من اركتيكت : .........[ rose ]

[م تيمور المراغي]

بسم الله ,,

بسم مصر ,, و شعب مصر ,, و الحرية ,,

بسم شباب الثورة ,, و 6 ابريل ,, و صناع الحياة ,,

بسم محاورات ا لمصريين ,, و المحاورين الشرفاء وكلهم شرفاء ووطنين ,,

السلام عليكم ورحمت الله وبركاته ,,

ده كان استهلالا لازما ولابد منو :happy:

وحشتوني اوي اوي ,, حقول ايه بس :wub:

اقول الحمد لله اللي قدر ان الموقف ده يحصل عشان تلاقي 30 حضن دافي بيضمك ويغطيك !

احساس والله ماحسيت بيه يمكن طول عمري عشان ا لقسم ,, ومش قادر اوصفة

لما تكون في مستشفى محتاج نقل دم ,, وتفوق تلاقي 30 اخ واخت تبرعوا اليك !! ,,

لما تكون في الشارع في عز المطر والبرد وتلاقيهم بيخلعوا معاطفهم ويغطوك انت بيها حتى لو تعرضوا هم انفسهم لاخطار البرد والريح والمطر,,!!

جفت الاقلام وقصرت الكلمات ان توفيكم حقكم يا احب خلق الله ,,

طيب ده مقبول و مفهوم من ناس متفقين معاك ايدلوجيا اوكي ,, انما تيجي من خصومك سياسيا ومن حدثت بينكم ما تتقاتل من اجله الشعوب !

ايه الفروسية دي ,, وايه النبل ده ,, وايه الاخلاق دي ,,

لما زميل فاضل او زميلة فاضلة يكون وصل الخلاف بينكم الى منتهاه ,,

في ثواني كده تلاقيه موافق او موافقه وتفضل قلمي الشريف الحر معاك اكتب بيه ما شئت وعبر بدون اي تدخل او حتى اعتراض وان اختلف هذا مع ما اعتقد ,,

اقول للفارس منهم طيب اتفرج الاول او زد او انقص كما شئت ده برضوا قلمك اجده يرفض مجرد التفكير احتراما لما اعتقد او اؤمن

اقول ايه ,, ! اقول اني كنت اكثر امانا و راحة وحرية وانا ( بداخلكم ) من ا ي وقت مضى وانا حاسس بالعزوة بالقوة بنفس احاسيس شباب التحرير - مع الفارق اكيد طبعا لان الوضع مختلف تماما ,,

اقول الحمد لله ثم الحمد لله ثم الحمد لله ثم الحمد لكم على مودتكم ومشاعركم الراقية النبيلة الصادقة ,,

ونتم والله ناس عظيمة وحبيبة اوي اوي اوي ,,

[م تيمور المراغي]

الى يوسف ابني ,,

وصيتي لو ادامك الف سد وسد ,,

لا تتوقف ! :happy:

http://www.youtube.com/watch?v=ACG_yMceqYg

تم تعديل 23 مارس 2011 بواسطة architect

[م تيمور المراغي]

فاكرين حاجه اسمها ( لجنة الحكماء ) !! ;)

تم تعديل 23 مارس 2011 بواسطة architect

[ozoozo]

كفاره

[aimen]

اشرقت الأنوار يا ابو يوسف

اشتقنا لمشاغباتك ياعم تيمور :happy:

تحياتى

[tarek hassan]

عودا حميدا

وجاهز لك بموضوع : أنا آسف يا إخوان

وفي الطريق : أنا آسف يا سلفيين

[eslam elmasre]

الحمد لله علي سلامتك يا تيمور

في الحقيقة لما بدخل المنتدي ومابلاقيش مداخلاتك بحس ان فيه حاجة غلط

انت اصبحت بالفعل شخص مهم في محاورات المصريين لم نشعر بذلك الاحساس الا عندما انقطعت إختياريا عن المنتدي

وعندما اجد المنتدي يمر بحالة هدوء اعرف علي طول انك مش متواجد

وجودك هنا يسعدني ويسعد الجميع ولكي تعرف معزتك عندي انا لا اراسل علي الخاص الا احبائي ولا اعاتب علي الخاص الا احبائي

المهم ماتعملش كده تاني

[se_ Elsyed]

خلي بالك ملفك لسه مفتوح ...

