لمن الانتماء؟؟؟ لمصر ام بلد المهجر

[ALsangry]

يعني انت مش فاهمنا دلوقتي احنا عايزين نقول ايه?

شكلى كده زهقتك معايا

[emmyyy]

انت مزهقتنيش ولا حاجه كل الموضوع انا برد علي كلامك

ساعات بحس انى غريب فى بلدى وبحس انهم بيتكلموا لغه مش فاهمها !!!

و بسالك ده بما ان في كتير مننا عايش في مصر

يعني انت مش فاهمنا دلوقتي احنا عايزين نقول ايه?

[ALsangry]

لو كنتى عملتى الاقتباس ده فى ردك الاول

كنت فهمتها وهى طايره ys):

تم تعديل 19 أغسطس 2004 بواسطة ALsangry

[عمرو]

وجهة نظر خاصة

بلد الإنسان وجنسيته هي بلد وجنسية مدرسته الإبتدائي وأي حاجة بعد كده بتبقي عملية تخليص مصالح وتبادل منفعة بلا أي عواطف

أنا شخصيا لو أمريكا حد ضرب عليها قنبلة نووية كل اللي هاعمله إني هلم حاجتي وأروح أشوفلي بلد تانية ومش هافكر حتي أقولهم سلامو عليكم

بالنسبة للجيل التاني لو دخل مدرسة أمريكية من صغره

أنسي ياعمرو

[جـورج]

اكيد الناس اللى تركت مصر و اختارت بارادتها العيش فى بلد اجنبى لديها اسبابها القويه

يعنى لو مصر حققت لهم ما ذهبوا لغربه للبحث عنه ما كانوا تركوا مصر و لو ليوم واحد

و ميـن فينا بيحب الغربه و بيحب يدفن احلامه و ذكرياته عشان يعيش فى بلد تانيه بدون اسباب قاهره

حب مصر فى دمنا

لكن ما دمت اخترت بحريتى و بكامل ارادتى الهجره لبلد تانيه يبقى لازم احترم هذه الدوله و قوانينها فاذا كان هناك تناقض فى العادات و المعتقدات فلماذا تركت وطنى

المشكله فعلا فى الجيل الثانى

[ALsangry]

بلد الإنسان وجنسيته هي بلد وجنسية مدرسته الإبتدائي وأي حاجة بعد كده بتبقي عملية تخليص مصالح وتبادل منفعة بلا أي عواطف

اشمعنى ابتدائى ؟؟؟

يا تاخد الشروه على بعضها

يااما يفتح الله ;) gt: gt:

[emmyyy]

الجيل التاني مسؤليه الجيل الاول بمعنى لو ولادنا طلعوا وجدونا منتميين لارضنا هما كمان ها يكونوا منتمين ليها او العكس لو اخنا قطعنا صلتنا بيها هما هيكونوا زينا و في امثله كتير علي الحالتين زي بالظبط الي بيتمسك بتعاليم دينه لما بيهاجر وبيصلي و بيروح المسجد وييربي اولاده تربيه اسلاميه بيطلعوا مسلمين اما الي بيسبها كده اولاده بيطلعوا فاقدين الهويه

انا شوفت ناس مصرين كتير معتزين بانهم مصرين حتي لو معهم جنسية البلد الي عايشين فيها و شوفت برده ناس لسه جاين من مصر مبقلهمش يومين و بيقولوا علي نفسهم ايطالين او لاتينوا

دي مساله اختيار احنا عايزين نبقي ايه?

انا عايزه انتمي لمين?

و مين يبقي له الاولويه عندي ?

بس ده ميمنعش اني احترم البلد الي ادتني جتسيتها طول ما ده مبيتعارضش مع مصلحة بلدي

[جـورج]

الجيل التاني مسؤليه الجيل الاول بمعنى لو ولادنا طلعوا  وجدونا منتميين لارضنا هما كمان ها يكونوا منتمين ليها او العكس

الجيل التانى مسئوليه الجيل الاول لحد معين

فكيف نعتز بلدنا التى ولدنا بها و تعلمنا فيها و لنا فيها ذكريات لا تنسى

و نطلب من اولادنا ان لا يحبوا " بلدهم " الذى ولدوا فيه و يعيشون فيه و فيه كل احلامهم و مستقبلهم

يعنى ازاى اقول لابنى حب البلد اللى خرج منها ابوك لاسباب عدبده و معظمها اسباب لا تشجع على حب هذا البلد و فى نفس الوقت عليك ا ابنى ان تكره البلد الذى احتضن اهلك و اعطاهم ما لم تعطيه لهم بلدهم الاصليه

حقيقى مشكله كلها تناقضات سيعيش فيها الجيل التانى و اللى ممكن يكون فيه منهم من بدأ فى تكوين الجيل التالت

[ALsangry]

الجيل التاني مسؤليه الجيل الاول بمعنى لو ولادنا طلعوا وجدونا منتميين لارضنا هما كمان ها يكونوا منتمين ليها او العكس لو اخنا قطعنا صلتنا بيها هما هيكونوا زينا و في امثله كتير علي الحالتين زي بالظبط الي بيتمسك بتعاليم

واضح انك متغربه بقالك كتير ;)

دي مساله اختيار احنا عايزين نبقي ايه?

انا عايزه انتمي لمين?

و مين يبقي له الاولويه عندي ?

