اعلى مستوى .. مستغرب جداً .. صحيح مش موافق على اللي حصل معاه .. لكن مش موافق أكتر على اختصاره لروعة تنظيم الشعب المصري لنفسه في هذا الاستفتاء و قصره على ما حدث له هو شخصياً و إعلانه ذلك بتصريحه لوكالات الأنباء!

و زي ما شوفنا الكل راجع من الاستفتاء بيشكر في كل حاجة .. من التنظيم .. للحرية .. للشفافية .. للأدب .. للاحترام .. فما ينفعشي نبروز حادثة هنا و لا هناك و إلا نبقى بقى بنصطاد في المية العكرة و بنحاول نهد اللي بنيناه بإيدينا، و طب مش يمكن و الله أعلم الحادث مترتب و متفبرك (مش من البرادعي و مؤيديه .. لأ ..لكن من جهة ذات مصلحة) علشان يكون في سبب لإثارة الفتنة بين الفريقين اللي كلنا حاسيين إنهم قادرين يتحدوا و يتعاونوا لصالح البلد .و مش فارق معاهم غير إنهم الحمد لله وصلوا لحرية التعبير .. و قالوا رأيهم و مستعدين دلوقتي للعمل بشفافية و أهم من كده بحب و إخلاص حقيقي لم تعهده مصر من قبل ..مستعدين ينسوا اختلاف الرأي و يضعوا أمام أعينهم مصر .. يعني بلدهم .. يعني أهلهم .. و ولادهم و بناتهم .. و يبدأوا العمل .. فيأتي مشعلوا الفتنة لتخريب الفرحة و العودة بنا إلى الوراء ... يا ريت نكون على قدر المسؤلية .. و ما نفرجش العالم علينا بعد ظهور النتيجة .. و زي ما بنقول إن احنا عقلنا كويس و بنعرف نقدر الامور .. و كدا يعني .. يبقى لازم نشوف العقول المتزنة و هي بتعدي أول مرحلة من مراحل الحرية ..

لما نشوف بقى مين اللي حيهدوا الجو .. و مين اللي حيشعللوه ..

تم تعديل 19 مارس 2011 بواسطة عبد الله غريب

[الغريب]

رصد |نتائج الفرز | القليوبية: بطا "1" (عدد الحضور: 1779 - نعم: 1548 – لا: 227 – باطل:4) بندر بنها مدرسة عبدالمنعم رياض تم فرز 3 لجان من 12 (عدد الحضور: 1529 - نعم: 989 – لا: 528 – باطل:12) ميت الحوفيين - بنها (عدد الحضور: 1485 - نعم: 1241 – لا: 244 )

قوية

[pink rose]

نزلت الساعة 2:30 ظهراً, لقيت الطابور قل شوية عن الساعة 11, فقلت أقف بقى وأمرى لله.

الوقفة فى الطابور طولت جداً, لدرجة إنى خلصت على الساعة 5:30 تقريباً.

خلال الوقفة فى الطابور, دارت مناقشات بينى وبين من كانوا قريبين منى, وكان فى ناس بتقول نعم وناس بتقول لأ, بس أغلبية بسيطة جداً لنعم.

أثناء المناقشات سمعنا صوت عالى, اتنين شباب المناقشة احتدمت ما بينهم, واحد قعد يقول بصوت عالى: "الإخوان هما اللى قاموا بالثورة وهما اللى عملوا الثورة", والشاب التانى رد عليه بصوت عالى برضه وقال مش الإخوان اللى عملوا الثورة.

اتنرفزت بصراحة ورحت قال بصوت عالى برضه: المصريين هما اللى عملوا الثورة مش الإخوان, ولقيت فى تأييد من الناس اللى حواليا والحمد لله الموضوع انتهى لحد كده.

شفت حرص كبير جداً من الناس على المشاركة, لدرجة إن واحد كان جايب معاه وصل كهرباء عشان كان خايف مايقدرش يصون لأن عنوانه فى البطاقة مش تبع الدائرة.

شفت ناس كبيرة جداً فى السن وكانت حريصة جداً على المشاركة.

