ايضاح موقفى بعد ماقمت بنشره اليومين الماضيين

[raouf]

انا اردت ان افتح هذا الموضوع وبصراحة كنت متردد قليلا ولكن بعض الاعضاء الافاضل اتهمونى بمحاولة التررويج للاخوان والدفاع عنهم

احببت فط ان اصحبها باقتباس من احد مشاركات اخونا الفاضل ايمن

واتمنى فقط ممن يختلف معى فى الراى ان يحاورنى بالمنطق وصدقونى ساقتنع لو قدم حجج قوية ومن يعرفنى يعرف انى شخص مدنى من الدرجة الاولى وللاسف لست الملتزم جدا دينيا مثلا فزوجتى غير منقبة مثلا وابنى يدرس فى المدرسة الوحيدة بالمملكة التى لا تدرس الدين الاسلامى

يعنى زى معظم المصريين ذو الاتجاه والتدين الوسطى

المهم هذه هى المداخلة وردى عليها وزى ما رديت سابقا فى كل يوم اكتسب خبرات جديدة من الاعضاء الموجودين والممثلين لكل التيارات

aimen, on 24 March 2011 - 10:01 PM, said:

mustafagamiel, on 24 March 2011 - 09:49 PM, said:

إخواني المحاورين وماذا بعد

من المستفيد من مثل هذا الجدل العقيم واسلوب التشكيك والتخوين؟؟؟

مهندس تيمور توقف الله يبارك فيك

وأيضا اناشد أخي comingsoon

لدرجة انه اصبح يشكك في الشعب ذاته

مرفوض ياباشمهندس

علينا تقبل الديمقراطية ومن هزم يعمل مع الذي كسب لصالح الوطن لكن حضرتك تقول لو نجحوا الاخوان هنتقف في التحرير ده مش كلام والله

ياريت الكل يتوقف عن اتهام الطرف الاخر علشان نستعد للاتي

بكره احمد شفيق هيعلن البرنامج بتاعه في حشد من انصاره

والله اخشى ان يفوز بسبب التفتت الاي احنا فيه ده

بالله عليك ياباشمهندس توقف عن مثل هذه الاتهامات للاخوان وغيرهم داخل المنتدى وخارجه

هذا الموضوع زي زي عشرات المواضيع جدل عقيم ولا خرجنا بنتيجة ايجابية منه

ياريت تكون مصر رقم واحد ونعمل لصالحها

بسي صراحة مهندس ايمور من بعد النتيجة وهو بدأ حملة مستعرة ومسلط سيفه على الاخوان وهذا غير مقبول

وليس للمهندس تيمور وفقط

متحدثى الأخوان وكانهم انتصروا فى حرب

كل حاجه تحصل ويكونوا طرف فيها وكانها فعلا نصر

عصام سلطان يحرج العلمانين

ابو الفتوح يصلى بمكتبة السكندرية - هل تؤيده ام لا

سؤال للمرة الألف

لماذا دائما اسمع عن دعم ووقوف كافة اطياف الشعب - حتى العلمانين الوحشيين والليبرالين المتوحشين - لحصول الأخوان على حقوقهم

وعندما قامت الثورة وبدأت المكاسب

بدأ الإخوان والسلفيين فى توجيه السهام وانتقاد العلمانين واليساريين والليبرالين

مع انهم كانوا فى مركب واحد - كما يقال - فى ميدان التحرير

انا بفكر فعليا اخد اجازة من المنتدى ؟

مع انى مش عضو فعال قوى بس بصراحة بدات ازهق واتعب من اللى بيحصل

يا ادارة المنتدى

شوفوا لنا صرفه

اعتقد نفس الكلام يوجه لمتحدثى الأخوان بالمنتدى

يا ايمن انا مش اخوان واعلنتها 10000 مرة

مش علشان الانتماء لهم جريمة ولكن لان للاسف الشديد اسلوب حياتى لا يؤهلنى للانضمام لهم

انا فقط بدات احاول اظهار الوجه الحقيقى لهم

انا معظم حياتى قضيتها بره مصر وسفر كثيرا فتاثير الاعلام المصرى على ضعيف جدا جدا جدا

فانا ارى الامور بنظرة محايدة تماما

طوال 60 سنة الاعلام يصور الاخوان كانهم ماسكين بندقية كانهم بيكفروا المسيجيين ويدعوا لقتلهم ومعاداتهم

