بفكر ارشح نفسي لمجلس الشعب..

[الباشمهندس ياسر]

مساء الورد

انا بفكر جديا ف ي اتخاذ قرار اني ارشح نفسي لمجلس الشعب

مش هنكر ان الموضوع كان ف بالي من زمان .. لكني مكنتش متصور اني ممكن اعملها بدري اوي كده

لاسباب منها اني كنت بسافر باستمرار و الوضع السياسي كان زي ما كلنا فاهميين

دلوقتي الوضع اتغير

انا بطلت سفر بقالي سنة تقريبا

و الوضع السياسي اتغير تماما بفضل الله

ووجود سبب رئيسي استجد

احنا فين

احنا الشعب

احنا اللي مش معاهم

لا ف اليمين ولا ف الشمال ولا في حتة خالص

ولاد البلد و اصحابها

الدائرة عندنا فيها اكتر من مرشح منهم الحزب الوطني و المرشح التاني من الاخوان

و زي ما انا كاتب ف الاقتباس اللي تحت من اكتر من سنة

و عليه

انا فكرت استشيركم في الموضوع

و ارجو الله انكم متبخلوش بأي نصيحة من اي شكل

مع العلم اني مكنتش اعرف اي حاجة عن المشاركة السياسية بصورة صحيحة قبل اشتراكي ف المحاورات

لم يكن الامر قبلها اكثر من مناقشات الجامعه العادية لاي مجموعة طلبة مهتمة بأمر الوطن او الامة

تحياتي و ف انتظاركم

زملائي الأعزاء ..

هل تسمحوا لي بسؤال بسيط ؟؟

من هو عضو مجلس الشعب الذي يمثل دائرتك الآن ؟؟

هل تعرف علي الأقل اسمه .. و لن أطلب منك ان تذكر لي ما قام به في الدورة الأخيرة ؟؟

علي الأقل هل نال هذا الأمر انتباهنا و لو مرة واحدة ؟؟

اعرف اسمه تماما و هو المرشح الذى انتخبناه و ينتمى للاخوان المسلمين

و لم نكن نعرفه من سابق و انتخبناه كيدا فى مرشح الحزب الوطنى ... رغم انه جارنا و رجل فى منتهى الاحترام و كثير الخدمات

الا انى لا اظن له صوتا او دورا فى مصلحة الوطن او فى مناقشة التعديلات الدستورية و الاقتراحات القانونية و ما الى ذلك

و لم يقم المرشح الذى فاز بأى امر يذكر على الاطلاق و لا حتى على مستوى الخدمات الجماهيرية

لدرجة انى بفكرر اعمل دراسة للموضوع و يمكن ارشح نفسى ف الدورة بعد القادمة... ايه رايك يا عم سكوب؟؟

[لماضة مصرية جدا]

السلام عليكم و رحمة الله و بركاته

لسه كنت بقرا حاجة عن الخيال السياسي

انا شخصيا مؤمنة بيه جدا

و بالتالي بدل ما اقعد قاول طب و انا اعمل ده ليه.....الواحد يقرر و يقول ليه لا

بس الاهم

حضرتك بتفكر

بس و انت بتفكر.....لازم تنزل لارض الواقع

لان عضوية مجلس الشعب في الظروف العادية كانت بتبقي مطحنة فما بالك في المرحلة اللي جاية و الساحة مفتوحة تماما

برضه حضرتك لازم تنزل لارض الواقع

يعني عرفت ايه المطلوب من عضو مجلس الشعب...ايه اللي ليك....ايه اللي عليك

يا تري الناس في محيط سكنك ايه توجهاتهم....

يا تري لو حضرتك نزلت و اكيد فيه مرشحين اقدم منك....هتكون المقارنة في صالح مين

يا تري هتخلي الناس تديك صوتها ازاي؟؟؟ هتستقطب الناس ازاي؟؟

يا تري البرنامج بتاع حضرتك ايه؟؟؟

دي مش اسئلة احباطية و لا تعجيزية....بالعكس...عشان تحلم علي ارض صلبة

الفكرة محتاجة دراسة....لكنها مش مرفوضة

و مبروك مقدما

علي هامش الترشيحات

ليه حضرتك متحطش التوبيك في موضوعات شخصية

و الله المحاورات يا ولاد عايزالها فرعين نور.....الصبح خبر ان بقي ليها كتاب

و بالليل....احد الاعضاء راح يبقي عضو مجلس شعب باذن الله

ايه الحلاوة دي

بالتوفيق و الي الامام

تحياتي

[Om Zayd]

