المواصفات القياسية .. لرئيس الجمهورية

[se_ Elsyed]

عجبني قوي مقال عمر طاهر في المصري اليوم النهاردة

الحبيب المجهول

بقلم عمر طاهر ٢٣/ ٣/ ٢٠١١

من حقى أن أحلم بالرئيس الذى يناسب طموحاتى كمواطن.. كل الاحترام لأنصار الضمير، وكل الاحترام لأنصار الكاريزما، أنا أريد «ضمير عنده كاريزما».

من حقى أن أحلم برئيس أفرض أنا عليه البرنامج الانتخابى ولا أنتظر حتى يتفضل هو بعرضه، أنا صاحب العمل الذى ينشر إعلانا يقول فيه «مطلوب رئيس جمهورية»، لابد أن يفهم جيدا أنه منذ هذه اللحظة «هو اللى بيشتغل عندى».

مطلوب رئيس جمهورية خريج جامعة مصرية ومقاه مصرية ومواصلات عامة ومستشفيات حكومية، على ذراعيه آثار لسعات قنديل البحر وتطعيم الدرن و«قرصة» الأم المصرية فى لحظات عنفها الجميل.. نريده شخصاً طبيعياً استعار كتاباً ومارجعوش، ولم يتزوج من الفتاة التى أحبها لكنه أحب من تزوجها، جرّب الفقر دون أن يتلف هذا كرامته، لابد أن يكون خاض تجربة القسط لمرة واحدة على الأقل فى حياته وأصيب بتسمم من أكلة كبدة وسجق على العربية، تعرض للنشل أو للنصب وتورط فى مشاجرة مع أبناء شارعه ضد آخرين، لجأ فى لحظات إحباطه لمقام ستنا السيدة نفيسة، يحفظ جملاً من حوارات الأفلام الكلاسيكية التى تربينا عليها، كتب أشعاراً ساذجة فى مراهقته وكان أهله يعتمدون عليه فى شراء الخبز واللبن.

مطلوب رئيس متعصب كروياً، يعرف أسعار علبة الدخان وتذكرة المترو وكيلو الطماطم وسعر الدقيقة من فودافون لفودافون، لديه هواية ما (إن شالله صيد السمك)، أصوله من الأقاليم لديه (بلد) يسافر إليها فى الأعياد والجنازات ولهجته بها مسحة خفيفة من لهجة البلد الأم، معانا على الموجة يعرف جيداً الأسماء التى يشعر معها الشعب -على اختلاف أمزجته- بالونس بداية من «بهاء طاهر» نهاية بـ«بهاء سلطان»، ويتواصل مع الجميع، كل بطريقته، بداية من «الفيس بوك» نهاية بـ«الفيس تو فيس».. لا يتحدث إلينا بالعامية ولا بالفصحى ولكن بالعامية الفصيحة، يستشهد فى كلامه بآيات وأشعار.. نسمع فنتعلم، كلماته تغنى عن أى أبواق تتحدث باسمه، نريد رئيسا كلما تكلم ترك فى وجداننا جملا مأثورة بها خلطة الذكاء والحماس.

كلماته حلول لا وعود، تطل من خلفه دائما وجوه نثق فيها تفهم وتدعم وتنصح، يمتلك أفكاراً ذكية وبها ألمعية مثل أن يجعل وزارة الزراعة هيئة فى قوة وميزانية وزارة الدفاع.. أن يتبنى فلسفة الدفاع عن البلد بوزارة الزراعة أصلا، به نزق الثوار.. يمتلك جرأة إعادة النظر فى كامب ديفيد واتفاقيات الغاز، وجرأة إصدار قرار بتحويل ملاعب الجولف التى تستهلك مياهاً كثيرة إلى مزارع قمح، والتلويح باستخدام القوة فى أزمة مياه النيل، وسحب السفراء إذا ما مسّ أحد كرامة المصريين المقيمين بالخارج.

أريد رئيساً «عن حب» قبل أن يكون عن «انتخابات»، لا يصبغ شعره ويكره رابطات العنق ولديه جرأة أن يصلى العيد مثل كل المصريين بجلباب أبيض، أريده عادلاً مستنيراً يؤمن بديكتاتورية الإرادة الشعبية ويفخر بخضوعه لها، إذا خاصم كان شريفاً فى خصومته، وإذا انحاز فللمظلومين والفقراء، أريد رئيسا إذا امتدحته ارتبك، وإذا انتقدته انتبه، لا يتحاشى الشوارع التى أسير أنا فيها، ولا أتحاشى الدموع إذا هو انتهت ولايته أو مات

[أحمد سيف]

خلاص يا سين سين فهمت المطلوب مني وهترشح في الانتخابات الجايه

[hOuSsAm]

