ارجو المساعده لاهميه الموضوع

[zima zima]

السلام عليكم ورحمه الله وبركاته

اشكر جميع العاملين فى هذا المنتدى الذى يجعلنا تنسى مراره الغربه نوعا ما وذلك من خلال الالتقاء بالاحبه

كما اشكر واخصه بالذكر واضع هذه الفكره الرائعه ومنشأ هذا المنتدى

اخوانى

انا مهندس مصرى اعمل بجده

اعانى من اهم واخطر شى يمكن ان يعانيه اى مخلوق وهو ان تعمل فى مجال غير مجالك المهنى مجبرا على ذلك

حتى لا اطيل

انا مهندس الكترونيات وصيانه اجهزه طبيه وقد حصلت على تاشيره من احدى الشركات المصريه(البارعه فى النصب)حيث انى قد اتفقت على اشياء معينه منها طبيعه العمل ووقت الدوام

وطبعا وجدت كل الاختلاف عما اتفقت عليه فى مصر

التاشيره بمسمى مهندس صيانه فقط والعمل فى احدى شركات انظمه اطفاء الحريق وبها اكاديميه للتدريب

وانا الان مجبر من قبل الكفيل(صاحب العمل) على ان اترك مجالى الذى عملت بيه واعشقه لاتحول الى مهندس اطفاء حريق

وهنا لى بعض الاسئله

1-انا الان فى فتره ال3 شهور اختبار هل يمكن لى ان اغادر او امتنع العمل وذلك لاختلاف طبيعته عن مسمى الوظيفه المذكور فى الباسبور علما بانى حاصل على بكالوريس هندسه كهربيه شعبه الالكترونيات الصناعيه تخصص الحاسبات وقد اخذت دورات فى القطاع الهندسى بمستشفيات القصر العينى ومعى شهاده خبره من احدى الشركات المصريه العامله فى هذا المجال والتى تذكر طبيعه عملى اقصد

هناك بند من بنود قانون العمل السعودى يذكر ان لصاحب العمل الحق فى الحاق العامل بوظيفه تشابه وظيفته وهذا البند ايضا مذكور فى عقدى المبرم مع الشركه

ماهو المقياس الذى يقيس به مكتب العمل كلمه (عمل مشابه لطبيعه العمل)وكما تعلمون مهندس اجهزه طبيه مختلف فى مجاله تماما عن مهندس اطفاء حريق

2-انا لم يستخرج لى اقامه او تامين صحى الى الان وانا متاكد انى داخل فى صدام مع صاحب العمل لامحاله وهناك شرط جزائى مذكور فى العقد انه لو اراد العامل فسخ العقد يدفع راتب شهر وثمن التاشيره والاقامه والتامين الصحى وهذا يعادل رقم كبير وانا اسال لو لم يستخرج لى هذه الاشياء وذهبت لمكتب العمل ثم استخرجها صاحب العمل حين يشعر بالخطر او حتى لاجبارى على دفع نفقات اتكبدها هل سيقر مكتب العمل انى سادفع ام لا

3-اريد ان اعرف منكم وانتم اهل للخبره هل من خطوات تتخد قانونيا قبل الذهاب لمكتب العمل (انا مضيت على ورقه واحده بس فيها اول مرتب صرفته)ومعى النسخه الاصليه من العقدوكذلك جميع شهاداتى وصاحب العمل معه نسخه مصوره

ارجو الاهتمام والرد على اسئلتى ولكم جزيل الشكر

zima_jpg@yahoo.com

05644198089

[hOuSsAm]

والله يا اخى مش عارف افيدك ازاى

بس خلينى اقترح عليك شوية حجات

اول حاجة تدعو ربنا انه يفك كربك وتطلب المشورة والاستعانة منه فهو ارحم الراحمين وادرى واحد بحالك وهو القادر على انه يخفف عنك ويرفع معاناتك

تانى حاجة ممكن تتوجه للقنصلية المصرية بجدة وهى فى شارع الروضة (من الكوبرى المربع غرب) هتلاقيها هناك فى شارع جانبى على ايدك اليمين

وتسالهم وتستفسر منهم على حالتك وتاخد جميع ورقك اكيد فيه ناس هناك فاهمة فى القانون تقدر تساعدك

تالت حاجة تكون حريص جدا مع الكفيل بتاعك ومتبينلوش اى حاجة ومتعرفش اى حد معاك فى الشغل بما يدور فى عقلك

رابع حاجة موضوع المهنة فى التاشيرة (او على مفهمت انها الاقامة باذن الله) مش هتفرق طالما انت هتقدر تعمل استقدام (دى نسبيا فايدة المهنة الوحيدة هنا)

موضوع مكتب العمل ورفع قضية خد بالك ممكن الموضوع ياخد 6شهور او اكثر حتى تنتهى المشكلة فخد بالك وكن مستعد (عشان ساعتها فى الغالب هتكون من غير مرتب)

اظن ان ده اكتر حاجة ممكن افيدك بها

----------------------------------------------------

عايز اعتب عليك فى شوية حجات

مش كان الافضل ياخى ان تتحرى العقد والشركة يعنى انت مهندس صيانة اداوت طبية (وده مجال جميل جدا فى مصر وقوى) وشركة اطفاء حريق جاية تتعاقد معاك تفتكر ليه؟

عشان يعنى عندهم مستشفى وهتتعين فيها ولا عشان تعمل انظمة الاطفاء الالى

تانى حاجة مش كان الاحرى تسال اهل الثقة عن بنود العقد وتسال حد عايش فى السعودية عن الشركة وما اكثر المصريين فى جدة

----------------------------------------------------

نصيحة بقى

انظمة الاطفاء الالى فى السعودية متطورة وفيها خبرة كويسة

حاول تستغل الفترة اللى هتقعدها هنا سواء قررت تكمل او لاء انك تاخد خبرة فى حاجة جديدة لعل وعسى تفتحلك مجالات جديدة (احنا منعرفش الخير فين)

استخير ربنا وتوكل عليه

---------------------------------------------------

اى استفسار احنا هنا باذن الله فى المنتدى اخوانك وهنرد عليك على اد منقدر

تحياتى لك واتمنى لك التوفيق

تم تعديل 21 مارس 2011 بواسطة hOuSsAm

[zima zima]

مبدائيا اشكر كل من رد على استفساراتى

اود القول والتوضيح فى بعض الامور

الشركه النصابه اللى اتعقدت معاها فى مصر كان الاتفاق انى هاتشتغل فى مجالى وده لان شركه الاطفاء الملعونه تعطى كورسات ودورات فى الاسعافات الاوليه وبالتالى فيه اجهزه الاسعاف الاولى وديه اجهزه طبيه(ده ردا على الاخ اللى بيقول مانت عارف انها شركه اطفاء)

نقطه تانيه هل المصريين بينهم وبعدهم بهذا السوء انا دائما يقال لى لا تتكلم مع احد من المصريين

هل نحن بينا وبعض بهذه الصوره البشعه

الله يرحم الجميع

متشكر ليكو مره تانيه