الجزيرة...حريق بالبنك المركزى

[أبوعمار]

يظهر اللي مابيعرفوش يداروه أو يصلحوه أو يزوروه

بيحرقوه

وحتى الحرق أرخص وأسرع

وبعدين يا جماعة؟؟؟

هايفضلوا يحرقوا في بلدنا وفي قلوبنا لحد امتى؟

يارب انت المنتقم

يارب احمي مصر يا قدير

[fatfouta]

السيطرة على حريق بالبنك المركزي وسط القاهرة

تمكن رجال الإدارة العامة للحماية المدنية بالقاهرة من السيطرة على حريق محدود شب، ظهر السبت، بمقر البنك المركزي القديم وسط القاهرة، وأسفر الحريق عن حدوث تلفيات بسيطة، ولم يبلغ عن أية إصابات.

وكانت غرفة العمليات للادارة العامة للحماية المدنية بالقاهرة قد تلقت بلاغا بنشوب حريق بالبنك المركزي، وتم توجيه 3 سيارات إطفاء برئاسة اللواء عاطف زكي، والتى تمكنت من محاصرة النيران وإخمادها.

اخبار مصراوى

[رضوي]

ايه الاستهبال والاستفزاز دة ؟؟؟

نفسي بس حد يفهمني فين الحماية المدنية ؟؟؟؟

بلاش الحماية المدنية

مقر رئيسي للبنك المركزي المصري في وسط البلد وبعد الظهر ويوم السبت ويتحرق ؟؟؟؟؟

طبعاً العقل المدبر معروف جداً ومش محتاج مفهومية يعني

لكن ازاي احنا بنستهين بخصمنا ؟؟؟

بقينا دلوقتي زي اللي بيلعب شطرنج مع خصم لعوب وماكر وكل الوسائل والادوات والطرق مباحة عنده ......... لازم ناخد بالنا شوية بقي ........ ولاهم اننا نحمي جيوشنا وممتلكاتنا واحنا بنقضي علي جيوش وممتلكات العدو لأن أصغر عسكري ف اللعبة قيمته كبيرة

[hOuSsAm]

RT @maverickzz: حريق في البنك المركزي المصري منذ قليل بسبب ماس كهربائي في وحدة التكييف .الموضوع بقة زيادة ومسخ قوي كمان #Egypt #CentralBank #Jan25

هو ازاى ماس فى وحدة التكييف والنهاردة السبت اجازة يعنى مفيش عاملين وبالتالى وحدة المكييفات مش شغالة

--------------------------------------

مع احترامى للجميع بس دى مسئولية الدكتور عصام شرف ولازم يطلع يعترف بتحمل المسئولية ويعاقب المتسببين فورا حتى لو مكنوش من النظام السابق

لردع اى حد تسول ليه نفسه انه يعمل كدة

لااااااااااااازم عقاب وفورى والان

now is now

[fatfouta]

RT @maverickzz: حريق في البنك المركزي المصري منذ قليل بسبب ماس كهربائي في وحدة التكييف .الموضوع بقة زيادة ومسخ قوي كمان #Egypt #CentralBank #Jan25

هو ازاى ماس فى وحدة التكييف والنهاردة السبت اجازة يعنى مفيش عاملين وبالتالى وحدة المكييفات مش شغالة

--------------------------------------

مع احترامى للجميع بس دى مسئولية الدكتور عصام شرف ولازم يطلع يعترف بتحمل المسئولية ويعاقب المتسببين فورا حتى لو مكنوش من النظام السابق

لردع اى حد تسول ليه نفسه انه يعمل كدة

لااااااااااااازم عقاب وفورى والان

now is now

سألت يا حسام وماحدش رد عليا وكان قصدى اذاى تكييف شغا والنهاردة السبت مين اللى فى المبنى اصلا

بس تقريبا الماس الكهربائى قاعد فى المبنى لوحده :closedeyes:

[جسار]

عليه العوض فى منحة ال 15 يوم اللى كانوا ناويين يصرفوها لنا

أنا عارف مين اللى نبر فيها !!!

