اسوأ أغنيه فى التاريخ

[مغتربة]

هذه الاغنيه نالت لقب اسوأأغنيه فى التاريخ و اقترب عدد زوار الاغنيه على اليوتيوب حتى الان من 30 مليون شخص

و اقتربت التعليقات عليه من ال 35 الف تعليق اغلبيتها كانت نقد لاذع جدا

الاغنيه لمراهقه امريكيه تحاول الشهره باغنيه تحتوى على كلمات و الحان متواضعه من وجهه نظرى

و لكن فى الاخير ان كانت طلبت الشهره فهى نالتها و ان كان بالشكل الذى لم تتوقعه

هذه هى الاغنيه

http://www.youtube.com/watch?v=CD2LRROpph0

فقط بعد ان استمعت اليها ماذا تعتقد انه من الممكن ان يحدث لو ترجمنا اغنيه لشعبان عبد الرحيم ووضعناها للجمهور الاجنبى على اليوتيوب ؟

تم تعديل 21 مارس 2011 بواسطة مغتربة

[التونسى]

مش خالف تعرف والله:closedeyes: .. ومع احترامى للاغلبيه اللى نعتت الاغنيه بانها اسوء الاغانى على مر التاريخ .. انا شايف الاغنيه لا تستحق اللقب ابدا :protest: .. ومن هذا المنطلق ادعوكى اختى الفاضله مغتربه لانشاء موضوع قد يكون مميز .. ونسميه مثلا أسوء اغنيه سمعتها فى حياتك .. اعتقد حيبقى توبيك ظريف وملئ بالمفارقات

نرجع للاغنيه .. فانا شايف ان كل عواملها من فكره ولحن وغناء واداء واخراج مش بطاله .. ولعلمك بقى اى حد عايش فى اوروبا او حتى اميركا عارف قد ايه أهمية الويك ايند اللى بييجى فى الغالب بعد اسبوع من العمل الجاد والشاق . فبتكون ليلة الجمعه دى بمثابة عيد بيحتفل بيها الجميع كل على طريقته .. وانا عن نفسى بيبقى عندى انا وصحابى مصريين واجانب نفس الشعور بالفرحه يوم الجمعه .. وبنبقى بنعد الدقايق والثوانى عشان نخلص اخر يوم ونستعد للويد ايند

[aimen]

http://www.youtube.com/watch?v=07xpdoleM3U

دى افظع بقى

انا شايف ان الانتاج الاجنبى معقول جدا بالانتاج المصرى

اغنية مدمرة

المطربين دول عاوزين الحرق :closedeyes:

[se_ Elsyed]

http://www.youtube.com/watch?v=07xpdoleM3U

دى افظع بقى

انا شايف ان الانتاج الاجنبى معقول جدا بالانتاج المصرى

اغنية مدمرة

المطربين دول عاوزين الحرق :closedeyes:

قول وكتاب الله ؟

لأ يا عم

ده واحد وخطيبته إتحرقوا في حادثة .. فعفاريتهم طلعوا يغنوا

وبعدين ما ننساش إن في ناس عاوزه تكرهن في الثورة ..

انا فعلاً حتتين تلاته من دول هاكره أم الثورة كلها

[مغتربة]

مش خالف تعرف والله:closedeyes: .. ومع احترامى للاغلبيه اللى نعتت الاغنيه بانها اسوء الاغانى على مر التاريخ .. انا شايف الاغنيه لا تستحق اللقب ابدا :protest: .. ومن هذا المنطلق ادعوكى اختى الفاضله مغتربه لانشاء موضوع قد يكون مميز .. ونسميه مثلا أسوء اغنيه سمعتها فى حياتك .. اعتقد حيبقى توبيك ظريف وملئ بالمفارقات

نرجع للاغنيه .. فانا شايف ان كل عواملها من فكره ولحن وغناء واداء واخراج مش بطاله .. ولعلمك بقى اى حد عايش فى اوروبا او حتى اميركا عارف قد ايه أهمية الويك ايند اللى بييجى فى الغالب بعد اسبوع من العمل الجاد والشاق . فبتكون ليلة الجمعه دى بمثابة عيد بيحتفل بيها الجميع كل على طريقته .. وانا عن نفسى بيبقى عندى انا وصحابى مصريين واجانب نفس الشعور بالفرحه يوم الجمعه .. وبنبقى بنعد الدقايق والثوانى عشان نخلص اخر يوم ونستعد للويد ايند

و الله انا معاك يا استاذ تونسى شايفه انها ليست سيئه للحد دا و ان فى اسوا منها بمراحل

و علشان كدا مستغربه من كم الهجوم عليها مش عارفه دا تقليد و لا فعلا راى مستقل

المهم فكره التوبيك الى اقترحتها حضرتك جميله فعلا لكن ايه رايك انت الى تفتحه بما انك صاحب الفكره و اكيد هيكون افضل بلمسات حضرتك المعروفه

[Dreamwithme]