كانهم جميعا متمسحين بالدين ويربوا دقنهم للضحك على الناس

هل تقدر تطلع لى طوال 60 عاما اى فيلم او مسلسل اظهر اى جانب حسن لجد من الاهوان

او حتى اى حد ملتزم دينيا ؟

دائما اما ارهابى او مربى ذقنه رياء

وهذا غير حقيقى بالمرة

طوال 30 عاما الماضية لم اسمع او ارى احد منهم سرق

او استولى على ارض من الدولة او اسخدم العنف فى الدعوة

الاخوان لم ارى منهم الا الاطباء والمهندسين ودكاترة الجامعة

وصدقنى اى واحد منهم انضم للاخوان خسر كثيؤا جدا جدا بانضمامه لهم

فمن ينضم لهم يحرم من التعيين والعمل ويسجن ويشرد هو وكل عائلته

هاسالك سؤال ايه اللى يجبر كل هؤلاء الصفوة على الانضمام للاخوان ؟

سؤال كمان وده واقعى اى اسر فى الجامعة التى كانت تقوم بالانشطة المفيدة من طبع مذكرات وارشاد الطلاب الجدد بل وعمل مجموعات تقوية سنجدها كلها الاسر الاسلامية

ماذا استفدت شخصيا من اتحاد طلبة الكلية ذو الميزانية المهولة ؟

لماذا فقط تتعاقب الحكزمان وتختلف فيما بينها الا على شىء واحد تتفق عليه وهو الرعب من الاخوان ؟

ارجو منك فقط مراجعة كلامى وستعرف انى بدات مواضيعى عن الاهوان فقط بعد الاستفتاء فى الخمسة ايام الماضية فقط هل تعلم لماذا ؟

لانى رايت حملة كبيرة من معظم الاعضاء على الاخوان وهى بدون اى وجهة حق من تظرى

وسبب اساسى اوضح لى هذا هو صديقى تيمور اللى تغير حاله تماما بعد الاستفتاء مش عارف ليه

[لماضة مصرية جدا]

السلام عليكم و رحمة الله و بركاته

طب اتصدق حضرتك....انا فعلا زعلانة

و سامحني اني مقرتشي كل المدخلات اللي حضرتك اوردتها

بص بقي....حضرتك....لا اخوان...و لا علماني...و لا يسار...و لا حزب وسط....و لا اي حاجة من المصطلحات اللي فعلا مش فاهماها

بس اللي فاهماه دلوقتي

حضرتك مصري......و لا مصري

بس خلاص

و نحط نقطة.....و من أول السطر

مسا حضرتك....مصري جدا

و سامحني علي التطفل...و اني حاشرة مناخيري....بس و الله الوقت اللي احنا فيه دلوقتي مش مستحمل خالص ان كل واحد يمسك في جلابية التاني

طب بلاش جلابية....يمسك....في كرافتة التاني :)

نستحمل بعض

و الحوار راح يستمر....باذن الله طول ما احنا شايفين.....مصر...و بس

تحياتي استاذي

[raouf]

السلام عليكم و رحمة الله و بركاته

طب اتصدق حضرتك....انا فعلا زعلانة

و سامحني اني مقرتشي كل المدخلات اللي حضرتك اوردتها

بص بقي....حضرتك....لا اخوان...و لا علماني...و لا يسار...و لا حزب وسط....و لا اي حاجة من المصطلحات اللي فعلا مش فاهماها

بس اللي فاهماه دلوقتي

حضرتك مصري......و لا مصري

بس خلاص

و نحط نقطة.....و من أول السطر

مسا حضرتك....مصري جدا

و سامحني علي التطفل...و اني حاشرة مناخيري....بس و الله الوقت اللي احنا فيه دلوقتي مش مستحمل خالص ان كل واحد يمسك في جلابية التاني

طب بلاش جلابية....يمسك....في كرافتة التاني :)

نستحمل بعض

و الحوار راح يستمر....باذن الله طول ما احنا شايفين.....مصر...و بس

تحياتي استاذي

شكرا لك اختى لماضة

والله انا ولا اخوان

ولا ليبرالى

ولا علمانى ولا لى اى اتجاه سياسى

انا فقط بادافع عن جماعة حاسس انهم دائما مظلومين

وبادافع عن عدد كبير من ابناء بلدى

والاهم بدافع عن بلدى التى اذوب فى حبها

كل منا له وجهة نظر

انا مفتون ومبهور بالنموذج التركى

بالمموذج الماليزى

والذى ارى انهم اقرب النماذج التى يجب ان نقدى بها فى هذه المرحلة على الاقل

من ضحى يجب ان يجنى ثمار تضحيته صح ؟

دلوقتى بنقول الثورة استشهد فيه 400 شهيد طيب الاخوان قتل منهم اثناء التعذيب والاعتقال اضعاف اضعاف هذا العدد ولم يفتح احد هذا الموضوع