[Folana]

السلام عليكم ورحمة الله...

شكرا يافتفوتة على نقل الخبر....سمعت به ولفيت على القنوات لم أجد مايشير اليه..قلت أكيد حأجده هنا...

بجد بقى حاجة تخنق وزادت عن حدها ..

وحتى لو المبنى خالى من الملفات والأوراق ، وحتى لو كان ماس كهربائى على اساس ان المبنى به عمليات صيانة كما يقال ...،،تكرار الحدث نفسه يدعو إلى التساؤل ..لماذا؟ ولمصلحة من ؟

أظن أننا لا يجب أن نركن لا إلى المجلس العسكرى ولا إلى غيره ، بل ينبغى أن نطالب جميعا بتشكيل مجلس قيادة للثورة (مشكل من مدنيين ومندوب واحد فقط عن الجيش يكون من قيادات الصف الثانى وليس من المجلس العسكرى ) ، وأن يذهب المجلس العسكرى الى ثكناته لان من الواضح انهم متورطين ...

وتكون أول مهام مجلس قيادة الثورة تشكيل محاكم للثورة للاسراع بمحاكمة عصابة النظام السابق ورئيسها ، وكل من شارك فى دولة الفساد والافساد.

-حل الحزب الوطنى ومحاكمة قيادته ورموزه واصدار الحكم السريع لمن تورط فى الفساد وإقصاءه من الحياة السياسية. ويجب هدم النظام القديم هدما كاملا ..

أما ان يتركوا هكذا يعيثون فى البلد فسادا ..يبقى عليه العوض فى الثورة..وعليه العوض فى دم الشهداء اللى راح ...وعليه العوض فى حلم بناء دولة جديدة تواكب لحق الأمم المتقدمة.

حسبى الله ونعم الوكيل

[fatfouta]

ده من صفحة الماس الكهربائى عالفيس بوك والخبر طبعا سخرية على هامش ان كل حريق بيبقى بسبب الماس الكهربائى فى مصر

تم تعديل 26 مارس 2011 بواسطة fatfouta

[se_ Elsyed]

بطلوا إفترا بقى

بما إني شغال في مجال الأي تي ..

فأقدر أقول لكم إن المكيفات كانت شغالة بالرغم إن النهاردة السبت .. عشان تهوي على السيرفرات اللي في الجهاز المركزي ... ومن المعروف إن السيرفرات سواء أجازة أو مش اجزة فهي شغالة شغالة

ده إحتمال

الإحتمال التاني هو إن الماس اللي حصل في وزارة الداخلية الأسبوع اللي فات طارت منه شرارة .. شرذ صغير ... وعلى ما وصل من الوزارة لحد مبنى الأمن المركزي بالتأكيد هاياخد وقت ... فجه حظه إن وصل يوم السبت ...

دكتور س س .... أخصائي كهارب ... ومتخصص في الماس والفيش أم روحين ...

[ozoozo]

بطلوا إفترا بقى

بما إني شغال في مجال الأي تي ..

فأقدر أقول لكم إن المكيفات كانت شغالة بالرغم إن النهاردة السبت .. عشان تهوي على السيرفرات اللي في الجهاز المركزي ... ومن المعروف إن السيرفرات سواء أجازة أو مش اجزة فهي شغالة شغالة

ده إحتمال

الإحتمال التاني هو إن الماس اللي حصل في وزارة الداخلية الأسبوع اللي فات طارت منه شرارة .. شرذ صغير ... وعلى ما وصل من الوزارة لحد مبنى الأمن المركزي بالتأكيد هاياخد وقت ... فجه حظه إن وصل يوم السبت ...

دكتور س س .... أخصائي كهارب ... ومتخصص في الماس والفيش أم روحين ...

