لمن الانتماء؟؟؟ لمصر ام بلد المهجر

[ALsangry]

انا واحد من الاف ويمكن من ملايين المصريين اللى حصلوا على جنسيه البلد اللى عايشين فيها

ومن فتره ليست بالبعيده كنت انا وعدد من اصدقائى متجمعين عند واحد من حبايبنا

وخطر على بالى سؤال :

قلتلهم يا جماعه احنا مشاء الله كلنا مصريين وفى نفس الوقت مش مصريين لاننا حصلنا على جنسيه البلد دى

يبقى لمين انتمائنا ؟؟؟

" لا قدر الله " لو قامت حرب بين مصر "بلدنا الاصلى " وبين الدوله اللى بنحمل جنسيتها ...

وحتى من غير حرب لمن يكون انتمائنا ؟؟؟

رد صديقى بدون تفكير اكيد ح يكون لمصر ...

سكت شويه وفكرت ...وسألت طيب ليه اكيد يكون لمصر ؟؟؟

واحد قال عشان اتولدنا فيها .والتانى قال عشان اهلنا واصاحبنا كلهم فى مصر

والتالت قال عشان اتعلمنا والدوله صرفت علينا لحد ما كبرنا

بصراحه مش كفايه !!!

يعنى احنا هنا الدوله بتوفر لنا فرصه عمل ممتازه مش ح نلاقيها فى مصر

حتى لو قعدنا من غير شغل كام شهر برضه البلد متكفله بينا

اكل وشرب وايجار وغيره وغيره وده مش متوفر مصر

لو حصلت ظروف مرضيه لا قدر الله الاسعاف بتكون فوق راسنا فى اقل من عشر دقائق

حتى العامل غير المدرب لو حب يعمل تغير مهنه او يكمل دراسه فالدوله برضه متكفله بيه

يعنى من الاخر كده الدوله اللى احنا حاصلين على جنسيتها عامله لينا زى مصباح علاء الدين

وبتقولنا شبيك لبيك عبدك وبين ايديك

وبعد كل ده يبقى انتمائنا لمصر ؟!

طيب والقسم اللى احنا اقسمناه ساعه استلام الجنسيه نعمل فيه ايه ؟!

واذا كان انتمائنا لغيرها ...

هل يعتبر ده خيانه ؟!

وانا عارف ان هنا فى ناس كتير مغتربين واكيد حا صلين على جنسيه تانيه

عشان كده انا اكيد ح استفيد من اراكم فى فى الموضوع ده

[ALsangry]

اد كده الموضوع بايخ ومفيش حد عايز يرد عليه

[Mohammad Abouzied]

الانتماء لمصر لان جذورنا من مصر والحالة الاقتصادية التي نعيش فيها في البلد الاخر مجرد اشياء طارئة فقط فلو تغيرت الظروف واصبحت كل المزايا التي نتمتع بها في بلد المهجر موجودة في مصر فهل ها ننتظر ونقعد في بلد المهجر ومنرجعشي مصر ؟؟؟؟؟

بالطبع ما نعاني منه في مصر هي لظروف خارجة عن ارادتنا فقط ولو انصلح الحال لكان اول قرار يتخذه جميع المصريين في المهجر هو العودة

[Mohammad Abouzied]

اد كده الموضوع بايخ ومفيش حد عايز يرد عليه

أبدا لكن العنوان مش مفهوم منه الهدف ايه

[Mohammad Abouzied]

عدلت العنوان وخليته الانتماء لمن ؟؟؟؟ لمصر او بلد المهجر ؟؟؟؟؟

[emmyyy]

هو مش بايخ لكن حساس شويه محدش ها يقول ان بينتمي غير لمصر

لكن خليني افكر شويه

[ALsangry]

الانتماء لمصر لان جذورنا من مصر والحالة الاقتصادية التي نعيش فيها في البلد الاخر مجرد اشياء طارئة فقط فلو تغيرت الظروف واصبحت كل المزايا التي نتمتع بها في بلد المهجر موجودة في مصر فهل ها ننتظر ونقعد في بلد المهجر ومنرجعشي مصر ؟؟؟؟؟

انا معاك بس مش ده يعتبر " تحايل " على الدوله التى حصلنا على جنسيتها ؟؟؟

كان ممكن مثلا نكتفى بأوراق العمل وهى كفيله لضمان كافه حقوقنا !!!

