قصـــة المحـــــــاوراتيين ,, والصنـــــدوق ..

[Om Zayd]

ايه ده؟

:blink:

ايه ده؟

:)

تعالى بسرعة يا زيدو

مامي اسمها مكتوب في القصة .. و بتصوت

بس على فكرة

انا قلت نعم

:P

جزاكم الله خيرا

ادخلت البهجة علينا

(بحب القصص اكثر من الافلام بصراحة

[مغتربة]

لذيذه جدا و مختلفه

احلى ما فيها انك فعلا عرفت تحدد الكاراكتر الصح بتاع كل واحد فينا

على فكره مش كل الناس تقدر تعمل كدا

دى فعلا بتكون موهبه من عند ربنا

انت لازم تشتغل فى مجال اعلامى او فنى بشكل او باخر

لانك فعلا موهوب و حرام الابداع دا كله ينحبس

فكر فيها بجد

:clappingrose:

[Damo]

وقالت دامو :

i am happy

دامو :

ايه الصماء دي يا

architect ??

أنا اعترض

أنا كده سمعتي نزلت الأرض

يعني المرتين اللي أتكلم فيهم مرة بالإنجليش ومعدومة الرأي والمرة التانية سؤال لغوي ومعدومة الراي برضو...ده أنا طلعت في الباي باي خالص لاازم أحسن صورتي قدام شعب المحاورات

أعمل إيه ...أعمل إيه

أنا هفتح فصول تعليم اللغة العربية لغير متحدثي اللغة الإنجليزية

لمزيد من المعلومات انظر الكتاب

سيناريو فظييييع يا ساري

يعني الحق يقال:

i am very happy

صباحكم مكرم مفرم مقبل مدبر

[لماضة مصرية جدا]

السلام عليكم و رحمة الله و بركاته

كرهتك.....اخر سبع حاجات

اه ده....دهدي....(وش واحدة قاعدة تبص ...و تمصمص شفايفه)

انت قاعد تبص علينا من خرم الباب يا ساااااااري...(وش اي واحد قافشة في زمارة ساري و هو موطي و لازق عين في خرم باب المحاورات)

تووووووووحفة

و كمل بقي...و يا ريت كل فترة...تبقي تلزق عينك ع الخرم....و تخلينا نبص علي نفسنا....يا تري بنتحاور إزاي؟؟؟؟

صباحك.....بيبان تخبط عليها بحروفك...و افكارك...و تدخل منها نور دافي لكل اللي حواليك

[لماضة مصرية جدا]

صباحكم مكرم مفرم مقبل مدبر

آه....قلبي.....قلبي...قلبي......(وش اي منهارة ع الكنبة لما لقت بنتها مش حافظة الناااااااااشيد....)

مين مكرم.... :blink: :blink:

دامو....يا ضنايا

يا ضنايا....يا دامو

قولي ورايا....

زرع

اتكلي علي الله يا بنتي.....انا بفكر اسجلك في شاعر المليون....و اوعي تقوليلي هتعملي ايه....دي سبوبة حلوة هرسيكي ع الدور بتاعها بعدين

صباحك......مقبل....مش مدبر يا رب....

[اغابي]

رووووووووووعة يا سارى يا ابنى

الى الامام .. الى الامام

عاوزاك تدخل وتنبش فى المحاورات فى كل زنجا زنجا

مع انى انا اللى كنت امبارح فى زنقة cr((: cr((: لما كنت فى وسط الطريق وقامت عاصفة ترابية

ومش عارفة ارجع ولا اقف ولا اعمل ايه بس - وما كنتش شايفة حاجة قدامى

سارى كمل كمل انت جبت كل واحد كانه هو فعلا وخاصة خاصة طائر الليل الحزين

ومغتربة وزوهيري وابو عمار و مصرية متغربة وازوزو

فنان انت فنان

[Simba]

سرقوا الصندوق يا ساري

لكن ما تقلقش القفل والمفتاح معانا :closedeyes:

[م تيمور المراغي]

سرقوا الصندوق يا ساري

لكن ما تقلقش القفل والمفتاح معانا :closedeyes:

مادام القفل معاك ,,

يبقى الصندوق مفتوح ! smk:

[se_ Elsyed]

برافو يابو السواري ... تسلم إيدك ..

كمل بقى وركز لي على مظاهرات الأعضاء .. وعلى المسرفين وهما بيرشوهم بالميه السوخنه والقنابل المُدمعة

[رضوي]

art:) art:)

تووووووووووووحفة بجد

أكمل ........ بس عايزين بقي شوية فلفل وبهارات علي الحوار دة ........... امممممممممم هتبقي خلطة حراقة جداً .......... معانا طبعاً ياساري

وعلي رأي المطرب الشعبي القدير ( اللي معرفش اسمه ولا عنوانه ) شعللها شعللها ولعها ولعها ........ وماتخافش ياساري كلنا وراك هما اشاسا لغوا أمن الدولة وماتخافش يعني خلاص بطلنا نعترف من اول قلم smk: ........ ومهما فضلوا يستجوبونا مش هننطق bsh:)

بس علي جنب بقي

هو إنت ازاي اتمكنت من اللهجة المصرية بالطريقة دي ؟؟؟

[hOuSsAm]

مش قاااااااااااااااااااااااااااااااااادر يا سارى

ايه الفن ده يا فنان

هموت على نفسى من الضحك

وشى بقى لون قميصى الطوبى

اكمل وتسجيل متابعة

[الســـاري]

الافاضل الكرام

* arkan

* raouf

* Dreamwithme

* architect

* hOuSsAm

* أبوعمار

* مصرية متغربة

* تامر مصطفى

* رضوي

* fatfouta

* دودو هانم

* الباشمهندس ياسر

* المهندسه

* Om Zayd

* مغتربة

* Damo

* لماضة مصرية جدا

* اغابي

* سمبا

* se_ Elsyed

مش عارف اشكركم ازاي على كل الكلام الحلو اللي قلتوه .. واشكركم كمان على متابعتكم القيمة وردودكم ومروركم وتعليقكم