انا مختلف معاك

انا اظن والله اعلم

ان الكهرباء بتاعه امن الدوله مش لاقيه شغل بقالها اسبوعين ومفيش حد يتكهرب

فمن كتر الكتمه ابتدت تشرز وتعمل الحرايق ودي

اخوكم اوزواوزو

كهربائي سلسيون

[hOuSsAm]

بطلوا إفترا بقى

بما إني شغال في مجال الأي تي ..

فأقدر أقول لكم إن المكيفات كانت شغالة بالرغم إن النهاردة السبت .. عشان تهوي على السيرفرات اللي في الجهاز المركزي ... ومن المعروف إن السيرفرات سواء أجازة أو مش اجزة فهي شغالة شغالة

ده إحتمال

الإحتمال التاني هو إن الماس اللي حصل في وزارة الداخلية الأسبوع اللي فات طارت منه شرارة .. شرذ صغير ... وعلى ما وصل من الوزارة لحد مبنى الأمن المركزي بالتأكيد هاياخد وقت ... فجه حظه إن وصل يوم السبت ...

دكتور س س .... أخصائي كهارب ... ومتخصص في الماس والفيش أم روحين ...

هو ينفع نقيم الحد على الماس ده؟

او نبوس ايده يرحمنا شوية

بالحق الماس ده كان هيعلم عليا قبل كدة وكان هيولع فيا .....كان زمانى فحمة متفحمة دلوقتى...... عشان كدة نفسى حد يقتص منه

[fatfouta]

المصرى اليوم كتبت

السيطرة على حريق اعلى سطح البنك الاهلى بالقاهرة.....الخبر ده ايه؟؟؟؟هما قصدهم على البنك المركزى ؟؟

[fatfouta]

هو فيه ايه؟؟؟؟؟؟؟؟؟ الشعب يريد تطهير البلاااااااد

السيطرة على حريق محدود بسقف البنك الأهلي وسط القاهرة

شب حريق محدود بسقف البنك الأهلي المصري في شارع شريف وسط القاهرة، أثناء عزل أحد العمال سطح البنك بمادة البيتومين، حيث سقطت منه سيجارة، مما أدى إلى اندلاع النيران.

وأبلغ أحد العمال غرفة إطفاء القاهرة، فانتقل اللواء عاطف زكي، مدير الإدارة العامة للحماية المدنية بالقاهرة، وبصحبته 5 سيارات إطفاء وعربتا إسعاف، وقد تمكن رجال الحماية المدنية من السيطرة على الحريق قبل امتداده إلى الطوابق الأخرى ، وفقا لصحيفة المصري اليوم .

[fatfouta]

قالك النائب العام يعتزم تجميد ارصدة صفوت الشريف وزكريا عزمي خلال ساعات

الكلام ده كان من 3 ايام، وزي ما احنا عارفين كلنا يا اولاد ان خلال ساعات دي عادة بتبقى مش اقل من خمسة وتلاتين الف ساعة زي الاعلان الدستوري اللي كان حيعلن في خلال ساعات من اسبوع

وعنها وعاديك.. ده كان اخر مرة النائب العام يقول حاجمد ارصدة حد وراح سبحان الله، ولا اله الا الله، ولا حول ولا قوة الا بالله، البنك المركزي، اللي لازم يتم الرجوع اليه في عملية تجميد الارصدة، اتحرق بماس كهربائي في التكييفات

ههههههه

حبايب قلبي.. والله باحبكم، احب انا اللي ما يعرفش يكدب ولما يحاول يكدب وشه يحمر ده، تكييف في مارس؟ وكمان عليه ضغط لدرجة انه يعمل ماس كهربائي؟ وفين؟ في البنك المركزي؟ ليه؟ البنك المركزي ما بيعملش صيانة؟

انتوا خفتوا ولا ايه؟

طيب ما احنا عارفين ان الثلاثي المرح لهم ميليشيات ومسلحين كمان، هو احنا بنخاف؟ ما تخافوش

اذا كانوا هددوا بأنهم حيولعوا لكم في البلد كلها لو هوبتوا ناحيتهم

ما تخافوش

اذا كانوا هددوا بانهم حيعملوا فتنة طائفية ويعملوا تفجيرات شبه تفجيرات كنيسة القديسين

