مافعله د. عبدالمنعم ابو الفتوح امس هل تؤيده ام تعارضه

[raouf]

قبل عدة اسابيع مضت كانت الصلاة في مكتبة الاسكندرية من الامور بالغة الصعوبة ..ولكن يبدو ان جماعة الاخوان المسلمين رأت ضرورة تغيير هذا الوضع بعد الثورة.فأثناء انعقاد ندوة " مستقبل العمل السياسي والحركات الإسلامية" فوجئ الحضور بقاعة المؤتمرات الصغرى بمكتبة الاسكندرية مساء "الأربعاء" بأعضاء الجماعة وهم يبادرون باعتلاء المنصة لا قامة صلاة المغرب جماعة قبل بدء الندوة بدقائق.

وبينما سجل بعض الحاضرين المنتمين لأطياف مختلفة دهشتهم بالتمتمة الاعتراضية أو التصوير مشيرين الي هذا امرا ممنوعا وضد مبادئ المكتبة التي تنص على ضرورة بدء الندوات في موعدها ، سارع أعضاء الجماعة للحاق بصلاة الجماعة مصطفين بين المقاعد ايضا نظرا لصغر مساحة المسرح...ليقوم بعدها د. عبد المنعم ابو الفتوح القيادي بجماعة الإخوان وضيف الندوة بإلقاء كلمته الرئيسية .

وبصراحة اكثر

مش تتمنى ان رئيسك او رئيس حكومتنا يقوم بنفس الفعلة التى قد يهاجمها البعض ؟

تم تعديل 24 مارس 2011 بواسطة raouf

[م تيمور المراغي]

جميل الصلاة طبعا في اوقاتها

وخصوصا لما تكون لوجه الله ,,

ولا ندخل في النوايا والنفوس والله ,,

لكن الغير مقبول والتي لا يقبلها الله - لانه اغنى الشركاء عن الشرك - ان تكون للسمعة او لايصال رسالة سياسية او دعائية ما ,,

قال عليه الصلاة والسلام : ( ألا أخبركم بما هو أخوف عليكم عندي من المسيح الدجال ؟ قلنا : بلى ، فقال : الشرك الخفي ، أن يقوم الرجل يصلي فيزين صلاته لما يرى من نظر رجل ) رواه ابن ماجه بإسناد صحيح

[mustafagamiel]

جميل الصلاة طبعا في اوقاتها

وخصوصا لما تكون لوجه الله ,,

ولا ندخل في النوايا والنفوس والله ,,

لكن الغير مقبول والتي لا يقبلها الله - لانه اغنى الشركاء عن الشرك - ان تكون للسمعة او لايصال رسالة سياسية او دعائية ما ,,

قال عليه الصلاة والسلام : ( ألا أخبركم بما هو أخوف عليكم عندي من المسيح الدجال ؟ قلنا : بلى ، فقال : الشرك الخفي ، أن يقوم الرجل يصلي فيزين صلاته لما يرى من نظر رجل ) رواه ابن ماجه بإسناد صحيح

لاحول ولاقوة الا بالله

كمان دي مش عجباك ودخلت داخل نوايا الناس

ماهذه الشراسة ياهندسة في كل قول وفعل لك على هوؤلاء الناس

بصراحة اتا حاسس ان ردود فعلك مش طبيعية خالص

ارجوا ان تتريث قبل ان تكيل التهم للناس

دي مش طريقة خالص والله

[م تيمور المراغي]

ده يدل يا استاذ مصطفى انك لم تقرأ مداخلتي جيدا ,,

كالعادة تم اخذ الكلام بالقناعات المسبقة وخلاص ,,

قلت لا ندخل في النوايا

و استشهدت بالحديث لاشريف الذي يحذر من المسعة والرياء وكل ذلك مر على حضرتك مرور الكرام ,,

ياريت تقرأ مداخلتي مره تانيه ولك كل المودة والتقدير ,,

[pink rose]

احب الاعمال الي الله الصلاة على وقتها

فا لو اذن المغرب وقتها و قامت الناس صلت فعلا و اتاخرت الندوة دقائق فين المشكلة

ايهما افضل يروح المغرب و لا الندوة تتأخر دقائق بسيطة؟

اما لو المغرب كأن مأذن من بدري و دا شو يبقى انا غير متفقة معاه

لازم نعرف التفاصيل عشان نقدر نحكم

[mustafagamiel]