لجأ فى لحظات إحباطه لمقام ستنا السيدة نفيسة،

مطلوب رئيس متعصب كروياً،

يعرف أسعار علبة الدخان

أصوله من الأقاليم

فهمتكوا :)

------------------------------------

بس متوصلش للدروشة يعنى والتعصب الكروى

اول اقتباس يخالف الشريعة الاسلامية اللى هو البند التانى من الدستور اللى هيشتغل بيه

البند التانى عايزين واحد يتفرغ للرياسة ومشاكلها

كدة اصحاب كايرو والكس هيزعلوا منك وهتعمل فتنة طائفية (كل المصريين حلويين)

[se_ Elsyed]

يا جماعة بيقول لكم

لا يتحدث إلينا بالعامية ولا بالفصحى ولكن بالعامية الفصيحة،

يعني كان فاضل يقول ويكون إسمه سين سين إسم الله عليه

[الســـاري]

يظهر اني الوحيد اللي ما تنطبقش عليه الشروط دي

ولا شرط على الاطلاق

!!

[م تيمور المراغي]

:happy:

[se_ Elsyed]

:happy:

بنتك دي يا أرك ؟

مين دي بجد ؟

قصدي تبعنا في الموضوع يعني ولا بتبعت لها ورده بمناسبة عيد الأم ولا إيه ؟ ها إيه ايه

[أحمد سيف]

:happy:

فين حلة المحشي يا أرك

[م تيمور المراغي]

المستقبل !

[aimen]

دى اسماء محفوظ

نفسى اعرف ام يوسف ساكته ازاى ؟

تيمور

شكلك حتلحق بن على فى جده

اه

دا انت اصلا فى جده

يبقى لجوء سياسى وانقلاب حصل من ام يوسف على الحكومة اللى هو انت

ماكنش يومك يا باشا

[لماضة مصرية جدا]

:happy:

السلام عليكم و رحمة الله و بركاته

سؤال بس ع الهامش

هي اسماء محفوظ عارفة ان حضرتك بتستخدم الصور بتاعتها....اصل المفروض انه استخدام شخصي....حتي لو هي برضه مشهورة....بيتهيالي المفروض منحطش صورها و كده يعني

انا عارفة ان حضرتك مستخدمها عشان ترمز للمستقبل....و تحديات العولمة في ظل الواقع و المامول....بس برضه :protest:

انا صعيدية و دماغي تقفيل صعيدي يعني.....

دي وجهة نظري

[م تيمور المراغي]

جنبك في قطر يا ريهام ,,

اساليها ,,

ولا اتصل انا !!

[لماضة مصرية جدا]

عجبني قوي مقال عمر طاهر في المصري اليوم النهاردة

الحبيب المجهول

بقلم عمر طاهر ٢٣/ ٣/ ٢٠١١

من حقى أن أحلم بالرئيس الذى يناسب طموحاتى كمواطن.. كل الاحترام لأنصار الضمير، وكل الاحترام لأنصار الكاريزما، أنا أريد «ضمير عنده كاريزما».

من حقى أن أحلم برئيس أفرض أنا عليه البرنامج الانتخابى ولا أنتظر حتى يتفضل هو بعرضه، أنا صاحب العمل الذى ينشر إعلانا يقول فيه «مطلوب رئيس جمهورية»، لابد أن يفهم جيدا أنه منذ هذه اللحظة «هو اللى بيشتغل عندى».

مطلوب رئيس جمهورية خريج جامعة مصرية ومقاه مصرية ومواصلات عامة ومستشفيات حكومية، على ذراعيه آثار لسعات قنديل البحر وتطعيم الدرن و«قرصة» الأم المصرية فى لحظات عنفها الجميل.. نريده شخصاً طبيعياً استعار كتاباً ومارجعوش، ولم يتزوج من الفتاة التى أحبها لكنه أحب من تزوجها، جرّب الفقر دون أن يتلف هذا كرامته، لابد أن يكون خاض تجربة القسط لمرة واحدة على الأقل فى حياته وأصيب بتسمم من أكلة كبدة وسجق على العربية، تعرض للنشل أو للنصب وتورط فى مشاجرة مع أبناء شارعه ضد آخرين، لجأ فى لحظات إحباطه لمقام ستنا السيدة نفيسة، يحفظ جملاً من حوارات الأفلام الكلاسيكية التى تربينا عليها، كتب أشعاراً ساذجة فى مراهقته وكان أهله يعتمدون عليه فى شراء الخبز واللبن.

