عواصف ترابية بالرياض وغداً أجازة مدرسية

[hOuSsAm]

توء توء توء

:closedeyes: انا تخصص امطار و سيول فقط

التراب دا تخصص اخوانا في الكويت

و عشان تتأكدوا انا عمري ما رحت الكويت

بلاش ظلم بقى bsh:)

اااااااااااااااااااااااااااااااااااااه

بقى كدة

الاخت ريمو بعد مقضت على جدة وعيشتنا فى رعب يومين راحت تكمل على بتوع الرياض

وقالت ايه اطلع اوشاعة انها جاية من الكويت عشان متلبسش فيها

ربنا يسترها عليكوا يبتوع الرياض

الا يا اخت ريمو هو انتى كنتى فى الاسكندرية او مرسى مطروح فى الشتا اللى فات؟؟؟؟؟

[سهران]

تحسنت الرؤية قليلا هنا في الدمام بعد ما كانت شبه منعدمة .... و متهيالي سرعة الرياح كمان أهدأ ....ربنا يستر و أن شاء الله نشوف أمطار بكرة ... شكلنا أجازة مع المدارس ... أنا عن نفسي ممكن أدور على المكتب ما ألاقيهوش فهاخودها من قصيرها و هاستنى المطر ... :closedeyes: : ...

تم تعديل 25 مارس 2011 بواسطة سهران

[أسد]

أمس ليلاً .. كنت تعبان جداً .. أشعر بإرهاق شديد

نمت الساعة عشرة ..

ماحستش بكل اللي قلتوا عليه ده ولا سمعت حاجة

رحت وديت إبني المدرسة النهاردة الصبح

الشوارع فاضية ..

مدرسته شغالة ..

دول ملهومش دعوة باللي بيحصل ولا القرارات اللي بتطلع ...

شغالين عرض مستمر

الجو مش كويس ..

فيه غبار بسيط في الجو .. وهواء جامد

درجة الحرارة كانت الساعة السادسة والنصف 15 ..

ربنا يستر

[لماضة مصرية جدا]

يا ساتر

جهز الملايات المبلولة يا أوزوز

العاصفة بدات بوادرها في الرياض والهوا بقى فظيه أهو

لقيت مريم بتنزف من مناخيرها عرف اننا بدأنا الموسم

ربنا يستر

لا حول و لا قوة الا بالله العلي العظيم

الف سلامة علي مريوم

طمنينا عليها

طمنونا عليكم....اهالي السعودية

هو فيه ايه

طب احنا نستخبي بقي اليومين اللي جايين دولم..ربنا يستر

معلشي سؤال

حركة الطيران ايه اليومين دول....الرحلات بتتلغي كده و لا ايه؟؟؟

[se_ Elsyed]

أنا روحت الشغل النهاردة الساعة عشرة ونص وقولت اللي هايكلمني هاخزق عنيه

أقابل مين بقى في الأسانسير ؟

ما هو قليل البخت يلاقي العضم في الجبنة ..

أقابل نائب رئيس مجلس الإدارة ... الراجل ضحك و بص لي وقال لي : أه ... ما أنت باشا ... صاحي الساعة 10 ونص ... وجاي بلبس كاجول لا كرافته ولا بدلة .. ما هي هيصة

قلت له إنت ما شوفتش الجو أمبارح ؟

فقال لي : إيه الشباب الفرافير بتوع اليومين دول ؟ يا بني أنا كنت في مكه بالعربية وواصل الساعة إتنين ونص بالليل والطريق كان مالوش حل وماتشوفش صوابعك .. ومع ذلك جيت الشركة الساعة 4 ونص الفجر ...

كنت عاوز اقول له ما أنت بتهبر قد كده يا خويا ... بس خدتها من قصيرها وقلت له : أنا كويس اللي جيت النهاردة والجو الوحش ده بيأثر أساساً على مشاعري وأحاسيسي ..

[أبوعمار]

بكرة أجازة رسمية في المدارس

هيييه هيييه هيييه

جتنا نيلة في حظنا الهباب

هو احنا اللي نعمل العاصفة والتراب وانتوا اللي تاخدو الاجازة

صحيح احنا بكرة اجازة سواء بتراب او من غيره

بس بردوا الحقد لازم ياخد مجراه

يعني ايه ريمو البريمو؟؟ ... يعني الغبار يجي بالكويت والاجازة تيجي عندنا

يعني ايه ريمو زيرو ؟؟ .. يعني سي السيد وتمورة كل واحد يواسي التاني

يعني ايه ريمو البريمو .. ؟؟ يعني تقلبات جوية في مدى الرؤية الافقية

و

يعني ايه عدالة السماء؟؟.....

