في عيد الأم - أنحني لأقبل يد هذه الأم

[شرف الدين]

بسم الله الرحمن الرحيم

http://www.youtube.com/watch?v=7zQg49oQuAI&feature=related

أنحني لأقبل يد هذه الأم

من بين مئات الأمهات المصريات سواء أمهات الشهداء أو أمهات المصابين اخترت هذه الأم تحديدا

أما لماذا هذه الأم بالتحديد ...

فهو لهذه الجملة بالذات ( يا حبيبي احتمال تكون دي آخر قبلة ليك )

الجملة عند الدقيقة 4:28

هذه الجملة تحديدا تجعلني أنحني لأقبل يد هذه الأم

كانت ممكن تقوله ( متخرجش يا حبيبي أنا خايفة عليك ).

كانت ممكن تسكت أو تعيط وهو خارج ...

لكن الأم دي بتحضن ابنها وتودعه وتقوله ( يا حبيبي احتمال تكون دي آخر قبلة ليك )

الجملة دي أنا ازعم إنها تقهر الخوف في قلب أي بني آدم

الحاجة الوحيدة اللي بتخوف الانسان من انه يعرض حياته للخطر هو خوفه على اللي حواليه ...

لكن لما الواحد يلاقي أمه نفسها ... اللي هيا أكتر انسانة مفروض إنها تخاف عليه هي اللي بتشجعه ... وبتثبته على القرار .. وتقوله ( دي ممكن تكون آخر بوسة )....

اكيد الواحد ساعتها هينسى الدنيا ...

ومش هيبقى في ذرة خوف في قلبه

أهي دي الأم بجد اللي عرفت تربي

هي دي الأم اللي ينطبق عليها قول حافظ ابراهيم

الأم مدرسة إذا أعددتها *** أعددت شعبا طيب الأعراق

إنها امرأة ...

لكنها

تصنع الرجال

تم تعديل 22 مارس 2011 بواسطة شرف الدين