ده يدل يا استاذ مصطفى انك لم تقرأ مداخلتي جيدا ,,

كالعادة تم اخذ الكلام بالقناعات المسبقة وخلاص ,,

قلت لا ندخل في النوايا

و استشهدت بالحديث لاشريف الذي يحذر من المسعة والرياء وكل ذلك مر على حضرتك مرور الكرام ,,

ياريت تقرأ مداخلتي مره تانيه ولك كل المودة والتقدير ,,

قرأتها تمام قبل ان أرد

لكن

بلاش شغل الاشارات أكرمك الله

انت بتشاور وبتلفت نظر الناس لاشياء دون ان تنطقها بلسانك

يعني زي مابيقوا انا مش عايز اتكلم وانتهوا فاهمين

انت بتقود حملة شرسة واعلنتها صراحة انكم لم تبلوا بالديمقراطية لو وصلت الاسلاميين للحكم

نفس كلام الله يرحمه بالتمام

[الســـاري]

اؤويده طبعا وبقوة ..

والافضل ان يتم تخصيص المصليات في كل المرافق الكبرى والاسواق التجارية الضخمة .. كي تعين المسلمين على اداء صلواتهم

[se_ Elsyed]

وبصراحة اكثر

مش تتمنى ان رئيسك او رئيس حكومتنا يقوم بنفس الفعلة التى قد يهاجمها البعض ؟

لأ لا أتمنى ذلك

لإن الإحترام واجب

أينعم الصلاة في جماعة أفضل ومطلوبة ولا خير في عمل يُلهى عن الصلاة .. لكن على الأقل لازم أحترم الأخرين ... ولازم أختار المكان الصحيح للصلاة ولازم أحسس اللي معايا سواء كانوا مسلمين أو غير مسلمين إني باحترمهم ولا أعتدي على حقوقهم ولو على حساب راحتي أنا ..

يعني لو القاعة المخصصة للصلاة كانت بعيدة عن قاعة المحاضرات .. يبقى أتعب أنا وأروح هناك اصلي مش أستسهل وأصلي في أي مكان وخلاص ...

يعني على سبيل المثال ..

كان ممكن حد يمسك الميكرفون ويقول يا جماعة حان وقت الصلاة .. فاللي عاوز يصلي ياريت ياخد وقته ويتوضاً ويحصلنا ... وأخوانا غير المسلمين بعد إذنكم إحنا مالقناش قاعة للصلاة أو مكان مخصص للصلاة - ده لو مافيش - فهل تسمحوا لنا إننا نصلي هنا ؟

ولا أعتقد إن في حد هايعترض على ذلك ..

------------

هاحكي لكم على موقف بيتكرر ويحدث من زميل معانا في الجامعة في كل محاضرة ..

هو مهندس وما شاء الله عليه ملتزم ... والقاعة اللي بناخد فيها المحاضرات صغيرة إلى حد ما لأننا تقريباً حوالي 20 شخص .... والدكاترة فيهم هندوس بس محترمين وبيحترمونا وبيحترموا عقيدتنا وتقاليدنا ...

أخونا في الله كل محاضرة ... بيظبط الموبيل على صوت الأذان بأعلى صووووت .. مع إن مواعيد الصلاة معروفة ... والراجل اللي بيشرح صوته بيوصل لنا من غير مكيرفون .. واساساً في سماعات داخلية في الفندق بتوصل لنا صوت الأذان لكن صوته معقول ومنخفض وغير مزعج ...

لكن ده ... صوت أذان الموبيل على الأخر .. يقطع المحاضرة .... بطريقة لا تليق وغير متحضرة ... وفجأة وقبل الأذان ما يخلص يستأذن عشان يروح يصلي ...

طب يا أبن الناس ما كلنا بنروح نصلي جماعة ... والراجل اللي بيشرح من غير ما حد بيتكلم أتبرمج وعارف إن الإقامة لها أذان يصل لنا ولكن بعد ربع أو تلت ساعة من كل أذان ...

وبيعطينا وقت راحة أكتر من المطلوب عشان كلنا نصلي ..

