احتجاجات الصحفيين والاعلاميين..وسرايا يرد (مش همشى)

[ام سلمي]

مش عارفة مظاهرة امبارح ما نفعتش واللا ايه

جبهة التهييس الشعبية

ملحوظة:

المظاهرة عند ماسبيرو كانت قرف وطين على دماغهم، في الاول كانت مش بطالة وبعدين جم ناس كده ما اعرف مدسوسين ولا اغبيا، واغبيا ده مش عذر لأن عدو عاقل خير من صديق جاهل، وقعدوا يسفهوا ويقلوا ادبهم فانا مشيت بقى لما لقيتها عكت كده

ومش حانزل تاني لو استمر جو الهطل ده.. ده ايه القرف ده يا ربي؟

التوقيعات احسن واضمن، على الاقل عارفين ان مافيش مختلين عقليا حيقولوا هتافات حقيرة ومنحطة ولا تقل سفالة وسفاهة وقرف وانحطاط ووساخة وحقارة وطين على دماغهم عن الهتافات اللي كانت بتتقال ايام ماتش الجزائر، وناس بتئذي بلدها وثورتها، يا اما بعلم يا اما بغير علم، وغير العلم مش عذر، لأن فيه حاجة اسمها كومن سنس

قرفتونا شكوك وطين على دماغكم بقى، لو انتوا مدسوسين وبتوع كنتاكي وخمسين يورو يبقى الجيش والمشير متعاونين مع مبارك، زي ما بعض المخاليل بيشكوا في الجيش، الجيش كمان فيه منهم بيشكوا فيكم انكم مندسين وبتوع خمسين يوروا خصوصا لما بتبقوا باعداد قليلة، وانا اقعد اقول لدول: والله ما يقصدوا، واقول لدكهومة: والله ابدا.. وانا بقى مش حاقضي عمري اصلح بين المسلمين والمسيحيين وبعدين بين بتوع نعم ولا وبعدين بين الشعب والجيش... انا مش مأذون شرعي يعني

بس القرف ده ما استحملوش انا خالص

لا المعتصمين بتوع خمسين يورو، ولما بتحصل غلطات بيبقى الغلط بسبب خوفهم وحرصهم على الثورة، مش عشان هم فوضوية وعايزين خراب للبلد.. لأنهم اول ناس حيتئذوا من خراب البلد، ولو عايزين خرابها ما كانوش عرضوا نفسهم للخطر والبهدلة والاصابات والقتل والتعذيب

ولا الجيش والمشير بتوع مبارك، ولما بتحصل غلطات بيبقى بسبب برضه خوفهم وحرصهم على الامن، مش عشان هم بيحبوا مبارك وعايزين ياخدوا الشعب على خوانة، ولو بتوع مبارك كانوا نفذوا الامر وضربوا الشعب وخلصوا الليلة بلا وجع دماغ وهم اول ناس برضه حيئتذوا لو نظام مبارك رجع سواء بابنه او بوكيل لابنه لأن النظام ده عايز ينتقم منهم

فاهدوا بقى انتوا الاتنين

حبوا بعض.. حبوا بعض

حبوا بعض بقى كلكم، مسلمين ومسيحيين، نعميين ولائيين، مدنيين وعسكريين... حبوا بعضضضضضضضضضضضضضض انا اتخنقت

هو الشك في غير محله ده جين مصري ولا ايه؟

[fatfouta]

استبعاد مقدمى برامج «مصر النهاردة» و«من قلب مصر»

القاهرة:

قرر الدكتور سامى الشريف رئيس اتحاد الإذاعة والتليفزيون استبعاد جميع مقدمى البرامج العاملين من الخارج، والدفع بوجوه جادة، وذات مصداقية من بين العاملين بالتليفزيون، ويشمل ذلك جميع البرامج، ومنها «مصر النهاردة»، و«من قلب مصر».

وأكد رئيس الاتحاد أنه تم تغيير 50% من رؤساء قطاعات الإذاعة، والإنتاج، والإقليميات، والتليفزيون، وصوت القاهرة، والمتخصصة، والدفع بدماء شابة، مشيرا إلى أنه تم استبعاد القيادات التى تمت ترقيتها أخيرا بالمخالفة للقانون. وكشف الشريف عن أزمة مالية طاحنة تعانيها قطاعات الاتحاد، وطلب من وزير المالية 200 مليون جنيه لدعم الإنتاج الإعلامي، وتمت الاستجابة بـ 60 مليونا فقط.

