مافعله د. عبدالمنعم ابو الفتوح امس هل تؤيده ام تعارضه

[raouf]

حقول حاجة اخيرة لاني خارج واحتمال اغيب ,,

- ايهما اكثر روحانية الصلاة وسط الحديقة الخارجية في الهدوء والخلاء ام وسط صخب الحاضرين وتململهم من المصلين

- تعرفوا لو كانوا قالوا احنا بنصلي بنية اعزاز الدين و اظهار فريضة الصلاة والله ما كنت فتحت بؤي ,, انما ان ده حصل عشان مافيش مكان ومنعطلش المؤتمر والحجج دي مش حلوه والله وفاهمينها,,

مشكلة الاخوان انهم مش مقدرين قدرات خصومهم السياسين العقلية والفكرية متطوره ازاي !

تيمور

بصراحة انت اسلوبك ولهجتك اتغيروا تماما بعد الاستفتاء

حتى فى اخر مكالمة مباشرة

بس انا هارد عليك انت وسين سين برد بسيط

الواضح انكم لم تقراوا الخبر بامعان

الخبر بيقول انه كان غير مسموح بالصلاة فى مكتبة الاسكندرية ولا يوجد مكان اخر ينفع للصلاة فيها

ده اولا

ثانيا الدكتور عبدالمنعم هو المدعو الرئيسى وبدونه لن تبدأ الندوة وده واضح فى الموضوع يبقى سواء صلى فى القاعة او خارجها لن تبدأ الندوة فمن باب اولى يصلى فى القاعة حتى لايحدث مزيد من التاخير واللى من اسكندرية يعرف انه لا توجد مساجد قريبة على الكورنيش بجوار المكتبة

ثالثا لا يمكن تغيير الموعد لانه محدد من ادارة المكتبة

رابعا والاهم

انه ذكر فى الخبر انهم صلوا قبل الندوة بدقائق يعنى لم يكن هناك اى تعطيل صح ولا غلط ؟

رجاء اخير تيمور راجع نفسك تانى انت عارف معزتك فى قلبى ومدى صداقتنا بس لا تترك الاحداث السياسية تؤثر فى شخصيتك الجميلة وعقيدتك الدينية

تم تعديل 24 مارس 2011 بواسطة raouf

[raouf]

جميع الاعمال التي يقوم بها المسلم تنفيذا لاوامر ربه اذا كانت غير خالصة لله فلن يقبلها المولي عز وجل وهي بين العبد وربه لذلك لا يمكننا الحكم علي قبولها او عدم قبولها

يعني لو واحد بيصلي عشان يوصل رسالة للناس تبقي صلاته مشكوك فيها وفيها نوع من انواع الرياء

أي غير خالصة لله عز وجل

لو راح يحج عشان يفتخر انه حج بيت الله تبقي حجته مشكوك فيها

كل هذا من اجل الاخلاص لله عز وجل وحتي لا نشرك معه احد فنحن نعبد الله عز وجل عبادة خالصة له منزهة عن أي غرض دنيوي زائل واي سبب اخر غير عبادة الله يعد إشراك لله عز وجل

طبعا انما الاعمال بالنيات

لكن كلنا نعرف ان اللى بيصلى فى مصر وخصوصا فى حالة عدم وجود اجبار فهو يصلى لوجه الله ويجب ان نؤمن ان من يصلى او يزكى فهو لوجه الله لانه الوحيد الذى يعلم ما بالنيات

وبعدين ايهما افضل اللى عاند وتمتم ومارحش يصلى ولا اللى اتكسف حتى لو مش بيصلى وصلى معاهم

اديه كسب انه صلى مرة وقد يشرح الله قلبه للايمان بعدها

وقد تكون هذه ال3 ركعات من تقربه من الجنة يوم القيامة

دائما افترضوا الافضل

وكمان سؤال لتيمور وسين سين لو كنتم حاضرين الندوة ايه ردة فعلكم

؟

انتظر الاجابة

تم تعديل 24 مارس 2011 بواسطة raouf

[eslam elmasre]

جميع الاعمال التي يقوم بها المسلم تنفيذا لاوامر ربه اذا كانت غير خالصة لله فلن يقبلها المولي عز وجل وهي بين العبد وربه لذلك لا يمكننا الحكم علي قبولها او عدم قبولها

يعني لو واحد بيصلي عشان يوصل رسالة للناس تبقي صلاته مشكوك فيها وفيها نوع من انواع الرياء

