بالصور تغير فى سلوك الشرطه بشكل ايجابى

[مغتربة]

بدأ عناصر الشرطة المصرية فى منطقة الزمالك فى اطلاق حملة جديدة تهدف الى تغيير السلوك المصرى الخاطىء وخاصة بعد ثورة 25 يناير, بالاضافة الى الاقتراب اكثر من الشعب خاصة بعد الصورة السلبية التى ارتبطت بجهاز الشرطة عقب اطلاق الرصاص على المتظاهرين اثناء الثورة.

وارادت الشرطة من تلك الحملة ايضا ان تثبت للجمهور انها اصبحت تتعامل معه بطريقة اكثر رقيا وتفاهما بعد ان كانت تتبع الشدة فى كثير من المواقف وخاصة المتعلقة بقواعد المرور, حيث قام بعض افراد الامن بوضع ملصقات على السيارات المخالفة التى تقف صف ثان مكتوب عليها "كده عيب البلد بتتغير وانت واقف صف تانى .. ابدأ بنفسك".

ووضعت بجواره صورة النسر رمز الشرطة المصرية فى تعبير صريح على ضروة ان يبدأ كل فرد بنفسه فى تغيير سلوكياته الخاطئة من اجل بناء مستقبل افضل لمصر.

ايه دا دا طلع فيه فايده اهو يا ولاد

بجد مبادره جميله من الشرطه و زى ما بنرصد كل تصرف سلبى من الشرطه و بننشره فواجبنا اننا ايضا ان نسلط الضوء على اى تصرف ايجابى منهم

:give_rose:

[se_ Elsyed]

طب اقول لك على حاجه يا مغتربة

مش بنقول إذا أمرت أن تُطاع .. فأؤمر بما يُستطاع ؟

أنا عارف إن ده سلوك غلط

لكن الله يخليكي .. لما أكون نازل وسط البلد أقضي مصلحة ... وما لاقيش خرم إبره اركن فيه .. وألاقي كل الجراجات اللي المفروض إنها مخصصة لأصحاب العمارة متحوله لبوتيكات ومخازن و و و و و و ... والدنيا زحام رهيب .... طب الواحد يركن فيه بالله عليكي ؟

يبقى الإجراء ده لازم يكون متازمن مع محليات قوية .. تجبر أصحاب الجراجات إنهم يرجعوها لغرضها اللي معموله عشانه .... وبعدين أحاسب الناس على الصح والخطا

[مغتربة]

طب اقول لك على حاجه يا مغتربة

مش بنقول إذا أمرت أن تُطاع .. فأؤمر بما يُستطاع ؟

أنا عارف إن ده سلوك غلط

لكن الله يخليكي .. لما أكون نازل وسط البلد أقضي مصلحة ... وما لاقيش خرم إبره اركن فيه .. وألاقي كل الجراجات اللي المفروض إنها مخصصة لأصحاب العمارة متحوله لبوتيكات ومخازن و و و و و و ... والدنيا زحام رهيب .... طب الواحد يركن فيه بالله عليكي ؟

يبقى الإجراء ده لازم يكون متازمن مع محليات قوية .. تجبر أصحاب الجراجات إنهم يرجعوها لغرضها اللي معموله عشانه .... وبعدين أحاسب الناس على الصح والخطا

كلامك صحخ يا استاذ سى السيد

فعلا قبل ما تطبق عليا القانون وفر ليا البدائل

لو ملاحظ هما بيقولوا ان الكلام دا فى الزمالك

صعب قوى حد يفكر يطبقوا فى وسط البلد بحالته الحاليه

مش هيلاحقوا استيكرات ههههههههههه

[raouf]

طب اقول لك على حاجه يا مغتربة

مش بنقول إذا أمرت أن تُطاع .. فأؤمر بما يُستطاع ؟

أنا عارف إن ده سلوك غلط

لكن الله يخليكي .. لما أكون نازل وسط البلد أقضي مصلحة ... وما لاقيش خرم إبره اركن فيه .. وألاقي كل الجراجات اللي المفروض إنها مخصصة لأصحاب العمارة متحوله لبوتيكات ومخازن و و و و و و ... والدنيا زحام رهيب .... طب الواحد يركن فيه بالله عليكي ؟

يبقى الإجراء ده لازم يكون متازمن مع محليات قوية .. تجبر أصحاب الجراجات إنهم يرجعوها لغرضها اللي معموله عشانه .... وبعدين أحاسب الناس على الصح والخطا

لالالالا انا كدا اختلف معاك تماما يا ريسنا

لو عندك مشوار فى نص البلد اركن العربية فى اى جراج او اى مكان يكون اقرب ما يكون الى نص البلد واركب المترو او تاكسى

وده الاسلوب المتحضر واللى اقترح تطبيقه بعمل جراحات كبيرة على حدود القاهرة لاجبار الناس على ركوب المواصلات العامة

صدقنى ده حل سحرى للزحام وخصوصا فى الاحياء اللى مثل وسط البلد - الدقى وغيره

واكيد تقليل التلوث والضوضاء وبيزيد المشهد الحضارى للقاهرة القديمة

ولنا فى تجربة شارع الازهر والحسين خير مثال اصبح الشارع يسير به فقط السيارات الكهربائية وشوف الجمال والحلاوة يا ريس