صدور كتاب محاورات المصريين

[عادل أبوزيد]

صدر اليوم كتاب محاورات المصريين

و هو من تحرير و تقديم الأستاذ محمد رفعت نائب رئيس تحرير مجلة أكتوبر و إصدار دار شرقيات و مديرها الأستاذ حسنى سليمان

الناشر هو دار شرقيات شارع محمد صدقى من هدى شعراوى باب اللوق القاهرة

و تليفون الناشر هو 23902913 القاهرة حتى الساعة الثالثة بعد الظهر

يمكن الإتصال بالناشر لمعرفة المكتبات المعروض بها الكتاب.

ألف مبروكلأعضاء محاورات المصريين

[م تيمور المراغي]

الف مبروك للمحاورات صدور الكتاب القيم ,,

واتمنى معرفة كيفية الحصول عليه هنا في جدة ,,

[fatfouta]

مبروك يا اهل المحاورات

تقريبا من سنة فاتت يا استاذ عادل كنت حضرتك فتحت توبيك عشان نرشح احسن المواضيع اللى سوف تُنشر فى الكتاب

متشوقة جدا لرؤية الكتاب بس للاسف هلى احنا كمغتربين نقدر نحصل عليه ؟؟؟

[hOuSsAm]

مبروك على كل المحوراتية

انا فاكر طبعا الموضوع اللى اتفتح من سنة عشان اختيار موضوع كتاب محاورات المصريين

ياريت لو حد ينزلنا بقى بصورة الغلاف

[الباشمهندس ياسر]

الف مبروك عي اصدار الكتاب

[الغريب]

وأنا فاكر دعوة الأستاذ عادل لإصدار الكتاب بس أفتكرت الموضوع أتنسى

أقل واجب نسخة pdf لكل عضو :lol:

[engmido]

طبعا عايزين نسخة pdf

امال احنا اعضاء هفأ

وياريت كتابين صغيرين عشان الاولاد

[لماضة مصرية جدا]

السلام عليكم و رحمة الله و بركاته

طب كده حضرتك يا استاذ عادل تشوقنا.....و تسيبنا كده

مبروك للكتاب....و مبروك محاورات....و مبروك الناس الرائعة اللي بتعمل المحاورات و بتنور الطريق لغيرها و هتكون كلماتها باذن الله صدقة جارية للي يجي بعديهم

اللي بره مصر بقي يعمل ايه......ممكن نلاقيه في "جرير" و لا ايه؟؟؟

[لماضة مصرية جدا]

طب لما نعمله بي دي إف

يبقي عملنا ايه...انا بفكر معاكم بس بصوت عالي

المحاورات مكانها موجود ع الانترنت.....و ممكن لو استاذ عادل حط لينا فهرس الموضوعات ببسهولة نخش نلاقي التوبيك

بس الحلو في فكرة الكتاب انه راح يخاطب مساحة تانية غير الانترنت....و هيعمل وطن جديد للمحاورات علي صفحات الكتب

و مش بعدي في يوم نعمل ندوة.....و نتعزم فيها...كل المحاوراتين و المحاوراتية....و نقدم افكارنا....و حوارتنا...و خناقاتنا....(قصدي...اختلافتنا)....للناس

كتير من الكتب ابتدت بكشل مدونات الاول و بعدين نزلت لعالم دار النشر

خطوة هايلة.....متاخرة شوية.....بس هايلة

مبروك مرة تاني ....محاورات المصريين....و جهد رائع استاذنا

صباحكم.......سماع خبر حلو.....احسن الواحد خلاص قرب يقول جاااااااااااي

[se_ Elsyed]

طبعا عايزين نسخة pdf

امال احنا اعضاء هفأ

وياريت كتابين صغيرين عشان الاولاد

الناس دي داخلة على طمع ولا إيه

اومال لو ما كنتش في مصر يا ميدو ؟

ده انا قولت ميدو هايدخل بالتحية دلوقت ويبعتر 2000 نسخة مجانية على الأعضاء من محدودي الدخل والمغتربين اللي ممكن الكتاب ما يوصلهمش ...