إلا ده .. يسيب المحاضرة في وسطها ويروح هو مش عارف بيروح فين .. لإننا بنحصله هناك والصلاة ما تكونش أُقيمت ...

وهو هو كل مادة يرجع يقول أنا متدمر ومش فاهم حاجه وعاوز حد يشرح لي ... وكل تيرم لازم يطلع بمواد

------------

الموضوع مش قفش يا جماعة ... والسلوك الحضاري المحترم بيجبر الأخرين على إحترامنا بل والأستماع إلينا وإلى كلامنا بإصغاء ....

[ComingSoon]

صلاة علي وقتها

ياحسرتكم يابني علمان لقد ضاعت جهودكم هباء!

[م تيمور المراغي]

اؤويده طبعا وبقوة ..

والافضل ان يتم تخصيص المصليات في كل المرافق الكبرى والاسواق التجارية الضخمة .. كي تعين المسلمين على اداء صلواتهم

الله ينور عليك يا ساري اديك انت قلت ,,

تخيل لو في سوق تجاري مثلا او في قاعة محاضرات مجموعة ما قامت الى المنصة لكي تقيم الصلاة !

الصلاة لها اماكن مخصصة لها ولو لم يوجد مكان نخرج الى مكان فسيح ثم نرجع امام في وسط مؤتمر نصعد الى المنصة ونوقف المؤتمر لاقامة الصلاة مش عاوز والله اقول انها مقصودة لايصال رسالة سياسية او اعلامية ما او لمغازلة مشاعر الناخبين بلاش دي انما مش اوي كده ,,

انا هنا في السعودية اهو مهد الاسلام وكلنا بنقوم نصلي في الاماكن المخصصة لو دخلنا غرفة الاجتماعات مثلا و اتى وقت الصلاة فقمنا في اماكننا نصلي الجميع سيستهجن ذلك ويمكن ناخذ لفت نظر اداري كمان

مش اوي كده يعني ,,

[ComingSoon]

اؤويده طبعا وبقوة ..

والافضل ان يتم تخصيص المصليات في كل المرافق الكبرى والاسواق التجارية الضخمة .. كي تعين المسلمين على اداء صلواتهم

الله ينور عليك يا ساري اديك انت قلت ,,

تخيل لو في سوق تجاري مثلا او في قاعة محاضرات مجموعة ما قامت الى المنصة لكي تقيم الصلاة !

الصلاة لها اماكن مخصصة لها ولو لم يوجد مكان نخرج الى مكان فسيح ثم نرجع امام في وسط مؤتمر نصعد الى المنصة ونوقف المؤتمر لاقامة الصلاة مش عاوز والله اقول انها مقصودة لايصال رسالة سياسية او اعلامية ما او لمغازلة مشاعر الناخبين بلاش دي انما مش اوي كده ,,

انا هنا في السعودية اهو مهد الاسلام وكلنا بنقوم نصلي في الاماكن المخصصة لو دخلنا غرفة الاجتماعات مثلا و اتى وقت الصلاة فقمنا في اماكننا نصلي الجميع سيستهجن ذلك ويمكن ناخذ لفت نظر اداري كمان

مش اوي كده يعني ,,

وان لم يكن هناك مكان مخصص

هل نقيم الصلاه في اي مكان متوفر ام لانقيم الصلاه ؟

[Dreamwithme]

وبصراحة اكثر

مش تتمنى ان رئيسك او رئيس حكومتنا يقوم بنفس الفعلة التى قد يهاجمها البعض ؟

أعتقد إن السؤال مش بسيط وإجابته لن تكون بسيطة بنعم أو لا

أتمني أن يكون رئيس دولتي أو حكومتي عنده الشجاعة أنه يتمسك بمبادئه وعقيدته حتي ولو هاجمه الآخرون

لكن هذا الفعل تحديدا ود/أبو الفتوح قائدا فيجب أن نتوقع منه الأفضل وليس الجيد فقط

بالنسبة لي وأنا لا أنتمي للأخوان ولا أنتمي لأي تيار سياسي أو ديني

أنا ملتزمة بالصلاة علي وقتها وهذه مشكلة تقابلني دائما في الأماكن العامة في مصر وبالذات كمان لأني بنت

فالرجل ممكن يصلي في أي مكان .....لكن في مصر مواعيد المحاضرات وأماكن إقامة الندوات كثيرا وليس جميعها