أي غير خالصة لله عز وجل

لو راح يحج عشان يفتخر انه حج بيت الله تبقي حجته مشكوك فيها

كل هذا من اجل الاخلاص لله عز وجل وحتي لا نشرك معه احد فنحن نعبد الله عز وجل عبادة خالصة له منزهة عن أي غرض دنيوي زائل واي سبب اخر غير عبادة الله يعد إشراك لله عز وجل

طبعا انما الاعمال بالنيات

لكن كلنا نعرف ان اللى بيصلى فى مصر وخصوصا فى حالة عدم وجود اجبار فهو يصلى لوجه الله ويجب ان نؤمن ان من يصلى او يزكى فهو لوجه الله لانه الوحيد الذى يعلم ما بالنيات

وبعدين ايهما افضل اللى عاند وتمتم ومارحش يصلى ولا اللى اتكسف حتى لو مش بيصلى وصلى معاهم

اديه كسب انه صلى مرة وقد يشرح الله قلبه للايمان بعدها

وقد تكون هذه ال3 ركعات من تقربه من الجنة يوم القيامة

دائما افترضوا الافضل

وكمان سؤال لتيمور وسين سين لو كنتم حاضرين الندوة ايه ردة فعلكم

؟

انتظر الاجابة

ممكن واحد يروح يصلي بدون اجبار عشان الناس تقول شوفوا الراجل ده اد ايه تقي وورع ومابيفوتش صلاة الا في المسجد ده راجل بيعرف ربنا

وومكن واحد رايح يصلي عشان يخلص مصلحة مع واحد تاني جوه المسجد لان صاحب المصلحة بيصلي في المسجد ده وبيبقي في حالة انسجام ساعة الصلاة

وممكن واحد يصلي عشان يوصل رسالة للناس

وممكن وممكن وممكن

انا ده رايي بالطبع واحب اني اعمل لله بطريقة منزهة عن اي غرض دنيوي واحاول قدر المستطاع ان عملي لا يصيبه مصلحة دنيوية زائفة او رياء

افتكر انك متفق معايا

[eslam elmasre]

يعني لو جاء واحد وفي نصف الشارع مثلا وقال انه هايصلي هنا عشان الصلاة كانت علي المؤمنين كتابا موقوتا هانقوله كلامك يمشي علي الكل ونوقف المواصلات عشان خاطرك

اكيد الاخ ده عنده رسالة عايز يوصلها لان هناك اماكن كثيرة اخري تصلح لصلاة واكثرها المساجد

وبالنسبة لحكاية ان المكتبة مافيش مساجد جنبها ده كلام مش مضبوط خالص

المسجد لازق في المكتبة

روح صلي ماحدش هايمنعك عن الصلاة وعمري ما شفت واحد منع واحد عن اداء الصلاة لكن لا تفرض صلاتك علي اصول ونظم واداريات ملزمة للجميع ولا تؤدي صلاتك كي توصل رسالة ما لكل الحضور

[hOuSsAm]

جميل الصلاة طبعا في اوقاتها

وخصوصا لما تكون لوجه الله ,,

ولا ندخل في النوايا والنفوس والله ,,

لكن الغير مقبول والتي لا يقبلها الله - لانه اغنى الشركاء عن الشرك - ان تكون للسمعة او لايصال رسالة سياسية او دعائية ما ,,

قال عليه الصلاة والسلام : ( ألا أخبركم بما هو أخوف عليكم عندي من المسيح الدجال ؟ قلنا : بلى ، فقال : الشرك الخفي ، أن يقوم الرجل يصلي فيزين صلاته لما يرى من نظر رجل ) رواه ابن ماجه بإسناد صحيح

بصراحة يا تيمور انا مش عارف مالك من بعد الاستفتاء

متحامل عالاخوان بطريقة غير عادية

واراؤك متضاربة

ماهما الاخوان معروفين انهم بيصلوا فى اى وقت وفى كل مكان

انت مكنش ليك اصحاب اخوان فى الكلية ولا ايه

ومش الاخوان بس دول المسلمين كلهم بيصلوا فى اى وقت وكل مكان

وعمر محد اشتكى

اشمعنى النهاردة بس بتشتكى

ومن ايه يعنى

هما جابوا خمرة ووزعوها عالحاضرين

هو انت ليه مدخل نفسك بينهم وبين ربنا

وكمان الراجل فى الخبر بيقول انه مفيش مكان قريب للصلاة

--------------------------------------------

اذكر من 5 سنوات حضرت محاضرة لابراهيم الفقى وبعد مدخلنا المدرج (وابراهيم الفقى اتاخر) جه وقت صلاة المغرب قالولنا اللى هيطلع بره المدرج مش هيدخل تانى