----------------------

* ودي بعض الردود

دريم وذ مي

ع جنب بقي (وش عيل غلس) هو أنت بتكشف عن مواهبك في كتابة السيناريو عشان تفك عقد الشراكة بينك وبين لماضة وتستفرد بالايراد ولا أيه؟

افك الشراكة .. قال افك الشراكة قال .. انا ملتزم بالرفيق اطاطا .. احنا تيم .. وبارتنر .. بس هي كل رد عندها سيناريو لحاله

بس لو هيا تسيب الكسل بتاعها .. وتعطيني سيناريوهات جديدة .. بس خلاص .. الفلوس بقت تجري بايديها ومحدش عارف يكلمها

:happy:

----------------------------------------

أبو عمار

قال الساري:

انتوا بتستفزّوا روح الإخراج اللي قاعدة تتنطط قدامي... شكلي هأقلب الموضوع من كتابة بس لفيلم يصوّر الصراع بين "نعم "و "لا" . شكلي هأتصل بلماضة ونشتغل في الفيلم الجاي فورا.... لأن الوضع جاد وزاد.. بس خللوا بالكم

لا ولن ولم نسمح بتصدير ولا حتى استيراد هذه البلبلة ولا طوابير الاستفتاءات للسعودية ولا للشعب الخليجي ....أنا أحذركم

اهو واحد كمان ممتاز بالتقمص وبيقلدني اهو صوت وصورة

صحيح انه بآخر سطر عملني زي القذافي .. بس برضو موهوب

:P

--------------------------------------------

مصرية متغربة

و عشان البؤين بتوعك دول

قررت ان اللي حيطلع لي من الكتاب اني حأتبرع بيه لضحايا السيول في جدة

حطلي رقم حسابك ع الخاص

طيب تبرعلي لينا احنا

انتم اضمنوا اول انكم تفوزوا بالاستفتاء

بعدين وزعوا التبرعات

:P

ضحكت موت على اسامي اخواتك .. الا على فكرة .. فيه بيت بمصر ما فيهوش حد اسمه محمد ؟؟

اشك في ذلك

------------------------------------------

اركتكت

ساري لا تكونش البتاعة الزرقا دي اللي انت ماسكها صندوق الدنيا !

صندوق دنيا مين .. ؟؟ تعرف طول عمري اسمع المصطلح ده صندوق الدنيا ومش عارف هوا يطلع ايه

البتاعة دي الزرقا .. اداة ثورية .. اداة قتال .. السلاح بتاع ممارس الكاراتيه .. عارفها ..

اللي مع مايكل انجلو بالنينجا تيرتلز

عشان ما تتغرش بالمناظر بعد كده ..

smk:

اما بخصوص الشطا .. والبهارات .. والحاجات الحراقة دي

اصبر يا بني و ما تستعجلش على رزقك .. لسه الطبخة بتنطبخ على نار هادية دلوقتي

;)

------------------------------------------

الباشمهندس ياسر

بس انا قلت لا

من اول لحظة

و حاربت عشانها

صالي علي رايي نا يا بدوي انت

يا باشمهندس .. ده تصويت .. ودوكها تصويت

يبقى هنا ما تصلاش على رايك

:P

اهديك هذا البيت :

صلى صالي عقب صلب بصاليه صابني && صطى صارمة بصخار بالصدر صايبة

قول لي صح لسانك

-------------------------------------

[الســـاري]

-----------------------------------

لماضة مصرية جدا

انت قاعد تبص علينا من خرم الباب يا ساااااااري...(وش اي واحد قافشة في زمارة ساري و هو موطي و لازق عين في خرم باب المحاورات)

تووووووووحفة

والله انتي اللي تووووحفة يا فوزية

انتي بالذات مافيش داعي ابص عليكي من خرم الباب .. لانك كتاب مفتوح

وسهل اوي التقمص بتاعك سهل اووووووووي

بس طبعا الاصل لمووووضي

اما بالنسبة لدامو

انتي مسكتي بمكرم .. وسيبتي مفرم ؟؟

-------------------------------------------

اغابي

سارى كمل كمل انت جبت كل واحد كانه هو فعلا وخاصة خاصة طائر الليل الحزين

ومغتربة وزوهيري وابو عمار و مصرية متغربة وازوزو

نسيتي اغابي ؟؟

طب بس ايه رايك بحتة .. انا مش قصير قزعة .. انا طويل واهبل

:P

سلامات يا حاجة من الزنقا اللي صارت لكم امبارح .. والف سلامة عليكي

----------------------------------------

رضوي

هو إنت ازاي اتمكنت من اللهجة المصرية بالطريقة دي ؟؟؟

مش بس مصري يا سيدتي smk:

انا احكي لبناني وسوداني وسوري وعراقي ويمني وخليجي وباخد كورس ليبي دلوقتي من بعد خطاب زنقة زنقة

رضوي .. من يوم فتحت عيوني على افلام كرتون مدبلجة مصري .. دخلت المدرسة استلموني اساتذة مصريين .. افتح التلفزيون مسلسل او فيلم مصري .. المنتدى الوحيد اللي اشارك فيه بفاعلية كلو مصريين .. اصحابي كتير منهم مصريين .. المدينة مليانة مصريين .. يبقى المفروض تساليني

هو انت ازاي اتمكنت من اللهجة السعودية بالطريقة دي ؟؟؟

:P

----------------------------------------

تحياتي لكم جميعا .. ومن جديد اشكركم من كل قلبي على التفاعل ..

وانتظروا الحلقة الثالثة بإذن الله .. الليلة

smk:

[doha]

صلى صالي عقب صلب بصاليه صابني && صطى صارمة بصخار بالصدر صايبة

صاااايبة ...