شكرا للاخ محمود على تغيير العنوان للافضل

تم تعديل 19 أغسطس 2004 بواسطة ALsangry

[nashwa]

مصر

بدون تفكير ولا تحليل .. ومين بيدينى اكتر ولا أقل ....

مصر تفضل الوطن .. اللى القلب يشابى عليه

بتلقائيه الرد يطلع ..

.............. طبعا مصر

[ALsangry]

الحقيقه اللى خلانى اكتب الموضوع ده لما قريت موضوع الدكتور رجب

""" يعنى ايه كلمه وطن """

[emmyyy]

في ملاحظه عن المصريين في الخارج سواء معهم جنسية البلد الي هما فيها او لا لمصري مرطبت بالارض اكتر من اي حد تاني بدليل انه اول حاجه بيعملها انه بيشتري شقه في مصر علشان لما ينزل اجازة او لو فكر يرجع تاني وبتقي مصر علي طول في باله

اعتقد ان لمصري صع انتماءه يكون لغير مصر

[Lighthouse]

معلش يعني ومن غير زعل

لو ح نقعد نحسب بالورقة والقلم الدول التانية بتدي ايه ومصر بتدي ايه

يبقى الموضوع بيرد على نفسه

يعني الامر محسوم ولصالح دولة المهجر او العمل طبعا لاننا حسبناها بمنطق مادي بحت ولم نتحدث عن امور اخرى معنوية لايمكن حسابها بمنطق الماديات الملموسة

انا لم اجرب الهجرة ولكني اغتربت لفترة في حياتي

وجربت الحياة في بلد الوضع فيها افضل من مصر ولكن ورغم ذلك

الانتماء لمصر مهما كانت المصاعب التي نواجهها في بلدنا التي تربينا فيها ولها كل الفضل علينا والتي لولاها ماكنا وصلنا لما وصلنا إليه .

ولو كل فرد قاس انتمائه لمكان ما بمقدار مايحصل عليه من هذا المكان فحتى دولة المهجر لن يكون الانتماء لها لانه بالتأكيد هناك دول اخرى ربما تقدم المزيد !!

فعندها لمن سيكون الانتماء prt:

من لاجذور له لاتنبت له ساق ولا أوراق

[Maverick]

first of all sorry for writing in english i dont have an arabic keyboard and i dont like to use web keyboard

I think before u ask yourself this question (to which country we should be loyal)

u should ask yourself on what bases u should be loyal to a certain country

i don't agree to u and to other ppl who said that we should be loyal to the country of residance cause we have much facilities in that country ,I think this way u are behaving like a cattel of sheep (kate3 men al ma3eez

)

where ever u find a good place to eat and sleep u will go there

if this is the kind of life u would like to live it is ok

i don't have an answer to your question cause I am living outside egypt for a while and some times I ask myself the same question whenever i see the bad conditons in egypt but i look to it like this egypt is my country and mother it doesn't make sense that whenever my mother is in trouble that i leave it cause there is another nice place

I think all of as owe egypt some thing

[Salwa]

بصراحة ......

انا رديت على الموضوع ده واتكلمت كتير كتير ......والآخر لغيت كل اللى كتبته ..

يعنى مسألة الجنسية التانية والغاء جنسيتك المصرية فى حالة حصولك عليها ...ومسألة القسم ..

انا بالذات كان لى ظروف معينة ......جعلتنى فى آخر لحظة اترك كل شئ .....صممت على عدم ترديد القسم ...وحتى عند حضورهم لمنزلى ...قلت ماقلت .....ثم...

عدت واقسمت../ او بمعنى آخر لم اقسم ولكنى قلت موافقة / وقلبى ينفطر حزنا .......هذا حدث من سنين بعيدة ...

وافقت ان اكون مخلصة للبلد التى ولد بها ابنائى ...وافقت ..

وفى الحقيقة انتمائى للبلدين ...مع الفارق..

مصر امى ....وطنى الأم ...