لم ارى اى احد من الاخوان خدم منظقته او اولاد دائرته بمقابل مادى

وبعدين بصراحة الهجوم ضارى جدا ونعظم من يهاجم بعضهم علماء دين

قريبا جدا سيتم الهجوم بشكل رسمى على الدين نفسه

الاهم انى ارى كل من نادى بالديموقراطية عند اول راى خالف رايه قام بتبنى نظرية التزوير وحجج واهية وهذا هو الخطر لان الف باء ديموقراطية احترام راى الاعلبية مهما كان الراى

تم تعديل 24 مارس 2011 بواسطة raouf

[لماضة مصرية جدا]

الاهم انى ارى كل من نادى بالديموقراطية عند اول راى خالف رايه قام بتبنى نظرية التزوير وحجج واهية وهذا هو الخطر لان الف باء ديموقراطية احترام راى الاعلبية مهما كان الراى

السلام عليكم و رحمة الله و بركاته

عارف ليه يا استاذي....و دي وجهة نظري الخاصة جدا

عشان احنا بننادي بالديمقراطية.....بس احنا لسه مامارسنهاش و لا اتعودنا عليها و لا خلناها منهج لحياتنا و طريقة تفكيرنا

و ده مش ممكن راح يتغير بمجرد ما احنا قاعدين نرفع شعار الديمقراطية ام 11 حرف

دي ابجدية بحالها....دي منهج منظم و خطوات تفكير

و حيادية.....بتتطلب جهد و معافرة في النفس عشان نوصلها

لو تسمحلي اقول لحضرتك حاجة بحسها في اوقات كتير

الناس لما بتخش تتخانق في بعضها و خصوصا في اختلافات وجهة النظر....انا علي اد ما بحس بالخنقة فعلا زي حضرتك....بس بقول....كويس....ما هو لسه اللي بيتعمل المشي....لازم يقع...و يتكعبل....و يتسند...و بعدين يرجع يقف تاني

معلشي مصطلحاتي طفولية....و مش عارفة اجعلصها....بس بكتب لحضرتك اللي بيجي في بالي

لو مكان حضرتك

هشيل كل المداخلات.....مش عشاننا...عشان حضرتك,,,انت لانها راح تفكرك كل شوية....ان حد طرف عينك

خلينا نكمل حوارنا.....هنزعق تاني علي فكرة....و هنتخانق تاني .....يوووووه كتير....بس برضه هنلاقي في كل مرة كسبنا بونت جديد

بالنسبة لتخوف حضرتك ان التطاول يجي علي الدين...نفسه...مش مع حضرتك فيه

مش ممكن

الفطرة السليمة ...ساعتها راح تلاقي سكتها

معلشي علي الاطالة

بس نستحمل بعض

مسا حضرتك.....مشوار حوار....طويل...لسه بنقول يا هادي

في امان الله

[عادل أبوزيد]

الثورة ... ثورة 25 يناير أسقطت كل اللافتات و ال "ماركات" المفتعلة و لم يبقى إلا علامة "مصرى" فقط

ما سبق كان إستهلالا لابد منه

فى الماضى يا سيدى كان القهر يخفى المعدن البراق الحقيقى لشعب مصر .... كنا كلنا مقهورين ...كلمة قهر هى الوصف الحقيقى لما كنا فيه .... كل منا كان مقهورا لسبب أو لآخر.

بثورة 25 يناير سقط القهر و إرتفعت الهامات كل الهامات و هذا هو النصر الكبير دعك من الإخوان هل كنت تتصور قبل الثورة أن يخرج الأقباط فى مظاهرة أيا كان سببها هل يمكن أن تتصور قبطى يقف جنبا لجنب مع سلفى جنبا لجنب فى ميدان التحرير.

كانت الإخوان جماعة مغلقة لا يمكنك الإنخراط فيها و تعمل بتنظيم الخلايا العنقودية بمسميات و مراتب مختلفة تغمض على المواطن العادى ... بدءا من الثورة بدأت الفواصل و خطوط السلطة الفولاذية داخل جماعة الإخوان المسلمين تهتز و بدأنا نسمع عن شباب الإخوان الذين يرفضون إلغاء ذواتهم ذوبانا فى الجماعة.