يوه .. كنت هنسى ... صح لسانك

[م تيمور المراغي]

-----------------------------------

رضوي .. من يوم فتحت عيوني على افلام كرتون مدبلجة مصري .. دخلت المدرسة استلموني اساتذة مصريين .. افتح التلفزيون مسلسل او فيلم مصري .. المنتدى الوحيد اللي اشارك فيه بفاعلية كلو مصريين .. اصحابي كتير منهم مصريين .. المدينة مليانة مصريين .. يبقى المفروض تساليني

هو انت ازاي اتمكنت من اللهجة السعودية بالطريقة دي ؟؟؟

:P

----------------------------------------

حبيب والله يا ساري ,,

[الباشمهندس ياسر]

الافاضل الكرام

مش عارف اشكركم ازاي على كل الكلام الحلو اللي قلتوه .. واشكركم كمان على متابعتكم القيمة وردودكم ومروركم وتعليقكم

----------------------

* ودي بعض الردود

الباشمهندس ياسر

بس انا قلت لا

من اول لحظة

و حاربت عشانها

صالي علي رايي نا يا بدوي انت

يا باشمهندس .. ده تصويت .. ودوكها تصويت

يبقى هنا ما تصلاش على رايك

:P

اهديك هذا البيت :

صلى صالي عقب صلب بصاليه صابني && صطى صارمة بصخار بالصدر صايبة

قول لي صح لسانك

-------------------------------------

صليب الصخر لو صابه اللي مصيبني

تصفق صفاه وصب صلصال ذايبه

قول عاش يا ابو العم

[masraweya]

*************

يا باشمهندس .. ده تصويت .. ودوكها تصويت

يبقى هنا ما تصلاش على رايك

:P

اهديك هذا البيت :

صلى صالي عقب صلب بصاليه صابني && صطى صارمة بصخار بالصدر صايبة

قول لي صح لسانك

-------------------------------------

mfb:

:blink:

:protest:

الترجمةةةةةةةةةةةةةةةةةةةةةةةةةةةة

ادينا مستنظرين الحلقة التالتة

et:(

بس بجد عجبتني جدا جدا جدا

بالذات زوهيري

متأكد ان مكانش معاه عود

gt:

و لا كلب؟

[قلب ابيض]

ابو السوارى

ماذا اقول واى شىء اقول وما اكثر من قول قيل وبالقول لم يقال

بجد كل مره بتذهلنى

وكل مره اقول مش ها يعرف يدى اكتر من كده

انت موهووووب بجد

انت انسان جميل اوى ...مبدع بحق

حسيت ان كل الشخصيات فعلا هى اللى بتتكلم

لاء ده انا كأنى شايفاهم فعلا...

بس كده انا دورى كومبارس صامت ؟؟؟

من اللى بيعلقوا صورته فى الصالون ويقولوا الله يرحمه قال كذا وكذا

طب أحياااااااات ابوك خلينى امر من قدام الكامره مره واحده بس ...العيال يشوفونى واتسيط على حسك يا ابو السوارى ياخويا "مش

انا اول واحده قلت لك يا ابو السوارى بردوا :blush2: "

اللهى يسعدك زى ما بتسعدنا ولو للحظات

متابعه بشغف واهتمام ....

[حوريةعين]

ما شاء الله عليك

:clappingrose:

أدخلت السرور على قلب الجميع

ربنا يجعله في ميزان حسناتك

بس معلشي لازم تدي بتوع الكويت دور اكبر في الفيلم

فين الزعيمة بتاعتنا ( قلب أبيض)

دي رمزنا ازاي تنساها

تحياتي لابداعك

تحياتي لحبك الواضح لمصر والمصريين

[الســـاري]

قال الراوي

تم الانتهاء من الاستفتاء .. بعد انا ادلوا برايهم الاعضاء .. و سرت التمتمات والهمهمات .. وترقب الجميع نتيجة التصويتات .. فمنهم من قال لأ وخاف على مغبة قولته من المشرفين .. ومنهم من قال نعم طامعا في مزايا وتحسين .. و قد كانت هناك بعض المشاجرات من الفريقين ... فكم من اثنين افترقا بعد ان كانا صديقين .. اما في المركز الرئيسي للاشراف .. فقد بدا واضحا ان لا احد منهم يخاف .. فقد اطمئنوا على النتيجة المبدئية للاصوات .. وشرعوا لذلك في تجهيز الاحتفالات ..

وبينما هم في احتفالاتهم يعمهون .. جائهم خبر جعلهم يتكدرون .. وانقلب الفرح حزناً في دقائق .. فقد ظهرت النتيجة والحقائق .. كان من كدرهم هو المشرف ابو محمد المناضل .. اذ قال لهم يا معشر السادة الافاضل .. لا تفرحوا فقد ظهرت نتيجة الاستفتاء .. ويبدو اننا كنا بغاية الغباء .. اذ اعتقدنا اننا ضمنا مبكراً النتيجة .. واخبرنا بذلك الادفايزر وحماته بيجة .. هنا انتفض غاضبا سين سين .. وقال له بتقول ايه يا عم المرجفين ؟؟ .. وازاي النتيجة المبدئية طلعت حدوتة .. هي مش مبشرانا لسه فتفوتة ؟؟

قال ابو محمد وهو شبه منكسر .. لقد اخطأت فتفوتة خطأ لا يغتفر .. قرأت النتيجة للاسف بالمقلوب .. ونشرتها في المنتدى والخبر كذوب .. وجعلتنا نرتاح للنتيجة دون ان نسعى لتغييرها .. والان فات اوان تعديل الاوضاع او اعادة تسييرها .. فلقد اقفلنا الصندوق ..