بس ده ميمنعش اني احترم البلد الي ادتني جتسيتها طول ما ده مبيتعارضش مع مصلحة بلدي

هو ده الكلام

[ALsangry]

يعنى ازاى اقول لابنى حب البلد اللى خرج منها ابوك لاسباب عدبده و معظمها اسباب لا تشجع على حب هذا البلد و فى نفس الوقت عليك ا ابنى ان تكره البلد الذى احتضن اهلك و اعطاهم ما لم تعطيه لهم بلدهم الاصليه

برضه وجهه نظر معقوله يا اخ جورج

انا حاسس انى وقعت فى حيص بيص ;) mfb:

[emmyyy]

انا عندي مثال عايزه اقوله وبعدين انت احكم

سيدنا محمد عليه الصلاة و السلام لما كان بيهاجر من مكه الي لمدينه وقف علي جبل بينظر علي مكه و قال بما معناه ان مكه احب البلاد الي قلبه و لولا اضطهاد اهلها له لم يكن ليخرج منها وبعد الهجره لما وجد الصحابه فيهم شوق الي مكه دعا الله انه يحبب لهم المدينه ما حبهم مكه و قد كان

[فــيــروز]

الجيل التاني مسؤليه الجيل الاول بمعنى لو ولادنا طلعوا  وجدونا منتميين لارضنا هما كمان ها يكونوا منتمين ليها او العكس

الجيل التانى مسئوليه الجيل الاول لحد معين

فكيف نعتز بلدنا التى ولدنا بها و تعلمنا فيها و لنا فيها ذكريات لا تنسى

و نطلب من اولادنا ان لا يحبوا " بلدهم " الذى ولدوا فيه و يعيشون فيه و فيه كل احلامهم و مستقبلهم

يعنى ازاى اقول لابنى حب البلد اللى خرج منها ابوك لاسباب عدبده و معظمها اسباب لا تشجع على حب هذا البلد و فى نفس الوقت عليك ا ابنى ان تكره البلد الذى احتضن اهلك و اعطاهم ما لم تعطيه لهم بلدهم الاصليه

حقيقى مشكله كلها تناقضات سيعيش فيها الجيل التانى و اللى ممكن يكون فيه منهم من بدأ فى تكوين الجيل التالت

ولماذا نضع الامر على انه كفتى ميزان !!

لماذا يجب على الابناء ان يحبوا بلد الاب و يكرهوا البلد الذى ولدوا و عاشوا فيه !! لم لا يكون هناك حب للمكانين ولكل من الحبين اسبابه !!

[emmyyy]

محدش قال انهم يكرهوا البلد الي هما عايشين فيها السؤال كان ازاي الجيل التاني ينتمي لبلد اهله بالرغم انه معاش فيها

[Guest Mohd Gramoun]

الإنتماء أفسره علي النحو المرحلي التالي:

المرتبة الأولي: الإنتماء الديني

المرتبة الثانية: الإنتماء الوطني

المرتبة الثالثة: الإنتماء القومي

[ALsangry]

الإنتماء أفسره علي النحو المرحلي التالي:

المرتبة الأولي: الإنتماء الديني

المرتبة الثانية: الإنتماء الوطني

المرتبة الثالثة: الإنتماء القومي

اذا كان الانتماء الاول للدين يبقى شيئ طبيعى ان الواحد مننا يهاجر لدوله تنتمى لنفس دينه

وليه اساسا اخد جنسيتها ؟؟؟

وبعدين اقول لأ الدوله دى " كافره " وما يصحش انتمى ليها !!!

مش ملاحظ ان ده منطق غريب شويه !!!

:blink: tot:: smk: mc(:

[Guest Mohd Gramoun]

ليست غريبة علي الإطلاق...

مثال مسلمي فرنسا ذوي الجذور الشمال إفريقية..

ديانتهم الإسلام و إنتمائهم إسلامي بالدرجة الأولي قبل أن يكون ولائهم لفرنسا.

داخل طيات مجتمعهم تجد المساجد مقسمة لإنتماء وطني.. مساجد الجالية الجزائرية .... مساجد الجالية المغربية.... التونسية.

والإنتماء القومي تجده واضحا في القومية العربية و الأمازيغية و البربرية.... وهكذا

[ALsangry]

عندنا فى مصر ماتقدرش تخون واحد اكلت معاه عيش

وانا او اى واحد متجنس بجنسيه بلد تانيه ارتباطنا بالبلد اكتر من لقمه عيش

احسبها انت بقى ؟؟؟

:blink: tot:: smk:

[فــيــروز]

محدش قال انهم يكرهوا البلد الي هما عايشين فيها السؤال كان ازاي الجيل التاني ينتمي لبلد اهله بالرغم انه معاش فيها

مش عارفه يا emmyyy ده كان مكتوب فى مداخلة جورج .. على العموم انا عند رايى بانه لا تعارض بين حب الوطن الام و كذلك وطن المهجر ..

[emmyyy]

وانا راي من رايك :blink:

[مصرى3003]

مهم جدا الآجابة على السؤال : مصر أم بلد المهجر ؟

لأن دولة مثل هولندا بدأت بالفعل إجراءات تطبيق قرار يمنع الجنسية المزدوجة ليس عن مواطنيها طبعا ولكن عن مكتسبى الجنسية .. يعنى المصرى اللى حصل على جنسية هولندا خلال فترة قصيرة ستخيره هولندا بين الجنسية الهولندية والجنسية المصرية .. وطبعا مافعلته هولندا نموذج لما ستطبقه باقى دول اوروبا وقد يصل الآمر لدول أخرى فى باقى قارات الدنيا .. وهنا يصبح السؤال .. إذا خيروك بين جنسيتك الجديدة وجنسيتك المصرية .. أيهما تختار ؟ مع العلم أن هولندا بدأت بالفعل لإتصالات مع العديد من الدول التى يحمل أبناء جاليتها جنسية هولندا مع جنسيتهم الأصلية .. للتنسيق والتطبيق الفعلى .

على فكرة دى أول مشاركة ليه وأنا سعيد بهذا المنتدى جدا وسعيد أكثر بوجودى بينكم.