ما تخافوش

اذا كانوا هددوا بأنهم حيخربوا البلد

ما تخافوش

احنا واقفين جنبكم... والله العظيم تلاتة احنا واقفين جنبكم.. قسما بالله العظيم احنا واقفين جنبكم

بس ادونا فرصة نقف جنبكم بقى، احنا مش الحيطة المايلة، وجودنا جنبكم هو الضامن الوحيد

انا لو مكانكم اعمل ايه؟

انا لو مكانكم اطلع بيان اقول فيه ان مطالب الشعب على العين والراس، واحنا عارفينها واحدة واحدة، وعايزين نحققها، وبيتم ممارسة ضغوط علينا من قبل كبار الفاسدين، ومن قبل المتضررين من ملاحقة الفاسدين، وبيهددوا امن البلد وشعب مصر، ومحتاجين في هذه الظروف الحرجة وقفة الشعب المصري جنبنا، فيه ناس عايزة تعمل فتن طائفية، وناس عايزة تعمل بلبلة وتخريب، وعايزين جهود الشعب المصري تساندنا

واتفرجوا علينا

اتفرجوا على الشعب ده حيعمل ايه؟ قبل ما البيان ده يخلص حتلاقوا الدنيا كلها لجان شعبية محاوطة كل المصالح والكنايس والجوامع، وفجأتن المسيحيين والمسلمين اللي مسكوا في شعر بعض دول حينزلوا بوس في بعض واحضان تاني، والبلد حتتنظم وتبقى ولا السويد في زمانها

احنا اصلنا لما بنبقى فاضيين بنهبل، لما بيبقى فيه ازمة وعندنا هدف بنبقى زي الساعة.. حتى في الماتشات، ما بنجيبش الجون غير في الوقت بدل الضائع

ده شعبي وانا عارفاه... كان شعبك انت يا كابتن؟ انا اللي لقيته

ما تعملوناش الحيطة المايلة واسمعونا احنا ناس كويسة والله العظيم

مش عارفة... قلبي حاسس كده ان فيه ضغوط عليكم عشان ما تطلعوش الاعلان الدستوري وتسقطوا 71، فيه ناس عايزة دستور 71 وانتوا مش عايزينه، صح؟

وقلبي حاسس كده ان الثلاثي المرح بيهددوكوا بخراب ودمار وحرقوا البنك المركزي بالطريقة الواضحة دي عشان يهتوكوا

طب واحنا رحنا فين؟ ما احنا اهو.. يا ريت يبقى عندكم ثقة فينا شوية

مش انا دلوقت باحب الجيش من طرف واحد؟ بس انا مش حاعرف ادافع لو استمرت سياسة التكتم دي؟ انا مش مصدقة شكوك الناس اللي ابتدت تعلا، لكن مش حاقدر اقولهم مالكوش حق او اسكتوا، لأن الوحيد اللي بايده يطمنهم ويخزي الشيطان هو الجيش المصري فقط لا غير

دلوقت فيه اجهزة، بتحريك من امريكا، عايزين يقعدوا الجيش سنتين تلاتة لحد ما يحضروا البديل الامريكاني، والجيش مش عايز يقعد، فبيحاولوا يقعدوه غصب عنه بأن في نفس اليوم اللي فتحي سرور يتملق فيه الجيش والمشير يندس في مظاهرة ماسبيرو ناس تشتمهم

طب وبرضه انتوا يخيل عليكم الكلام ده؟

احنا شعب مصر.. مافيش احسن من الصراحة معانا، تعالوا لنا بشفافية وتشوفوا وقفتنا جنبكم شكلها ايه، وبعدين كام بلطجي قال كلام فارغ على المشير واساسا ما كانوش جزء من المظاهرة، دول يترنوا علقة بمنتهى السهولة لو جيتوا لنا دوغري وصارحتونا وطلبتوا مساعدتنا في اننا نحقق اهداف الثورة، بدل ما تقعدوا تبعتوا على كل واحد فينا واحد يطقس ورانا عشان يعرف احنا عملاء لمين