يعني بتوع السعودية يشمتوا في بتوع الكويت ...مفيش ساعتين توصلهم العاصفة اللي كانت عندنا حمرا..زتوصلهم بني وهاتقلب على سودا بعد شوية

اللهم لا شماتة :P

على فكرة احنا حاليا الجو مشمس والهواء عليل

ومفيش أجمل من كده smk:

وكمان شوية خارجين نشوي ع البحر كماااااااااااان

[se_ Elsyed]

وإحنا كمان عدالة السماء نزلت على أستاد باليرمو

الجو جميل جداً .. وفي إحتمال هطول أمطار عشان تهبط التراب بتاع أمبارح

وخارجين نشوي في الحمام الصغير عند العطار ملك الباربيكيو ....

وما فيش حد أحسن من حد

[Alattar]

وإحنا كمان عدالة السماء نزلت على أستاد باليرمو

الجو جميل جداً .. وفي إحتمال هطول أمطار عشان تهبط التراب بتاع أمبارح

وخارجين نشوي في الحمام الصغير عند العطار ملك الباربيكيو ....

وما فيش حد أحسن من حد

انت بتقول فيها يا سين سين

أنا كنت ناوي فعلا أعيد المحاولة امبارح..بس المدام قالتي أنا عاوزة أخرج أشتري عبايات عشان نازلة مصر قريبا

و احنا راجعين الدنيا كانت ضلمة تماما..و قلتلها..مش كنا قعدنا شوينا كان أحسنلنا..و طبعا كانت هتتكرر المأساءة..وكنت هلاقي الجو وحش..كنت هدخل الحمام..و الشواية علي كتفي..بس الحمد لله اني ما عملتهاش..لأن الشقة امبارح كانت مليانة تراب..لدرجة اني مسكت البخاخة بتاعة المياة...و قعدت أبخ في الشقة..مطر صناعي بأه..لحد ما التراب نزل شوية فعلا

بس خلاص..كلها كام يوم ان شاء الله والمدام مسافرة..و هاستفرد بالشواية..و يانا يا هيا

[ozoozo]

العاصفه الترابيه وصلت كفر ابو ابها

انا مش فاهم ايه العاصفه السوبر دي من الكويت لابها

طب افهم انا طلعت الجبل ازاي ده احنا علي ارتفاع 2500 متر فوق سطح البحر

[Alattar]

دلوقتي و أنا راجع من صلاة الفجر..الجو غريييييب جدا

و أنا رايح المسجد مافيش حاجة غير شوية هوا خفيف..بعد الصلاة..الهواء يشتد و معاه تراب

في أقل من دقيقتين..نزل مطر خفيف..بس و بعدين دخلت العمارة معرفش ايه اللي حصل تاني

[أسد]

تنعم الرياض منذ عدة أيام بطقس مذهل ....

الدنيا ماتعرفش مغيمة ولا مغبرة ولا لونها إيه بالضبط

الغبار مالي الدنيا بقى له كام يوم ..

المصابون بالحساسية يعانون الأمرين ..

عندي حساسية في عيناي منذ فترة .. وتحت العلاج منذ أكثر من شهر ..

ورجعت الحالة للمربع صفر بعد شوية التراب الروعة اللي عندنا في الرياض ...

اليوم ... شكلة منذ الصباح الباكر جداً .. مختلف

مختلف فعلاً ...

كده زيادة ....

لطفك يارب

[Alattar]

تنعم الرياض منذ عدة أيام بطقس مذهل ....

الدنيا ماتعرفش مغيمة ولا مغبرة ولا لونها إيه بالضبط

الغبار مالي الدنيا بقى له كام يوم ..

المصابون بالحساسية يعانون الأمرين ..

عندي حساسية في عيناي منذ فترة .. وتحت العلاج منذ أكثر من شهر ..

ورجعت الحالة للمربع صفر بعد شوية التراب الروعة اللي عندنا في الرياض ...

اليوم ... شكلة منذ الصباح الباكر جداً .. مختلف

مختلف فعلاً ...

كده زيادة ....

لطفك يارب

فعلا..امبارح كنت بوصل زوجتي للمطار..و كانت بتقوللي أنا حاسسةاني هرجع معاك من الأحوال الجوية

أحسن حاجة هنا في الرياض...فصول السنة الأربعة ممكن ييجوا في أقل من نصف ساعة

[mustafagamiel]

كنت بوصل زوجتي للمطار..و كانت بتقوللي أنا حاسسةاني هرجع معاك من الأحوال الجوية

ياقلبك !!!!