مع الثورة أصبح كل منا مسئولا عن نفسه و رأيه.

على المثقفين الآن الإنخراط مع بسطاء الناس فى كل مكان تماما كما حدث فى التحرير ........ مصر حاجة كبيرة جدا و تستحق كل جهد منا جميعا.

مستقبل جماعة الإخوان المسلمين إما أن تنفتح و تتحول لحزب يقبل الجميع فى عضويتها و تقبل الدولة المدنية أو أن تبقى جمعية دينية مغلقة و تترك السياسة بالكامل.

[Om Zayd]

هقول حاجة صغيرة اوي

من حق كل واحد يعبر عن رايه بمنتهى الحماس .. من غير ما يطعن في حد او يقارن

و يخلي دايما قدامه مصلحة بلدنا

نسوّق للفكرة اللي شايفين انها في مصلحة بلدنا

من غير ما نشوه أفكار حد تاني

كلامي مش لشخص معين

يمكن لي انا اول واحدة

:egyflag:

[raouf]

كلامك رائع لماضة

معظمنا لم يمارس الديموقراطية الحقيقية

ممكن كل واحد يقول ادلى بصوته كام مرة فى حياته ؟

انا اتذكر اخر انتخابات نزيهة حضرتها وشاركت بها كانت انتخابات رائد الفصل فى المرحلة الابتدائية

بعده من اول الاعدادية كله بالتعييين ههههههههههههههه

بجد ياريت كلنا فقط نعيش مع انفسنا ونفغض اعيننا ونتذكر متى اخر مرة مارسنا الديموقراطية الحقيقية

سواء بالمدرسة او الجامعة او الانتخابات المحليات او مجلس الشعب او الرئاسة او حتى فى البيت

حتى بيوتنا تربينا ان كلام الاب واجب النفاذ بدون حوار كم مرة جلسنا مع اولادنا قبل اتخاذ قرار ونفذنا راى الاغلبية داخل العائلة ؟

صدقونى جميعنا نحتاج دروس قى الديموقراطية

واول الدروس احترام راى الاغلبية

وثانيهما عدم تحقير او تجريح المنافس فقط اظهر وبين نقاط ضعف برنامجه السياسى ولا تهاجم شخصه

وتذكر ان معظم المنافسين يحبون مصر ولكن كل منهم يريد نحقيق تقدم البلد ورقيها بطريقة يراها هو صحيحة

يجب ان نتعلم كيف يحترم الاقلية بنسبة 49.9 راى الاغلبية اللى ب50.1

ولنا باخر انتخابات رئاسة امريكية مثال

تم تعديل 24 مارس 2011 بواسطة raouf

[عادل أبوزيد]

المهم ألا نتعصب لرؤيتنا الشخصية بلا حدود و هنا يكون الحوار صحيا و مثمرا و فى خضم الحوار البناء بيننا سنخرج حتما برؤى أخرى أكثر نضوجا.

ما سبق كان إستهلالا لابد منه

التيارات الإسلامية كانت دائما مقهورة أو مظلومة إلى حد كبير لكن من قال أن المثقفين العاديين لم يكونوا مقهورين.

حوارنا معا هنا يمكن أن يفرز أفكارا بناءة لبناء الوطن.

[raouf]

المهم ألا نتعصب لرؤيتنا الشخصية بلا حدود و هنا يكون الحوار صحيا و مثمرا و فى خضم الحوار البناء بيننا سنخرج حتما برؤى أخرى أكثر نضوجا.

ما سبق كان إستهلالا لابد منه

التيارات الإسلامية كانت دائما مقهورة أو مظلومة إلى حد كبير لكن من قال أن المثقفين العاديين لم يكونوا مقهورين.

حوارنا معا هنا يمكن أن يفرز أفكارا بناءة لبناء الوطن.

بالظبط استاذ عادل

ارجو ان تعتبر خبرتى السياسية صفر

كمعظم المصريين وساتحدث كمواطن بسيط من العامة

انا مواطن مصرى مثل معظم المصرين لا يوجد اتجاه سياسى واضح لهم

فقط الجهة الوحيدة المنظمة والتى قدمت برنامج وقدمت نفسها على ارض الواقع لمدة 30 سنة هم الاخوان

بالله عليك كمواطن مصرى ماذا قدم لى الوقد ؟ او التجمع ؟ او اى من الاحزاب الموجودة ؟

