شوفتوا جيمى كان عاوز يعمل فينا ايه !! ههههههه:)))))))

[fatfouta]

والله ما لقيت مكان احط فيه الخبر ده غير دعوة للابتسام بصراحة

جيمى كان هيسيب علينا الحيوانات المفترسة عشان تاكل المتظاهرين

ده طلع مش القذافى بس اللى مجنون وبياخد حبوب هلوسة

جمال مبارك اقترح فتح حديقة الحيوان واطلاق الحيوانات المفترسة على المتظرهرين

أشارت جريدة العربي الناصري أن جمال مبارك نجل الرئيس المخلوع طلب من حبيب العادلى وزير الداخلية فتح أقفاص الحيوانات المفترسة بحدائق الحيوانات وإطلاقها فى الشوارع فى المدن المصرية فى أعقاب جمعة الغضب ، هذا المطلب الإجرامى جاء فى سياق زيادة حالة الفزع والرعب فى قلوب المصريين خاصة بعد إنسحاب الشرطة من الشوارع وإطلاق المساجين والبلطجية على الشعب المصرى، وقال أحد ضباط الحراسة الشخصية للعادلى للعربى أنه كان حاضراً لللقاء ضمه هو وجمال مبارك ، وان مبارك الصغير طلب منه التصرف بسرعة والهجوم على حدائق الحيوان وفتح أقفاص الحيوانات المفترسة بالتزامن مع حملة ترهيب إعلامية سيتم إخطار أنس الفقى بها لتنفيذها على شاشات التلفزيون،من خلال الإلحاح على الناس لتخويفهم من الحيوانات المفترسة التى تجرى فى الشوارع لإجبار المتظاهرين على الإنسحاب من ميدان التحرير، الطريف ان العادلى إقتنع بخطة جمال مبارك الجهنمية وأشاد بذكاءه وقدراته على إبتكار وسائل تخويف مبتكرة. وعندما حاول العادلى نقل تلك الأفكار لضباطه لتنفيذهالم يجد حماساً كافياً منهم، بل وأنهم أبدوا مخاوف من تعرض الحيوانات المفترسة لعناصر الشرطة التى تقوم بإطلاق النار فى الشوارع وتخويف الناس، كما ان ذلك سيعرض الحيوانت نفسها للقتل لأن الناس ستضطر لضربها بالنار وقتلها، وأخبروا العادلى أنها خطة غبية وستسبب فضيحة لهم ولن تحقق أى نتائج. وحينما علمت مؤسسات سيادية بالخطة الإجرامية جرى تشديد الحراسة على حدائق الحيوان

تم تعديل 20 مارس 2011 بواسطة fatfouta

[Alattar]

و كان ييجي اعلان في التليفزيون المصري

الي المواطنين المصريين الموجودين في ميدان التحرير..رجاءا امشوا من الميدان...فيه حيوانات مفترسة جاية الميدان ..و فيه أسد جاي الميدان يشوف الأثار الحيوانية الفرعونية اللي واقفة علي كوبري قصر النيل

نفس اللي قالوه علي اللي رايحين و معاهم كرات نار..و كانوا بيطالبوا المتظاهرين يروحوا..

أنا شخصيا أميل لتصديق الخبر..لأنه تقريبا نفس اللي حصل مع موضوع كرات النار

هو ما ينفعش حد ياخد الأسد من الجونينة و ياخده شرم الشيخ..يفسحه هناك

تم تعديل 20 مارس 2011 بواسطة Alattar

[se_ Elsyed]

إخص عليكي يا فتفوته ..

كنتوا سيبوه يعمل كده ... والله كان نفسي ألعب مع القرد

وكمان الفيل جُمعه اللي في الجنينه كنت بحب أروح واركبه وأحس إني في تالت دور ...

وساعات كنا بناخد فينو وفسيخ ونروح نأكل الغزلان والجديان البريه ...

