حريق فى مبنى ورزاة الداخلية فى القاهرة

[fatfouta]

الى الان الحملة عددها يفوق الالفين شخص ومنتشرة عالفيس بوك وتويتر

الشعب بيرد بحملة حااااالاا عالفيس بوك

الشعب يريد اللواء منصور العيسوى

شكرا يافتافيت السكر

فعلا مفروض ان نقف فى وجه من يحاولون اقصاء رجل يريد اصلاح الجهاز ويريد ان يقطع ايدى المرتشين.

شكرا يا استاذ محمد

الحملة الحمد لله عددها بيزيد وده بيأكد وعى الناس

الى الان العدد قارب على الثلاثة الاف

[pink rose]

دي أخرة الترقيع

صوتنا إتنبح وقولنا .. ثورة يعني تطهير

وأدينا شايفيني .. بقى لنا شهرين بالظبط دلوقت وإحنا بنرقع وما فيش واحد خد حُكم حتى بالحبس شهر واحد من أول حبيب العادلي وأسماعيل الشاعر و و و و و و

وأخرها الأفراج عن وائل الكومس ومعه لفيف من مجرمي الحرب اللي قتلوا المتظاهرين بكل دم بارد في الأسكندرية

وأخرها .. تغيير إسم عبدو المعفن ... إلى عبدو النتن ... يعني تغيير إسم امن الدولة بنفسه قياداته وسلطاته وببابا غنوجه إلى الأمن الوطني ... يا حلاوووووووووووه

الاطرف بقى إن نفس اناء الشرطة دول ولعوا في مبنى شئون الأفراد من كام يوم وإتحكم على بعضهم في الخباثة ..

معلش يا استاذ احمد ايه دخل الموافقة على التعديلات و الترقيع زي ما حضرتك بتقول باللي حصل؟

يعني لو كانت نتيجة الاستفتاء لأ كان دا ما حصلش؟

متهيألي دا كان هايحصل هايحصل

و بعدين ظباط اسكندرية لم يفرج عنهم و اخدوا 15 يوم تجديد حبس على فكرة

يا ريم إقري كلامي .. أنا ما جبتش سيرة الدستور

أنا قصدت بالترقيع هو عدم تطهير هذا الجهاز من الفساد وتقبله زي ما هو وعادي الأمور ماشية وما حصلش حاجه ..

وتخيلي إن كل محاكمات حبيب العادلي دلوقت عشان خد 4 مليون ونص رشوى ... شوفتي إزاي ؟

وإسماعيل الشاعر واللي معاه مش عارفين يثبتوا عليهم حاجه

----------

أقسم بالله ... لو كانت الرؤوس الكبيرة إتمسكت وإتحكم عليها بكل حزم وعدل وحق وسُرعة ... واولهم مبارك ... كان الكل مشي على العجين ما لخبطوش ....

لكن أدينا شايفين ... دول بيتعاملوا معاملة رسمية وكأنه رئيس مازال في السلطة ... وعادي في المعادي

كلنا شوفنا اللي حصل في امن الدولة

وكلنا شوفا إمتناع الشرطة عن العمل

ناقص إيه تاني يحصل عشان المجلس العسكري يطبق الاحكام العسكرية على رموز الفساد زي ما بيطبقها على البلطجية ؟

اهو يا عم الناس شغالين اهو

إحالة «العادلى» و«الـ4 الكبار» في «الداخلية» إلى «الجنايات» خلال ساعات بتهمة قتل المتظاهرين

انتهت النيابة العامة، مساء الاثنين، من الاستماع إلى أقوال اللواء حبيب

العادلى، وزير الداخلية الأسبق، ومساعديه الأربعة الكبار، فى قضية قتل المتظاهرين، وتسلمت النيابة العامة بالقاهرة، ظهرالثلاثاء، تحقيقات النيابات الجزئية فى المحافظات التى شهدت جرائم قتل متظاهرين خلال الأحداث التى شهدتها البلاد فى الفترة الماضية.

