هو مبارك ماتقبضش عليه ليه لغايت دلوقت ؟

[اغابي]

..

تعليقى على رد سيدتى الفاضلة

اغابي

- وهتفشل انت وقضيتك لان مفيش قضية سابقة تشبهها ابدا فى الوقائع او الاحداث - بس مش مشكلة خلينا نكمل

افهم قصد سيادتك تماااما ولكن انا هنا

اتخيل الحوار بين الدفاع والأدعاء والقاضى

والمشادة الكلامية بينهم

اما بخصوص ان القاضى يمل من المرافعه فهذا غير صحيح ولا اعتقد ان قاضى يمل من المرافعه اطلاقا

انا اتذكرت تماااما مرافعه الدفاع فى قضية

(هشام طلعت مصطفى )

استمرت مرافعه الدفاع اكثر من 4 سعات والقاضى لم يمل ابداا

وكذلك فى عدة قضايا

اخرى

وهذا راى الشخصى

فمرافعتى هذة

اديك قولت - هشام طلعت - يعنى قضية مختلفة ومذكرتها ليست كاى مذكرة

ووقعت احداثها متسلسلة حسب رواية الشهود فى اكثر من دولة - ما بين مصر ودبي ولبنان ولندن

بالاضافة ان طرفى القضية شخصيات بارزة - رجل اعمال ومطربة بالاضافة انها قضية راى عام

بالاضافة الى انها تم ادراج اسماء كثيرة متورطة فى القضية - لتلفيق التهمة لهشام طلعت - مثل الوليد ابن طلال واحمد عز

فى عملية قلب مفتوح بتاخد وقت 9 ساعات وفى عملية لوزتين - بتاخد وقت ساعة - حسب خطورة العملية

يا ترى كل القضايا هتكون لشخصيات بارزة ولا ممكن ان حضرتك تدافع عن راجل بسيط من عامة الشعب

ووقتها تاكد ان لو المذكرة مطلولة هيمل منها القاضي

اخيرا

انا بشجعك جدا وربنا يوفقك فى طريقك وتبقى احسن محامى فى مصر انشالله

بالتوفيق يا استاذ محمد بجد ربنا يوفقك وتوصل لكل اللى بتتمناه

[افندينا]

عتريس فتح الهويس

والثوار بقوا علي نهج ابطال فيلم شئ من الخوف

مبارك باطل

جمال مبارك باطل

صفوت الشريف باطل

فتحي سرور باطل

ودي كانت من اكتر هتافات الثورة

بس الثوار نسيوا في الاخر يولعوا في عتريس :closedeyes:

[jasmin hamed]

بسيطة

لأن الشرطة العسكرية مشغولة بما هو اهم واجدى للوطن

مثلا الحفاظ على كرامة رؤساء تحرير الجرائد القومية والتليفزيون امثال عبداللطيف المناوى وسامى عبدالعزيز

ومشغولة كمان باعتقال شباب الثورة وتعذيبهم وانتهاك حقوقهم الأدمية ( لم نسمع عن اى شخص من كلاب الحزب الوطنى - وقياداته اهين كما اهين معتقلى 9 مارس... )

لأن الشرطة العسكرية مشغولة بكهربة طلبة كلية الاعلام بالصواعق الكهربية لن ولاد ال.... عاوزين العميد المنافق وقائد حملة مبارك فى انتخابات 2005 يمشى

لأن الشرطة العسكرية مشغولة بالقبض على بعض الفلاحين كما حدث .....

كمان لأن معظم مثقفى الوطن وقياداته واخوانه وسلفييه ويساريه وعلمانيه اصبح شغلهم الشاغل اكتشاف نقاط الاختلاف واشعال نار الفتنة والفرقة فى كل حاجه ...وكانه 25 يناير كانوا اللى موجودين فى ميدان التحرير كائنات فضائية مش مصريين

لأن احد قيادات الجيش العظيم بيقول امس فى حواره مع يسرى فودة - بخصوص عدم القبض على الثلاثى المرح صفوت وعزمى وسرور اللى معاه ورق يقدمه للنائب العام ...طيب و الشباب اللى بيقبض عليهم وبيتخبطوا احكام عسكرية من غير ورق ....