فعلاً الثورة غيرت ناس كتير قوي

[engmido]

مفيش مشاكل نفتح مجال اخر لمحاورات المصريين على صفحات الكتب وكل حاجة تمام

وناخد برده نسخة pdf عادى

:WelEgTks:

[ozoozo]

ممكن اسأل عن الملكيه الفكريه للاعضاء اللي مواضيعهم في الكتاب

هل تم اخذ موافقتهم ؟

ولا بمجرد وضع مداخله اصبحت ملكا للموقع ولا حق فيها لكاتبها؟

[se_ Elsyed]

ممكن اسأل عن الملكيه الفكريه للاعضاء اللي مواضيعهم في الكتاب

هل تم اخذ موافقتهم ؟

ولا بمجرد وضع مداخله اصبحت ملكا للموقع ولا حق فيها لكاتبها؟

الموضوع أبسط من كده يا عزيزي

فالملكية الفكرية بتكون للعضو طبعاً ..

لكن طالما أنت كتبت حاجه قيمة على النت فبتبقى ملك للجميع

لكن لا يحق طبعاً لأحد إنه ينسبها لنفسه

والأهم من ذلك إن الموضوع ليس تجاري على الأطلاق ... ولا نريد أن نتحدث عن التكلفة وكيف تم تغطيتها أو كيف سيتم تغطية الجزء الثاني بمشيئة الله ...

لكن كان كل غرضنا هو نشر أفكار المُكون الرئيسي لموقع محاورات المصريين وهم الأعضاء الأفاضل اللي بيثُروا المنتدى بأفكارهم ... وعلى فكرة .. في بداية طرح جريدة الدستور في ثوبها الجديد من 5 سنوات مثلاً أو أكثر بشوية وتحديداً أثناء حملة مبارك للترشح وعملنا شغل جامد في كشفه وبهدلته .. وكان في باب أسبوعي ثابت بالجريدة بينقل من موقعنا مقالات منتقاة للأعضاء الأفاضل ... وكان العبد لله واحد منهم .. بدون إستئذان طبعاً

والله العظيم عُمري ما فكرت إن دي جريدة وبتحقق ربح وإني لازم يبقى لي جزء من السبوبة دي .. هههههههههههه . بل بالعكس كنت مستعد أدفع لهم فلوس عشان يوصلوا أفكارنا ....

( ماما كانت فرحانه قوي وهي بتقرا أسمي وكانت متوقعه إني هاقضي بقية عُمري عندهم هناك حيث النفخ الألكتروني ... وتقريباً كانت بتجري على صرف المعاش بتاعي وقتها )

وطبعاً الكتب بتبقى من وسائل نشر الأفكار ...

وهاركز مرة أخرى على الجانب التجاري اللي متأكد إنه مش هايتحقق أبداً ... ولو إني أتعشم إن الكتاب في جزئية الأول والثاني يحقق إنتشار ... لكن نحن على أستعداد لطرحه بتكلفته أو أقل منها كمان في سبيل تحقيق رسالتنا جميعاً وهي قول " كلمة الحق "

أنا عاوز سقفه كبيره عالكلمتين دول

[Howayda Ismail]

صدر اليوم كتاب محاورات المصريين

بعد اذن حضرتك استاذ عادل

لماذ لم تكن مجلة شهرية بدلا من كتاب

لان المواضيع هنا اكبر من تحصر فى كتاب كما ان كثير منا يتغيب عن المحاورات لاسباب مختلفة

فالافضل انه يستطيع متابعة المقالات التى فاتته فى تلك الفترة فى هذه المجلة

وايضا المواضيع متجددة بصفة يومية واحيانا تحتوى على خبر وقتى لاجدوى من نشره باثر رجعى فى كتاب

ام النية هى اصدار سلسلة كتب متعددة من اصدارات محاورات المصريين

الا ان كانت اسباب منع اصدار المجلة فى المرحلة الحالية لاسباب مالية او آخرى فلكم تقدير الموقف

ولحضراتكم جزيل الشكر على هذا الجهد الكبير

[المدهش]

مساء الخير يا أهل المحاورات وهذه بعض الأخبار التي نشرت عنه حتى الآن.