قالت سلوى وهي على وشك البكاء .. وكيف نحول الدفة لصالحنا يا رفقاء ؟ .. هل حقا فات الاوان يا سكوب .. ولم يعد يجدي البكاء على اللبن المسكوب .. ؟؟

قال سكوب وهو متشتت بالافكار .. ان الوضع ينبغي له اعادة اعتبار .. هل ينفع مثلا اعادة الاستفتاء ؟؟ .. و نبدأ نحن بالتأثير في الخفاء .. ؟؟

قال سين سين يا ابا جونيور اعادة استفتاء ليه ؟؟ .. الناس ستسأل لماذا وكيف وفين و فيه ايه ؟؟ .. ونعرض انفسنا للمشاكل .. فاعطوني حلا يا افاضل

قالت فلانة وهي ترشف كوب القهوة البرازيلية .. ان لابد لنا ان نضبط اطراف العملية .. ما رأيكم ان نلغي تصويت بعض الاعضاء المعارضين .. حتى يصبح الفرق في صالحنا وتنعدل الموازين .. وبهذا تكون الغلبة لنا بشكل قانوني يرضي كل الاطراف .. فما رايكم بفكرتي اللوذعية هذه يا بني إشراف ؟؟

هلل المشرفون وكبروا الإله .. وعادت الابتسامة لتغزو الشفاه

--------------------------------------

في اليوم التالي .. وبينما كان الجميع ينتظر اعلان النتيجة .. وجدوا الاعلان الاداري التالي :

انه نظراُ لقيام بعض الاعضاء بارتكاب بعض المخالفات القانونية في عملية التصويت .. فقد تم ارجاء النتيجة لحين استجواب من تم ضبط مخالفاته .. عليه فإن النتيجة ستعلن بعد عدة ايام .. وسنوافيكم بحينه بالنتيجة النهائية

يرجى من تصله منا رسالة على بريده الذهاب فورا لمكتب التحقيق عند المشرف الإداري الخاص به

شكرا لتفهمكم ،،

فريق الاشراف

-------------------------------------

مركز التحقيق في مبنى الاشراف الرئيسي .. تدخل شيكو لحضور جلسة التحقيق عند المشرفة سلوى

سلوى :

بصفتي المسؤولة عن الأعضاء الرايقين اوي ,, ممكن اعرف انتي صوتي بايه ؟

شيكو :

صوت بلأ طبعا .. اصلي كنت مفروسة اوي ساعتها

سلوى :

قرر الاشراف بالاجماع عدم احتساب صوتك .. وذلك لمخالفتك للقانون الخاص رقم 4335 / 76 .. القاضي بأنه لا يحق التصويت للي بيهدروا المال العام

شيكو :

انا اهدرت المال العام ؟؟ امتى الكلام ده ؟؟

سلوى :

ايوة عملتي مشاكل .. انتي مش ملاحظة انك اكتر واحدة بتستخدم الوان في ردودها ومشاركاتها؟؟ .. عمرك ما استخدمتي اللون الاسود اللي كلنا بنكتب بيه .. الالوان دي عهدة ياختي .. مخليينها للتوضيح مش للبهرجة .. ورازعة كل رد ليكي ستين سطل بوية ..

شيكو :

وماله لما ارزع الردود بتاعتي الوان .. اصلي معتبراها زي علبة المكياج بتاعتي .. هي بقت بفلوس ؟؟

سلوى :

طبعا بفلوس .. دي بتتقل السيرفر يالدلعدي .. ده غير الصور .. يا خرابي .. مافيش رد ليكي الا بصورة ؟؟

شيكو :

الى // مجهولة

حضرتك فارساني اوي ..

صورة قطة مفروسة

سلوى :

شايفانا بتوبيك مسجل بعلم الوصول ؟؟ .. صحصحي للون يا ام الوان انتي .. عموما اتسحب تصويتك يا اختي .. هل لديك اي اقول اخرى ؟

شيكو :

هاقول ايه غير اني مفروسة ..؟؟

كتبتها بالاسود .. عشان تنبسطوا

-------------------------------------

مركز التحقيق في مبنى الاشراف الرئيسي .. يدخل سمبا لحضور جلسة التحقيق عند المشرف اسد

اسد :

بصفتي المسؤول عن الاعضاء الرومانسيين ،، عايز اسئلك .. انتا ما تختشيش ؟

سمبا :

اعترض انك تكون مسؤول عننا .. انت فين والرومانسية فين .. عمرك كتبت قصيدة .. ؟

اسد :

اي نعم .. كتبت قصيدة في شبابي .. كانت غزلاً رقيقا في المحبوبة .. مش شعر فاحش زي بتوع حضرتك

سمبا :

نهايته .. عايزين مني ايه ؟

اسد :

انت تصويتك اتلغى يا فندم ..

وانا في شدة الحزن ..

في شدة الغضب ..

اتلغى تصويتك يا استاذ ..

اتلغى

سمبا :

يا عمي انت هتغنيها ؟؟ اتلغى ليه ان شاء الله ؟

أسد :

بصفتك منتمي لجماعة محظورة .. مش انتا من تنظيم بتوع الاتوبيس .. ؟

سمبا :

يا سلام .. ؟؟ ليه هو انتم النهاردة اكتشفتم فجأة اني محظور ؟؟ وبعدين منتم رفضتوا تثبيت التوبيك بتاعنا .. هتعاقبونا ليه بعدم التصويت ؟؟

أسد :

لا .. انتم بتتحركوا بشكل جماعة صغيرة داخل المنتدى .. ودي مخالفة لدستور المحاورات .. بعدين جماعتكم قايمة على اساس عنصري ..

اساس عنصري يا فاجر ..

اساس ..

عنصري ..

انا في شدة الغضب ..

سمبا :

يا عمي هي جات علينا احنا .. ما تشوف بتوع السعودية .. ولا عشانهم حبايبكم .. ممكن تقول لي اسم مشرف واحد بس مغترب بالكويت ؟

أسد :

انا في شدة الغضب ..

انت بتشكك في نزاهة المحاورات ..