مطلوب رئيس متعصب كروياً، يعرف أسعار علبة الدخان وتذكرة المترو وكيلو الطماطم وسعر الدقيقة من فودافون لفودافون، لديه هواية ما (إن شالله صيد السمك)، أصوله من الأقاليم لديه (بلد) يسافر إليها فى الأعياد والجنازات ولهجته بها مسحة خفيفة من لهجة البلد الأم، معانا على الموجة يعرف جيداً الأسماء التى يشعر معها الشعب -على اختلاف أمزجته- بالونس بداية من «بهاء طاهر» نهاية بـ«بهاء سلطان»، ويتواصل مع الجميع، كل بطريقته، بداية من «الفيس بوك» نهاية بـ«الفيس تو فيس».. لا يتحدث إلينا بالعامية ولا بالفصحى ولكن بالعامية الفصيحة، يستشهد فى كلامه بآيات وأشعار.. نسمع فنتعلم، كلماته تغنى عن أى أبواق تتحدث باسمه، نريد رئيسا كلما تكلم ترك فى وجداننا جملا مأثورة بها خلطة الذكاء والحماس.

كلماته حلول لا وعود، تطل من خلفه دائما وجوه نثق فيها تفهم وتدعم وتنصح، يمتلك أفكاراً ذكية وبها ألمعية مثل أن يجعل وزارة الزراعة هيئة فى قوة وميزانية وزارة الدفاع.. أن يتبنى فلسفة الدفاع عن البلد بوزارة الزراعة أصلا، به نزق الثوار.. يمتلك جرأة إعادة النظر فى كامب ديفيد واتفاقيات الغاز، وجرأة إصدار قرار بتحويل ملاعب الجولف التى تستهلك مياهاً كثيرة إلى مزارع قمح، والتلويح باستخدام القوة فى أزمة مياه النيل، وسحب السفراء إذا ما مسّ أحد كرامة المصريين المقيمين بالخارج.

أريد رئيساً «عن حب» قبل أن يكون عن «انتخابات»، لا يصبغ شعره ويكره رابطات العنق ولديه جرأة أن يصلى العيد مثل كل المصريين بجلباب أبيض، أريده عادلاً مستنيراً يؤمن بديكتاتورية الإرادة الشعبية ويفخر بخضوعه لها، إذا خاصم كان شريفاً فى خصومته، وإذا انحاز فللمظلومين والفقراء، أريد رئيسا إذا امتدحته ارتبك، وإذا انتقدته انتبه، لا يتحاشى الشوارع التى أسير أنا فيها، ولا أتحاشى الدموع إذا هو انتهت ولايته أو مات

السلام عليكم و رحمة الله و بركاته

مقالة توحفة يا استاذي

مش عشان بس هو عمر طاهر

عشان ببساطة بيقولنا....ان رئيس الجمهورية ده يعني...مش إله و لا ملاك نازل من السما....مش المفروض يبقي ليه الهالة دي اللي بتحيط بالقديسين

هو فقط بشر

و انسان عادي جدا

و الاهم انسان مصري جدا....من الاعماق

و عشان كده كل واحد فينا لما قرا الوصف لقي فيه نفسه.....(بالنسبة ليا ماعدا حتة السوجاير و كده يعني)

المشكلة ان فعلا كتير من الرؤساء بيكونوا كده....لما اول ما بيمسك الرياسة بتلاقي نزل عليه طقم الغباء...و طقم العند...و طقم التشبث بالسلطة

عشان كده اللي هيمسك مصر.....يا ريت يبقوا يدوله اي كورسي مكثف....ازاي يتخلي عن السلطة....و ازاي يعيش حياته الطبيعية...قدام الكاميرا ووراها و في اي وقت

و امتي يبقي رئيس جمهورية....و امتي يقعد ع القهوة يضرب شيشة توفاح...و ينضم للناس لما بتشتم برضه فيه

امتي عدسات الكاميرا متغرهوش....و يفتكر انه بقي النجم الاوحد...و الصوت الاوحد....و حامي الحمي الاوحد

امتي بس يفتكر و يصدق ...انها عشان توصله.....مدامتشي لغيره

و ايييييييييييييييييييه

وحدوووووووووووه

متهيالي اللي بيخليه يتخلي عن انسانيته...هي فرقة المطبلاتية اللي بتبقي حواليه و بتمجده...و بتشيله ع الاعناق..زو لما بيقع بيكونوا اول ناس تتخلي عنه

عشان كده.....اول حاجة برضه نفسي فيها.....رئيس....من غير حاشية...من غير بطانة

رئيس عنده مستشارين.....صوتهم ممكن يكون اعلي منه.....و هما برضه محاسبين

يا رب

بندعي

و كلنا يقين

[se_ Elsyed]

لماضة أحرجتك ثورياً يا أرك

يعني لو إنت مثلاً أستخدمت صورتي على علب المربى

أنا هازعل لأني مش باحب المربى

لأ بجد

شيل الصورة يا أرك

أو الصورة بالشكل ده يعني وهات صورة ثورية تانية غير بتاعت الميريلاند دي

[م تيمور المراغي]

اسماء قيادية وزميلة وكادر زي مانت عارف

لو سالتها تيمور عمل كده حترد وتقول

ما انا عارفه :)

[لماضة مصرية جدا]

يظهر اني الوحيد اللي ما تنطبقش عليه الشروط دي

ولا شرط على الاطلاق

!!