بصراحة هي مش حلوة ومش مميزة ولم تجذبني بصراحة لكن مش شايفة أنها الأسواء لأ في أسوأ بكتير

أما بالنسبة لموضوع أغاني الأخ شعبان عبد الرحيم ...........لو ترجمناها وحطناها علي اليوتيوب

هتحصل حاجة من اتنين يا إما هتبقي تريند في ثواني وهتعمل شعبية لمصر

يا إما بقي يا مغتربة يا ختي الأجانب هيجيلهم ذهول :blink: وهيسحبوا كل الكلام اللي قالوه عن الثورة المصرية ومش بعيد يرجعولنا مبارك بالعافية

أؤيد اقتراح أستاذنا التونسي إن كل واحد مننا يحط أسوأ أغنية من وجهة نظره

بس بصراحة أنا مش هيبقي عندي صبر إن أسمع الأغاني اللي أخوانا هيحطوها لأن طالما هي أسوأ أسمعها أنا ليه؟! :unsure:

[مغتربة]

http://www.youtube.com/watch?v=07xpdoleM3U

دى افظع بقى

انا شايف ان الانتاج الاجنبى معقول جدا بالانتاج المصرى

اغنية مدمرة

المطربين دول عاوزين الحرق :closedeyes:

لا بدى تغلب يا استاذ ايمن

لا بجد فظيعه جدا

بس هو انا متخيله يعنى الفكره ورا انتاجها

يعنى مثلا ممكن يكونوا كانوا عاوزين يجيبوا ناس عاديه مش مهم صوتهم يكون حلو او وحش و يغنوا و يعبروا لحبهم لمصر

بس لا حرام صعبه قوى

[pink rose]

http://www.youtube.com/watch?v=07xpdoleM3U

دى افظع بقى

انا شايف ان الانتاج الاجنبى معقول جدا بالانتاج المصرى

اغنية مدمرة

المطربين دول عاوزين الحرق :closedeyes:

يا ترى وردة لما شافت الاغنية دي ماتت و لا لسا عايشة؟

و الله انا لو منها ارفع قضية على العيال دي و اطالب بتعويض يكسر وسطهم و يمشيهم يشحتوا في الشوارع

[Alattar]

http://www.youtube.com/watch?v=07xpdoleM3U

دى افظع بقى

انا شايف ان الانتاج الاجنبى معقول جدا بالانتاج المصرى

اغنية مدمرة

المطربين دول عاوزين الحرق :closedeyes:

الأخ المحترم أيـــــــــــــــــمن

يؤسفني اني أديلك نقطتين حمر

و أروح أعمل كام أكونت كده من اللي ببلاش دول.. و أديك نقط حمرا كتييييير

علي الأرف اللي دخل وداننا ده

ياراجل حرام عليك...

مين دول؟؟؟

و بعدين ألأغنية عن مصر

ليه يجيبوا واحد يمني..وواحدة ليبية من عينة تحريم التبني..يغنولنا الأغنية دي؟؟

أنا تقريبا بطلت أٍسمعا أغاني من ييجي 5 سنين

لكن بعد اللي شفته النهاردة ده..لو ما كنتش بطلتها خوف من ربنا..كنت هبطلها من الأرف ده

تم تعديل 21 مارس 2011 بواسطة Alattar

[التونسى]

و الله انا معاك يا استاذ تونسى شايفه انها ليست سيئه للحد دا و ان فى اسوا منها بمراحل

و علشان كدا مستغربه من كم الهجوم عليها مش عارفه دا تقليد و لا فعلا راى مستقل

المهم فكره التوبيك الى اقترحتها حضرتك جميله فعلا لكن ايه رايك انت الى تفتحه بما انك صاحب الفكره و اكيد هيكون افضل بلمسات حضرتك المعروفه

ونروح بعيد ليه .. وبعد الاغنيه المفتريه اللى نزلها الاستاذ ايمن هنا:blink: .. انا بقترح ((بعد موافقنك طبعا)) يكون التوبيك ده هو قِبلة أسوء الاغانى اللى مرت علينا ..كل على حده . وكل من وجهة نظره ..انا عن نفسى حغطس فى بحر اليوتيوب وحقب باسوء الاغنيات اللى سمعتها من وجهة نظرى .. ولنا عوده .. وهمتكم يا جماعه تتحفونا بالاغانى الـــ

[Howayda Ismail]

طيب ايه رايكم فى دى

http://www.youtube.com/watch?v=zhKI984rueE&feature=related

[Alattar]

طيب ايه رايكم فى دى

http://www.youtube.com/watch?v=zhKI984rueE&feature=related

يا أخت هند..موضوع جمالات كفتة ده اللي في الفيلم القديم..ده موضوع يعني تهريج

ناس بتهزر و كان اسماعيل ياسين تقريبا و حاجة كده يعني

لكن الهباب اللي حطهولنا الأخ أيمن ده..لاتنين تقريبا فاكرين نفسهم مغنيين فعلا

بجد يا أيــمن...مشاركة خارج نطاق المقارنة..أنا كنت شفتها قبل كده علي الفيس بوك عندي

بس ما بفتحش أنا الأرف ده..النهاردةاتحمست شوية لما لقيت كل الأعضاء أولهم سين سين بيتشكروا في الدويتو الفظيع ده

الفيديو ده هو الثورة المضادة بعينها

[se_ Elsyed]

تصدق يا عطار إني من ساعة ما سمعت الواد والبت المحروقين دول وأنا شاري ييجي إتنين شاي على 4 قهوة عشان أنسى .. وبعتت عامل المكتب يجيب لي نص لمونه عشان نفسي غمت عليه ...