قدموا فقط الفقر و مصالحهم الشخصية علشان يكونوا بشوات

فرفقا بالشعب المصرى الذى لم يرى امامه الا الاخوان

ورفقا بالاخوان الذين ليس لهم ذنب الا انهم الفصيل المنظم الوحيد

الديموقراطية تحتاج الى وقت

وهذا الوقت هو الوقت الذهبى للاحزاب لتعرض رؤيتها وتكتسب اعضاء جدد

الشارع موجود

الريف موجود

الصعيد موجود

فالسياسة ليست فى القاهرة والاسكندرية فقط

وهذا بالظبط مافعله الاهوان

فهم فى كل شارع ونجع وقرية حتى ونقابة

انا كمهندس جربت الاخوان فى نقابة المهندسين وشفتهم فعلا العصر الذهبى للنقابة

لو اداروا البلد كما ادراروا النقابة كمثال سنصبح من العشرين دولة الكبار فى خمس سنوات

وشرفتى بالمرور والتعقيب

تم تعديل 24 مارس 2011 بواسطة raouf

[لونا]

في نقاش مع واحدة حبيبتي سألتني سؤال مفاجئ .. إنت سلفية؟

و كانت أول مرة حد يسألني السؤال ده

جاوبتها بعفوية .. أنا مسلمة و فقط

لا أحب التصنيف ..

تعجبني بعض الأفكار من هنا و هناك

و أرفض بعض الأفكار ايضًا

فالإخوان و السلفيين ...أتفق و أختلف معهم

عادي يعني كلهم يؤخذ من آرائهم و يرد

و لما أتكلم على الشأن المصري

فأنا مصرية و فقط

قد أتفق مع علمانيين أو ليبراليين أو إخوان .. أو أختلف معهم

[arkan]

السلام عليكم

تصدق بالله ياأستاذ رؤف انا من الامس وانا بحاول اخد قرار قبل ماأرد على اي حد

انا يمكن اول مرة ادخل في نقاش وقدامكم مداخلاتي ولحظي الحلو جت في موضوع ذكر فيه الاخوان

هل المفروض ان الواحد يحلف يمين الاول قبل ما يكتب انه يتبع او لا يتبع اي تيار

كنت في قمة حماسي ايام الثورة ومش حاسة بفرق بيني وبين اى حد في المنتدى .. كنا كلنا واحد..وانقطعت شوية واتابع بدون مداخلات لما شفت الجدل والاختلاف وانا بطبعي مسالمة شوية- بس شرشة وقت اللزوم - لغاية وقت الاستفتاء مكنتش قادرة مااكتبش

وبالامس مش عايزة ادخل في جدال اكتر من اللازم لانه لم يكن حوار

وانا يمكن زى حضرتك مش بحب حد يجي على مظلوم قوي

المصريين كلهم عاشوا سنين ظلم والاخوان عانوا منجيش بقى دلوقتى ونزود المعاناة بدون ادلة بل فيما كمان يخص النيات

زيهم زى كل الناس لهم ما لهم وعليهم ما عليهم

ممكن يجمعنا شيء ويفرفنا شىء اخر

مش عايزة ازود في الكلام حول الاخوان لشان الموضوع مايتقلبش لجدال تاني

والموضوع بقى تصنيف

السلفيين ازعل من بعض ارائهم بس مش معنى كده اننا نقعد نهاجم فيهم عمال على بطال

الحسنة اللى انا شايفاها دلوقتي في الاعلام بعد الثورة انهم بيستضيفوا رموز من الاخوان والسلفيين يعرضوا افكارهم زى ما الاعلام كان متاح للتيارات الاخرى.. وكلنا كبار واصحاب عقول نقدر نختار من يتوافق مع مبادئنا وافكارنا

ولما يترشح حد من من نسميهم بالاسلاميين للرئاسة ولا لمجلس الشعب يببقى ساعتها انزل وقول رايك

صباحكم ......... حرية

[arkan]

السلام عليكم و رحمة الله و بركاته

طب اتصدق حضرتك....انا فعلا زعلانة

و سامحني اني مقرتشي كل المدخلات اللي حضرتك اوردتها

بص بقي....حضرتك....لا اخوان...و لا علماني...و لا يسار...و لا حزب وسط....و لا اي حاجة من المصطلحات اللي فعلا مش فاهماها

بس اللي فاهماه دلوقتي

حضرتك مصري......و لا مصري

بس خلاص

و نحط نقطة.....و من أول السطر

مسا حضرتك....مصري جدا

و سامحني علي التطفل...و اني حاشرة مناخيري....بس و الله الوقت اللي احنا فيه دلوقتي مش مستحمل خالص ان كل واحد يمسك في جلابية التاني