مش ممكن ..

اقبل ابدا ..

تشكك فينا ..

انا زعلت

سمبا :

زعلتك دي ؟؟ .. ده ظلم .. انت مفتري اوي علينا يا عم الغضنفر .. ده انا ابنك سمبا .. ما شفتش الاسد الملك ؟؟

اسد :

ما اتفرجش على عبط العيال دا ..

ده ..

عبط ..

عيال ..

المهم .. صوتك اتلغى .. انت وباقي التنظيم المحظور ايها الشاب الرقيع ..

سمبا :

تحظروا التنظيم متى ما تكونوا عايزين .. وتسمحوا فيه متى ما تكونوا عايزين

اسد :

النتيجة خلاص .. اجمعنا عليها

وصوتك اتلغى ..

اتلغى ..

هل لديك اي اقوال اخرى .. ؟؟

سمبا :

ايوة عندي

اسد :

قول يا سيدي .. اشجيني .. اطربني

سمبا :

انا في شدة الحزن ..

في شدة الغضب ..

-----------------------------------------

مركز التحقيق في مبنى الاشراف الرئيسي .. يدخل اوزاوز لحضور جلسة التحقيق عند المشرف سي السيد

المشرف سي السيد :

بصفتي المسؤول عن الاعضاء الخناشير اللي زي حضرتك .. عايز اسئلك سؤال يا بني ادم انتا .. انتا باي حق تصوت ؟

اوزاوز :

ومين قال اني كنت عايز اصوت .. ؟ انا شفت زحمة وطابور افتكرت بيوزعوا لحمة راس .. اخرتها طلعت ورقة بيضا .. قمت باصم فيها

سي السيد :

آه صح .. منا شفت البصمة بتاعتك .. وتبصم ليه يا بني ادم ؟؟ قلنا لكم علموا على القرار بتاعكو بس ..

اوزاوز :

منا فكرتها فيش وتشبيه سعادتك ..

سي السيد :

ولما انت مش عارف بتبصم ليه ؟؟ وبتختار لأ ليه ؟؟.. يا بني حرام عليك الواحد بتجيه جلطة من كتر ما فهمنا فيكو وقلنا لكم ده استفتاء .. يعني تختار .. لو عايز الاشراف ينتفعوا بايرادات الكتاب يبقوا تقول نعم يا بني ادم .. .. مش عايز و مستخسر حضرتك فينا الشويتين دول يبقى تتنيل وتقول لأ .. كيميا دي يا خواتي ؟

اوزاوز :

يا عمي وانا مالي .. دي بلدكم انتم يابا .. اصل المنتدى بتاعكو ده كنت داخله عشان اسئل عن تاشيرة .. بس كسلت اقوم بعدها

سي السيد :

عموما صوتك اتلغى .. لان فيه بنات كتير ارسلوا لنا رسايل انهم كانوا يترعبوا من حضرتك .. وخايفين يخشوا الطابور عشان حضرتك موجود .. يعني حضرتك اثرت بشكل غير مباشر في عملية التصويت

اوزاوز :

ياختي اسم الله !!.. ومين الغندورة اللي اتخضت دي ؟

سي السيد :

دودو هانم .. بتقول انها خافت من شكل حضرتك .. دي افتكرتك غودزيلا يا راجل .. وعندك سوسو قدمت شكوى وقالت انها لقت وسط الطابور فرانكشتاين .. ده غير حورية عين اللي افتكرتك ابو رجل مسلوخة اللي يخوفوا بيه العيال

اوزاوز :

ايه الاسامي العصافيري دي !! دودو و سوسو وحوحو ؟ طب انا ذنبي ايه ؟؟

سي السيد :

ده غير ان زوهيري باشا بنفسه .. انسحب من التصويت بآخر لحظة .. وقال ان شكلك عمل له اكتئاب

اوزاوز :

يعني عيان .. ؟؟ طب ما يروح الاقزخانة

سي السيد :

ده غير ان ردودك خالية من الاحاسيس .. يا راجل .. تهدي مغتربة في عيد ميلادها كبدة جملي ؟

اوزاوز :

مالها الكبدة الجملي بس .. ؟ دي مش مايصة زي باقي انواع الكبد .. وتقرمش

سي السيد :

عموما .. لجنة الاشراف رأت ان شكل حضرتك بيأثر على سلامة ونزاهة التصويت .. بناء عليه .. قررنا حذف تصويتك مع توجيه ملاحظة ليك بضرورة عمل عملية تجميل بوشك اللي بين قوسين ده

اوزاوز :

يا عمي اعملوا اللي انتو عاوزينه .. بس بسرعة وحياة والدتك .. العطار بيشوي ومش فاضل الا كم سيخ عايز الحقهم

سي السيد :

انت مش هتبطل ترمرم بأة ؟ .. نهايته ....هل لديك اي اقوال اخرى يا متهم ؟

اوزاوز :

الزمالك هيقطعكم بعون الله .. بس خلوا الدوري يرجع

----------------------------------------

مركز التحقيق في مبنى الاشراف الرئيسي .. تدخل دريم وذ مي لحضور جلسة التحقيق عند المشرف محمد

المشرف محمد :

بصفتي المسؤول عن الاعضاء اللي مالهومش فيها .. قررنا الغاء

دريم وذ مي مقاطعة وهي تبكي :

انا هاعترف يا ابيه .. هاعترف والله .. ما كنش قصدي والله ازعل سعادتك

المشرف محمد :

فيه ايه يا بنتي .. ؟ هو انا قلت حاجة ؟

دريم وذ مي :

كلو من مغتربة .. هيا قالت لأ وسمعتها تقول كلام كبير مش فاهماه حضرتك .. قمت قلت الست دي بتتكلم كلام زي الفل .. قمت عملت زيها بس توبة يا ابيه

المشرف محمد :

يا بنتي ما تهدي شوية وبطلي عياط .. عموما انا حسيت بكدة برضو قمت لاغي صوتك من اصلو لانه تحت تأثير العضوة الفاضلة مغتربة .. عندك اعتراض ؟

دريم وذ مي :

والنعمة الشريفة ما عنديش اعتراض يا ابيه .. ولو عملت شقاوة مرة تانية ابقى خاصمني حضرتك ..