الاهرام اليومى

[الغريب]

انا كنت كتبت التعليق ده على الفيس بوك لما قريت خبر أسامة سرايا :

" أسامة سرايا للمحتجين عليه في الأهرام : لن أرحل ،، صحيح ويرحل ليه مادام يحيى الجمل موجود"

[fatfouta]

بلال فضل قال فى لقائه مع يسرى فودة

انا عاوز اسأل دكتور يحيى ليه التباطؤ فى ملف الاعلاميين والصحفيين الفاسدين...عمال تخرج من مكلمة وتدخل فى ملكلمة طول النهار والليل ومافيش قرارات بتاخد ليه؟؟؟

[fatfouta]

خيري رمضان الان في برنامج مصر النهاردة : هذا اخر اسبوع لي انا وتامر في برنامج مصر النهاردة

ياللاااااااا بالسلاااااامة blw)

[fatfouta]

طرد تامر أمين وخيري رمضان من (مصر النهاردة) ولاميس الحديدى من (من قلب مصر) انتصار لا يقل بهجة عن حل أمن الدولة :cheer:

[امير مجروح]

خيري رمضان الان في برنامج مصر النهاردة : هذا اخر اسبوع لي انا وتامر في برنامج مصر النهاردة

ياللاااااااا بالسلاااااامة blw)

يا الف نهااااااااااااااااااااااار ابيض

حاكسر وراهم شاشة التليفزيون بس يمشوا

[ozoozo]

طرد تامر أمين وخيري رمضان من (مصر النهاردة) ولاميس الحديدى من (من قلب مصر) انتصار لا يقل بهجة عن حل أمن الدولة :cheer:

احنا اسفين ياخيري يارمضان

معا لترشيح خيري رمضان (الألدغ) لرئاسه الجمهوريه

ياربي مذيع والدغ

ده ناقص يجيبولنا مذيع اخرس

[fatfouta]

بعض قيادات الاعلام عملوا اسسوا حركة وسموها (حركة اصلاح ماسبيرو) وعملوا موقع عالنترنت للحركة وكمان صفحة عالفيس بوك والنهاردة بيطالبوا سامى الشريف بالاعتذار لهم لانه شكك فى مهنيتهم او مهنية البعض منهم

الخبر من جريدة الدستور

[aimen]

رصد |مصراوي | الإعلام المصري | التليفزيون المصري يختار فيفي عبده الام المثاليه =========================

أحتفل التليفزيون المصري بتكريم الراقصة فيفي عبده بمناسبة عيد الأم …

استضافت قناة نايل دراما الست أصيلة ” فيفي عبده” وبناتها الثلاثه وحفيدتها بمناسبة عيد الأم …

وقدمو لها خلال البرنامج اغنيه اعدت خصيصا لها غناء الفنانه غاده رجب التي وصفت فيفي عبده في اتصال بالحلقه بانها امها وانها اعظم ام

واستقبلت بنات فيفي عبده الأم” المثالية”.. الراقصة فيفي عبده باعتبارها نموذج للأم المثالية وعنوان عريض ومؤثر لرحلة كفاح مرير …

فيفي عبده بدأت حياتها من الصفر ووصلت الى قمة الشهرة بعد تألقها في الرقص ” هز الوسط”.. وكونت نفسها بنفسها من الرقص والفن …

وقدمت للسينما والتليفزيون عدة أعمال درامية وتركت للمصريين والعالم مكتبة زاخرة من أحلى وصلات الرقص … ببدلة الرقص …

نايل دراما .. إحدى قنوات تليفزيون الدولة الرسمي لم تجد من أمهات مصر … سيدة واحدة لها تاريخ طويل في …. , …. سوى الفنانة فيفي عبده لتقدمها للمشاهدين أما مثالية .

[fatfouta]

لا حول ولا قوة إلا بالله العلى العظيم

فيفى عبده هى الأم المثالية؟؟؟؟؟؟؟؟؟

لازم الاعلام الفاسد ده ينقضى عليه فعلا والله

طب يعنى اللى حتى ماختاروا واحدة من امهات الشهداء تبقى هى الام المثالية ورايحين يختاروا فيفى!!!!!!!!!!!

