نقيب في الجيش المصري..الثاني في المسابقة الدولية لحفظ القرآن الكريم للعسكريين

[Alattar]

السلام عليكم و رحمة الله و بركاته

النقيب / أيمن سعد العوضي

يحصل علي المركز الثاني في مسابقة الأمير سلطان الدولية لحفظ القرآن للعسكريين

صور من حفل إجراء القرعة

و قد شاركت القوات المسلحة بمصر بثلاث متسابقين هم :

رائد/ حسام حسن محمود سيد

رائد / تامر طه إبراهيم خضر

نقيب / أيمن سعد العوضي فودة

و جاءت قراء النقيب أيمن سعد في مقدمة القراءات المختارة في الموقع الرسمي للمسابقة

الموقع الرسمي للمسابقة

قراءة النقيب / أيمن

http://sipq.org/video/maser.wmv

أسأل الله تعالي أن يبارك في رجالنا و أن يديم التوفيق لمصر في جميع المجالات

تم تعديل 22 مارس 2011 بواسطة Alattar

[fatfouta]

الفيديو اهه يا عطار لقيته

صوته جميل ربنا يبارك فيه يارب

http://www.youtube.com/watch?v=RwlRAAsa42U

[mustafagamiel]

ماشاء الله

صوته جميل جداااااااااااااااااااا

وان شاء الله هنشوف ضباط شرطة كمان حافظين القرأن

[الدكتورة أم أحمد]

ماشاء الله لا قوة إلا بالله

نسأل الله أن يبارك في قواتنا المسلحة وإن يكثر فيه الخير

ومثلها الشرطة

وأن يمن الله علينا جميعا بحفظ القرءان وتعلم علومه

وجزاهم الله خيرا على هذا الحفظ والأداء الطيب

وجزاء الله خيرا

[se_ Elsyed]

الشيخ اللي في لجنة التحكيم وبيقوله إقرا هو الشيخ الحذيفي اللي له محبة خاصة في قلوب كل المصريين لإرتباط إسمه بالحرم النبوي الذي نُحبه حباً لا يوصف ... ولو وسعنا الدائرة شويه يبقى نقدر نقول إن كل ما في المدينة المنورة يحتل مكانة في قلوبنا ...

- اتذكر مرة سنة 2003 كنت ذاهباً لقضاء عيد الأصحى بالمدينة المنورة .. فواقف في اللجنة المرورية اللي على مشارف المدينة لقيت احد الضباط جاي يسألني ويقول لي : انا عاوز اعرف إيه سر حب المصريين للمدينة ؟

-------------

ما شاء الله على صوت هذا الضابط وتمكنة من القراءة ومخارج الفاظة ودقة التلاوة .... ربنا يبارك له في علمه

[الســـاري]

ما شاء الله تبارك الله ..

قراءة تخلي الواحد ينسجم جدا ، ويخشع مهما كان

قراءة تنفذ للقلب سريعا ..

تمكن .. ثقة عالية .. صوت شجي

بارك الله فيه ونفع بعلمه وعلمه

----------------------------------------

الشيخ اللي في لجنة التحكيم وبيقوله إقرا هو الشيخ الحذيفي اللي له محبة خاصة في قلوب كل المصريين لإرتباط إسمه بالحرم النبوي الذي نُحبه حباً لا يوصف ...

بالمناسبة .. بيت الشيخ الحذيفي بيني وبينه 4 عماير بالضبط

----------------------------------------

ولو وسعنا الدائرة شويه يبقى نقدر نقول إن كل ما في المدينة المنورة يحتل مكانة في قلوبنا

شي طبيعي ... خاصة لو عرفت ان ( احنا ) من المدينة

:closedeyes:

----------------------------------------

- اتذكر مرة سنة 2003 كنت ذاهباً لقضاء عيد الأصحى بالمدينة المنورة .. فواقف في اللجنة المرورية اللي على مشارف المدينة لقيت احد الضباط جاي يسألني ويقول لي : انا عاوز اعرف إيه سر حب المصريين للمدينة ؟

شفت لو تنزل المدينة تاني وما تشدش لي تلغراف

هاكرهك بالمدينة بجد

وبعدين يا ظالم من سنة 2003 ما عتبتش المدينة ؟

اما بالنسبة للعسكري

لازم تعذره بسؤاله ده

بيني وبينك ..

مليتوا البلد انتم

:P

---------------------------

تم تعديل 23 مارس 2011 بواسطة الســـاري

[se_ Elsyed]

من جاور السعيد يسعد يا ساري .. يا بختك

لا يا عم الحمد لله بازور المدينة كتير .. بس خلاص بقى ما بقاش في الواحد صحة يروح بالعربية . وبقيت اروح طيران سريع سريع

وتخيل المرة اللي أروحها بالعربية ... واجي اعدي الشارع على رجلي عشان أروح موقع شهداء أُحد ... عربية متهورة تخطبني انا وأخويا وكنا هانموت ... ومازلت اعاني من الأصابة حتى الان . واخويا الصغير ركب 9 مسامير في رجله ...

عاجبك كده يا عم ساري ؟ وعمال تقول لي انا الحاكم الفعلي للمدينة .. ومافيش نملة بتعدي إلا ولازم أعرفها .. وإني بانيم المدينة كلها من المغرب وساعات بتروح عليهم صلاة العشا ؟

[الســـاري]

من جاور السعيد يسعد يا ساري .. يا بختك

لا يا عم الحمد لله بازور المدينة كتير .. بس خلاص بقى ما بقاش في الواحد صحة يروح بالعربية . وبقيت اروح طيران سريع سريع

وتخيل المرة اللي أروحها بالعربية ... واجي اعدي الشارع على رجلي عشان أروح موقع شهداء أُحد ... عربية متهورة تخطبني انا وأخويا وكنا هانموت ... ومازلت اعاني من الأصابة حتى الان . واخويا الصغير ركب 9 مسامير في رجله ...

عاجبك كده يا عم ساري ؟ وعمال تقول لي انا الحاكم الفعلي للمدينة .. ومافيش نملة بتعدي إلا ولازم أعرفها .. وإني بانيم المدينة كلها من المغرب وساعات بتروح عليهم صلاة العشا ؟

اهم حاجة العربية تدشدشت ؟ ولا طلعت سليمة ؟

ههههههههههههههههه ... لا والله الف سلامة عليك وعلى اخوك .. ما تشوف شر ان شاء الله

تسعة مسامير ؟؟ ... لا حول ولا قوة الا بالله .. رجل اخوك بقت مصفحة اكيد .. صباح التسليح على قولة المهندس تيمور

..

اما بالنسبة للاصابة اللي تعاني منها للآن .. ما تحبكهاش اوي كده .. مهو برضه لازم ينوبك تذكار مننا يخليك تفتكرنا على طول

:P

دي دعاوي المسلمين .. ياما استقويت بدنيتك بس ربنا يتوب علينا كلنا بأة

الله يرفع عنك الاذى .. و من جديد الف حمدلله على سلامتك .. والزيارة دي كانت ايام الكورولا ولا ايام اللانسر .. ولا مش عار ف عربياتك دي

بس عموما المرة التانية لما تيجي المدينة لازم تكلمني عشان اضبط لك المنطقة ... اعرف دكتور عظام نمرة واحد مافيش منو اتنين .. احتياطا طبعا لا قدر الله .

:P