دماغي هاتفرقع ... فهموني .. كيف يتم القبض على العصابة .. ونترك زعيم العصابة ؟

[se_ Elsyed]

أنا ماليش دعوة بإن دي صفقة بين الجيش ومبارك .. أو إنهم كانوا بيلعبوا من ورا ضهره

أنا ليه دعوه بقرائن وأدلة واضحة وضوح الشمس في كبد السماء

يعني هاضرب لك مثل ظريف جداً ...

الأسبوع الماضي .. قرأت بيان لإدارة الكسب غير المشروع خلاني أتشال وأتهبد من على الأرض وفضلت أخبط دماغي في الحيطلحد ما جالي إرتجاج في الحنجرة ... لا مؤخذه لو دسوقي افندي كاتب المحامي اللي قاعد تحت شمسية قدام محكمة زنانيري .. بمنتهى السهولة يقدم بلاغ لإلقاء القبض على مبارك وقبل ما يقدم الطلب هايقتادوه من شرم الشيخ من شعره ويجرجروه لحد القاهرة ...

خدوا القرار

منع مبارك من التعامل على حساب مكتبة الإسكندرية بالبنك الأهلى

قرر المستشار عاصم الجوهرى، مساعد وزير العدل لشئون جهاز الكسب غير المشروع، منع الرئيس السابق حسنى مبارك من التعامل على حساب مكتبة الإسكندرية بفرع البنك الأهلى بمصر الجديدة.

ومن المقرر أن يتم عرض ذلك القرار على محكمة استئناف القاهرة لتحديد جلسة للنظر فى تأييد هذا القرار أمام إحدى دوائر محاكم جنايات القاهرة.

كانت التحقيقات التى أجراها جهاز الكسب غير المشروع قد كشفت عن أن الرئيس السابق هو الذى كان يتعامل على هذا الحساب سحبا وإيداعا.

وكانت التحقيقات قد جرت بهذا الشأن فى ضوء بلاغ تقدم به عضو مجلس الشعب السابق الصحفى مصطفى بكرى والذى أشار فيه إلى وجود حساب لمكتبة الإسكندرية فرع مصر الجديدة مودع به مبلغ 145 مليون دولار، وأن حرم الرئيس السابق سوزان ثابت تتعامل على هذا الحساب دون علم قيادات المكتبة، حيث أكد الدكتور إسماعيل سراج الدين أنه لا علم له أو للمكتبة بذلك الحساب.

" تم تجميد حساب مكتبة الإسكندرية

أنا قلت في عقل بالي ... ده الحساب كان معموله عليه توكيل بإسم الوليه مراته ... إيه جاب مبارك في الموضوع ؟

أتاري الخبر له بقية ... وهو إن المجرم الأثم يوسف بطرس غالي بصفتة وزير المالية وممثلاً للدولة .. قام بعمل توكيل للست الهانم الحرامية ... وعشان هي مش فاضية من عمايل المحشي وترويق قصر العروبة طول اليوم ... راحت عامله توكيل لمبارك ..

وبقى يلغوص في الحساب اللي وصل 147 مليون دولار ... ده الصافي غير اللي إتسرق

وفي تكملة للخبر وهو إن النائب العام أصدر طلب للأنتربول بعمل نشرة وتعميم للقبض على يوسف بطرس غالي وتسليمة لمصر

يا ناسسسسسسسسسسسسسسسسسسسسسسس يا هووووووووووووووووو

يعني تقبض على اللي كل دوره إنه عمل التوكيل .. وسايب الحرامي اللي سرق الفلوس يبرطع هو والوليه المُسجلة خطر مراته في شرم الشيخ أحرارً طُلقاء ويعاملوا معاملة الملوك والرؤساء .؟

وهل كل افراد العصابة اللي عمالين يتسقاطوا كل يوم إقتصادياً وسياسياُ كانوا شغالين فرداني كده من ورا ضهره وهو مش عارف ؟

مش ممكن يا جماعه والله ده ما يرضيش ربنا ابداً

خدوا اخر خبر النهاردة

قرر المستشار عبدالمجيد محمود، النائب العام، التحفظ على أموال وممتلكات الدكتور عاطف عبيد، رئيس الوزراء الأسبق، والدكتور مختار خطاب، وزير قطاع الأعمال العام الأسبق، والدكتور محمود محيى الدين، وزير الاستثمار السابق، وكذلك أموال وممتلكات أسرهم، وذلك على خلفية التحقيقات التى تجرى فى بلاغات تتهمهم ببيع شركات القطاع العام من خلال عمليات الخصخصة بأقل من ثمنها والتسهيل للغير للاستيلاء على المال العام، بالإضافة إلى تهم التربح لأنفسهم ولأفراد أسرهم.

[se_ Elsyed]

مش ملاحظين إن الجيش هايطول معانا شويه فترة يمكن توصل لسنة ..

وبصراحة عاجبني فيهم الشدة والحزم في تطبيق عقوبات البلطجة والسرقة في الحال وخلال يومين محاكمة بالكتير

وتصل عقوبة الروع في السرقة فقط إلى 7 سنوات

اما السرقة وترويع الامنين فوصلت إلى 15 سنة مؤبد مع الشغل

-----------

طب يا ناس يا هو والمجرمين اللي مقبوض عليهم وسرقوا البلد لمدة 30 سنة ونهبوها .... دول مصيرهم إيه وهما عمال يتجدد لهم 15 يوم في 15 يوم والعملية هاتبرد وشكراتهم هاتتخرب لإن متحفظ عليها وهما مسجونين ؟

[pocy]

أخى الفاضل

سألت نفسي وكثيرون عن اجابه لسؤالك ولكنى لم اجدها حتى الان لماذا تاركين مبارك لحد الان بدون اى توضيح من اين لك هذا وماذا عن حساب مكتبه الاسكندريه وغيرها كثيرا واتسال متى سنعرف الاجابه

ولماذا بدأو بالصغار مش يبدأو بالراجل الكبير ده المفروض والله اعلم

متابعه لمعرفه الاجابه على السؤال