وهانلففك على المنتديات التانية كعب داير عشان نشوف لك سوابق ولا لأ

مش عارف حسيت من خطاب اركتيكت إن ناقصه توك توك وشمسية وزنجه زنجا ..

[hOuSsAm]

يااااااااااااااااااااه

حمدلله عالسلامة يا هندزة

وحشتنى كتير اوى

كنت لسه امبارح بقول المحاورات ناقصة حد مهم بنلاقيه دايما ناططلنا فى كل موضوع

باذن الله رجعتك دى اقوى واقوى

وبالتوفيق باذن الله

وانا عن نفسى احيك فى الله واقدر قلمك جدا

[الغريب]

كفارة يا أبو يوسف

ولا يهمك السجن للجدعان :)

[الســـاري]

كفارة يا سيد الناس

----------------------

بسم الله ,,
بسم مصر ,, و شعب مصر ,, و الحرية ,,
بسم شباب الثورة ,, و 6 ابريل ,, و صناع الحياة ,, 
بسم محاورات ا لمصريين ,, و المحاورين الشرفاء وكلهم شرفاء ووطنين ,,
السلام عليكم ورحمت الله وبركاته ,,

طيب بسم السعودية بقى

:closedeyes:

هلا باللي له الخافق يهلي .. من الفرحه وروحي به تهلي ..

اسفرت وانورت .. واستهلت وامطرت

---------------------

وحشتوني اوي اوي ,, حقول ايه بس  

ولا تعيد ولا تزيد ..

احنا ما صدقنا نرتاح منك شوية

---------------------

اقول الحمد لله ثم الحمد لله ثم الحمد لله ثم الحمد لكم على مودتكم ومشاعركم الراقية النبيلة الصادقة ,,
ونتم والله ناس عظيمة وحبيبة اوي اوي اوي

ماشي يا سيدي ..

كنت اول تكرر الكلمة مرتين .. ودلوقتي بقيت تكررها تلات مرات

عفوا .. عفوا .. عفوا

---------------------

الى يوسف ابنك

ما تعملش زي ابوك تاني

وبطل شقاوة

ريح دماغك .. وشيش

وشد يا معلم يوسف

http://www.youtube.com/watch?v=4J6jyrR-f-g

--------------------

فاكر حاجة اسمها " سجن بريمان " ;)

؟؟

--------------------

عزيزي ارشيطقت

مرحبا بعودتك .. ومش حاكفلك تاني

انت عارف كويس انا جايبك منين

:closedeyes:

تم تعديل 23 مارس 2011 بواسطة الســـاري

[ozoozo]

الا هي ايه الكلمه الغريبه اللي بين القوسين دول Rose

شكلها كلمه افرنجي صح؟i*:

والله شكلك ليك اجندات خارجيه زي ماكانوا بيقولولنا عليك

علي العموم اوعي تطرطش علي الحيطه انت كمان

احسن نخضم تمن الدهان من معاشك

تم تعديل 23 مارس 2011 بواسطة ozoozo

[اغابي]

:110: :110:

مبروووووووك يا ابو يوسف يا اخويا - كفاااااااااااااارة

وادى زغروطة متكلفة معمولة وصايا - من خالتك دلال عبد العزيز وبنتها دنيا وبشرى

بمناسبة الجملة دى

لما تكون في مستشفى محتاج نقل دم ,, وتفوق تلاقي 30 اخ واخت تبرعوا اليك !! ,

بقولك ولسة هتغرقك فى بحــــــــــور الدم ما تكلكش خالص

وبمناسبة الجملة دى

لما تكون في الشارع في عز المطر والبرد وتلاقيهم بيخلعوا معاطفهم ويغطوك انت بيها ...