واحتلاما صصلاة ثم حرصنا على حضور المحاضرة قمنا فى الصلاة فى اخر المدرج

كل الموضوجدين (وفى الغالب معظمهم مش اخوان) لان مش الشعب كله اخوان

هل ده فيه رياء

ليه تتهم بالرياء

هو انت ربنا هتحاسبهم؟

تم تعديل 24 مارس 2011 بواسطة hOuSsAm

[ابو محمد بن مصطفي]

الموضوع ده فكرنى بموقف حصل يوم التنحى, لما مبارك رحل عن مصر يعنى.

كنا فى مسيرة على الكورنيش رايحين قصر رأس التين, وأذن علينا العصر فى الطريق, فى الوقت ده كان الدكتور إبراهيم الزعفرانى أحد قيادات الإخوان المسلمين بيعمل لقاء مع قناة تليفزيونية.

المهم مجموعة شباب أقاموا الصلاة وقدموا واحد ملتحى يصلى بينا إمام, وكنا فى الشارع طبعاً والصوت يكاد يصل لنا فى الصف الرابع أو الخامس على ما أتذكر.

المهم احنا لما بدأنا الصلاة كان لسه الدكتور إبراهيم فى اللقاء وكان على الرصيف مش فى وسط الشارع, وبعد ما بدأنا الصلاة واحنا فى الركعة الأولى, إلا ونلاقى المجموعة اللى كانت ملمومة حوالين الدكتور إبراهيم وهو فى اللقاء وكان معاهم ميكروفون, أقاموا الصلاة فى الميكروفون وقاموا واقفين جنبنا علطول- لزق كده يعنى - وعملوا جماعة تانية.

أكيد طبعاً متخيلين الوضع لما يبقوا جماعتين مفيش بينهم فاصل, وجماعة بتصلى بميكروفون وجماعة بتصلى بدون ميكروفون.

قعدت أفكر ليه الجماعة التانيين دول ماصلوش معانا فى الجماعة بتاعتنا, لأننا كنا فعلاً دخلنا فى الصلاة وزى مانتم عارفين لا يجوز إنه يكون فى جماعتين فى مكان واحد زى الموقف اللى كنا فيه ده, بس بصراحة مش لاقى أى مبرر, المهم إنهم نغصوا عليا بقيت اليوم وخلاص.

ده عادي يا أستاذ محمد

في ميدان التحرير كان في يجي اربع جماعات في وقت واحد وفي معظم الصلوات ....تلاقي نفسك في الصف الاخير واللي جانبك امام للجماعة التانية

اما بالنسبة للصلاة فأظن منشككش فيما يحتوية قلب انسان من ان الصلاة لله ام للسمعة

وبالتالي اؤيد وبشده ان يكون الرئيس القادم مقيم للصلاة

[محمد عبدالعزيز]

الموضوع ده فكرنى بموقف حصل يوم التنحى, لما مبارك رحل عن مصر يعنى.

كنا فى مسيرة على الكورنيش رايحين قصر رأس التين, وأذن علينا العصر فى الطريق, فى الوقت ده كان الدكتور إبراهيم الزعفرانى أحد قيادات الإخوان المسلمين بيعمل لقاء مع قناة تليفزيونية.

المهم مجموعة شباب أقاموا الصلاة وقدموا واحد ملتحى يصلى بينا إمام, وكنا فى الشارع طبعاً والصوت يكاد يصل لنا فى الصف الرابع أو الخامس على ما أتذكر.

المهم احنا لما بدأنا الصلاة كان لسه الدكتور إبراهيم فى اللقاء وكان على الرصيف مش فى وسط الشارع, وبعد ما بدأنا الصلاة واحنا فى الركعة الأولى, إلا ونلاقى المجموعة اللى كانت ملمومة حوالين الدكتور إبراهيم وهو فى اللقاء وكان معاهم ميكروفون, أقاموا الصلاة فى الميكروفون وقاموا واقفين جنبنا علطول- لزق كده يعنى - وعملوا جماعة تانية.