وأفاد مصدر قضائى بأن المستشار عبدالمجيد محمود، النائب العام، توجه الثلاثاء إلى مقر النيابة العامة فى التجمع الخامس، واطلع على التحقيقات التى قال المصدر إنها أصبحت جاهزة لإحالتها إلى محكمة الجنايات لمحاكمة المتهمين، مشيراً إلى أن إجراءات الإحالة ستتم خلال ساعات.

وقال المصدر إن المتهمين هم حبيب العادلى، ومساعدوه اللواءات عدلى فايد، مدير قطاع الأمن العام، وإسماعيل الشاعر، مدير أمن القاهرة، وحسن عبدالرحمن، رئيس جهاز مباحث أمن الدولة، وأحمد رمزى، مدير قطاع الأمن المركزى، السابقون، وعدد من الضباط، وأفراد الشرطة، لم يحدد المصدر عددهم.

وأكد المصدر أن النيابة وجهت إلى المتهمين تهم الاشتراك فى قتل 265 شهيداً عمداً، وإصابة أكثر من 4 آلاف آخرين، وطاعة الوزير الأسبق وإصدار أوامر بقتل المتظاهرين، مشيراً إلى أن ضباط الإسكندرية الثلاثة الذين أطلق سراحهم بقرار من القاضى الجزئى، وتم حبسهم مرة أخرى، من بين المتهمين فى هذه القضية.

وتسلمت النيابة، ظهر الثلاثاء ، تقريرا جديدا من اللجنة المشكلة لتقصى الحقائق فى واقعة التعدى على المتظاهرين فى 2 فبراير الماضى، فيما عُرف إعلامياً بـ«موقعة الجمل». وأدان التقرير عدداً من الضباط، وأعضاء فى مجلسى الشعب والشورى المنحلين، من المنتمين للحزب الوطنى.

[أحمد سيف]

كالعاده ... لبّسوها للماس الكهربي

[se_ Elsyed]

ده أنا بأضرب راسي في الحيط دلوقت لحد ما سناني وقعت

انا حاسس إن مصر الدولة الوحيدة اللي فيها كهربا والعالم كله شغال بالشموع واللنضة الجاز

عالعموم .. خليهم يطرموخوا عللى جرايمهم لحد النار قصدي الماس ما يكهربهم

[fatfouta]

أمناء الشرطة يتهمون الضباط بحرق وزارة الداخلية

http://www.youtube.com/watch?v=G65RonxLLSU&feature=player_embedded

ضباط"العادلى" أحرقوا الوزارة

اتهم أمناء الشرطة بالخدمة وخارجها ضباط الداخلية بحرق مبنى الوزارة بلاظوغلى ,وقال بعض الأمناء: إن الضباط أرادوا تشويه صورة أمناء الشرطة مع العلم بأن لهم دورا أساسيا فى عملهم كضباط .

وكان حريق قد شب بمبنى وزارة الداخلية بقسم المعلومات بالطابق التاسع وامتد الى 3 طوابق أسفله و هرعت قوات الدفاع المدنى وسيارات الإطفاء والإسعاف لمكان الحريق وقام بعض المدنيين بمساعدة رجال الإطفاء فى السيطرة على الحريق وقاموا بالصعود أعلى مبنى الأدلة الجنائية فى محاولة منهم للسيطرة على الحريق .

وأضاف آخرون أن الحريق الذى شب لحرق ملفات سوداء يراد اخفاؤها, ولابد من فصل هؤلاء الضباط وتغييرهم لتستقر البلد فهم أول من قاموا بمظاهرات فئوية فهم بينفذوا خطط النظام السابق وذيوله وبضباط الشرطة لاتستقر مصر هم يريدون نشر الفوضى لماذا لانبدل الشرطة بشباب الخريجين الأبرياء التي لم تلوث يدهم بدماء أبنائنا؟.