المشرف محمد :

بصي .. تخرجي من هنا ع البيت عدل .. مش عايزك تعملي قلق تاني

دريم وذ مي :

حرمت والله يا ابيه .. لو حضرتك عايزني افتن على حد انا جاهزة

المشرف محمد :

لا شكرا بس اندهي لي مغتربة ..

بعد خمس دقايق تدخل مغتربة لمكتب التحقيق ..

المشرف محمد :

اهلا وسهلا .. انستي وشرفتي .. بأة صوتنا اتبح واحنا نقول مش عايزين تشوشروا ع المصوتين .. وحضرتك بتشوشري على دريم ؟؟

مغتربة :

في البدء دعني اعترض سيادتك على انك تحقق معايا .. انا انتمي لمجموعة الاعضاء العباقرة .. اللي المسؤول عنهم الادفايزر شخصيا

المشرف محمد :

الادفايزر في جزر البهامس .. وانا احل محلو

معتربة :

اسمح لي يا سيدي ان اطعن في شرعيتك .. فحسب قانون المحاورات البند رقم 23442 في سنة 1938 .. نرى القانون ينص بوضوح انه في حالة غاب الادفايزر تمنح الصلاحيات للنائب .. والمنتدى بقى له 30 سنة بدون نائب .. ده خرق للميثاق .. لكني ارى

المشرف محمد مقاطعا :

انتي يا ستي هتعلمينا شغلنا ؟؟ بطلي الارقام دي اللي تنقطيها علينا كل شوية .. انتي تصويتك اتلغى يا افندم ..

مغتربة :

وهذه ايضا اعترض عليها فخامة المشرف .. إذ ان صيرورة اي عملية ديموقراطية ان تلبى فيها كافة المعايير .. والتأثير مقبول ضمن ضوابطه الدستورية .. والفاضلة دريم ما هددتهاش .. هيا بس سمعتني وانا باتجاذب اطراف الحديث بالحلقة 1 مع اوزاوز .. فتفتق ذهنها عن ان تقوم بتقليدي .. هل تعلم يا سيدي الفاضل انه حسب دراسة اجراها معهد غيليوم الاول في ولاية ..

المشرف محمد مقاطعا :

تصويتك اتلغى .. ومش هاطلب منك اقوال اخرى .. اللي بعدوووو

------------------------------

مركز التحقيق في مبنى الاشراف الرئيسي .. تدخل مجموعة من الاعضاء لحضور جلسة التحقيق عند مصرية متغربة

مصرية متغربة :

بصفتي مسؤولة عن الاعضاء المبالغ فيهم .. وبصفتي ما عنديش وقت عشان ورايا شغل بالبيت .. وبصفتي اصغر واحدة بالمشرفين حيث كدة رموكم عليا .. مش عايزاكم تتعبوا قلبي بأة ..

طائر الليل الحزين :

اليكي .. يا سيدتي

اقول .. وانا في بحر التساؤل

يا ترى ما هناك .. ولماذا العراك .. اين منا ذاك الود القديم

والسؤال المستديم

مصرية متغربة :

يا راجل انتا بتخرف بتقول ايه .. ؟؟ ود قديم ايه ونيلة ايه .. ؟ انا اعرفك يا راجل انتا ؟

حسام :

ايوة يا مشرفتي الفاضلة .. ما ترحميهوش .. ده هالكني بالاشعار بتاعته اللي جابت لي القرحة .. قال ايه .. شجر الليمون يذبل ايضا .. طب وماله التفاح ؟؟ .. طب وماله البردقان ؟. هو شجر الليمون اللي بيذبل بس .. ؟ لا وقال ايه .. محسسني انه هو اللي اكتشف المعلومة دي .. انا عارفها من ايام كنت اسبح بالترعة بمركز شربين بترعة غنيم ..

مصرية متغربة :

انت ايه اللي جابك اصلا .. ؟ مش انت مصوت بنعم ؟ حد بعتك او طلبك .. ؟

حسام :

لا والله يا حاجة محدش بعتني .. بس قلت اتدخل يمكن تعوزوا خدمة مننا .. احنا جدعان اوي .. ومعليش برضو انتي مهما كان حريم .. والاشكال دي انا عارفها كويس .. ما يجوش غير بالعين الحمرا ..

مصرية متغربة :

اتفضل اطلع برا وورينا عرض اكتافك .. الاونطة دي ما بتاكلش معانا ..

حسام :

طب اجيب الخزرانة .. ؟

مصرية متغربة :

هوينا بس يا راجل انتا .. قبل ما ارفع فيك تقرير .. امشي

( يغادر حسام القاعة محبطا )

مصرية متغربة :

بص يا طائر .. انت متهم باغراق المنتدى بالقصائد اللي عمالة تخر منك كل شوية .. و ده خلا الكتير من الشعراء يعتزلوا الساحة .. وده احتكار واحنا ضد الاحتكار .. ده غير انك وظفت شعرك للتأثير على اللي صوت بلأ .. عندك اقوال اخرى .. ؟

طائر الليل الحزين :

رباه .. ما اقسى الليالي ..