أكيد طبعاً متخيلين الوضع لما يبقوا جماعتين مفيش بينهم فاصل, وجماعة بتصلى بميكروفون وجماعة بتصلى بدون ميكروفون.

قعدت أفكر ليه الجماعة التانيين دول ماصلوش معانا فى الجماعة بتاعتنا, لأننا كنا فعلاً دخلنا فى الصلاة وزى مانتم عارفين لا يجوز إنه يكون فى جماعتين فى مكان واحد زى الموقف اللى كنا فيه ده, بس بصراحة مش لاقى أى مبرر, المهم إنهم نغصوا عليا بقيت اليوم وخلاص.

ده عادي يا أستاذ محمد

في ميدان التحرير كان في يجي اربع جماعات في وقت واحد وفي معظم الصلوات ....تلاقي نفسك في الصف الاخير واللي جانبك امام للجماعة التانية

اما بالنسبة للصلاة فأظن منشككش فيما يحتوية قلب انسان من ان الصلاة لله ام للسمعة

وبالتالي اؤيد وبشده ان يكون الرئيس القادم مقيم للصلاة

أنا أول مرة أعرف إن ده عادى بصراحة, وأعتقد إن لو ده حصل فى أى مكان مش شرط ميدان التحرير يعنى, مش مفروض يبقى حجة, الصح صح وخصوصاً لما نكون بنتكلم فى عبادات.

وبعدين إيه مبررى لما أبقى واقف إمام على استقامة واحدة مع إمام آخر بيني وبينه 10 متر؟!!!

ولا هى الصلاة لا تجوز إلا بإمام محدد؟

وأنا كمان أؤيد إن الرئيس يكون مقيم للصلاة, بس لو جه ولقى جماعة من المسلمين بتصلى يدخل معاهم فى الصلاة مش يعمل جماعة لوحده, لأن كلنا مسلمين زى بعض.

[Alshiekh]

قبل عدة اسابيع مضت كانت الصلاة في مكتبة الاسكندرية من الامور بالغة الصعوبة ..ولكن يبدو ان جماعة الاخوان المسلمين رأت ضرورة تغيير هذا الوضع بعد الثورة.فأثناء انعقاد ندوة " مستقبل العمل السياسي والحركات الإسلامية" فوجئ الحضور بقاعة المؤتمرات الصغرى بمكتبة الاسكندرية مساء "الأربعاء" بأعضاء الجماعة وهم يبادرون باعتلاء المنصة لا قامة صلاة المغرب جماعة قبل بدء الندوة بدقائق.

وبينما سجل بعض الحاضرين المنتمين لأطياف مختلفة دهشتهم بالتمتمة الاعتراضية أو التصوير مشيرين الي هذا امرا ممنوعا وضد مبادئ المكتبة التي تنص على ضرورة بدء الندوات في موعدها ، سارع أعضاء الجماعة للحاق بصلاة الجماعة مصطفين بين المقاعد ايضا نظرا لصغر مساحة المسرح...ليقوم بعدها د. عبد المنعم ابو الفتوح القيادي بجماعة الإخوان وضيف الندوة بإلقاء كلمته الرئيسية .

وبصراحة اكثر

مش تتمنى ان رئيسك او رئيس حكومتنا يقوم بنفس الفعلة التى قد يهاجمها البعض ؟

ياترى كل الحاضرين كانوا على وضوء؟

أم أن هناك مكان للوضوء؟

وهل يوجد بمكتبة الاسكندرية مسج أو مصلى؟

وهل يوجد مسجد قريب لمكتبة الاسكندرية؟ أنا أعلم أن هناك العديد من المساجد الصغيرة حول المكتبة بالإضافة لمسجد القائد إبراهيم على بعد خمس دقائق من المكان.

