حريق فى مبنى ورزاة الداخلية فى القاهرة

[fatfouta]

تابعوا النيل للاخبار الصور عليها

[fatfouta]

الصورة الآن

المطافى بتحاول السيطرة على الحريق

تم تعديل 22 مارس 2011 بواسطة fatfouta

[Alattar]

بيقولوا امناء شرطة حرقوا المبنى اعتراض على الفصل التعسفى

وكانوا بيطالبوا بعودة محمود وجدى للوزارة

بيطالبوا بعودة محمود وجدي؟؟

ده ناقص يقولوا عاوزين حبيب العادلي كمان؟؟

ايه الاستهبال ده

[التونسى]

بيقولوا امناء شرطة حرقوا المبنى اعتراض على الفصل التعسفى

وكانوا بيطالبوا بعودة محمود وجدى للوزارة

طبيعى يغضبوا بشده لفصلهم من الشرطه خاصة ان أغلبهم ((دافع دم قلبه)) رشاوى عشان بس ينتسب للشرطه ويكون احد زبانيتها فى عصر الماسوف على عمره حبيب العادلى.. لسان حالهم بيقول ((شرطه أونطه .. هاتوا فلوسنا))

[pink rose]

بيقولوا المظاهرات دي قامت النهاردة كلها في نفس الوقت

الكلام دا من على الجزيرة حالا

عاوزين محمود وجدي

الله ما نجيب مبارك نرجعه و نخلص بقى

لا اللي بيحصل دا مصيبة بجد

[fatfouta]

أمين شرطة منهم على شاشة النيل للاخبار

بيقول احنا نتظاهرنا الصبح امام الوزراة وكنا مستنيين حد يطلع يكلمنا او وزير الداخلية نفسه

ودخل مننا 12 فرد للتفاوض معهم وطبعا هيقولوا ان دول اللى ولعوا فى المبنى

لكن واحنا واقفين فوجئنا بالحريق ومش عارفين ده من ايه وطبعا مش هنقدر نثبت ان احنا ماحرقناش المبنى وهنستنى التحقيق يثبت ده واحنا مانعملش كده طبعا

تم تعديل 22 مارس 2011 بواسطة fatfouta

[pink rose]

http://www.facebook.com/?ref=home#!/aljazeeramubasher?sk=app_4949752878

البث المباشر للجزيرة مباشر بيتكلموا عن الموضوع

[fatfouta]

[fatfouta]

الخبر ده كان الصبح يمكن المظاهرات دى ليها صله

أفراد الشرطة يتظاهرون أمام "ماسبيرو" للمطالبة بإقالة العيسوى

قام قرابة 50 ألف شخص من أمناء وأفراد هيئة الشرطة تصاحبهم بعض سيارات وزارة الداخلية اليوم الثلاثاء، بقطع الطريق حول كورنيش النيل وماسبيرو، كما قاموا بالاعتصام أمام مبنى اتحاد الإذاعة والتلفيزيون.

حاصر الآلاف منهم فندق هيلتون رمسيس مطالبين برحيل اللواء منصور العيسوى وزير الداخلية، وإلغاء المحاكمات العسكرية، وتحسين الأجور، وذلك قبل أن ينضم إليهم الآلاف من زملائهم من المحافظات مرتدين الزى الرسمى والمدنى.

[أحمد سيف]

كان رأيي من البداية أن هذا الجهاز الفاسد لا ينفع معه أية محاولات إصلاح

وأن الحل الوحيد لاستعادة الأمن والاستقرار هو في تشكيل جهاز شرطة جديد على أسس صحيحة

وأعتقد أن الأيام ستثبت صحة هذا الرأي في النهاية

الثورة لم تنته بعد

[fatfouta]

أمين شرطة عالجزيرة بيقول

بيشكر فى محمود بيه وجدى وانه نزل من اول يوم عند الوزارة

والعيسوى ده قاعد برا بقاله 15 سنة ومش حاااسس بينا ولا يعرف اى حاجة عن اللى بيحصل جوا الوزارة

بجد ربنا يستر بيحاولوا يشوهوا اى راجل كويس وبيخدم بلده بجد

[pink rose]

طب ما هو محمود زفت بيه وجدي اتقلح قعد شهر بحاله عمل ايه للمصريين؟؟؟؟؟؟؟؟؟

عمل ايه لامناء الشرطة دول رفع مرتباتهم؟عدل ساعات عملهم؟

قريت امبارح ان اللواء منصور العيسوى قلل ساعات شغلهم ل 8 ساعات بس في اليوم

يبقى الحكاية مش حكاية عارف مطالبهم لا الحكاية غير كده خالص

هما مش عاوزين البلد تستقر

بعد ما كانت في اتجاهها لانها تهدى

الناس اختارت نعم و هايهدوا خلاص

ازاي بقى لا نولعلهم كل يوم في مكان و نقول اهو الاستقرار يا بتوع نعم اشربوا بقى

كل ما افتح التعليقات على الخبر الاقي ناس كاتبه

هو دا الاستقرار يا بتوع نعم

كأن اللي قالوا نعم هما السبب في اللي بيحصل و بتوع لأ كان معاهم حق

تم تعديل 22 مارس 2011 بواسطة remo

[fatfouta]