هنا بلدى .....وطنى الثانى .......اخترته برغبتى ..اخترت طريق اللاعودة ....

لست فى اقامة مؤقتة ......لى جذور.....ولى فروع ...

الانتماء الأول والثانى بالترتيب ...مصر وهنا ..

فى مباراة كرة قدم ......اشجع مصر...ثم بلا شعور اشجع هنا ..

لو لاقدر الله قامت حرب .....؟؟؟....

امك امك ....ليس لها بديل ...بلا جدال .

يعنى الأوراق عمرها ما تكون بديل عن الدماء ....

ايضا يجب ان تكون مخلص للوطن البديل ويجب ان تعترف بفضله عليك والا تكون ناكر للجميل وخائن حتى لنفسك ...

وبصراحة الانتماء الكامل لمبادئك ومثلك العليا التى زرعوها فيك هناك فى بلدك .....صعب اقتلاعها ....

اما لو كنت اساسا مجرد عشب شيطانى غير مشذب وسهل اقتلاعه وزرعه فى اى تربة اخرى صالحة له ..فسوف تندمج بلا مشقة فى المناخ الجديد وتنسى وتمحى من ذاكرتك القديم ....

والمصرى عموما ليس كذلك ......

ارجو ان اكون اوضحت .........

الموضوع ده متشعب .....وصعب .....

[afiona]

cause we have much facilities in that country ,I think this way u are behaving like a cattel of sheep (kate3 men al ma3eez

where ever u find a good place to eat and sleep u will go there

التشبيه بتاع قطيع الماعز غريب شويه وفيه الكثير من التجنى و(الاهانة) للمغتربين. لا يوجد ما يشين شرف الانسان او مروءته او صورته لو هاجر بحثا عن رزق او هربا من تعسف. مفيش سند دينى او اجتماعى للتشبيه ده.

كان ممكن مثلا نكتفى بأوراق العمل وهى كفيله لضمان كافه حقوقنا !!!

يمكن ده احسن طريقة للتصرف. الحصول على جنسية اخرى يتطلب السعى لها يعنى الواحد مش بتيجى حكومة بلد المهجر وتتحايل عليه علشان يشرفها بقبول الجنسية انما هناك سعى من جانب المهاجر لدلك...يعنى بيبقى واخد قرار وعليه تحمل مسئوليته كما سيتمتع بمزاياه ومن هده المسئوليات الدفاع عن الوطن "الجديد"..... بس برضه معظم الدول اصلا لا تاخد المهاجرين فى حالة الحرب مع بلدهم. يعنى مش حتلاقى امريكى من اصل عراقى من جيل الهجرة فى صفوف الجيش الامريكى..... اطمن.......

ولكن لو علاقة عمل فقط يبقى خدمات متبادلة ومصالح مشتركة بلا انتماءات وتعهدات و اقسام ملزمة لك....

حاجة تانية: لو مفيش حرب...يبقى لا داعى للاختيار...مش شرط كلمة (او) نستعملها دايما...

من لاجذور له لاتنبت له ساق ولا أوراق

عجبتنى الجملة اللايت هاوسية دى ... انا باخدها اكتر على ناحية الدين والثقافة والاخلاق..... والrace....

[Farida]

بلاش الواحد يحرق كل المراكب وراه ....انا لى اساتذه كانوا عايشين فى امريكا و معاهم الجنسيه و الأشيا معدن و بعدين لما وصل واحد فيهم رئيس قسم هناك و كبر فى السن ابتدوا يغلسوا عليه جامد و يقرفوه فى عيشته و بعد سنييييييين و سنييييييين رجع تانى مصر بس وهو مطرود تقريبا ....هناك مهما عملت أصلك هو اللى بتتعامل على اساسه .....مش عارفه حاسه انى خرجت عن الموضوع ......سورى يا كليو

[دكتور عادل الليثي]

أولا

العاطفة لا يمكن التحكم فيها

وبالتالي اسأل قلبك هيقولك بيحب مين

ثانيا

ماهو مطلوب منك للبلد الذي تعيش فيه ...

قدمه بإخلاص زي ماهم بيعاملوك بإخلاص ....