توقعاتى إن الأغلبية حتكون لنعم, وأول مرة أحس بإحساس الزمالكاوية النهارده عشان حسيت إن الرافضين للتعديلات أقلية :closedeyes:

و لو الاستفتاء طلع نعم بابا و لاول مرة هايحس احساس الاهلاوية

ههههههههههههههههههههههههههههههههههههههههههههههه

[fatfouta]

توقعاتى إن الأغلبية حتكون لنعم, وأول مرة أحس بإحساس الزمالكاوية النهارده عشان حسيت إن الرافضين للتعديلات أقلية :closedeyes:

فعلا يا استاذ محمد كل المؤشرات بتقول ان النتيجة هتبقى نعم

وكمان شبكة رصد مع انى مش عارفة اذا كانت المؤشرات الاولية دى كلة صحيحة ولا لأ

كاتبين الخبر ده

رصد |الاسكندرية |أظهرت المؤشرات الأولية لفرز صناديق الاقتراع فى بعض اللجان بالاسكندرية بتوجه النتيجة الى (نعم)

[Abu Reem]

نوارة نجم

Saturday, 19 March 2011

ناس ضربوا البرادعي في المقطم

دلوقت واحد اتصل بيا من الجمعية الوطنية للتغيير وقال لي ان البرادعي لما راح يصوت في المقطم ناس رموه بالطوب والازاز من البلكونات، هو بيقول انهم اخوان وسلفيين، وانا مش عارفة مين بالظبط، بس المهم ان تم الاعتداء عليه

واحمد الجوهري اتصاب وهو بيدافع عنه

ودانا وراجية عمران وفيروز كراوية وسيف نصراوي من الجمعية الوطنية للتغيير قبضت عليهم الشرطة العسكرية اثناء محاولتهم لمراقبة الانتخابات

اي تحديثات حنوافيكم بيها

يبقى اللي في البلكونات دول اكيد اخوان ولاد ...نيييت ....احتلوا البيوت المحيطة بلجنة الاستفتاء علشان يضربوا البرادعي

- او اقول لكم ، دي فلول النظام السابق...كانت مراقباه وراحوا يضربوه علشان يرجعوا مبارك تاني

- والله شيء مضحك ان يقولوا فلول النظام السابق.....وأهي حجة حلوة علشان لو النتيجة طلعت نعم يبقى اول حجة ستنتشر عندها هي الطعن في نتيجة الاستقتاء بالتزوير ....مش فلول النظام موجودة في مقار لجان الاستفتاء وبتحدف طوب ، يبقى ايه المانع يزوروا نتيجة الاستفتاء

- ده البرادعي يا جماعة ، وكل شيء مدورس

- على العموم ربنا يصلح حاله وحالنا...ولو الناس اللي ضريته الطوب دي ناس عادية يعني زينا كده ...( ايه المانع يعني يمكن

(يكونوا ناس بسطاء من العامة والدهماء

فلا يجب ان نقر هذا التصرف ابدا بدا ، فلابد ان يكون هناك احترام مع من نختلف معهم وان يكون هناك ديموقراطية حقيقية فكل واحد يعبر عن رأيه دون المساس بالاخر

وحقكك علينا يا دكتور برادعي...انت تضرب بالطوب في الاستقتاء فطريق الرئاسة ليس سهلا...الهم تسامح الجميع لو وصلت الي الكرسي مؤيديك ومعارضيك

[masraweya]

ضياء رشوان ابتدا على اون تي في من دلوقت يشكك في النتيجة و يثير التساؤلات حولها

[masraweya]

و قال ايييييه .. الدعاية لراي معين في الاستفتاء شابها تجاوزات خطيرة

خصوصا .. نعم

[masraweya]

بس انا متفقة معاه ان الانتخابات هتحتاج ضوابط اشد في الدعاية و العملية الانتخابية

[مسافر]

مباشر من الإسكندرية

#alexandria #dostor

المؤشرات الاولية

دائرة سيدى جابر 51% نعم

و 49 % لا

و سنوالى نشر باقى المؤشرات من مصادرنا الحقوقية

[fatfouta]

«لجنة الاستفتاء»: 500 ألف بطاقة إضافية للقاهرة و100 ألف لحلوان