طب بلاش جلابية....يمسك....في كرافتة التاني :)

نستحمل بعض

و الحوار راح يستمر....باذن الله طول ما احنا شايفين.....مصر...و بس

تحياتي استاذي

العزيزة ريهام

والل ده اللى نفسي فيه نبص لمصر وبس

هتبقي كويسة ومتقدمة وأحسن بلد في العالم في كل شيء بسين او صاد ماتفرقش معايا

العظماء في مصر كتير منعرفش منهم غير اللى بيجي في الاعلام

خلينا ندعي اللهم ولي علينا خيارنا

[raouf]

السلام عليكم

تصدق بالله ياأستاذ رؤف انا من الامس وانا بحاول اخد قرار قبل ماأرد على اي حد

انا يمكن اول مرة ادخل في نقاش وقدامكم مداخلاتي ولحظي الحلو جت في موضوع ذكر فيه الاخوان

هل المفروض ان الواحد يحلف يمين الاول قبل ما يكتب انه يتبع او لا يتبع اي تيار

كنت في قمة حماسي ايام الثورة ومش حاسة بفرق بيني وبين اى حد في المنتدى .. كنا كلنا واحد..وانقطعت شوية واتابع بدون مداخلات لما شفت الجدل والاختلاف وانا بطبعي مسالمة شوية- بس شرشة وقت اللزوم - لغاية وقت الاستفتاء مكنتش قادرة مااكتبش

وبالامس مش عايزة ادخل في جدال اكتر من اللازم لانه لم يكن حوار

وانا يمكن زى حضرتك مش بحب حد يجي على مظلوم قوي

المصريين كلهم عاشوا سنين ظلم والاخوان عانوا منجيش بقى دلوقتى ونزود المعاناة بدون ادلة بل فيما كمان يخص النيات

زيهم زى كل الناس لهم ما لهم وعليهم ما عليهم

ممكن يجمعنا شيء ويفرفنا شىء اخر

مش عايزة ازود في الكلام حول الاخوان لشان الموضوع مايتقلبش لجدال تاني

والموضوع بقى تصنيف

السلفيين ازعل من بعض ارائهم بس مش معنى كده اننا نقعد نهاجم فيهم عمال على بطال

الحسنة اللى انا شايفاها دلوقتي في الاعلام بعد الثورة انهم بيستضيفوا رموز من الاخوان والسلفيين يعرضوا افكارهم زى ما الاعلام كان متاح للتيارات الاخرى.. وكلنا كبار واصحاب عقول نقدر نختار من يتوافق مع مبادئنا وافكارنا

ولما يترشح حد من من نسميهم بالاسلاميين للرئاسة ولا لمجلس الشعب يببقى ساعتها انزل وقول رايك

صباحكم ......... حرية

بالظبط كده حال حضرتك هو حال الشعب المصرى كله

قبل الثورة هناك اتجاهين

جزب وطنى او غير حزب وطنى

وعليك ان تخالر اى اتجاه

كانا كل اللى غير حزب وطنى يعتبر عدو للحكومة

وكل معلومتنا من الاعلام الحكومى ان كل غير ماهو تبع الحزب الوطنى هو

اما ارهابى لانه اسلامى

او جاهل وغير سياسى وبدون خبرة لانه مع باقى الاحزاب الاخرى

وهذه هى معلومات الشعب وللاسف بعض مما يطلق عليهم مثقفين او متعلمين

اما الان بعد الحرية الاعلام مفتوح امام كل الطوائف لتعرض افكارها الحقيقية ومبادئها بعيدا عن ضغوط الحكومة

والحقيقة ان الجماعة الوحيدة التى نجحت على الواقع فى بناء قاعدة وضم مزيد من الشعب هم الاخوان

اين حزب الوفد اللى صدعونا بيه واين باقى الاحزاب

ممكن حد يقولى من يوم 11 فبراير الى الان ماذا فعل اى حزب منهم ؟

هل طرح اى حزب برنامج انتخابى ؟

هل نزل شباب الحزب مثلا لعمل اى حاجة لمصر حنى لو كان تنظيم المرور ؟

مازالوا معتادين على عصر النفاق البائد

لا ناخذ منهم الا الصراخ والعويل والقاء سبب ضعفهم على الاخوان

فدائما يبحثون عن شماعة لاقاء نتيجة ضعفهم قبل ان يبحثوا عن الاسباب والحلول