يني ياربي لا لحقت ألعب مع البغال والحمير والجحوش ... وكمان إتحرمت من اللعب مع الأسد والقرود ؟

دي ثورة إيه اللي حرمتني من كل حاجه باحبها دي

[Om Zayd]

اللي يفكر كده .. أكيد كان بيتفرج على أفلام الرومان و بيلعب اتاري كثييييييييييييييييييييييييييييييير

حتى ما حصلش بلاي ستيشن

[fatfouta]

وربنا يا سى السيد لو كان طلع نصيبك فى واحد ذى ده كان زمانك بتقول الحمد لله عالثورة ماحرمتنيش من اى شئ :closedeyes:

[hOuSsAm]

هو محدش قال للسيد جمال مبارك ان حديقة الحيوانات اعدمت خلاص بسبب التخلف والبقراطية اللى كانت بتديرها

احب اقوله اللى باقى خناك بالظبط حمارين وظرافة وطاوووس

العب غيرها يا جيمى

[fatfouta]

و كان ييجي اعلان في التليفزيون المصري

الي المواطنين المصريين الموجودين في ميدان التحرير..رجاءا امشوا من الميدان...فيه حيوانات مفترسة جاية الميدان ..و فيه أسد جاي الميدان يشوف الأثار الحيوانية الفرعونية اللي واقفة علي كوبري قصر النيل

نفس اللي قالوه علي اللي رايحين و معاهم كرات نار..و كانوا بيطالبوا المتظاهرين يروحوا..

أنا شخصيا أميل لتصديق الخبر..لأنه تقريبا نفس اللي حصل مع موضوع كرات النار

هو ما ينفعش حد ياخد الأسد من الجونينة و ياخده شرم الشيخ..يفسحه هناك

طب ما هما ماكدبوش فى الموضوع ده ما هما البلطجية راحوا فعلا ومعاهم البلاوى دى يا عطار

بس ماحدش قال على الجمال والحصنة والحمير ليه طيب قبل موقعة الجمل اخر حروب مبارك.....موقعة الجحش

[سقراط المصري]

أهو إقتراح جيمي فكرني بإسلام ابن القذافي، مع فرق أن ابن القذافي عنده عبط وراثي أما جمال ..... بلاش أكتب كلمة قبيحه وانزل من مستوايا لمستوى شخص ابوه قال (الشتيمه مابتلزقش)..........ناس معندهاش كرامه صحيح

تم تعديل 20 مارس 2011 بواسطة سقراط المصري

[aimen]

طيب والحيوانات اللى كان اصلا مسيبها على الشعب ومازال البعض منها

بعض رجال الأعمال الضباع ( احمد عز وابو العنين وحسن راتب وغيرهم ) والتماسيح ( زكريا عزمى صديق ممدوح اسماعيل )

ولا ننسى طبعا بعض كلاب الحراسة ( على الدين هلال ومفيد شهاب و فتحى سرور وباقى الفريق )

وعجبى

الا بصحيح

ياترى

اين زكريا عزمى وصفوت الشريف

[Alattar]

و كان ييجي اعلان في التليفزيون المصري

الي المواطنين المصريين الموجودين في ميدان التحرير..رجاءا امشوا من الميدان...فيه حيوانات مفترسة جاية الميدان ..و فيه أسد جاي الميدان يشوف الأثار الحيوانية الفرعونية اللي واقفة علي كوبري قصر النيل

نفس اللي قالوه علي اللي رايحين و معاهم كرات نار..و كانوا بيطالبوا المتظاهرين يروحوا..