لا تضع في حسبنها موضوع الصلاة فبالتالي هذا شئ بيضايقني

بالنسبة لموقف د/أبو الفتوح طالما معروف أن الموضوع ده في مشكلة من قبل الندوة ألم يكن من الأفضل

أن ينظم مع المنظمين للندوة إن موعد الندوة سيتأخر 10 دقائق لحين اتمام الصلاة ويطلب منهم توفير قاعة بجوار مكان الندوة للصلاة

وأعتقد أنه لو كان طلب هذا الطلب كان سيتم توفيره ....فنحن في مصر شعب بيحب التدين حتي وإن لم يمارسه

يعني عمري ماكنت في مكان وطلبت إني أصلي إلا ما حد ساعدني إني ألاقي مكان أصلي فيه حتي لو أخلوا لي مكتبهم مخصوص

فكان د/أبو الفتوح يستطيع بقليل من التنظيم أن يبين للجميع إن المسلمين متمسكين بدينهم ودينهم يأمرهم باحترام النظام واحترام حرية الآخرين

لكن أعتقد إن الموضوع عدي بنية حسنة علي د/أبو الفتوح لكن أتمني أنه لا يكون سلوك دائم لأي شخص مسلم

نعم أنا أتمسك بممارسة شعائر ديني لكن طول ما أنا موجودة في مكان عمرهم ما حد هيقولي لأ متصليش يبقي مينفعش أخدها عافية وأصلي في أي مكان

لازم ولو علي الأقل كان في ساعتها مسك الميكرفون واستأذن من الحاضرين أنهم هيصلوا ويعتذر أن الندوة ستتأخر دقائق

لأنه متأكد أن عمر مافي حد في مصر هيقولوه لأ لكن من باب احترام الآخرين

وأحب أؤكد هو مش هيستأذن أنه يصلي لأنه هيصلي هيصلي أياكان رأي الناس ولكن هو بيستأذن في استخدام القاعة في شئ غير مخصصة له وأنه يأخذ من وقت الندوة

وبرضه نقطة علي جنب (عن تجربة شخصية) الواحد لما بيعمل حسابه مقدما يعني قبل الندوة أو المحاضرة يستأذن أن وقت الصلاة استراحة عشان الصلاة ويتأكد من مكان

متوافر مناسب للصلاة فده بيؤدي إن عدد المصلين بيكون أكثر لأن في ناس بتكون عايزة تصلي فعلا لكن عشان هي مش عارفة إن هيكون في استراحة وفي مكان للصلاة

فلاتكون مستعدة من ناحية الوضوء وبالنسبة للبنات من ناحية زي للصلاة لكن الواحد لما بيعلن قبلها أنه هو شخصيا هيصلي

بتلاقي ناس كتير انضمت له وهي سعيدة المكان نفسه بيحترم إنك احترمت المنظمين ولم تحرجهم

[abaomar]

قبل عدة اسابيع مضت كانت الصلاة في مكتبة الاسكندرية من الامور بالغة الصعوبة ..ولكن يبدو ان جماعة الاخوان المسلمين رأت ضرورة تغيير هذا الوضع بعد الثورة.فأثناء انعقاد ندوة " مستقبل العمل السياسي والحركات الإسلامية" فوجئ الحضور بقاعة المؤتمرات الصغرى بمكتبة الاسكندرية مساء "الأربعاء" بأعضاء الجماعة وهم يبادرون باعتلاء المنصة لا قامة صلاة المغرب جماعة قبل بدء الندوة بدقائق.

وبينما سجل بعض الحاضرين المنتمين لأطياف مختلفة دهشتهم بالتمتمة الاعتراضية أو التصوير مشيرين الي هذا امرا ممنوعا وضد مبادئ المكتبة التي تنص على ضرورة بدء الندوات في موعدها ، سارع أعضاء الجماعة للحاق بصلاة الجماعة مصطفين بين المقاعد ايضا نظرا لصغر مساحة المسرح...ليقوم بعدها د. عبد المنعم ابو الفتوح القيادي بجماعة الإخوان وضيف الندوة بإلقاء كلمته الرئيسية .