[Om Zayd]

***********

ممكن واحد يروح يصلي بدون اجبار عشان الناس تقول شوفوا الراجل ده اد ايه تقي وورع ومابيفوتش صلاة الا في المسجد ده راجل بيعرف ربنا

وومكن واحد رايح يصلي عشان يخلص مصلحة مع واحد تاني جوه المسجد لان صاحب المصلحة بيصلي في المسجد ده وبيبقي في حالة انسجام ساعة الصلاة

وممكن واحد يصلي عشان يوصل رسالة للناس

وممكن وممكن وممكن

انا ده رايي بالطبع واحب اني اعمل لله بطريقة منزهة عن اي غرض دنيوي واحاول قدر المستطاع ان عملي لا يصيبه مصلحة دنيوية زائفة او رياء

افتكر انك متفق معايا

أكيد كلنا متفقين ان نجتهد اشد الاجتهاد ان اعمالنا تكون خالصة لوجه الله تعالى

لكن مش كل عمل صالح عشان اتعمل في العلن يبقى نشك في صاحبه

و الا كانت الصلاة في البيت افضل منها في المسجد

و الصدقة امرنا ان تكون سرا و علانية

اتفق معكم ان الافضل كان الاتفاق مع ادارة الندوة لكنني لن اشكك في نية أحد

و بالتاكيد اريد ان تراعي اللقاءات و الاجتماعات و المحاضرات مواعيد الصلاة

و ان يكون راس الدولة كفء على دين

[ComingSoon]

وجدت الخبر الان علي مصراوي

وقرأت التعليقات والحمد لله مصر لسه بخير والعلمانيين لم يستطيعوا تغييب عقل المصريين

http://www.masrawy.com/News/Egypt/Politics/2011/march/23/elekhwan_alexlib.aspx

[عبير يونس]

لا يمكن أن اشكك في نوايا أي مخلوق

أو اتهمه بالرياء

فهذا شيء بين العبد وربه

و يأثم من يظن ذلك في أحد من كان

و لكن في رأيي

كان الأولى أن يتم الترتيب لموعد الندوة أن تبدأ بعد الصلاة

فموعد الصلاة يكون معروفا مسبقا

يعني لم يتفاجئ به أحد!

يصلي الناس براحتهم وفي المساجد المجاورة

ثم يأتون للندوة

الإسلام أمانة في أعناقنا

و يلزم أن يظهر للجميع في أفضل صورة

و إجابة لسؤال حضرتك يا أستاذ رؤوف

نعم أتمنى أن يكون رئيسي على دين صحيح

يساهم في نشر الإسلام بصورته الرائعة و الحقيقية

صورة تجذب غير المسلمين لاحترامنا و احترام ديننا الجدير بالإحترام

[se_ Elsyed]

وجدت الخبر الان علي مصراوي

وقرأت التعليقات والحمد لله مصر لسه بخير والعلمانيين لم يستطيعوا تغييب عقل المصريين

http://www.masrawy.com/News/Egypt/Politics/2011/march/23/elekhwan_alexlib.aspx

لا حول ولا قوة إلا بالله العلي العظيم

يعني خلاص يا أخ كمنج سون ... بقى ده كله تفكيرك وردودك ؟

بيتهيألي يعني لو حد سألك إسمك إيه دلوقت ؟

هاتقول : كمنج سون اللي مش علماني

يا أخي الكريم ركز على افكارك أنت ... ومعتقداتك أنت ... وخليك صورة جيدة لمنهجك ...

صدقني ساعتها هاتبقى حاجه عظيمة قوي ... ويمكن العلمانيين ساعتها يتوبوا على إيدك

[Nileman]

لو لم يكن هناك غرض فالصلاة فرض خصوصا عندما لا يكون هناك مكان مخصص للصلاة و ماحدش يدعو الإخوان لندوة او مؤتمر و بعدين يقولهم ماتصلوش

[م تيمور المراغي]

اذكر من 5 سنوات حضرت محاضرة لابراهيم الفقى وبعد مدخلنا المدرج (وابراهيم الفقى اتاخر) جه وقت صلاة المغرب قالولنا اللى هيطلع بره المدرج مش هيدخل تانى

واحتلاما صصلاة ثم حرصنا على حضور المحاضرة قمنا فى الصلاة فى اخر المدرج

س - صحيح يا حسام هما ليه ما صلوش في اخر القاعه حيث الطرقه الفسيحه والهدوء اكثر بكثير ؟

ج - عشان الكاميرات كانت عند المنصة يا خفيف :happy:

الموضوع ده فكرنى بموقف حصل يوم التنحى, لما مبارك رحل عن مصر يعنى.

كنا فى مسيرة على الكورنيش رايحين قصر رأس التين, وأذن علينا العصر فى الطريق, فى الوقت ده كان الدكتور إبراهيم الزعفرانى أحد قيادات الإخوان المسلمين بيعمل لقاء مع قناة تليفزيونية.