أنا شخصيا أميل لتصديق الخبر..لأنه تقريبا نفس اللي حصل مع موضوع كرات النار

هو ما ينفعش حد ياخد الأسد من الجونينة و ياخده شرم الشيخ..يفسحه هناك

طب ما هما ماكدبوش فى الموضوع ده ما هما البلطجية راحوا فعلا ومعاهم البلاوى دى يا عطار

بس ماحدش قال على الجمال والحصنة والحمير ليه طيب قبل موقعة الجمل اخر حروب مبارك.....موقعة الجحش

ما أنا عارف يا فتفوتة انهم ما كدبوش..وهنا برضه لو خرجوا الحيوانات مش هيبقوا بيكدبوا لو قالوا للناس روحوا..الحيوانات عاملة ثورة..و مصممة علي ميدان التحرير

و ساعتها كان سين سين هياخد أجازة فورا و ينزل يلحق الفيل جمعة..و يلعب معاه

و كان حسام هيعرف ان فيه حيوانات تانية في مصر غير الحمارين والظرافة والطاوووس

أما بالنسبة للأتاري يا أم زيد..فكرتيني باللذي مضي..الأتاري أبو دراع خشب ده

و لعبة الطيارات..اللي كان دايما النزين بيخلص مني و ما بلحقش أخلصها

لكن دلوقتي..بسم الله ما شاء الله ربنا فتحها عليا و جبت بلاي ستيشن..و بلعب عليه لعبة عربيات..و كن هيجرالي حاجة و أنا بلعب نيد فور سبيد...واكتشفت ان الدراع فيه فيبيريشن...وبيتهز لما العربية بتخبط

لازم تفكريني يعني؟

[fatfouta]

ياترى

اين زكريا عزمى وصفوت الشريف

فى جنينة الحيوانات فى قفص القرود :closedeyes:

[fatfouta]

و كان حسام هيعرف ان فيه حيوانات تانية في مصر غير الحمارين والظرافة والطاوووس

على فكرة الظرافة ماتت مالقهر بعيد عنك فى عصر مبارك

لما روحنا وقولنا ناخد العيال ونفسحهم نسألهم فين الظرافة يقولولنا ماتت

فين الغوريللا يقولولنا ماتت

قامت فيه واحدة ست كبيرة واقفة قالت للحارس ربنا يسترها علينا بقى... :sad:

[سقراط المصري]

ياترى

اين زكريا عزمى وصفوت الشريف

فى جنينة الحيوانات فى قفص القرود :closedeyes:

بس هما إزاي يحطوا ثعبان مع قرد في قفص واحد

[Alattar]

و كان حسام هيعرف ان فيه حيوانات تانية في مصر غير الحمارين والظرافة والطاوووس

على فكرة الظرافة ماتت مالقهر بعيد عنك فى عصر مبارك

لما روحنا وقولنا ناخد العيال ونفسحهم نسألهم فين الظرافة يقولولنا ماتت

فين الغوريللا يقولولنا ماتت

قامت فيه واحدة ست كبيرة واقفة قالت للحارس ربنا يسترها علينا بقى... :sad:

انتي بتتكلمي جد يا فتفوتة؟؟....قالولكوا انها ماتت؟؟

أمال ايه اللي لسه عايش لحد دلوقتي؟؟

[fatfouta]

بجد لما روحنا الاجازة اللى قبل اللى فاتت دى

ذى ما بقولك كده بالضبط لقينا الظرافة ماتت والغوريللا ماتت

يمكن جابوا دلوقتى تانى بس ماعتقدش لان ذى مال قال حسام الجنينة بقى ساااااااكتة ومافهاش حيوانات تقريبا

بس فيها اسود وشوية عصافير كده وكام حيوان تانى وخلاص

وفيها حمار مخطط :closedeyes:

[ozoozo]

والله انا فعلا كان المفروض مبارك يتبناني مكان جمال

لسه كنت بقول لمراتي واحنا بنفتكر يوم الجمعه المشؤوم ده

قلتلها الناس دي مابتفكرش انا لو حطيت نفسي مكانهم وعايز اقضي علي الناس اللي في التحرير واخوف الناس

افتح الجنينه واسيب الحيوانات علي الناس

وفي عدد رهيب من الاسود في الجنينه

كنت هانقلهم في اقفاص لغايه مداخل الميدان من مداخله المختلفه واسيبهم علي المتظاهرين

قالتلي الحمدلله انك مش مكانهم

انا خلاص كده اتاكدت اني انفع رئيس

او علي الاقل ابن رئيس فهاخلي ابويا يترشح