وبصراحة اكثر

مش تتمنى ان رئيسك او رئيس حكومتنا يقوم بنفس الفعلة التى قد يهاجمها البعض ؟

السلام عليكم

الاخوه الكرام جزاكم الله خيرا

الموضوع قبل عده اسابيع فلماذا فتحه الان ام ان مولد الهجوم على الاسلام و المسلمين قد تم نصبه

و على المريدين كل فى مكانه الحضور لاخد نصيبه كل على طاقته و تصور الامر بعض المواقع على

انه جريمه نكراء تضاف لسجل الاخوان و اعجبنى احد التعليقات على هذا الموضوع

لو ان احد الراقصات كان لها نمره قبل الندوه و تأخرت لدقائق هل كانوا سيهاجمونها هكذا ؟!!؟؟

ان تكون الصلاه فى مكتبه الاسكندريه بالغه الصعوبه كما اشرت اخى الكريم رؤوف هذا هو الخطأ بعينه

لانها على ارض مصريه و مصر دوله مسلمه و الصلاه من فروض هذا الدين فليس من حق احد ان يعيقها لأى سبب

خصوصا ان الدين فتح باب اداء الصلاه فى اى مكان بإستثناء اماكن قليله جدا مكتبه الاسكندريه ليست من ضمنها

.

ثم المشكله فى مبدأ الصلاه فى حد ذاته فى هذا المكان و هذا الموعد ام فى التأخير

المصلين قاموا بأداء صلاتهم ..قبل الندوه ..و لو ذهبوا لادائها بعيدا لتأخروا و لأخروا الندوه فايهما افضل

مخالفه مبادئ المكتبه ام اوامر الله خالق و مالك المكتبه و اللى فى المكتبه

بالصلاه على وقتها ام إضاعه الصلاه لبدء الندوه فى وقتها و كما تفضل اخويا س س

ولا خير في عمل يُلهى عن الصلاة

و أحب أضيف ان صلاه المسلم فى وقتها ليس فيها عدم إحترام للاخرين

بالعكس سيحترمك الاخر اكثر إذا احترمت دينك و خالقك و ارضيته و لو بسخط الناس

ايها المسلمون

عن عائشة رضي الله عنها; أن رسول الله-صلى الله عليه وسلم قا

( من التمس رضا الله بسخط الناس رضي الله عنه وأرضى عنه الناس، ومن التمسك رضا الناس بسخط الله; سخط الله عليه وأسخط عليه الناس- رواه ابن حبــان في " صحيحه).

تم تعديل 24 مارس 2011 بواسطة abaomar

[م تيمور المراغي]

اؤويده طبعا وبقوة ..

والافضل ان يتم تخصيص المصليات في كل المرافق الكبرى والاسواق التجارية الضخمة .. كي تعين المسلمين على اداء صلواتهم

الله ينور عليك يا ساري اديك انت قلت ,,

تخيل لو في سوق تجاري مثلا او في قاعة محاضرات مجموعة ما قامت الى المنصة لكي تقيم الصلاة !

الصلاة لها اماكن مخصصة لها ولو لم يوجد مكان نخرج الى مكان فسيح ثم نرجع امام في وسط مؤتمر نصعد الى المنصة ونوقف المؤتمر لاقامة الصلاة مش عاوز والله اقول انها مقصودة لايصال رسالة سياسية او اعلامية ما او لمغازلة مشاعر الناخبين بلاش دي انما مش اوي كده ,,

انا هنا في السعودية اهو مهد الاسلام وكلنا بنقوم نصلي في الاماكن المخصصة لو دخلنا غرفة الاجتماعات مثلا و اتى وقت الصلاة فقمنا في اماكننا نصلي الجميع سيستهجن ذلك ويمكن ناخذ لفت نظر اداري كمان

مش اوي كده يعني ,,

وان لم يكن هناك مكان مخصص

هل نقيم الصلاه في اي مكان متوفر ام لانقيم الصلاه ؟

اديك قلت يا رب تثبت ,,

اي مكان ( متوفر ) ,,

مش نطلع عل المنصة امام كل الحاضرين رغم ضيقها رغم مكانها المغلق ورغم عدم توافر الهدوء والسكينة ورغم توافر الحديقة الخارجية الرحبة المفتوحة للسماء وسط الخضرة

ونصلي !