اذا شايف نفسك تقدر تقوم بدور في هذه المرحلة .. توكل على الله

بالاضافة لكلام الرفيقة لماضة

شايفاها فرصة انك على الاقل تتكلم مع الناس في الدور الصحيح لعضو مجلس الشعب .. و تقدر توعيهم و محدش هيقدر يتكلم انك بتعمل اجتماعات و مؤتمرات .. القانون في صفك

بس بشويش على الناس

و ربنا ييسر الخير

[arkan]

رأيي ان حضرتك تشوف الخطوات اللى قالت عليها اختي لماضة

وبناءا عليها تحط خطة ان حضرتك هتنزل الدورة دى او اللى بعدها

بمعنى لو الظروف مناسبة بعد الدراسة .. ابقى توكل على الله

لو مش مناسبة تبقى خطة حضرتك للدورة الجاية وتبدأ تشتغل عليها من دلوقتي

ربنا يوفق حضرتك

[الباشمهندس ياسر]

و عليكم السلام و رحمة الله و بركاته

انا سعيد جدا بالتجاوب بتاع حضراتكم معايا

حسيت فعلا ان فيه حد ممكن يصدق حد تاني و يتفاعل معاه

يرشده

يحاول ياخد بايده

بداية .. الموضوع كان ف دماغي من فترة .. بس كنت مأجله لموعد معين

شاء الله ان الفكرة ترجع تنط تاني و تبقي قدام عيني عشان متغيرات كتيرة

و علي هذا الاساس انا بدات بعرض الفكره هنا.. قبل ما اعرضها في حتة تانية

و انتظرت ان حد هنا يساعدني بتوجيه فعلي

حد من المتمرسيين ف العمل السياسي..حد خاض التجربة

و مازلت ف انتظار مشاركات من هذا القبيل

نمسك بقي المشاركات اللي حصلة فعلا

[الباشمهندس ياسر]

السلام عليكم و رحمة الله و بركاته

لسه كنت بقرا حاجة عن الخيال السياسي

انا شخصيا مؤمنة بيه جدا

و بالتالي بدل ما اقعد قاول طب و انا اعمل ده ليه.....الواحد يقرر و يقول ليه لا

بس الاهم

حضرتك بتفكر

بس و انت بتفكر.....لازم تنزل لارض الواقع

لان عضوية مجلس الشعب في الظروف العادية كانت بتبقي مطحنة فما بالك في المرحلة اللي جاية و الساحة مفتوحة تماما

برضه حضرتك لازم تنزل لارض الواقع

يعني عرفت ايه المطلوب من عضو مجلس الشعب...ايه اللي ليك....ايه اللي عليك

يا تري الناس في محيط سكنك ايه توجهاتهم....

يا تري لو حضرتك نزلت و اكيد فيه مرشحين اقدم منك....هتكون المقارنة في صالح مين

يا تري هتخلي الناس تديك صوتها ازاي؟؟؟ هتستقطب الناس ازاي؟؟

يا تري البرنامج بتاع حضرتك ايه؟؟؟

دي مش اسئلة احباطية و لا تعجيزية....بالعكس...عشان تحلم علي ارض صلبة

الفكرة محتاجة دراسة....لكنها مش مرفوضة

و مبروك مقدما

الخيال السياسي .. بفعل السنيين العجاف اللي مرينا بيه اصبح الحلم الحرام

كتييير اوي من شبابنا مقدروش يفكروا مجرد التفكير ف الاتجاه السياسي لانشغالهم بما هو اهم و اولي

افتكر و احنا ف الكلية كنا بندرس مادة ادبية في كل تيرم و مرة اخترت مادة العلوم السياسية

الدكتور قال جملة لم انساها .. لا سياسة لجائع

فعلا الجملة صحيحة و جات ف مقتل

هيفكر ازاي ف السياسة و عالمها و هو مشغول انه يدور علي شغل و بمجرد ما يتجاوز الخطوة دي يدور علي اللي بعدها

و كأن الحياة استلمته ليكون ثورا في ساقيه (( اعزكم الله )) لا يفيق الا علي الموت

عشان كده كان الخيال السياسي ف مصر شبه معدوم .. اللهم الا ابناء الطبقة الحاكمة او اصحاب احلام اليقظة

نزلت لارض الواقع ف الفترة الماضية و بقيت بمشي ف الشارع المصري عموما و افكر

ليه هنا مش زي هناك...هناك ده اي دولة بتحترم نفسها و مواطنيها

ليه شبابنا حتي لما بيفسد بيفسد غلط

ليه اتغيرت عندنا مفاهعيم كتير اوي

مش هقدر اعبر زي ما الاستاذ سعد عبود عضو البرلمان قبل الماضي ما قال ف ميدان التحرير