بقولك ولسة هنفطسك من كتر ما هاتستغطى مننا - انت ما تكلكش خالص واطمن معانا

كلمة اخيرة

بصراحة يا بشمهندس - انت على المنتدى هنا كنت ولا زلت وستبقى من الناس اللى مهما نختلف معاهم لكن بنرجع نتصافى

بجد لانك طيب وانسان محترم جدا وفعلا كنا على المنتدى فى انتظار الافراج عنك باسرع وقت

الا بصحيح انت كنت فى اى سجن فى طرة برضك

ياريت تحكيلنا عن تجربتك هناك

:angry2:

تم تعديل 23 مارس 2011 بواسطة اغابي

[م تيمور المراغي]

اوزو بك :

تسلم ,,

ايمن بك :

وانا اشتقت لك اكتر والله والصياعه فن ولعب وهندسة ;)

طارق بك :

تسلم يا سيدي ,, طب ما فيش آسف يا اركتيكت :happy:

اسلام بك :

كلامك الرقيق لا استحقه ,, قول يا سيدي وعلي الصوت ;)

س س بك:

سينبت مكان الفذ الف فذ ,, ختليش بالك من مشاركة رقم 3# ;)

حسام بك :

الله يسلمك انت اكتر ,, وشهادتي فيك مجروحة يا احب الناس

الغريب بك:

اسم على غير مسمى فانت القريب ,, ومادام السجن عاجبك كده ما تيجي شوية :happy:

ساريفيتش بك :

شكرا ,, شكرا ,, شكرا ,, لقد فهمتكم ,, شيشة يا ساري ! الولد في فريق السباحة تعلمه الشيشة !! :happy:

اوزو مكرر :

ROSE هي اختصار كلمة Road Of Science Egypt ,, يعني على طريق العلم يا مصر ,, :egyflag:

غيبو العزيزه :

ميرسي على الترحيب الجميل ده كلو ,, هو فيه كده يا اخواتشششي :happy:

تم تعديل 23 مارس 2011 بواسطة architect

[mustafagamiel]

انت كده افسدت خطة الانقلاب

كدنا ننفذ الخطة وننقلب على الشرعية

برجوعك أمرنا الثوار بالتراجع الى اماكنهم وتوقف الحشد

حمدالله على سلامتك ياهندسة

[م تيمور المراغي]

انت كده افسدت خطة الانقلاب

كدنا ننفذ الخطة وننقلب على الشرعية

برجوعك أمرنا الثوار بالتراجع الى اماكنهم وتوقف الحشد

حمدالله على سلامتك ياهندسة

الله يسلمك مصطفى بك ,, وللاختراق اصول :happy:

فاكرين حاجه اسمها ( لجنة الحكماء ) !! ;)

تابعونا ! ,,

فبعد السكرة

تاتي الفكرة !

[عادل أبو عمر]

باشمهندس تيمور

اركتيكت الحر

أبو يوسف الغالي

المساكش ( دي أفظع من المشاكس ابني عمر قالي كدة )

عودا حميدا .. وحشتنا بجد و نورت بيتك :clappingrose:

جمعنا الله في الدنيا على طاعته

و في الآخرة في مستقر رحمته في الفردوس الأعلى

أبو عمر

[م تيمور المراغي]

باشمهندس تيمور

اركتيكت الحر

أبو يوسف الغالي

المساكش ( دي أفظع من المشاكس ابني عمر قالي كدة )

عودا حميدا .. وحشتنا بجد و نورت بيتك :clappingrose:

جمعنا الله في الدنيا على طاعته

و في الآخرة في مستقر رحمته في الفردوس الأعلى

أبو عمر

ابو عمر الحر الكريم ,,

جزيل العرفان والشكر حبيبي على الدعوات الصادقة ,,

وجمعنا الله كلنا انا وانت والاخوة في مستقر رحمته انه قريب مجيب ,,

وقول لعمر حبيبي

سلامك كليم ,, :happy:

[الســـاري]

على هامش الاحتفائية ,,

الرجاء عمل مقارنة بين رد اوزو الاخراني ورد اغابي

ثم عمل مقارنة بين الصور التي ادرجها كل منهما

ناس تستقبل بالزغاريط .. وناس تتكلم عن طرطشة دم

ناس بتقول حنغطيك حتى تستغطى .. وناس بتخصم من معاش المرحوم

يا اوزو حرام عليك .. شوية اتيكيت بأة

راجل مبالغ فيه

!!

[باهى الطائر الحزين]

Welcome back