اولويات تخدم مصلحة مصر

[pink rose]

شايفة ان الكلام عن التعديلات و الاستفتاء خلاص حاجات من الماضي و كتر الكلام فيها هايخلي مصر محلك سر

فتحت التوبيك دا عشان الكل يقول رأيه في اللي جي

اقتراحاتكم ايه حاليا عشان مصر تكون احسن

هابدأ بكذا حاجة شايفاهم من وجهة نظري اولويات

اولا:استقلال الازهر الشريف لكي يستعيد دوره في نشر المنهج الوسطي للاسلام

ثانيا:استقلال القضاء ليسود مبدأ العدل اساس الملك

ثالثا:استقلال الاعلام ليكون اعلام وطني يعبر عن الشعب و ليس السلطة

منتظرة اقتراحات حضراتكم

[Ahmed Anwer]

* إئتلاف إنتخابي لقوي الثورة بناء علي أرضية مطالب مشتركة ،، بما فيهم الأخوان المسلمين

(( علي فكرة مش لازم يعني المرشحين يكونوا من شباب الثورة أو كوادر الأحزاب ،، الصح إن يتفق علي المبادئ ،، ثانيا تحديد اسم (( ائتلاف الثورة )) المتبني لهذه المبادئ (( علي أن لا تتعارض هذه المبادئ مع الدين و يذكر ذلك جيدا )) ،، بعدين إعلان بعد كده عن المبادئ و فتح باب للمرشحين المستعدين لخوض الإنتخابات تحت لواء و مبادئ (( إئتلاف الثورة )) ،، دراسة مرشح كل دائرة من ناحية شعبيته و قابليته عند أهل الدائرة و من ناحية تاريخه لا يكون ملوث فقط (( مش لازم يعني يكون معاه شهادة بات كام ليلة في ميدان التحرير و لا وقف كام مرة وقفات احتجاجية )) و تعهده بالإخلاص للمطالب المشتركة

بالصورة دي الإئتلاف هيكون قادر أما علي الحصول علي الأغلبية أما أن يكون نسبة كبيرة من البرلمان تضمن توجيهه لتحقيق أمال الشعب

دي رؤيتي للعبة الانتخابات ،، عشان لو اعتمدنا علي الشباب و المثقفيين كمرشحين ،، يبقي نستناهم خمستاشر سنة عقبال ما يبنوا أرضية في قري و مدن مصر المختلفة

دي اهم نقطة دلوقتي ،،، و خوضت فيها بالتفاصيل عشان أحاول أحط خطة محددة الملامح و منطقية

[Om Zayd]

جزاكم الله خيرا يا ريمو

عايزين نركز في اللي جاي

اعتقد محتاجين نركز جدا على الاعلام و الجامعة

وضوح اكثر.. الضبابية اللي مصرين يعيشونا فيها بتدي مجال للي بيسرقوا الثورة

[crossfield]

استقلال الجامعات المصرية و فصلها تماماً عن اى جهات رقابية أو سيادية

دمج الأقباط فى الحياة المصرية و تفكيك حدود الدولة المستقلة التى يعيشون فيها بمنأى عن باقى المصريين

تنظيف الاعلام المصرى من كل الرموز المرتبطة بعهد مبارك من عينة المناوى و تمورة و أبو الرماميض و سرايا و ان غاب القط و سامى عبعزيز

محاكمة كل رموز العهد الماضى من أول مبارك لحد أصغر موظف ثبت عليه أى تهمة فساد

[Ahmed Anwer]

لحد دلوقتي كلكم بتكتبوا مطالب عظيمة و محدهش يختلف عليها ،، من أي تيار

شفتم بقه ،، أن مساحات الاتفاق أوسع بكتييييييييييييير من مساحات الإختلاف

يبقي نركز في الآلية اللي نحقق بيها المطالب المشتركة دي ،،

و الآلية دلوقتي المقبولة رسميا و شعبيا

صناديق الإنتخابات

و لو حد ليه مطالب مختلف عليها ،،، معلهشي يأجلها شوية لحد منحقق المطالب الساسية

تم تعديل 24 مارس 2011 بواسطة Ahmed Anwer

[arkan]

تشجيع الصناعة المحلية والتخلى عن الرفاهية في الاستيراد

الاهتمام بالمشاريع الكبرى مثل مشروع د/ ممدوح حمزة

[لماضة مصرية جدا]

السلام عليكم و رحمة الله و بركاته

معاكي يا ريمو ان المفروض نبص لما بعد الاستفتاء...و منقفشي محلك سر

بس اللي انا بفكر فيه دلوقتي حاليا

1- صناعة الرأي العام في مصر....اصلي انا حاسة اني قاعدة في المحاورات بفكر في اتجاه.....و الواقع في مصر بياخد اتجاه تاني ....مشكلة فيا...و لا فين بالظبط