المهم مجموعة شباب أقاموا الصلاة وقدموا واحد ملتحى يصلى بينا إمام, وكنا فى الشارع طبعاً والصوت يكاد يصل لنا فى الصف الرابع أو الخامس على ما أتذكر.

المهم احنا لما بدأنا الصلاة كان لسه الدكتور إبراهيم فى اللقاء وكان على الرصيف مش فى وسط الشارع, وبعد ما بدأنا الصلاة واحنا فى الركعة الأولى, إلا ونلاقى المجموعة اللى كانت ملمومة حوالين الدكتور إبراهيم وهو فى اللقاء وكان معاهم ميكروفون, أقاموا الصلاة فى الميكروفون وقاموا واقفين جنبنا علطول- لزق كده يعنى - وعملوا جماعة تانية.

أكيد طبعاً متخيلين الوضع لما يبقوا جماعتين مفيش بينهم فاصل, وجماعة بتصلى بميكروفون وجماعة بتصلى بدون ميكروفون.

قعدت أفكر ليه الجماعة التانيين دول ماصلوش معانا فى الجماعة بتاعتنا, لأننا كنا فعلاً دخلنا فى الصلاة وزى مانتم عارفين لا يجوز إنه يكون فى جماعتين فى مكان واحد زى الموقف اللى كنا فيه ده, بس بصراحة مش لاقى أى مبرر, المهم إنهم نغصوا عليا بقيت اليوم وخلاص.

من غير ما اعرف الموقف ده والله يا محمد لكني اتفهمه ودي حاجة معروفة عن الاخوان لازم يستغلوا اي موقف او طقوس مهما كانت لتوطيد مكانتهم السياسية كان ممكن بهدوء مادام الكتف بالكتف او حتى الصفوف الخلفية ينضموا الى الجماعه لكن ازاي دول اخوان لازم ميكروفون و تمييز واستغلال حتى صلاة الجماعه سياسيا ,,

وقبل هذا كله ,, هل الدكتور ابراهيم الزعفراني قطع اللقاء التلفزيوني لاقامة الصلاة ؟ ,, مستحيل طبعا ,,بعد الميديا ما تخلص تيجي الصلاة ,,

هل السياسة مفسدة الى هذه الدرجة !

اتخيل

لو مصلاش ........ يبقي ازى يبقى اخوان ومايصليش

لو اخر الصلاة.....ازاى مش عارف ان افضل الاعمال الصلاة على وقتها..هى الندوة هتطير لما يصلي في 5 دقايق

لو صلى...........فبما انه اخوان فربما يكون بيزايد بالدين وبيستخدم صلاته لهدف سياسي

--------------------

ياريت لو في فيديوو يوضح ملابسات الموقف وهل استأذن الحضور ام لا وهل اخر الندوة ام لا

ومن هم المعترضين على فعلته

فيه احتمال رابع حضرتك تغاضيتي عنه بحسن نية ان شاء الله وانهم بكل بساطة يقيموا الصلاة خلف المدرجات او في الطرقة خارج القاعة او في الحديقة الخاصة بمكتبة الاسكندرية او يخطروا منظمي المؤتمر بان التوقيت يؤجل ربع ساعة عشان الصلاة دول اخوان اوعي تقوليلي انهم فوجئوا ان موعد الصلاة حان قبل البدء بدقائق ,,

باينه اوي انها حركة مقصودة امام الكاميرات والحضور والاعلام لتوصيل رسالة سياسية ما ولا اعيب عليهم ,, انما تصوير الامر انه تلقائي وعفو الخاطر فغير صحيح

عقولنا نعمه من الله بها علينا

والقليل من الحياد قد يفيد احيانا ,,

[عبير يونس]

لو لم يكن هناك غرض فالصلاة فرض خصوصا عندما لا يكون هناك مكان مخصص للصلاة و ماحدش يدعو الإخوان لندوة او مؤتمر و بعدين يقولهم ماتصلوش

أخي الكريم

محدش قال لهم ماتصلوش

بس الإخوان و المسلمين عموما بيبقوا عارفين مواعيد الصلاة

و كان من الممكن جدا أن يطلب الدكتور عبد المنعم عدم بدء الندوة إلا بعد أداء الصلاة

خصوصا أنه ضيف الندوة

و كان من الممكن ترتيب ذلك مسبقا

حيث أن موعد الصلاة لم يكن مفاجأة لأحد

الأولوية للصلاة في ترتيب المواعيد

و الصلاة تحديدا

قال فيها رب العزة

{ إِنَّ الصَّلاَةَ كَانَتْ عَلَى الْمُؤْمِنِينَ كِتَاباً مَّوْقُوتاً }النساء103

و كذلك كل شعائر عباداتنا

التوقيت فيها مهم جدا

و في أغلب العبادات فالتوقيت هو الأساس

المشهد كده مش في صالح الإخوان و لا المسلمين عموما

هل كانوا ناسيين الصلاة مثلا و تذكروها فجأة ؟؟!!!