وقد أكدت مصادر أمنية للوفد ان رجال حبيب العادلي وزير الداخلية المحبوس الذين يجلسون علي كرسي الوزارة والذين أنهي الوزير الجديد خدمتهم وراء الحريق وعلمت الوفد أن منصور العيسوي قام بسحب سيارات مساعدي أول الوزير ومساعدي الوزير والتي كان يتراوح عددها بين 30 الي 50 سيارة للفرد الأمر الذي اغضبهم وقاموا بتحريك الامناء منذ يوم الخميس الماضي بحجة رفع رواتبهم وإقالة الوزير الحالي.

وأشارت المصادر للوفد إلى ان اللواء منصور العيسوي بدأ في محاربة الفاسدين من رجال العادلي وأقر إحالة البعض منهم الي جهاز الكسب غير المشروع للتحقيق في الثروات الضخمة التي يمتلكونها وأسرهم.

كما حرك أتباع العادلي بعض الضباط والأمناء بشن حملة علي الفيس بوك ضد الوزير الحالي الذي بدأ يضرب بيد من حديد على لصوص الداخلية.

الوفد

[fatfouta]

كالعاده ... لبّسوها للماس الكهربي

تعليق

ماس كهربائى تانى!!!!! معلش اصل السلك ماكانش حاسس بالاستقرار

[fatfouta]

صور من أمام مبنى ماسبيرو

[fatfouta]

المقدم محمد عبد الرحمن رئيس حركة "ضباط ولكن شرفاء"

أكد أن حريق وزارة الداخلية اليوم هو من تدبير فلول ضباط أمن الدولة لأنه أسلوب الجهاز القذر _ على حد وصفه _ مشيراً إلى أنه تم استخدام مظاهرة أمناء وأفراد الشرطة اليوم من أجل التغطية على الحريق المعد مسبقاً ولكنهم كانوا ينتظرون الفرصة المناسبة من أجل طمس ملفات ضباط أمن الدولة وضباط البحث الجنائي.

وفجر عبد الرحمن مفاجأة من العيار الثقيل حيث أكد أنه تعرض لمحاولة اغتيال نجا منها بأعجوبة مؤكداً على أنه أبلغ عده شخصيات معروفة عن مخططات لاغتيالهم من جانب فلول أمن الدولة في محاولة لإشاعة الفوضى في البلاد منهم الدكتور محمد البرادعي مرشح الرئاسة المصرية والمدير العام لوكالة الطاقة الذرية سابقاً والناشط في حركة كفاية جورج إسحق والكاتب والأديب علاء الأسواني مشيراً إلى أنه طلب منهم تغيير نمط حياتهم حتى يتجنبوا الاغتيال .

وكشف عبد الرحمن أن عدد من الضباط معروفين غادروا بسياراتهم الخاصة مبنى الوزارة قبل دقائق فقط من نشوب الحريق كاشفاً عن أنه يمتلك معلومات كاملة عن ضباط أمن الدولة وضباط البحث الجنائي وأنه سيفجر مفاجأت من العيار الثقيل خلال أيام لفضائح داخل وزارة الداخلية .

جزء من المكالمة

http://www.youtube.com/watch?v=AWKgUsH3_fs

[fatfouta]

كلنا خالد سعيد

تمت السيطره على حريق وزراه الداخليه ..الحريق كان فى مبنى المعلومات بوزاره الداخليه ..اللى فيه معلومات مهمه عن وزاره الداخليه وقت حبيب العادلى والنظام السابق !ا

[fatfouta]

الصور عن قُرب

تم تعديل 22 مارس 2011 بواسطة fatfouta

[سكر]

بس يا سى السيد

بالرغم انى بخبط دماغى فى الحيط منك وانت عارف ليه

بس انا هبت دماغى فى الحيط اكثر من مرة عشان اعرف واسال هو دة وقته

احنا بقينى شعب عارف مصلحته ولا البوصله هتضيع مننا

امالى كبير فى الشعب وان الحضارة فعلا تطبع على سلوكة هذة الايام

[se_ Elsyed]

ده ما كانش ظلم ..