يا شباب احنا محتاجين نصلح البلد و دي هي المعركة السهلة بعد تنحي هذا الطاغية باذن الله

انما المعركة الصعبة جدا هي ازالة اثار العدوان علي الشخصية المصرية

فعلا الشخصية المصرية اتغيرت و عايزين شغل كتير عشان ترجع زي الاول باذن الله

و اعتقد ان ده هيبقي من اهدافي ان شاء الله

ايه اللي ليا و ايه اللي عليا

اللي ليا لسه معرفوش و ان كنت بدأت اعمل اتصالات ف السبيل ده .. انما اللي عليا هيبقي كتير اوي

خرج الحاكم وصححه " ما من أحد يكون على شيء من أمور هذه الأمة فلم يعدل فيهم إلا كبه الله في النار " يعني الموضوع مش محتاج نباهة انها جهنم و العياذ بالله

مسألة المرشحين القدامي و المحدثين .. ده طبيعي و منتظره

و غالبا هلجأ للمناظرات

و اللي ف صالح الناس هو اللي ينجح

الانفع للناس هو الصح

موضوع استقطاب الناس .. ده هيبقي مشكلة نوعا ما

لان الدائرة كبيرة و فيها شرائح مجتمعية متعدده

حاجة كده شبه الهرم السكاني بتاع مصر

بس ان شاء الله ثم بالاخذ بالاسباب هعمل محاولة قوية ف الدورة دي

و ربنا يوفقنا للخير حيث كان

دعواتك

[الباشمهندس ياسر]

اذا شايف نفسك تقدر تقوم بدور في هذه المرحلة .. توكل على الله

بالاضافة لكلام الرفيقة لماضة

شايفاها فرصة انك على الاقل تتكلم مع الناس في الدور الصحيح لعضو مجلس الشعب .. و تقدر توعيهم و محدش هيقدر يتكلم انك بتعمل اجتماعات و مؤتمرات .. القانون في صفك

بس بشويش على الناس

و ربنا ييسر الخير

شاكر اهتمامك الكريم

و هحاول انه يبقي بالراحة مع الناس

عيوني

[الباشمهندس ياسر]

رأيي ان حضرتك تشوف الخطوات اللى قالت عليها اختي لماضة

وبناءا عليها تحط خطة ان حضرتك هتنزل الدورة دى او اللى بعدها

بمعنى لو الظروف مناسبة بعد الدراسة .. ابقى توكل على الله

لو مش مناسبة تبقى خطة حضرتك للدورة الجاية وتبدأ تشتغل عليها من دلوقتي

ربنا يوفق حضرتك

ربنا يهدينا للخير

هنحاول و ربك هو الكريم

[hOuSsAm]

السلام عليكم ورحمة الله وبركاته

ازيك يا بشمهندس يارب تكون بخير

انا لى اتنين سناريو

--------------------

الاول انك تتوكل على الله وتترشح وتبدا تشوف ايه الاهداف اللى المفروض تحققها واللى الناس عايزاك عشانها وكمان الاستراتيجية اللى هتمشى عليها

وهتبدا تتوغل فى قلوب الناس بالية معينة (مش هعرف اقولك الالية دى ازاى لقلة خبرتى) بس الصدق والصراحة والبساطة دى اسهل طرق لقلوب الناس

مش لازم ترسملهم من البحر طحينة وانك هتعمل وهتعمل وانت مش هتقدر

وبردوا مجبلهمش ياس وتقولهم موارد الدولة معدومة

خلى بالك قدامك اتنين مرشحين عتاولة

الاول اخوان ودول منظمين جدا وليهم قاعدة شعبية رهيبة وانت ذات نفسك شكرت فى الراجل وقولت انه كويس

التانى حزب وطنى (انا مش عارف ليهم عين تانى يترشحوا) بس بعضهم يقال عليهم محترمين ومتعرفش نهجهم ايه فى الفترة الجاية (فلوس بقى ولا بلطجية ولا هياخدوا تاييد شعبى منين الله اعلم)

فى الحالة دى انت ممكن تستفيد من انقسام الاصوات بينهم لو كانوا بنفس القوة وتنجح انت (معرفش ازاى بس سعات بتيجى كدة)

وممكن تبقى دى تمهيد للانتخابات بعد القادمة

(بمعنى ان الناس هتكون عرفتك)