[Alattar]

كنت بوصل زوجتي للمطار..و كانت بتقوللي أنا حاسسةاني هرجع معاك من الأحوال الجوية

ياقلبك !!!!

mc:

hlwn:

اتعلم يابني..عشان يبقي قضاء و قدر.. وتبقي انت في السليم

[aimen]

فعلا..امبارح كنت بوصل زوجتي للمطار..و كانت بتقوللي أنا حاسسةاني هرجع معاك من الأحوال الجوية

أحسن حاجة هنا في الرياض...فصول السنة الأربعة ممكن ييجوا في أقل من نصف ساعة

انتم السابقون ونحن اللاحقون

وايه اخبار المطار

سمعت ان اللى بيروح المدام

بيدوا له واحده بديلة :closedeyes: ياترى الكلام ده صدق ولا ايه ؟

اصل ان شاء الله انا برضه الحاجه عندى مسافرة كمان اسبوعين

تم تعديل 6 أبريل 2011 بواسطة aimen

[لماضة مصرية جدا]

كنت بوصل زوجتي للمطار..و كانت بتقوللي أنا حاسسةاني هرجع معاك من الأحوال الجوية

ياقلبك !!!!

mc:

hlwn:

اتعلم يابني..عشان يبقي قضاء و قدر.. وتبقي انت في السليم

:lol: :lol: :lol: :lol:

السلام عليكم و رحمة الله و بركاته

يعني انا داخلة التوبيك.....ابيع كومامات....و احاول استرزق من موضوع العواصف و الليلة دي....اتكعبل في جريمة قتل مع سبق الارصاد و الترصدا

طب المودام وصلت بالسلامة...و لا اكمل جميلي.....و ابلغ الكراكون....و اقول...فاعلة خير....(وش اي ممثل كومبارس في افلام ابيض و اسود)

بالنوسبة للجو

احنا الجو غريب جدا....حد هيقولي يا بنتي يا بتاعت الامارات ايه اللي حدفك عندك....امانة يا جدعان محدش يزقني....مش لاقية حتة احكي فيها....الناس بتموت في توبيك مغتربي الاماارت...يخشم يسالوا...و بعدين تاخدهم النداهة

الجو بقي

حاجة كده لا هو شمس و لامطرة

غيووووووووووووم

الناس اللي عندها جيوب انفية....(وشي و انا مراخيري محتلية اكبر من مساحتها الطبيعية في وشي)..... متبهدلة الحقيقة

انا بقول يا رب تمطر عشان الجو يروق.....و عشان نلغي المحاضرات :lol:

يااااااااارب

و عشان كده احب اهدي السادة المستمعين...اغنية...يا مطرة رخي رخي

صباحكم.....نشرة ارصاد جوية

[لماضة مصرية جدا]

quote]

انتم السابقون ونحن اللاحقون

وايه اخبار المطار

سمعت ان اللى بيروح المدام

بيدوا له واحده بديلة :closedeyes: ياترى الكلام ده صدق ولا ايه ؟

اصل ان شاء الله انا برضه الحاجه عندى مسافرة كمان اسبوعين

سؤال علي هامش الغيوم

هي المدام بتقولوا عليها الحاجة دلوقتي....0وشي و انا بقرب من الشاشة....و بستهجي الحروف و بتاكد)

[Alattar]

.......................................

:lol: :lol: :lol: :lol:

السلام عليكم و رحمة الله و بركاته

يعني انا داخلة التوبيك.....ابيع كومامات....و احاول استرزق من موضوع العواصف و الليلة دي....اتكعبل في جريمة قتل مع سبق الارصاد و الترصدا

طب المودام وصلت بالسلامة...و لا اكمل جميلي.....و ابلغ الكراكون....و اقول...فاعلة خير....(وش اي ممثل كومبارس في افلام ابيض و اسود)

بالنوسبة للجو

احنا الجو غريب جدا....حد هيقولي يا بنتي يا بتاعت الامارات ايه اللي حدفك عندك....امانة يا جدعان محدش يزقني....مش لاقية حتة احكي فيها....الناس بتموت في توبيك مغتربي الاماارت...يخشم يسالوا...و بعدين تاخدهم النداهة

الجو بقي

حاجة كده لا هو شمس و لامطرة

غيووووووووووووم

الناس اللي عندها جيوب انفية....(وشي و انا مراخيري محتلية اكبر من مساحتها الطبيعية في وشي)..... متبهدلة الحقيقة

انا بقول يا رب تمطر عشان الجو يروق.....و عشان نلغي المحاضرات :lol:

يااااااااارب

و عشان كده احب اهدي السادة المستمعين...اغنية...يا مطرة رخي رخي

صباحكم.....نشرة ارصاد جوية

الحمد لله وصلت بالسلامة..معلش,,أنا عارف انك نفسك تروحي الكراكون و خلاص..بتتلككي يعني..

ما تفكرينيش بموضوع الجيوب الأنفية ده..عشان انا كمان الموضوع ده مبهدلني آخر بهدلة..و جربت جميع أنواع الأدوية..بورشام..و نقط للأنف..و بخاخ للأنف برضه..و كل حاجة..مافيش حاجة نافعة..أمانة عليكي لو لقيتي لها حل تبقي تقوليلنا

[Nileman]

محدثكم من أعلى قمة برج المملكة بالرياض

أنا مش شايف اي حاجة خالص من الشباك ولا حتى الشارع اللي تحت البرج

و إحتياطيا كلمت السعودي الألماني حجزت مواعيد هناك عشان اكيد مراتي و بنتي الاتنين بيستعملوا بخاخات الفنتولين

بس في الأيام اللي زي دي مابينفعش معاهم