ده كان سحق للناس ودفعهم دفعاً إلى السرقة والنهب

تخيلوا 300 الف أمين شرطة وفرد امن ومدني .. وجميعهم يعملون في الداخلية .. ليس لهم علاج ولا مستشفيات ولا أي إمتيازات .. وكل ده بيخصص للبشوات الكبار فقط ؟

اه يا ظلمه ياللي ما تعرفوش ربنا

[fatfouta]

ده ما كانش ظلم ..

ده كان سحق للناس ودفعهم دفعاً إلى السرقة والنهب

تخيلوا 300 الف أمين شرطة وفرد امن ومدني .. وجميعهم يعملون في الداخلية .. ليس لهم علاج ولا مستشفيات ولا أي إمتيازات .. وكل ده بيخصص للبشوات الكبار فقط ؟

اه يا ظلمه ياللي ما تعرفوش ربنا

لا وبدل الطعام لامين الشرطة فى اليوم 1 جنية

ليه يعنى يجيب ايه الجنية ده ويأكله ايه هو وولاده؟؟

أمين شرطة كان بيتكلم عالجزيرة من شوية بيقول انا مرتبى الاساسشى لغايت دلوقتى 100ج...لا تعليق

[hOuSsAm]

ده ما كانش ظلم ..

ده كان سحق للناس ودفعهم دفعاً إلى السرقة والنهب

تخيلوا 300 الف أمين شرطة وفرد امن ومدني .. وجميعهم يعملون في الداخلية .. ليس لهم علاج ولا مستشفيات ولا أي إمتيازات .. وكل ده بيخصص للبشوات الكبار فقط ؟

اه يا ظلمه ياللي ما تعرفوش ربنا

لا وبدل الطعام لامين الشرطة فى اليوم 1 جنية

ليه يعنى يجيب ايه الجنية ده ويأكله ايه هو وولاده؟؟

أمين شرطة كان بيتكلم عالجزيرة من شوية بيقول انا مرتبى الاساسشى لغايت دلوقتى 100ج...لا تعليق

للاسف الفئة دى فى مصر مظلومة بالرغم من كل الفساد اللى عملوه

الفئة دى الناس فى الشارع بتستحقرها ورؤسائهم بيتكبروا عليهم

مرتباتهم تعبانة جدا

مجبرين على تنفيذ الاوامر بالحرف ودون نقاش وبالشكل الغبى اللى الراس الكبيرة بيامرهم بيه وللاسف لو خالف الاوامر ......... انتوا عارفين بقى الرمانة

للاسف الناس دى مبتخدش دراسة كويسة حتى اللى بيجتهد منهم وياخد فرق ويدرس حقوق (منعوا ترقياتهم لصف الظباط)

يعنى لا مستقبل ولا حاضر والماضى كله متلوث

خلاص رجليهم جت فى الخية

ومعتش عارف يرجع

ومقدموش فعليا غير انه يسرق ويرتشى

لانه ملهوش شغلانة تانية

وبيتمرمط تحت رحمة البيه الظابط 12 ساعة فى اليوم

كان لى صديق ظابط وشافنى فى يوم متضايق من مرتبى

قالى يا حسام مرتبى زى مرتبك

انت 8 سعات وانا 12 ساعة فى الشارع

انت بتتعامل مع ناس مدنين وانا طول النهار مع مجرمين

انت اخدت كليتك ببلاش (نسبيا يعنى) وانا كل سنة كنت بدفع مصاريف مبلغ كبير (اظن ساعتها 6 الاف فى السنة ده غير الرشوة اللى دفعوها فى الاول)

ده حال الظباط اللى لسه جداد مبالك بقى امناء الشرطة حالهم يبقى ازاى

الموضوع ده لازم يتحل فوريا وبحزم (دى فئة مهمة جدا فى المجتمع)

لازم نوفرلهم مرتبات كويسة وجدا وتملى عنيهم وفورا

لازم معاملة كويسة واحترام ليهم

لازم ترقيات وهيكل وظيقى يقدروا يمشوا عليه (مش من يوم ميتولد لحد ميموت يفضل امين شرطة زى ماهو تحت رحمة الباشا اللى بيبقى عنده 25 سنة اومين الشرطة عنده 60)