الحريق

http://www.youtube.com/watch?v=7UVl75UZQUQ

[fatfouta]

أخبار ذات صلة

إصابة 3 في إطلاق نار في الهواء بين الجيش وأمناء شرطة معتصمين بالزقازيق

أصيب اليوم الثلاثاء 3 من أفراد الشرطة في تبادل لإطلاق النار في الهواء وقع بين وحدات الجيش وأفراد من الشرطة في أثناء اعتصامهم أمام مديرية الأمن بالشرقية للمطالبة برفع الحافز المادي وعودة وزير الداخلية السابق محمود وجدي.

ووقع تبادل إطلاق الرصاص بعد قيام المعتصمين برشق مبنى المديرية بالحجارة وفقا لشهود عيان.

وكان المتظاهرون قد تجمعوا صباح اليوم أمام مديرية أمن الشرقية بوسط مدينة الزقازيق، حيث طالبوا برفع الحافز المادي للأفراد ومساواتهم بالضباط، منتقدين حصول اللواء على 600 جنيه كحافز، والعقيد، والعميد على 500 جنيه، في حين أن الأفراد يحصلون على 178 جنيها فقط.

كما طالبوا بتغيير زي فرد الشرطة، والسماح لهم بالعلاج فى مستشفيات الشرطة، أسوة بالضباط.

وطالب المتظاهرون بتغيير قانون الشرطة، حيث إنها هيئة مدنية وليست عسكرية.

وقد نفى أفراد الشرطة المعتصمون إطلاق أي أعيرة نارية، بينما قال الجنود الموجودون على الدبابات في مدينة الزقازيق، لمراسل "بوابة الأهرام" إن أمناء الشرطة بدأوا بإلقاء الحجارة على مديرية الأمن وإطلاق أعيرة نارية في الهواء، مما اضطر الجيش للرد بإطلاق النار في الهواء، دون أن يوجه الرصاص ناحية أحد.

ورصد مراسل "بوابة الأهرام" وجود مصابين في موقع الحدث هما عبد الحميد عبد السلام عبدالحميد، وعبد الله الحسيني أحمد، بينما كشف مصدر طبي بمستشفى الأحرار عن وصول مصاب بطلق ناري بعد نقله إليها من أمام المديرية.

الاهرام

[fatfouta]

[fatfouta]

أمين شرطة معتصم على قناة الجزيرة: الأدوار المحترقة بها معلومات حساسة

[Alattar]

أمين شرطة معتصم على قناة الجزيرة: الأدوار المحترقة بها معلومات حساسة

لو الخبر ده صحيح..تبقي مصيبة..يبقي لسه الخفافيش بتوع الهباب النظام المخلوع بيلعبوا في الظلام

ولسه فيه أوراق تدينهم عاوزين يحرقوها

شكرا يا فتفوتة علي المتابعة

[ComingSoon]

النظام لسه صاحي وبيلعب ،،

[fatfouta]

مقدم عالجزيرة الان...مقدم من حركة ضباط لكن شرفاء

السيد رئيس الوزراء لازم يهتم بالملف الامنى بنفسه

دى مؤامرة من ضباط امن الدولة السايقين ومحاولة لبث الفوضى واحنا معانا مستندات بكده واطلعنا عليها وجورج اسحاق وعلاء الاسوانى ولما اتعرف ان معايا مستندات اتعرضت لمحاولة اغتيال

واحنا مازال معانا المستندات البديلة وهنتقدم بيها للنائب العام اللى تدينهم على ذلك

ومش معقول امناء جايين يقدموا طلباتهم يحرقوا مبنى لا ده شغل ناس كبيرة وضباط امن دولة

[pink rose]

أمين شرطة معتصم على قناة الجزيرة: الأدوار المحترقة بها معلومات حساسة

لو الخبر ده صحيح..تبقي مصيبة..يبقي لسه الخفافيش بتوع الهباب النظام المخلوع بيلعبوا في الظلام

ولسه فيه أوراق تدينهم عاوزين يحرقوها

شكرا يا فتفوتة علي المتابعة

هو ايه عرف امين الشرطة ان المكان دا فيه معلومات حساسة؟

و بعدين الخبر بيقول

مظاهرات لأمناء الشرطة في 8 محافظات ضد العيسوي و«المحاكمات العسكرية»

اذ فجأتن كده النهاردة و في نفس الوقت طلعوا البهوات امناء الشرطة يطالبوا بإقالة العيسوى

تم تعديل 22 مارس 2011 بواسطة remo