[fatfouta]

صحفيو القومية: انقذونا.....(مظاهرة لهم امام نقابة الصحفيين)

نظم عشرات الصحفيين العاملين بالصحف القومية تظاهرة اليوم أمام نقابة الصحفيين، وهي التظاهرة الثالثة للمطالبة بإقالة رؤساء تحرير الصحف القومية، ورددوا هتافات " الشعب يريد تطهير الاعلام ".. " قاعدين ليه قاعدين ليه .. حسنى راجع ولا ايه " يا بتوع لجنة السياسات يا اللى قتلتوا الكفاءات "

[fatfouta]

لم أرى الحلقة دى كاملة من قبل

اول ايام الثورة وحلقة مصر النهاردة يوم 25 يناير

الاتنين دول....خيرى رمضان وتامر أمين فعلااااا مكانهم مع مبارك((مزبلة التاريخ))....مع السلامة ومش عاوزين نشوفكم تانى

اعتقد ان مافيش قناة محترمة هترضى تشغلهم تانى

شوفوا الحلقة والكلام اللى كانوا بيقولوه منتهى الكذب والرياء

http://www.youtube.com/watch?v=kjQ7WuXrqkk&feature=youtu.be

[fatfouta]

الاعلاميين المتعصمين بيعلوا سقف المطالب وبيطالبوا بإقالة سامى الشريف نفسه

معتصمو ماسبيرو: لايهمنا إقالة لميس الحديدي وخيري رمضان لأن هدفنا إقالة سامي الشريف

يواصل المئات من العاملين بماسبيرو اعتصامهم اعتراضا علي عدم الاستجابة لمطالبهم بإقالة كافة القيادات حتي الأن، وأكد حسين مظهر المتحدث الرسمي باسم المعتصمين أنه لا صحة للأبناء التي ترددت بشأن نيتهم فض الاعتصام، كما أشار المعتصمون أنهم يدعون لمليونية يوم الجمعة المقبل ويطالبون جميع فئات الشعب المصري بالمشاركة فيها لأن أهدافهم ليست فئوية كما يدعي البعض بل هم يسعون لتحقيق هدف قومي بالأساس ، كذلك وصف الإعلاميون المعتصمون قرار سامي الشريف رئيس اتحاد الإذاعة والتلفزيون بالاستغناء عن كافة المتعاملين مع التليفزيون من الخارج ومنهم لميس الحديدي وخيري رمضان تقليصا للنفقات بأنه قرار غير مهم لأن هدفهم الأول هو إقالة القيادات وعلي رأسها سامي الشريف نفسه.

[Simba]

حذف بمعرفتي

تم تعديل 28 مارس 2011 بواسطة سمبا

[fatfouta]

المذيعة هالة فهمي والأستاذ علي عفيفي

والدكتور يحيى الجمل بيقولوهم روحوا اقتلوا المناوى اسها من انى اشيله وانا ابقى ادافع عنكم ساعتها

http://www.youtube.com/watch?v=ofaTr0I-2Sw&feature=player_embedded

[ام سلمي]

مناوي خلوه مستشار يعني ايه ؟

أعلن مجلس رئاسة الوزراء، على صفحته الرسمية بالفيس بوك، عن التغييرات الإعلامية في ماسبيرو حيث أصدر الدكتور عصام شرف رئيس الوزراء قرارا رقم 459 لسنة 2011 بتعيين السيدة نهال كمال محمد حافظ رئيسة لقطاع التلفزيون والسيد إبراهيم كامل إبراهيم الصياد كرئيس لقطاع الأخبار، وتعيين إسماعيل محمد الششتاوي العراقي رئيسا لقطاع الإذاعة.

كما نص القرار على أن ينقل لوظيفة مستشار (أ) من الدرجة الممتازة برئاسة اتحاد الإذاعة والتلفزيون كل من نادية حليم رئيسة التلفزيون السابقة وانتصار شلبي رئيسة الإذاعة السابقة وعبد اللطيف المناوي رئيس قطاع الأخبار السابق.