لازم يبقي عندنا جهة علمية متخصصة تقيس توجهات الرأي العام و تعمل مسح ميداني...و تنتشر نتايجها دقيقة بدقيقة....يعني مثلا زي قانون تجريم المطالب الفئوية....بسرعة تنتشر ردة فعل الشارع

عشان نعرف نبني خطواتنا

عايزين الشعب و الاعلام بقي ايد واحدة

2- اولولية مصر دلوقتي هو سيادة القانون...مينفعشي كل واحد تطلع في دماغه حاجة يعمل تعبئة و الناس تمشي تشجع وراه...زالكل لازم يفهم ان فيه قانون و هيتطبق ع الكبير و الصغير....الثورجي و اللي مش ثورجي

3- مبدأ الشفافية الصراحة....مش عارفة يتحقق ازاي....كل يوم غرقانين في اخبار...و بحسها بتشدنا لورا....عايزين مؤسسة واحدة....محترمة...ذات ثقة تعرض لينا اخبار حيادية...احسن انا خلاص دماغي ولعت

4- المصريين اللي نزلوا من ليبيا و من تونس....ايه وضعهم؟؟؟

5- علاقات مصر الخارجية مهمة اوي في المرحلة دي...اصل الوضع الداخلي شكله مطول....مهم ان احنا نقدر نسوق مصر اعلاميا كويس بعد الثورة....مش خلاص بقي هنقف محلك سر من بعد ميدان التحرير....بقول لنفسي....يا دوبك الثورة بتبتدي

6- عمل "بنك أفكار"....و يصب في مجلس الوزراء...و الحكومة تطلع بخطة واااااااضحة الفترة اللي جاية....و الناس يتم توعيتها بده...الشكاوي هيتحقق فيها ازاي...الانتاج هيمشي ازاي.

و ربنا يستر

يمكن تبدو مطالب شخصية....بس ده اللي انا شايفاه اولوية دلوقتي

[سكر]

القضاء على المظاهرات الفئويه

وضع حد اعلى للرواتب

توضيح الفرق بين عضو مجلس الشعب و المجلس المحلى

تغير شروط الترشح لمجلس الشعب

[pink rose]

السلام عليكم ورحمة الله و بركاته

باشكركم كلكم على المشاركة في الموضوع

و زي ما انا شايفة فعلا ان مساحات الاتفاق هنا اوسع بكتير من مساحات الاختلاف و دا ان شاء الله مبشر بالخير

بس على فكرة انا مش فاتحة التوبيك دا عشان نكلم بعض بس لا ان شاء الله هاجمع كل اللي اتكتب هنا و هاحاول جاهده اني اوصله للدكتور عصام شرف

لان كلامنا هنا لبض مالوش اهمية لو فضل بس بينا لازم نحس فعلا ان كلامنا مؤثر

عشان كده مستني لما نجمع عدد كبير من الاقتراحات و ان شاء الله نقدر نوصلها للدكتور عصام

ريهام فكرة بنك الافكار بعتها قبل كده لرئاسة الوزراء

استاذ كلمو قريت خبر من يومين و اظن ممكن يبدأ يقلل مخاوفك شوية

دكتور شرف و وفد مصري هايزوروا السودان (الشمال و الجنوب) يوم الاحد القادم لبدء المباحاثات حول موضوع المياة

استاذ موعود طلع مجلس الوزراء قرار بتجريم المظاهرات الفئوية امبارح فعلا

[pink rose]

وزيرالرى: التعاون ضرورة حتمية ولا بديل عنه لاحداث التنمية المستدامة

__________________

صرح وزير الرى بأن القاهرة شهدت اول تجمع من شركاء المجتمع المدنى لدول حوض النيل الشرقى لتبادل الافكار والرؤى حول مستقبل التعاون على مستوى الحوض. وقد تم مناقشه الدور الذى يمكن ان تلعبه المنظمات فى بناء الثقة فى تحقيق مفهوم الدبلوماسية الشعبية كأحد الاليات الضرورية لتقريب وجهات النظر واستمرار التعاون لتنمية حوض النيل.

[jasmin hamed]

اهم حاجه فى راى القبض على مبارك و عيلته و تائميم ثرواتهم و

تحصيل المخالفات الماليه فورا

يعنى مثلا احمد عز عليه ٣٠٠ مليون مقابل رخصه لمصنع فى السويس

تتحصل حالا دلوقت و تبقى المحاكمه على مبلغ الغرامه

تائميم الشركات الى اتباعت ب١٠% من تمنها

الفلوس الى تتحصل هتحل معظم مشاكل المطالبات الفئويه

[رضوي]

الاقتصاد المصرى يبدد المخاوف ويستعد لاستقبال الاستثمارات الجديدة

______________

أكد رئيس الاتحاد العام للغرف التجارية أن الاستثمارات العربية في مصر تشهد مرحلة جديدة تتمتع فيها بالديمقراطية والشفافية وانهما من اهم عوامل جذب الاستثمارات خلال الفترة المقبلة. وشدد على حرص مصرعلى الالتزام بالوفاء بتعهداتهم تجاه المستثمرين العرب والاجانب وال...مصريين وان جميع الاستثمارات في مصر آمنة وتعمل وفق التعاقدات التي تم ابرامها.