وممكن بردوا تتفعص بينهم لانهم الاكثر خبرة منك فى المجال ده

اقولك على سبب نجاح مرشح العمال فى دايرتى فى الدورة السابقة

هو بقاله ثلاث دورات او اربعة بيترشح ومش بينجح خالص

ومعدم ماديا

ومعندوش قاعدة شعبية

بس استفاد من فساد المرشحين اللى كانوا قدامه فى الحزب الوطنى والاصوات اتفتت بينهم هما التلاتة وفى الاخر هو اللى نجح لسبب وحيد هو ان الناس مش عايزة الوشوش التانية

--------------------------------------------------------------------

السناريو التانى

انك تهدا شوية للدورة الجاية

وتلزم لحد من القوى السياسية (مش عشان يمنحك القوة ) ولكن عشان تتعلم منه اصول اللعبة ويشربك سياسة

حاجة كمان انك تبدا تنزل الشارع وليك نشاط اجتماعى وخيرى الناس تعرفك بيه (معلهش انا مش عارف اربطها ازاى بس لازم فى الاول والاخر يكون خالص لوجه الله تعالى ولا يشوبه اى رياء)

(بردوا احد المرشحين عمل كدة نزل انتخابات ولم ينجح واعد الخمس سنين اللى بعدها فى وسط الناس اكنه عضو مجلس الشعب معاهم بقى فى افراحهم واحزانهم لو فيه رصف طريق بيلاقوه واقف ولو فيه مشكلة مع المجلس المحلى بيروح هو ويتكلم لو قسم الشرطة مفيش مشكلة لحد ما الانتخابات الجاية اكتسح وبقوة غصب عن اتخن تخين وبالرغم من انه امريكى الجنسية)

كمان هتشوف الوضع فى مصر الخمس سنين الجاية والحراك السياسى لان محدش بردوا عنده رؤية واضحة الفترة الجاية شكلها ايه فى مصر

-------------------------------------------------

ندعولك يا هندسة بالتوفيق واذا كان نجاحك فيه خير لك ولدايرتك ولمصر فندعو الله ان يقدره لك وييسره لك وان كان فيه شر لك ولدايرتك ولمصر فنسال الله ان يبعدك عنه

والله المستعان

[م تيمور المراغي]

ازاي ماخدتش بالي من التوبيك الجميل ده ,,

ربي يوفقك يا هندسة و شرف لينا كلنا ان زميل فاضل وحبيب لقلوبنا يكون نائب في البرلمان ,,

ربي يعينك على المسئولية انت كده دخلت عش الدبابير برجليك ,,احترس !

واعد لها العدة وكل ما استطعتم من قوة ,,

انت ناوي تترشح مستقل ام تحت حزب معين ؟

عموما طريق الالف ميل يبدا بخطوة ,, ودعواتي القلبية ليك حبيبي بكل التوفيق ومحبة وثقة كل الناس ,,

[mustafagamiel]

ازاي ماخدتش بالي من التوبيك الجميل ده ,,

ربي يوفقك يا هندسة و شرف لينا كلنا ان زميل فاضل وحبيب لقلوبنا يكون نائب في البرلمان ,,

ربي يعينك على المسئولية انت كده دخلت عش الدبابير برجليك ,,احترس !

واعد لها العدة وكل ما استطعتم من قوة ,,

انت ناوي تترشح مستقل ام تحت حزب معين ؟

عموما طريق الالف ميل يبدا بخطوة ,, ودعواتي القلبية ليك حبيبي بكل التوفيق ومحبة وثقة كل الناس ,,

اخوان ياباشمهندس تيمور

هههههههههههههههههههههههههههه

[الباشمهندس ياسر]

ازاي ماخدتش بالي من التوبيك الجميل ده ,,

ربي يوفقك يا هندسة و شرف لينا كلنا ان زميل فاضل وحبيب لقلوبنا يكون نائب في البرلمان ,,

ربي يعينك على المسئولية انت كده دخلت عش الدبابير برجليك ,,احترس !