انا مش متفائل ابدا بما يحدث ...ربنا يخيب ظنونى

احكام عسكرية على 5 فلاحين بالبحيرة

from EgyTimes ايجى تايمز by Mohammed Maree

اصدرت المحكمة العسكرية بالبحيرة اليوم احكاما عسكرية على خمس فلاحين من قرية العمرية التابعة لمركز شرطة دمنهور وذلك بعد ان داهمت قوة من الشرطة العسكرية القرية واعتقلت الفلاحين بشكل عشوائى يوم الثلاثاء الماضى 22 مارس على خلفية بلاغ من طارق هيكل مفتش امن الدولة السابق بالبحيرة بأن الفلاحين قد اعتدوا على ارضة وفلتلة الموجودة بالقرية , ترأس عملية المداهمة من الشرطة العسكرية والد طارق هيكل بنفسة وتم اعتقال خمس فلاحين حولوا مباشرة الى المحكمة العسكرية اليوم 25 مارس التى اصدرت حكمها كالأتى

- عبدالله عبد الحميد عبد اللاه سنة مع إيقاف التنفيذ

- شعبان عبدالله الحبس خمس سنوات

- حلمي عبدالله الحبس خمس سنوات

- محمد عبدالله الحبس خمس سنوات

- ناصر عبدالحميد الحبس خمس سنوات

كلام حضرتك هلخصه فى كلمه واحده هيه التشتيت

الناس كانو بيطالبو ان مبارك يمشى مشى ركزو على الحكومه مشيت

حل مجلس الشعب حل امن الدوله و هكذا لازم نعرف ان الخطوه الحاليه هيه الحساب

مبارك لاوم كل برنامج لازم كل صحيفه كل موقع على النت يطالب

بحبس مبارك و عائلته و سرعه استرداد الاموال

[fatfouta]

عتريس فتح الهويس

والثوار بقوا علي نهج ابطال فيلم شئ من الخوف

مبارك باطل

جمال مبارك باطل

صفوت الشريف باطل

فتحي سرور باطل

ودي كانت من اكتر هتافات الثورة

بس الثوار نسيوا في الاخر يولعوا في عتريس :closedeyes:

عتريس انخلع ...وتتم الان مطاردة باقى العصابة ....يا فرحتك يا فؤادة ...

[jasmin hamed]

السلام عليكم و رحمة الله و بركاته

الخطوة اللي بعد السؤال ده يا جاسمين

نعمل ايه عشان نطالب بمحاكمته فعليا؟؟؟

ايه القناة الشرعية

ملاحظة وجود عدد من البيانات و بيتم عمل عليها توقيعات...هل يمكن نطلع باستفتاء مثلا بمحاكمة مبارك و بالتالي تكون ورقة ضاغطة للتنفيذ العاجل دلوقتي..؟؟؟

ايه الآلية بقي؟؟؟

تحياتي

اتصور هيه نفس الاليه الى اتبعت لاقالة شفيق

مظاهرات اعلاميه

مظاهرات فيس بوكيه

صفحات رئاية الوزاره و المجلس الاعلى لازم تتملى بتعليقات

اذا هما بعرفو ايه البيدور فى عقل المصرين من الانترنت

و اطمنو ان اغلب كلامنا بقى فى مواضيع فرعيه بتهد اكتر مما بتبنى

لازم المسئولين يعرفو اننا مركزين عارفين الخطوه الجايه ان الحوارات بتاعت

البرلمانيه و الرئاسيه

الاستفتاء مش هتنسينا حقنا الى لسه عندهم

مش معقول تبقى مصر بتمر بازمه اقتصاديه و فلوسها مسروقه و جزء منها لسه فى البلد و

و مش عارفين نتحصل عليها