http://www.alapn.com/index.php?mod=article&cat=book&article=15832

http://gate.ahram.org.eg/NewsContent/13/56/52629/%D8%A7%D9%84%D8%A3%D8%AE%D8%A8%D8%A7%D8%B1/%D8%AB%D9%82%D8%A7%D9%81%D8%A9-%D9%88%D9%81%D9%86%D9%88%D9%86/%D9%85%D8%AD%D8%A7%D9%88%D8%B1%D8%A7%D8%AA-%D8%A7%D9%84%D9%85%D8%B5%D8%B1%D9%8A%D9%8A%D9%86-%D9%85%D9%86-%D8%A7%D9%84%D8%A5%D9%86%D8%AA%D8%B1%D9%86%D8%AA-%D8%A5%D9%84%D9%89-%D8%AF%D9%81%D8%AA%D9%89-%D9%83%D8%AA%D8%A7%D8%A8.aspx

http://elbadil.net/%D9%85%D8%AD%D8%A7%D9%88%D8%B1%D8%A7%D8%AA-%D8%A7%D9%84%D9%85%D8%B5%D8%B1%D9%8A%D9%8A%D9%86-%D9%83%D8%AA%D8%A7%D8%A8-%D9%8A%D9%83%D8%B4%D9%81-%D8%A3%D9%88%D9%84-%D9%85%D9%86%D8%AA%D8%AF%D9%89/

[Handasah]

الف مبروك علينا كلنا وبالتوفيق انشاء الله ...

[Advisor]

[لونا]

ألف مبروك ...

المحاورات تستحق

[Advisor]

الشكر مرفوع لكل من شارك فى إصدار هذا الكتاب بدءا من كونه مجرد فكرة حتى صدوره بهيئته الجيدة.

ما سبق كان إستهلالا لابد منه

أخيرا صدر كتاب محاورات المصريين و لمن لا يعرف إصدار كتاب لمحاورات المصريين كان مغامرة محفوفة بالمخاطر على كل من يشارك فيها و الأمر أخذ عدد من المراجعات لأنه و إن كان الأمر لم يكن يتطلب تصريحا إلا أن مندوبين من جهاز أمن الدولة كانوا متواجدين فى المطبعة على مدار الساعة و هذا يفسر حرص الناشر ألا يؤذى مشاعرهم ال .... و بالنسبة لشخصى الضعيف فقد زرت أمن الدولة سنة 2002 عندما بدأنا الدعوة لمحاربة فكرة التوريث و تلقيت وقتها مكالمة تليفونية من السيد مجدى سرحان المحرر بجريدة الوفد فى الساعة الثالثة و النصف فجرا نصها لقد أوقعتنا فى مشاكل مع الرياسة ووقتها - الساعة الثالثة و النصف صباحا - هرعت و معى هشام عبد الوهاب رحمه الله لمحو موضوعات التوريث ........ فما كانت بنيتنا الجسدية الضعيفة أنا و المرحوم هشام عبد الوهاب لتتحمل آليات التحقيق بأمن الدولة.

المهم لا أعادها الله من أيام.

أحب أن أذكر هنا أن تكلفة إصدار هذا الكتاب تحملها الفاضلين folana و أسد و لهم كل الشكر على مساهمتهم و تحملهم هذه التكلفة.

و يصعب على ذكر الأعباء التى تحملها العديد من الأعضاء فى التحرير و المراجعات و كذا التفكير و إختيار الموضوعات.

و يطيب لى أن أذكر أن الجانب التجارى لم يخطر بالمرة على بالنا فى مسألة إصدار هذا الكتاب.

نتعشم أو نحلم بإصدار كتاب آخر عن محاورات المصريين يتضمن المزيد من محتوى محاورات المصريين و مزيد من الآراء فى ظل الحرية التى أتاحتها ثورة 25 يناير.

بالنسبة للحصول على الكتاب فسيكون معروضا فى المكتبات ربما بدءا من يوم الأحد و بالمناسبة إسم الناشر هو الأستاذ حسنى سليمان صاحب دار شرقيات و يتواجد بمكتبه من يوم السبت للأربعاء حتى الساعة الثالثة و النصف بعد الظهر.

و بالنسبة يتوافر لدى عددمحدود من نسخ الكتاب فمن يقيم فى القاهرة يمكنه الإتصال بى على 0101082855 لترتيب إستلام نسخة مجانية.

و أخيرا مبروك مرة أخرى.

تم تعديل 24 مارس 2011 بواسطة Advisor

[عبير يونس]

ألف مبروك أستاذ عادل

و لكل المحاوراتية