احنا مش عملاء ولا حاجة، واللي بنعرفه مش بنعرفه من العمالة، بنعرفه بالاستنتاج، معلش، ربنا فاتح علينا في مخنا شوية عشان الترنت وكده بتعلي مستوى الذكاء، وبعد كده لما تبعتوا حد ورانا يطقس ما تخليهوش يسألنا اسئلة هابلة تكشفه من اول لحظة عشان حتى اهبل ناس فينا فقسوهم، والله العظيم دي مجرد نباهة، والله العظيم كمان مرة احنا ما بنعمل اي حاجة غلط ولا ماشيين في البطال وكلنا عذراوات سوا مدامات ولا انسات ولا حتى رجالة، انتوا شاكين فينا ليه؟ طب لما ناس منا بتشك معذورين عشان هم ما عندهمش مصادر معلومات وكل واحد بيفسر على قد مخه، لكن اصول انت انتوا يبقى عندكم مصادر كويسة تعرفكوا اننا بنحب بلدنا بس، ثقوا في الشعب وما تخافوش علينا

ايه صفوت وزكريا اللي يهددوا دول؟ يروحوا يتوكسوا على خيبتهم، لو عرفوا يعملوا حاجة يوم معركة الجمل يبقى يعرفوا يعملوا حاجة دلوقت، وحرق البنك المركزي مش قصة يعني، والاحداث الطائفية البلهاء بتاعة اطفيح وقطع ودن واحد برضه مش قصة، عادي، احنا اتعاملنا مع حاجات انيل من كده بكتير وقت ما كنتوا في الصحرا، زي ما اتدربتوا هناك ما تخافوش من التعابين والعقارب احنا اتدربنا ما نخافش من صفوت الشريف وزكريا عزمي وفتحي سرور وسوزان مبارك وجمال مبارك، بس ثقوا فينا شوية

ثقوا فينا شوية.. او بلاش.. خلوا بينا وبينهم

يا اما انا مش حاعرف ادافع تاني بقى

واحنا مستمرين في حملتنا لحد ما نجيب الثلاثي عشان يبقوا يعرفوا يحطوا ايدهم في الكوبس وياكلوا ماس كهربائي يا كلوا جاتوه ياكلوا كل اللي يحبوه

هوبا يا شباب؟

للي بيجمع توقيعات في اسوان

0122375490

ده رقم مالك عدلي للي عايز ينسق معاه من المحافظات

0101044264

للي بيجمع في دمياط يتصل برقم

0111179793

اللي بيجمع توقيعات في الاسماعيلية يتصل على

0122526411

اللي بيجمع توقيعات في طنطا يتصل على

0124544946

واللي بيجمع توقيعات في اسكندرية يتصل على

0111860593

اللي عايز يوقع في سوهاج يتصل على

0146075050

اللي بيجمع توقيعات في بورسعيد

0120522209

اللي بيجمع توقيعات في المنصورة

0101176127

اللي بيجمع توقيعات في المنوفية

0171009042

لارسال مجموعات التوقيعات داخل او خارج مصر عبر البريد الالكتروني

fegypt20@yahoo.com

الميل ده للي بيجمع توقيعات كتير وياخدها سكان ويبعتها بالميل، ما تبعتليش توقيعك لوحدك، لو توقيعك لوحدك يبقى حطه على التوقيع الالكتروني

وللارسال بالبريد او التسليم يدا بيد

1 ش سوق التوفيقية

ودي صفحة التوقيعات الالكترونية

ودي صفحة الفيك بوس على رأي امين الشرطة اسم الله

وعموما لو هم ما صارحوناش او اتحرجوا منا يقولوا لنا الكلام ده، ادي احنا عرفنا، ماهو الثلاثي المرح دول اساسا هم اللي خربوها على دماغ مبارك بنباهتهم، يحرقوا البنك المركزي يعني فاكرينا مختومين على قفانا؟