غابت خليلتي .. وماتت احوالي

يالسوء حظي .. وخيبة آمالي

اذنبي ان اسمو للمعالي

مصرية متغربة :

ممكن تسمو برى .. ؟ اللي بعدوووووووووو

قلب ابيض :

فيه ايه يا مدام .. بالراحة شوية .. طبلة ودني اتخرمت

مصرية متغربة :

انتي بأة يا ستي عليكي قواضي مش قضية .. دعم لوجستي لتنظيم محظور .. تتأخري دايما عن المواضيع وبكل مرة تقولي : يااااه كل ده حصل وانا مش دريانة .. ولا تقولي يااااااااه يعني اغيب عن المنتدى يومين كل ده يحصل .. الثورة قامت وانتهت وانتي حضرتك مش موجودة معانا .. ؟ .. حتى بالاستفتاء انتي اخر واحدة صوتتي .. ؟

قلب ابيض :

ما انا مشغولة يا بنتي .. ورايا جيش اعمل لهم طواجن ومحاشي وتورتات

مصرية متغربة :

المهم .. صوتك اتلغى .. عندك اقوال اخرى ..؟؟

قلب ابيض :

ماذا اقول واى شىء اقول وما اكثر من قول قيل وبالقول لم يقال

المهندسة :

فزورة دي يا ماما قلب ابيض .. ؟

مصرية متغربة :

تعالي انتي بأة يا حبة عيني .. انتي قضيتك قضية .. انتي يا ست انتي مخلية عيالك يعملوا دوشة وقت الاستفتاء وما خلوناش نعرف نشتغل .. البت ليلى واخواتها دول ما تركوش حد بحالو .. بقى يرضيكي البت ليلى تتشعلق على قفا الاستاذ احمد سيف وتوقع طربوشه ..؟؟ الراجل الكبرا دي بركة المنتدى تعمل فيه كدا .. ؟؟ عشان كان عايز يصوت بنعم .. ؟

المهندسة :

يا اختي الفاضلة انا مش شايفة فيها حاجة يعني .. فيها ايه لما تحب تلعب معاه شويتين .. مش هو برضو باحث عن الحقيقة ومدافع عن الحرية .. ؟ خلاص .. دي حرية بنتي .. ودي برضو حقيقتها .. مالوش حق يشتكي

مصرية متغربة :

طب بنتك التانية ما خلتش الشيف بندق يعرف يطبخ .. دخل المطبخ لقاه زي معرض الفخار لما يعدي فيه تور هايج .. الاطباق تكسرت .. المواعين اتبهدلت .. الملح دخل ع الفلفل على الصويا وبقت حكاية .. الراجل انهار يا عيني وبقى يعيط لاول مرة وهو ما بيقشرش البصل ..

قلب ابيض :

ياااااااااااه .. كل ده حصل وانا مش دريانة ؟

المهندسة :

يا ستي المشرفة ما فيهاش حاجة لو العيال يهزروا معاه حبتين .. قال يعني كسروا عدة مطعم مكسيم الباريسي ولا عدة الشيف رمزي ؟؟ مهو برضو هارينا سمك الفترة الاخرانية

مصرية متغربة :

طب ومكاوي .. الراجل البركة .. تشد دقنو ليه .. ؟

المهندسة :

اصلها افتكرت دقنو تركيب .. اصل عندها لعبة بابا نويل شبه مكاوي بالضبط .. بس الدقن متركبة

مصرية متغربة :

عموما خلاص .. صوتك اتلغى وابقي شوفي حل لبناتك دول .. عندك اقوال اخرى ؟

المهندسة :

انا جاني الهسهس .. بس هاقول ايه ..

مصرية متغربة :

تعالي انتي بأة يا بينك روز .. دورك جه

المهندسة :

مين بينك روز دي .. ؟ قصدك انا .. متشكرة خالص

مصرية متغربة :

مش انتي يا ريا ... قصدي صاحبتك سوكينة .. بينك روز وريمو سابقا .. انتي يا ست انتي مش حتحرمي ؟؟ .. مش قلنالك ما تجيش الاستفتاء غير لما يخلص عشان ما تجيش امطار .. ؟ اهي جات امطار يا ستي والدنيا غرقت

قلب ابيض :

ياااااااااااه .. هي ريمو غيرت اسمها ؟؟ كل ده يحصل وانا مش دريانة ؟

بينك روز .. ريمو سابقا :

طب وانا ذنبي ايه بس .. هي السحابة تحبني .. عشان تعرفوا اني بركة

:closedeyes:

مصرية متغربة :

مش كفاية غيرت اسمك بنفسي .. لا وايه .. تروحي جدة تغرق سيول .. تروحي الرياض يجيلها غبرا .. تروحي الاسكندرية تغرق .. حرام عليكي بأة

بينك روز :

لا لا .. انا تخصص امطار وسيول بس ..

مصرية متغربة :

وبعدين كل شوية تغيري الصورة بتاعتك .. مرة قوس قزح ومرة علم مصر ومرة مش عارفة ايه .. ودلوقتي طالعة بورد .. كل شوية يتلخبطوا الاعضاء فيكي

المهندسة :

انا ما غيرتش الفراشات بتاعتي من ساعة ما سجلت .. واسمي ما غيرتوش لان جوزي اختاره ليا وقال مش عايزك تدخلي باسم دلعدي

مصرية متغربة :

ممكن بأة تسكتي انتي وتخليني اعرف اشتغل .. ؟

بينك روز :

وفيها ايه لما اغير صوري .. منتي كمان تغيري توقيعك كل شوية .. مرة التغيير يبدأ من مش عارفة ايه .. ومرة التغيير بدا بالفعل .. ومرة لا التغيير مابدأش كنت بهزر معاكو .. محنا كمان اتلخمنا معاكي

مصرية متغربة :

يا بنتي انا مشرفة ..

عارفة يعني ايه مشرفة ...؟؟؟؟؟

بينك روز :

اعملي يا ستي اللي انتي عايزاه بأة .. هانقول ايه بس .. كل دي مسرحية عشان تمسحوا تصويتنا ..

مصرية متغربة :

هل لديكي اقوال اخرى .. ؟

بينك روز :

آه .. ممكن تغيري اسمي لو سمحتي .. اصلي اكتشفت ان التغيير الحقيقي يبدأ من الداخل .. عايزة ارجع اسمي الاولاني

مصرية متغربة وقد استبد بها الغيظ :

الطلب مرفوض .. امشوا من وشي كلكوا الساعة دي .. امشوا ..

