هذا هو الارهاب الحقيقى

[إبن مصر]

لم اجد تعليقا على هذا الخبر الا ان اضعه هنا ..

ترى من المخطىء؟

هل النعرات الطائفيه لدى الصرب؟

ام سيكون هناك من يدافع عن الصرب ويلقى بتعيه ذلك هلى الارهاب؟

ام ماذا؟؟؟

لا حول ولا قوه الا بالله..

[عصام]

فى اعتقادى الشخصى أن المسألة ليس لها أى علاقة بالإرهاب ولا بالدين .. :blink:

أعتقد ان الدافع الوحيد وراء ذلك هو الميراث الضخم من الصراع الضارب بجذوره فى التاريخ بين الطرفين ..

تلاكيك يعنى

[إبن مصر]

مش باقولك من العراق!!!!

يا اسو يا حبيب قلبى..

اذا كان جزاء اللاعب المنتمى الى القاعده لقوله الله اكبر الطرد والغاء المباراه!!!!!!

عايزه لما يلعب تانى بعد سنتين يعمل ايييييييييييه!!!!!!!!!!!!!

ثم لما بعض الغيورين يعرفوا بالواقعه دى مش هايحاولوا ينتقموا لهذه الاهانه اى يبدأ مسلسل اخر من الثأر والضغينه.....

ثم لما يقوم بعض الناس بتفجير فيل هندى بركابه فى الهند ويقولوا انه انتقاما للاعب فى البوسنه تقدر تقولى مين الغلطان ساعتها....

التلاكيك مابتبقاش تلاكيك الا اذا استمدت قوتها من مسانده الفتوه......

وكمان بتقول صباح الخير!!!!

مش بعيد فعلا نقرا فى المستقبل القريب..

القبض على مسلم يبتسم فى نيورك

يولع فيك يا أبدو..بجد

[فــيــروز]

بس انا فاكره ان فى كاس العالم اللى كان فيه رشيد ياكينى "سمعت ان اسمه رشيد يقينى .. من اليقين بالله يعنى" كان بيعمل حركات تدل على انه مسلم .. زى رفع يديه الى السماء حين يحرز هدفا .. واعتقد -وان كنت غير متاكده- انه سجد هو او غيره من اللاعبين عند تحقيق هدف .. بس يمكن ده كان مسموح بيه عشان كان قبل 11 سبتمبر ;)

الصراحه اللاعب ده صعبان علىّ جدا

مش عارفه ليه الموقف اللى حصل ده يشبه فى ذهنى موقف طفل كان بيلعب بطفايه كريستال فخمه وهو لا يعرف قيمتها وفجاه وقعت منه متكسره الى فتافيت ووجد اهل البيت كلهم التفوا حوله وهما بيصرخوا وهو مش فاهم فيه ايه بالظبط .. يا ترى موقف كهذا ممكن يؤثر على عقيدته .. او على الاقل يشعره بالقهر و الاحباط لمجرد صدور حركه عفويه منه ليس لها اى معنى غير انه سعيد و فرحان !! شئ محبط :blink:

تم تعديل 18 أغسطس 2004 بواسطة فــيــروز