بلدنا وحنجيبهم يعني حنجيبهم

وبنحضر ملف مبارك واسرته كمان.. هو احنا بنخاف؟ اللي يخاف يروح

واذا كانت التوقيعات بتخضهم كده وبتخليهم يحرقوا بنوك.. قشطة جدا.. اللي ما وقعش يبقى خايف زيهم، وما يلزمناش الخوافين.. عيب يا جدع احنا من زمان.. من زمان قوي.. من ايام مينا موحد القطرين

نوارة نجم

[masraweya]

***********************

أظن أننا لا يجب أن نركن لا إلى المجلس العسكرى ولا إلى غيره ، بل ينبغى أن نطالب جميعا بتشكيل مجلس قيادة للثورة (مشكل من مدنيين ومندوب واحد فقط عن الجيش يكون من قيادات الصف الثانى وليس من المجلس العسكرى ) ، وأن يذهب المجلس العسكرى الى ثكناته لان من الواضح انهم متورطين ...

****************

حبيبتي فلانة

ده اللي كان المفروض يحصل

بس مفيش قوة تحميه

الشعب مش عايز يصطدم مع الجيش

الناس بين اتنين .. مقتنع تماما بفساد قيادات الجيش و مسئوليتهم و تواطئهم

و مقتنع تماما ان النظام السابق كان له رؤوس كثيرة و ذيول اكثر و الجيش للا يستطيع التعامل مع كل ابواب جهنم التي يفتحونها عليه

عارفة لو الناس كلها متأكدة ان القيادات العسكرية بتلعب علينا .. مش بعيد كانوا ضباط الصف الثاني عملوا انقلاب عليهم

لكن المسئولية الواضحة للمجلس العسكري هي الضبابية

رغم انه قادر على التواصل مع الناس

لكنه يصر في كثير من الحالات على "اقصاء الشعب

[raouf]

معلش يا شباب سؤاال غبى شوية

ازاى عرفوا انه ماس كهربائى ؟

علشان يتحدد مصدر الحريق لازم الحريم يتم اطفاءه تماما

يذهب المعمل الجنائى للمعاينة

يتم انتداب مهندسين للتاكد انه ماس

ثم يطلع التقرير ويظهر السبب لكن الواضح انهم بدأوا من العكس

اعلنوا ان الماس هو السبب قبل اطفاء الحريق اصلا

وبدون معمل جنائى ولا مهندسين

حاسس ان فيه حاجة غلط

لو انا غلطان حد يقولى رغم انى مهندس اتصالات وحاسب الى يعنى شعبة كهرباء

[se_ Elsyed]

لأ يا رؤوف إنت صح

نقول كمان

الف باء ثورة = تطهير النفوس والعقول

- وبالتالي هانلاقي إن نفس العقول الحمضانة هي هي اللي لسه موجودة ... فاكر سالف الذكر زاهي محتاس ... يعني واحد قاعد في بيتهم بيتعشا وبيشرب الشاي مع المدام ... وفي هجوم في نفس الوقت على المتحف المصري ... في ثانية يطلع ويمسك الكوز ويُدلي بتصريح إن المتحف زي الفل ولم يُسرق منه شيئاً ... مافيش يومين ويطلع هو هو زاهي محتاس ويقول إن اللي إتسرق هم 4 قطع فقط ... شويتين ويطلع واحد تاني يقول لأ لأ دول طلعوا 85 قطعة

مش قلت لك .. ثورة يعني تطهير

ثورة يعني القضاء على كل ما هو فاسد

ثورة يعني لازم تخلي كل وحد يتكلم وقت ان يكون متأكداً من كلامه وتصريحاته .. وإلا فالعقاب يكون شديد ومؤلم ويكون عبره لمن يعتبر ...

[fatfouta]

رصد | عاجل | البنك المركزى| مسئول بالبنك المركزي يطمئن المصريين ويقول : مقر البنك المركزى والذى شب به حريق ظهر اليوم كان خاليا تماما من أي أوراق أو مستندات أو ملفات الموظفين