بالله عليك لو انت في غرفة الاجتماعات وحان وقت الصلاة حتقوم في وسط الكونفرنس وتصلي بدعوى عدم وجود مسجد في المبنى ؟

ام تستاذن وتذهب الى غرفة هادئة ما وتقيم الصلاة !

اسيب الرد لضميرك ,,

[م تيمور المراغي]

حقول حاجة اخيرة لاني خارج واحتمال اغيب ,,

- ايهما اكثر روحانية الصلاة وسط الحديقة الخارجية في الهدوء والخلاء ام وسط صخب الحاضرين وتململهم من المصلين

- تعرفوا لو كانوا قالوا احنا بنصلي بنية اعزاز الدين و اظهار فريضة الصلاة والله ما كنت فتحت بؤي ,, انما ان ده حصل عشان مافيش مكان ومنعطلش المؤتمر والحجج دي مش حلوه والله وفاهمينها,,

مشكلة الاخوان انهم مش مقدرين قدرات خصومهم السياسين العقلية والفكرية متطوره ازاي !

[abaomar]

حقول حاجة اخيرة لاني خارج واحتمال اغيب ,,

- ايهما اكثر روحانية الصلاة وسط الحديقة الخارجية في الهدوء والخلاء ام وسط صخب الحاضرين وتململهم من المصلين

- تعرفوا لو كانوا قالوا احنا بنصلي بنية اعزاز الدين و اظهار فريضة الصلاة والله ما كنت فتحت بؤي ,, انما ان ده حصل عشان مافيش مكان ومنعطلش المؤتمر والحجج دي مش حلوه والله وفاهمينها,,

مشكلة الاخوان انهم مش مقدرين قدرات خصومهم السياسين العقلية :P والفكرية متطوره ازاي !

لا لا ما تقلقش معروفه

[ComingSoon]

اؤويده طبعا وبقوة ..

والافضل ان يتم تخصيص المصليات في كل المرافق الكبرى والاسواق التجارية الضخمة .. كي تعين المسلمين على اداء صلواتهم

الله ينور عليك يا ساري اديك انت قلت ,,

تخيل لو في سوق تجاري مثلا او في قاعة محاضرات مجموعة ما قامت الى المنصة لكي تقيم الصلاة !

الصلاة لها اماكن مخصصة لها ولو لم يوجد مكان نخرج الى مكان فسيح ثم نرجع امام في وسط مؤتمر نصعد الى المنصة ونوقف المؤتمر لاقامة الصلاة مش عاوز والله اقول انها مقصودة لايصال رسالة سياسية او اعلامية ما او لمغازلة مشاعر الناخبين بلاش دي انما مش اوي كده ,,

انا هنا في السعودية اهو مهد الاسلام وكلنا بنقوم نصلي في الاماكن المخصصة لو دخلنا غرفة الاجتماعات مثلا و اتى وقت الصلاة فقمنا في اماكننا نصلي الجميع سيستهجن ذلك ويمكن ناخذ لفت نظر اداري كمان

مش اوي كده يعني ,,

وان لم يكن هناك مكان مخصص

هل نقيم الصلاه في اي مكان متوفر ام لانقيم الصلاه ؟

اديك قلت يا رب تثبت ,,

اي مكان ( متوفر ) ,,

مش نطلع عل المنصة امام كل الحاضرين رغم ضيقها رغم مكانها المغلق ورغم عدم توافر الهدوء والسكينة ورغم توافر الحديقة الخارجية الرحبة المفتوحة للسماء وسط الخضرة

ونصلي !

بالله عليك لو انت في غرفة الاجتماعات وحان وقت الصلاة حتقوم في وسط الكونفرنس وتصلي بدعوى عدم وجود مسجد في المبنى ؟

ام تستاذن وتذهب الى غرفة هادئة ما وتقيم الصلاة !