واعد لها العدة وكل ما استطعتم من قوة ,,

انت ناوي تترشح مستقل ام تحت حزب معين ؟

عموما طريق الالف ميل يبدا بخطوة ,, ودعواتي القلبية ليك حبيبي بكل التوفيق ومحبة وثقة كل الناس ,,

و الله يا اخي انا شاكر مشاعرك الكريمة

بس اعرف تعاطفك لوحده مش كفاية ... عايزين مساهمات فعالة اكتر من كده

انا ناوي ادخل مستقل .. و لسه هعيش ف البرنامج و الليلة دي

الموضوع طلع كبير فعلا

اخوان ياباشمهندس تيمور

هههههههههههههههههههههههههههه

ده انت غاوي تنكد ع الراجل بقي

[الباشمهندس ياسر]

السلام عليكم ورحمة الله وبركاته

ازيك يا بشمهندس يارب تكون بخير

انا لى اتنين سناريو

--------------------

الاول انك تتوكل على الله وتترشح وتبدا تشوف ايه الاهداف اللى المفروض تحققها واللى الناس عايزاك عشانها وكمان الاستراتيجية اللى هتمشى عليها

وهتبدا تتوغل فى قلوب الناس بالية معينة (مش هعرف اقولك الالية دى ازاى لقلة خبرتى) بس الصدق والصراحة والبساطة دى اسهل طرق لقلوب الناس

مش لازم ترسملهم من البحر طحينة وانك هتعمل وهتعمل وانت مش هتقدر

وبردوا مجبلهمش ياس وتقولهم موارد الدولة معدومة

خلى بالك قدامك اتنين مرشحين عتاولة

الاول اخوان ودول منظمين جدا وليهم قاعدة شعبية رهيبة وانت ذات نفسك شكرت فى الراجل وقولت انه كويس

التانى حزب وطنى (انا مش عارف ليهم عين تانى يترشحوا) بس بعضهم يقال عليهم محترمين ومتعرفش نهجهم ايه فى الفترة الجاية (فلوس بقى ولا بلطجية ولا هياخدوا تاييد شعبى منين الله اعلم)

فى الحالة دى انت ممكن تستفيد من انقسام الاصوات بينهم لو كانوا بنفس القوة وتنجح انت (معرفش ازاى بس سعات بتيجى كدة)

وممكن تبقى دى تمهيد للانتخابات بعد القادمة

(بمعنى ان الناس هتكون عرفتك)

وممكن بردوا تتفعص بينهم لانهم الاكثر خبرة منك فى المجال ده

اقولك على سبب نجاح مرشح العمال فى دايرتى فى الدورة السابقة

هو بقاله ثلاث دورات او اربعة بيترشح ومش بينجح خالص

ومعدم ماديا

ومعندوش قاعدة شعبية

بس استفاد من فساد المرشحين اللى كانوا قدامه فى الحزب الوطنى والاصوات اتفتت بينهم هما التلاتة وفى الاخر هو اللى نجح لسبب وحيد هو ان الناس مش عايزة الوشوش التانية

--------------------------------------------------------------------

السناريو التانى

انك تهدا شوية للدورة الجاية

وتلزم لحد من القوى السياسية (مش عشان يمنحك القوة ) ولكن عشان تتعلم منه اصول اللعبة ويشربك سياسة

حاجة كمان انك تبدا تنزل الشارع وليك نشاط اجتماعى وخيرى الناس تعرفك بيه (معلهش انا مش عارف اربطها ازاى بس لازم فى الاول والاخر يكون خالص لوجه الله تعالى ولا يشوبه اى رياء)

(بردوا احد المرشحين عمل كدة نزل انتخابات ولم ينجح واعد الخمس سنين اللى بعدها فى وسط الناس اكنه عضو مجلس الشعب معاهم بقى فى افراحهم واحزانهم لو فيه رصف طريق بيلاقوه واقف ولو فيه مشكلة مع المجلس المحلى بيروح هو ويتكلم لو قسم الشرطة مفيش مشكلة لحد ما الانتخابات الجاية اكتسح وبقوة غصب عن اتخن تخين وبالرغم من انه امريكى الجنسية)

كمان هتشوف الوضع فى مصر الخمس سنين الجاية والحراك السياسى لان محدش بردوا عنده رؤية واضحة الفترة الجاية شكلها ايه فى مصر

-------------------------------------------------

ندعولك يا هندسة بالتوفيق واذا كان نجاحك فيه خير لك ولدايرتك ولمصر فندعو الله ان يقدره لك وييسره لك وان كان فيه شر لك ولدايرتك ولمصر فنسال الله ان يبعدك عنه

والله المستعان

حسام العزيز

كلامك قريب جدا جدا من الحقيقة

الموضوع طلع مش سهل اطلاقا

شبكة كاملة من المتغيرات غريبة الشكل

ان شاء الله ربنا هيكتبلنا الخير حيث كان

بس اهم من كل اللي فات ان الموضوع نفسه مش سهل

الدائرة كبيرة اوي و فيها نموذج مصغر لمصر

كمية مشاكل كبيرة علي مستويات كتيرة

نكمل ف مداخلة تكون تفصيلية اكتر