----------------------------------------------

مركز التحقيق في مبنى الاشراف الرئيسي .. يدخل اركتكت لحضور جلسة التحقيق عند لجنة مكونة من كل المشرفين باستثناء الادفايزر ومحمد يوسف

سين سين :

بص يا ابني .. لما قررنا نستدعيك احترنا نحطك مع اي مجموعة .. يعني انتا من الاعضاء الرايقين اوي .. وانتا من الاعضاء الرومانسيين .. وانتا من الاعضاء الخناشير .. وانتا من الاعضاء العباقرة .. وانتا من الاعضاء اللي مالهومش فيها .. وانت من الاعضاء المبالغ فيهم .. حيث كده .. قررنا نحاكمك جميعا

اركتكت :

انا البحر من اي النواحي اتيته :flr1:

رومانسي في شعري

ثائر في قضيتي

مبالغ فيه .. احيانا

فلانة :

انتا متهم بستين الف قضية وقضية .. ايه يا راجل الملف بتاعك الاسود ده ؟ مافيش جنحة مارتكبتهاش .. ؟

اركتكت :

س

ك

ر

يا عمي سي السيد هع هع هع هع هع

hypr:

المشرف محمد :

باشمهندس تيمور .. انت متهم بالثورة ضد المنتدى و بلبلة الراي العام

اركتكت :

لا والله ؟؟ ..

حلوة بلبلة الرأي العام دي .. زي ملايات اوزاوز اللي يقول نبللها عشان ما تدخلش غبرا

اهو اللي يتبل .. ينشف يافندم

ولا الديموقراطية بامريكا بس

;)

ابو محمد :

باشمهندس تيمور .. انت متهم بتأليب الناس ضد الاشراف .. وخلق فوضى في الاقسام

اركتكت :

تأليب آه .. صباح التأليب يا باشا .. :flr1:

طب والله انت راجل سكرة يا شيخ محمد

اوبا .. اسف .. قصدي ..

يا ابو محمد

طب خد دي

اسد :

انت متهم بتشويه صورة المشرفين عند الاعضاء .. انت متهم بانك خليتهم يتصوروا اننا هنزور الاستفتاء .. انت متهم

اركتكت مقاطعا :

يا عمي خلاص .. عارف اني متهم بستين نيلة ونيلة .. المهم هتعاقبوني ازاي .. ؟

المشرف محمد لباقي المشرفين :

ده جنني وقت الطابور يا سادة يا افاضل .. قاعد يتنطط بكل مكان زي فرقع لوز

سي السيد :

شوف يا راجل انتا .. قررنا بالاجماع تجميد عضويتك مدة تلات ايام .. وسحب صوتك من الاستفتاء .. وتخفيض تقييمك بمعدل 100 نقطة .. هل عندك اقوال اخرى ..

اركتكت :

ايوة عندي ..

سلوى :

قول يا اخويا وخلصنا

اركتكت :

هو مش قول قول .. بس حكمة

مصرية متغربة :

يابني تعبت قلبنا .. قول وخلصنا

اركتكت :

لو جمدتم اركتكت .. هيطلع لكم الف اركتكت ..

فلانة :

هو ده اللي عايز تقوله؟؟ .. خلاص اقفل المحضر

اركتكت :

لا لا لا مش ده اللي عايز اقوله .. ده بس قول عابر

سي السيد :

عبر عليك قطر يا بعيد !!.. يا بني انتا مش هتخلص اهلنا .. ؟ حكمتك ايه قول وخلصنا

اركتكت :

مصر فوق الجميع

اسد :

وايه دخل مصر بقضيتك انتا ..؟

اركتكت :

مافيش دخل .. بس لو بصيت بتدقيق .. هتكتشف .. wst::

اسد لمجموعة المشرفين :

بيقول ايه الراجل ده ..؟ حد فاهم حاجة ..؟

سكوب :

ما تبصليش ليا يا اسد .. كل اللي حيلتي زمزمية امل .. بس عموما انا هاخلص الليلة دي .. ابني يا تيمور .. بطل بقى الشقاوة بتاعتك دي .. وامشي جمب الحيط

اركتكت :

ترضى يا سكوب تقول لجونيور امشي جمب الحيط ؟

ولا هتعلمه ازاي يبقى مدافع عن القضية ..؟

انا راضي ضميرك

سي السيد :

يابني هيا فين ام القضية بتاعتك ديا ...؟ انت هاتعمل دور الضحية بالعافية !! بص .. انا خلقي ضيق .. مش عايزين نسمع اقوال اخرى ولا نيلة ولا بتاع .. صوتك اتلغى .. انت مجمد .. ومش عايز اسمع منك اي حرف بعد كده .. امشي اطلع برة ع الحجز عدل .. برة

برة

برة

اركتكت :

:shs:

-------------------------------------

تم اعتماد ننتيجة التصويت بنسبة 70% نعم .. 30% لأ

غضب من غضب .. حزن من حزن .. فرح من فرح ..

: وقال طائر الليل الحزين

الى ... من تعرف نفسها جيدا

وددت لو سكبت يا فاتنـتي بعض القصائد

لكني ممنوع .. بأمر الحكومة .. وأمر المعابد

لساني مقطوع .. وقلبي موجوع ..

كم انا في ظرف دقيق .. منذ ان اغلقوا الصناديق

قصقصوا جناحا الطائر .. فكيف اجتاز المعابر ..

وبقى الليل الحزين ..

يا فاتنــتي

-----------------------------------------------

كتب كلماتها الطائر .. وغناها زوهيري .. .. وروتها اغابي في ( احكي يا شهرزاد ) .. و نشرتها سلوى كإعلان إداري

يتبــع ،،