اسيب الرد لضميرك ,,

بدلاً ان تلوم من يصلي فروضة كان الاولي بك ان تلوم من من اكتفي بالتمتمة والاعتراض والتصوير

فلاهم صلوا بداخل القاعة ولاخارجها كما تريد بل اكتفوا بالتمتمة وطبعاً هؤلاء يعجبونك فلاتنتقدهم اما من يصلي تتهمة بالرياء

وبينما سجل بعض الحاضرين المنتمين لأطياف مختلفة دهشتهم بالتمتمة الاعتراضية أو التصوير مشيرين الي هذا امرا ممنوعا وضد مبادئ المكتبة التي تنص على ضرورة بدء الندوات في موعدها ، سارع أعضاء الجماعة للحاق بصلاة الجماعة مصطفين بين المقاعد ايضا نظرا لصغر مساحة المسرح

ثانياً المؤتمر كان عن الحركات الاسلامية لذلك فاغلب الحاضرين اكيد كانوا من ابناء الاسلام وليس مطلوباً منهم ان يراعوا مشاعر العلمانيين ممن يؤذيهم شكل المصليين

ثالثاً لو خرجوا للحديقة كانت ستتأخر الندوة اكثر بكثير

رابعاً من حق المسلم يصلي في اي مكان علي ارض مصر واي قانون لأي مكان خلاف ذلك تغيرة

[محمد عبدالعزيز]

الموضوع ده فكرنى بموقف حصل يوم التنحى, لما مبارك رحل عن مصر يعنى.

كنا فى مسيرة على الكورنيش رايحين قصر رأس التين, وأذن علينا العصر فى الطريق, فى الوقت ده كان الدكتور إبراهيم الزعفرانى أحد قيادات الإخوان المسلمين بيعمل لقاء مع قناة تليفزيونية.

المهم مجموعة شباب أقاموا الصلاة وقدموا واحد ملتحى يصلى بينا إمام, وكنا فى الشارع طبعاً والصوت يكاد يصل لنا فى الصف الرابع أو الخامس على ما أتذكر.

المهم احنا لما بدأنا الصلاة كان لسه الدكتور إبراهيم فى اللقاء وكان على الرصيف مش فى وسط الشارع, وبعد ما بدأنا الصلاة واحنا فى الركعة الأولى, إلا ونلاقى المجموعة اللى كانت ملمومة حوالين الدكتور إبراهيم وهو فى اللقاء وكان معاهم ميكروفون, أقاموا الصلاة فى الميكروفون وقاموا واقفين جنبنا علطول- لزق كده يعنى - وعملوا جماعة تانية.

أكيد طبعاً متخيلين الوضع لما يبقوا جماعتين مفيش بينهم فاصل, وجماعة بتصلى بميكروفون وجماعة بتصلى بدون ميكروفون.

قعدت أفكر ليه الجماعة التانيين دول ماصلوش معانا فى الجماعة بتاعتنا, لأننا كنا فعلاً دخلنا فى الصلاة وزى مانتم عارفين لا يجوز إنه يكون فى جماعتين فى مكان واحد زى الموقف اللى كنا فيه ده, بس بصراحة مش لاقى أى مبرر, المهم إنهم نغصوا عليا بقيت اليوم وخلاص.

[arkan]

اتخيل

لو مصلاش ........ يبقي ازى يبقى اخوان ومايصليش

لو اخر الصلاة.....ازاى مش عارف ان افضل الاعمال الصلاة على وقتها..هى الندوة هتطير لما يصلي في 5 دقايق

لو صلى...........فبما انه اخوان فربما يكون بيزايد بالدين وبيستخدم صلاته لهدف سياسي

--------------------

ياريت لو في فيديوو يوضح ملابسات الموقف وهل استأذن الحضور ام لا وهل اخر الندوة ام لا

ومن هم المعترضين على فعلته

[eslam elmasre]

جميع الاعمال التي يقوم بها المسلم تنفيذا لاوامر ربه اذا كانت غير خالصة لله فلن يقبلها المولي عز وجل وهي بين العبد وربه لذلك لا يمكننا الحكم علي قبولها او عدم قبولها

يعني لو واحد بيصلي عشان يوصل رسالة للناس تبقي صلاته مشكوك فيها وفيها نوع من انواع الرياء

أي غير خالصة لله عز وجل

لو راح يحج عشان يفتخر انه حج بيت الله تبقي حجته مشكوك فيها

كل هذا من اجل الاخلاص لله عز وجل وحتي لا نشرك معه احد فنحن نعبد الله عز وجل عبادة خالصة له منزهة عن أي غرض دنيوي زائل واي سبب اخر غير عبادة الله يعد إشراك لله عز وجل