أم أننا نتفق على موعد ثم ندع الآخرين ينتظرون؟؟

هل هذا هو سلوك المسلم ؟؟؟!!!

و أمام غير المسلمين و أمام جمع إعلامي سيعرض المشهد على الجميع؟؟!!!

أم أنه سوء تخطيط يدل على أن العرب و المسلمين لم يسمعوا من قبل عن شيء اسمه " التخطيط " و عمل جدول للأولويات!!!

أسوأ دعاية للدين القيم الذي علم البشرية التنظيم و الاهتمام بالوقت و الحفاظ على المواعيد

[أبو محمد]

والله يا جماعة أن لما قرأت أول مداخلة فكرت : "ليه الموضوع ده تم إدراجه فى باب سياسة داخلية" ؟ .. ده مكانه المناسب هو هدى الإسلام .. والمفروض يكون عنوانه "الصلاة لوقتها"

قلت أتابع لما اشوف الموضوع رايح فين

لقيت مداخلة للفاضل "محمد عبد العزيز" .. بيقول إن الموضوع فكره بالصلاة أثناء المظاهرات وتكوين جماعتين (لازقين فى بعض) .. وفى الحقيقة الموضوع ده فكرنى بصلاة الجمعة فى جامع ابراهيم ، كانت جمعة الغضب ، وكان فيه جماعتين برضه لازقين فى بعض .. وعندما جلت بنظرى بين المصلين بعد انتهائها استطعت أن أتبين من كان هنا ومن كان هناك

الملاحظة الأهم هى أنى ما لقيتش حد من الزملاء الأفاضل علق على المناقشة القصيرة بين الفاضل "محمد عبد العزيز" والفاضل "أبو محمد بن مصطفى" ...... للأسف الكل مهتم الصلاة كانت فين ، ولم يهتم بجواز أو عدم جواز وجود جماعتين فى نفس المكان

عند هذه النقطة .. أدركت لماذا تم إدراج الموضوع فى باب سياسة داخلية وليس فى باب هدى الإسلام

بس كده .. لقيت نفسى سرحت .. ولما فقت ، كتبت المداخلة دى

[ComingSoon]

هنيئاً لكم ايها الاخوان بأعدائكم!

صدق الشاعر العربي حين قال:

وإذا أراد الله نشر فضيلة

طويت أتاح لها لسان حسود

[se_ Elsyed]

هنيئاً لكم ايها الاخوان بأعدائكم!

صدق الشاعر العربي حين قال:

وإذا أراد الله نشر فضيلة

طويت أتاح لها لسان حسود

الزميل الفاضل ... أسلوبك غير مقبول بالمرة ... وهو ليس أسلوباً للتحاور ...

ففي فن التحاور لا يوجد أعداء وجيوش وحروب ..

أرجع لسيل مداخلاتك كلها خلال اليوم فقط ... وستُفاجأ بأسلوبك الغريب ...

[م تيمور المراغي]

لا فض فوك يا اباسوون ,,

:happy:

[عبير يونس]

هنيئاً لكم ايها الاخوان بأعدائكم!

صدق الشاعر العربي حين قال:

وإذا أراد الله نشر فضيلة

طويت أتاح لها لسان حسود

مين حضرتك

و ايه صفتك

عشان تتجرأ و تصف زملاءك في المحاورات هكذا

أعداء من يا حضرت

كل اللي اشتركوا مسلمين موحدين و ليس لك أي حق في تصنيف أحد

من أعطاك هذا الحق فبدأت تصنف الناس كما تحب؟؟

أرجو أن تراعي ألفاظك و أنت تتحدث إلينا

اللهم اصرف عنا كل من يسير على هذا الفكر " الخوارجي " التكفيري

حسبي الله و نعم الوكيل

و أفوض أمري إلى الله الواحد القهار

اللهم ولي علينا خيارنا