السلام عليكم و رحمة الله و بركاته

عارف يا ساري لما كنا بنتكلم في توبيك بتاع مين عليه الدور في البلدان العربية....و تقريبا انا الوحيدة اللي قعدت اقول السعودية...(اوعي تخبطني بحاجة...هعيط و الم عليك الناس)

اللي كان قصدي....ان انت كمان من حقك تكون.....ملك علي البلد اللي بتحبه.....ليه لا

انت مينفعشي تكون في مصر...بس ليه مينفعشي تكون في السعودية

و هو ده اللي افهمه عن الثورة....لا هي نشيل ده و نحط دكهوت....

الثورة....

انك تحس ان قادر تحلم...

و الاهم مصدق حلمك....

و الاهم منهم ان محدش يحرمك منه عشان يقولك....لا اصل انت متنفعشي

مين قال

طالما بحب البلد....و عندي خطة ليها....ايه يمنع....؟؟؟

مهياش حكر علي قالب واحد....و لا حلم واحد

انا شخصيا بنتمي لفئة الحالمون....و لما الناس بتسأل...ليه....انا بسأل...ليه لا...و بجرب

و محدش يعرف...يمكن في وم من ذوات الاربع...قصدي..من ذوات الايام....المستقبل ممكن يشيل لحلم كل واحد يفنا ايه

صباحك...ساري....حلم....كل واحد يعمله بنكهته هو

[لماضة مصرية جدا]

اسماء قيادية وزميلة وكادر زي مانت عارف

لو سالتها تيمور عمل كده حترد وتقول

ما انا عارفه :)

انا هفضل احتج كده كتير بقي و لا ايه

:protest: :protest:

كده حضرتك بتخلط بين الشخص و بين الفكرة

يعني لما اتكلم عن فكر أسماء.....غير لما اتكلم عن "أسماء"

و لما اتكلم عن فكر اركتكيت...غير لما اتكلم...عن باشمهندس "تيمور"

و لما تناديني تقولي يا ريهام...يبقي اعرف ان حضرتك بتكلمني بشكل شخصي.....في حين اني بكتب....باسم لماضة :P

طب حد فهم حاجة؟؟؟؟

صباحك ورد يا باشمهندس...دي بقي...(شخصيا )

[م تيمور المراغي]

طب لو كنتي انتي اللي طلبتي مني اقول لك يا ( ريهام )

يجي حد غيرك يقول لي ناديها ب ( لماضة !! )

مستني ردك

[لماضة مصرية جدا]

طب لو كنتي انتي اللي طلبتي مني اقول لك يا ( ريهام )

يجي حد غيرك يقول لي ناديها ب ( لماضة !! )

مستني ردك

ده امتي ده بقي.....ان شاء الله...(هتخليني اخرج عن التوبيك...و عن شعوري....و عن الهامش و عن علي جنب... :protest: )

يا رب تكون فكرتي وصلت لحضرتك

فيه أفكار ممكن نتكلم فيها....

لكن المساحات الشخصية من الاخرين ممنوع الاقتراب منها...

حتي و ان كان الاخرون بعلم بده...و ده اللي بحاول اقوله لحضرتك فوق

مش ده اسمه برضه

privacy

و لا انا غلطانة

و عشان نرجع للتوبيك بتاعنا

اهو رئيس الجمهورية المفروض يبقي ليه مساحة خصوصية...ليه كبني آدم...يعيش من خلالها حياته الطبيعية جدا

و لما يحب يشاركها مع الناس اهلا و سهلا..ميحبش يبقي هو بني ىدم و ليه الحق في الخصوصية دي

فاكر لما السادات اتنشرت ليه صور و ناس كتير اعترضت عليها....هو حب يبين للناس انه بيعيش حياته طبيعي كأي بني آدم عادي يعني....بس الناس متقلبتشي الفكرة لانها دايما بتصنع للرئيس صورة قدسية اوي

كلامي وضح....و لا ايه؟؟؟

بس خلاص

[م تيمور المراغي]

هو راضي وانا راضي

ايش دخلك بيننا يا لماضي :)

ليكي رسالة على الخاص

شكلك ماقريتيهاش