ليه يا أيمن تعمل كده في إخواتك ؟

[Alattar]

تصدق يا عطار إني من ساعة ما سمعت الواد والبت المحروقين دول وأنا شاري ييجي إتنين شاي على 4 قهوة عشان أنسى .. وبعتت عامل المكتب يجيب لي نص لمونه عشان نفسي غمت عليه ...

ليه يا أيمن تعمل كده في إخواتك ؟

مش انت لوحدك يا سين سين

أنا كمان والله جالي صداع بجد من كتر الضحك و الازبهلال اللي جالي بعد ما سمعت البتاعة دي

والواد بتاع البوفيه لسه جايبلي القهوة...و هضرب معاها حبة بنادول فورا

أنا مشيت الفيديو للآخر .. لعلي أظفر بإسم الكائنات اللي كانت بتغني دي..بس للأسف جابوا

كل حاجة واسم الشركة و كل حاجة...الا أسماء اللي كانوا بيغنوا

[التونسى]

دى بقى من وجهة نظرى أسوء اغنيه وطنيه فى تاريخ مصر الحديث:closedeyes: .. مع الاعتذار لعمار الشريعى اللى هوا اساسا إتبرأ منها مؤخرا :blush2:

http://www.youtube.com/user/medo0115715778#p/u/7/GEIZO9eK-Z4

[مغتربة]

انا بقترح ((بعد موافقنك طبعا)) يكون التوبيك ده هو قِبلة أسوء الاغانى اللى مرت علينا ..كل على حده . وكل من وجهة نظره

معنديش مانع خدوا راحتكم

بس بلاش اغانى من العينه الى استاذ ايمن حطها لان دى خطر على الصحه العامه ههههههههه

حاجات اخف الله يكرمكم الموضوع مش هيستحمل خبطه تانيه زى الى استاذ ايمن حطها

[rewsha]

انا باقترح ان الاغنيه اللي حاطتها الاساذ/ايمن .

المشرفين ينقلوها في باب الابتسام .(بعد اذن الاستاذ ايمن طبعا)

اصل العاهات اللي فيها دول .انا مابطلتش ضحك عليهم وهمه بيغنوا .(تصدقوا عيب قوي اقول بيغنوا ) اصل ده مش غناء خالص

انا والله افتكرت برنامج ستار ميكرز بتاع زمان .

كنت باموت على نفسي من الضحك لما باتفرج على الناس اللي طالعه متهياْ لها انها بتغني

تم تعديل 21 مارس 2011 بواسطة rewsha

[Alattar]

انا باقترح ان الاغنيه اللي حاطتها الاساذ/ايمن .

المشرفين ينقلوها في باب الابتسام .(بعد اذن الاستاذ ايمن طبعا)

اصل العاهات اللي فيها دول .انا مابطلتش ضحك عليهم وهمه بيغنوا .(تصدقوا عيب قوي اقول بيغنوا ) اصل ده مش غناء خالص

انا والله افتكرت برنامج ستار ميكرز بتاع زمان .

كنت باموت على نفسي من الضحك لما باتفرج على الناس اللي طالعه متهياْ لها انها بتغني

ما ينفعش باب الابتسام يا أخت روشة

لو فيه باب لأصحاب الاحتياجات الخاصة...أو حتي أصحاب القلوب الرحيمة

[ام نور محمود]

المخلوقين اللي غنوا الاغنية الكارثية دي اسمائهم على ما اعتقد ولى حسب ماقريت في اول الاغنية ماريا متري و كووووووووووما

مش عارفة المعلومات دي كافية لملاحقتهم قضائيا ولا لأ

جميل اوي التوبيك يا مغتربة

هاروح اقلب في الذكريات المنسية واجي اقولك على اوحش اغنية سمعتها

تم تعديل 21 مارس 2011 بواسطة ام نور محمود

[Alattar]

المخلوقين اللي غنوا الاغنية الكارثية دي امسائهم على ما اعتقد ماريا متري و كووووووووووما

مش عارفة المعلومات دي كافية لملاحقتهم قضائيا ولا لأ

جميل اوي التوبيك يا متغربة

هاروح اقلب في الذكريات المنسية واجي اقولك على اوحش اغنية سمعتها

قصدك ملاحقتهم فضائيا

لأن دي مخلوقات فضائية..مش معقول يكونوا دول آدميين عاديين أبدا

تم تعديل 21 مارس 2011 بواسطة Alattar