الاقتصاد .......... أهم المحاور اللي لازم نهتم بيها بجانب الحياه الديموقراطية والسياسية في مصر

لابد من العمل نحو تقدم ورفعة الإقتصاد المصري ........ لأن من وجهة نظري النهضة = استقرار + إقتصاد قوي + ديموقراطية سليمة

[abdulmuttaleb]

موضوع حلو يا ريمو،

أنا كنت كتبت في رسالة "افتراضية" رقم7للرئيس مبارك في14فبراير التالي:

"

إنّ الجبهة الداخلية المصرية في مصر الآن تواجه أربعة تحديات مستقبلية استراتيجية:

1.تعليم وثقافة ينتج عنهما قيادات مصرية شابة تملك ثلاثة عناصر: قدوة في الفعل، رؤية استراتيجية مع روح المبادرة. بالضبط مثل د.كمال الجنزوري الذي كان يطبق علي نفسه ترشيد الإنفاق قبل أن يلزم به الحكومة ، ذلكم الرجل الذي اخترتم له يا سيادة الرئيس أن يكون أول رئيس وزراء يستخدم طائرة الرئاسة الخاصة.

2.إعلامٌ ينتج عنه مُخْرَجَان: إعلاءٌ لروح الانتماء لمصر، وتأكيدٌ على القراءة كسلاح تنويريّ.

3.خطاب دينيٌّ وثقافي محدَّثان، يركزان على تحطيم الواسطة كتصرف اجتماعي ممقوت.

4.مأسسة دولاب العمل الحكوميّ: تدريس كتاب إدارة المنتجات أو(ProductManagement) وتطبيق مبادئه في مؤسسات الدولة، بحيث يكون مدير الوحدة مسؤولا رسميا وأدبيا بما يمنع تفرق دماء المسؤولية بين القبائل (الإدارات الحكومية).

وأما التحديات الآنية فهي ثلاثة:

1.فتح قنوات الاتصال مع موظفي القطاعات الحكومية كما مع قادة الرأي المحليين سواء على مستوى مصر أو على مستوى المحافظات، بما في ذلك الشخصيات المصرية المؤثرة في الداخل والخارج، على أن تكون هذه القنوات بعيدة عن الإعلام وتهدف إلى توصيل رسالة طمأنينة وتعريف بالأولويات الراهنة في استعادة الأمن وطبيعة الحياة، ولا مانع قطعا من التعرف في نفس الوقت على أولويات الآمال والطموحات التي لدى هؤلاء القادة أو الشخصيات المؤثرة أو الموظفين.

2.إعادة هـيـبـة الدولة، وما يستلزمه ذلك من التعامل الحكيم (والحازم في نفس الوقت) مع السيولة المفرطة في التصريحات، والنصائح، والاعتراضات، وربما تصفيات الحسابات بين بعض الأطراف.

3.استيعاب حماس الشباب، وأفكارهم الثورية، وتطلعاتهم المستقبلية، بغض النظر عن واقعيتها من عدمه، وتقبل اندفاع كلّ منهم لرأي أو فكرة، والحرص على مناقشتهم بشكل عقلاني ومنطقي.

"

الرسالة كاملة وبقية الرسائل:

http://3ayezjob.blogspot.com/2011/02/7.html

وبالمناسبة أنا متفق أيضا في فكرة أن زيارة د.عصام شرف هي رسالة إن الأوضاع فعلا كويسة في مصر، أو يعني هي رسالة للعالم أن الوضع أصبح أفضل، وهذا ما نأمله ولكن لا ينفي أن هنالك تحديات حقيقية فعلا نواجهها ومنها مثلا الناس اللي متخيلين ان الثورة خلاص ح تحل مشكلة البطالة لكل الناس أو ستعني توظيف كل الشباب.

[pink rose]

يا ريت يا استاذ محمد تساعدنا في انك تكتب المقترحات دي في رسالة لدكتور شرف

و تسيبك من مبارك اللي مات اكلينيكيا دا

المسؤول دلوقتي و اللي محتاج مننا كل دعم ممكن

هو دكتور عصام شرف

يا ريت تعيد تاني صياغة الرسائل بتاعتك و تضيف عليها مقترحات الاخوة هنا

و تكتب تقرير نقدر نقدمه لدكتور شرف

و ساعتها هاتحس انك عملت حاجه ايجابية لخدمة مصر

[Diab]

لماذا لا يتم اخذ إقتراح ربط نهر الكونغو بمنابع النيل علي محمل الجد

هذا المشروع كاف أن يخرج مصر من ورطة التصادم مع دول حوض النيل

ويعمق الوجود المصري في قلب إفريقيا ويضرب المخطط الصهيوني في مقتل