مستشفيات ومدارس وتامين صحى وبدلات

رحلات حج وعمرة ليهم عشان يتوبوا عن اللى عملوه وقلبهم يرق شوية ويحن

فرق ودورات تدريبية وكورسات وتنمية مهاراتهم بدنيا واجتماعيا وثقافيا ولغات

تطوير مبانى الشرطة بما يليق بالجهاز المهم والحيوى ده بدل الخربات اللى كانوا عايشين فيها (انا مش بتكلم عن الوزارة ومدريات الامن روحوا شفوا اقسام الشرطة)

بجد محتاجين تدخل فورى وحازم ولازم الموضوع ده يتحل فى اقصى سرعة

معلهش فى الكلمة هما محتاجين للتغير واحنا محتاجين ليهم

[fatfouta]

صور من اسطح المنازل المحيطة لشارع (الشيخ ريحان)

مش ممكن القاهرة كلها بقت دخان

[ابو محمود]

احنا لية بننظر لهم انهم اقل شانآ من الانسان ؟؟ مهما كان هم بشر مشكلتهم بسيطة وخاصة الغير عاملين فى المباحث طول وجود النظام الفاسد كان مسلطهم يقبضو مرتباتهم من الشعب الغلبان انا وانت ولما قامت الثورة والبشوات قعدو فى البيت ومبقاش غير المرتب ومحدش يقدر يرفع عينة بعد العملة السودة بتاعتهم فينا فلوسهم خلصت ... كانوا شغلين علينا مناشير طالع واكل نازل واكل ... المولد خلص بح يعملوت اية يسرقو خلاص بح يرتشوت شطبنا يبقى يأ إما يعملوا عصابات او يتم بحث شكواهم وبعدين دول اقل ناس بتفهم غير مثقفين تدريبهم هو فرقة من الذل والشتيمة وكسر النفس علشان يعرفوا ينفذوا المطلوب المواطن بالنسبة لهم سبوبة كما افهموهم فى المعهد تحرش جنسى ماشى رشوة ماشى تلفيق تهم ماشى المهم علشان نخرج من المشكلة لازم نمسك العصى من الوسط خروج لأ لانهم هيعملوا عصابات فهم يعلمون ما لم نعلم من الخفايا اذآ يتم النظر الى مطالبهم الخايبة وعلى فكرة مرتباتهم ممكن تتضاعف بس لازم يتم تطهير الجهاز من السفاحين ودة عايز وقت وليس سرعة كى يتم بدون خسائر ....

اسف عل الأخطاء الأملائية

[fatfouta]

حملة اخرى

حملة دعم اللواء منصور العيسوى وزير الداخلية الشريف

[fatfouta]

[Howayda Ismail]

http://www.youtube.com/watch?v=9snmpeu9BW4&feature=player_embedded#at=13

[fatfouta]

by الصفحة الرسمية لوزارة الداخلية on Thursday, March 24, 2011 at 2:18pm

بيان بشأن الحريق الذى نشب يوم الثلاثاء الموافق 22 الجارى بمبنى الإدارة العامة لإتصالات الشرطة

صرح مصدر أمنى بأنه بالنسبة للحريق الذى نشب يوم الثلاثاء الموافق 22 الجارى بمبنى الإدارة العامة لإتصالات الشرطة ... فقد أكد تقرير الإدارة العامة لتحقيق الأدلة الجنائية أن الحريق نشب نتيجة خلل كهربائى بالتوصيلات الكهربائية الداخلية لوحدة التكييف الموجودة بمعمل صيانة أجهزة الحاسب الآلى التابع للإدارة العامة للمعلومات والتوثيق الكائنة بذات المبنى محل الحريق مما أدى إلى إشعال مواد العزل البلاستيكية وإشعال مايجاوره من مواد قابلة للإشتعال مما أحدث الحريق بالحالة التى وجد عليها... هذا وتواصل النيابة العامة تحقيقاتها فى الحادث

مش عاجبكم كلمة ماس؟؟؟؟اهم قالوا خلل كهربائى ولا تزعلوا...