ثالثا

لو أن مصر احتاجت منك شيء .. وممكن تقدمه ... لا تتأخر ..

بشرط أن لا يتناقض مع التزاماتك للبلد الجديد ...

رابعا

لو تناقضت مصالح مصر مع مصالح البلد الجديد ...

أعتقد ليس عندك غير أن تقف سلبي .....

خامسا

فمثلا لو كان هو الحرب .... وأنت في جيش البلد الجديد

ومطلوب منك الذهاب .... اعتذر وعندك العذر .....

سادسا

المشكلة الحقيقية في الجيل الثاني ...............

[Maverick]

التشبيه بتاع قطيع الماعز غريب شويه وفيه الكثير من التجنى و(الاهانة) للمغتربين. لا يوجد ما يشين شرف الانسان او مروءته او صورته لو هاجر بحثا عن رزق او هربا من تعسف. مفيش سند دينى او اجتماعى للتشبيه ده.

I didn't mean to insult anyone ,if u have read my message u will find that i am in the same situation and i ask myself the same question

and aslo i didn't say that there is a relgious or social argument behind this example

what i was trying to say that work or better life conditions are not a good bases to answer the question to whcih country we should be loyal

[ALsangry]

لمصري مرطبت بالارض اكتر من اي حد تاني بدليل انه اول حاجه بيعملها انه بيشتري شقه في مصر ا

انا كمان عندى شقتى وكنت بنزل كل سنه تقريبا اقضى الاجازه وبعد كام سنه بقى نزولى بعد سنتين او ثلاثه وحتى فتره الاجازه دلوقت كل مره بتقصر عن اللى قبلها !!

ساعات بحس انى غريب فى بلدى وبحس انهم بيتكلموا لغه مش فاهمها !!!

اما لو كنت اساسا مجرد عشب شيطانى غير مشذب وسهل اقتلاعه وزرعه فى اى تربة اخرى صالحة له ..فسوف تندمج بلا مشقة فى المناخ الجديد وتنسى وتمحى من ذاكرتك القديم

حتى لو افترضنا انى زرع مشذب ولا يصعب اقتلاعه

فما هو موقف الجيل الثانى من وريقات هذا الزرع المشذب !!!

من لاجذور له لاتنبت له ساق ولا أوراق

الجذور محتاجه من يرعاها وان لم يرويها انسان ستضمر وتسقط بكامل ساقها وأوراقها

وافقت ان اكون مخلصة للبلد التى ولد بها ابنائى ...وافقت ..

وفى الحقيقة انتمائى للبلدين ...مع الفارق..

مصر امى ....وطنى الأم ...

هنا بلدى .....وطنى الثانى .......اخترته برغبتى ..اخترت طريق اللاعودة ....

لست فى اقامة مؤقتة ......لى جذور.....ولى فروع ...

حتى الام نتركها ونكتفى برساله او تليفون وكل كام سنه ننزل نشوفها

لكن اذا فقد المغترب والده ووالدته مثلا ...

هل سيظل ارتباطه بالبلد زى ما هو ولا ح يقل ؟؟؟

تم تعديل 19 أغسطس 2004 بواسطة ALsangry

[ALsangry]

سادسا

المشكلة الحقيقية في الجيل الثاني ..........

بالظبط كده حتى لو احنا "" حاولنا "" بقدر ما فى استطاعتنا على الارتباط بالوطن الام وانتمائنا اليه

ازاى حتى مجرد المحاوله مع ابنائنا؟ !!!

[emmyyy]

يعني انت مش فاهمنا دلوقتي احنا عايزين نقول ايه?

وبعدين الجيل التاني مسؤليه الجيل الاول لو كنا مرطبتين بارضنا و اولانا حسوا بالجانب ده فينا و علمنهم يعني بلدنا هيكبروا بيحبوا بلدهم زينا بالظبط و في امثله كتييير علي كدة

هو السؤال دلوقتي ان عايز تنتمي لمين لمصر وللبلد التاني ده اختيارك انت

اما بالنسبه للام حتىلو ي ما بتقول هتفضل برده امي الي لو كل الناس انكروني هي الوحيده الي حضنها هيفضل مفتوح لي