اذهب إلى المحتوى
محاورات المصريين

أتهم علانيةً المجلس العسكري والنائب العام بالتواطء

se_ Elsyed

بواسطة se_ Elsyed
في محاربة الفساد

 مشاركة

Recommended Posts

se_ Elsyed عضو جديد

se_ Elsyed

بتاريخ:
  • كاتب الموضوع
بتاريخ:
مفروض توقف الحاكمات لحين اعاده الاستقرار بالبلد .

إزاي يا فندم ؟؟؟

كيف تُعيد بناء بيت جديد وهو مليء بالثعابين السامه التي تعيث فساداً هنا وهناك ؟

ألا يجب قطع رؤوس تلك الثعابين والقضاء عليها بأسرع وقت ؟

وما أدرانا ردود أفعالهم في المرحلة القادمة خصوصاً مراحل الإنتخابات المختلفة ؟ بأقول لحضرتك في موجود على ارض الواقع وفي مراكزهم الأن 55 الف عضو مجلس محلي كلهم حزب وطني وكلهم متخصصين في التزوير والبلطجة ولديهم قاعدة بيانات للبلطجية ويجلبونهم في أي وقت

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
  • الردود 101
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

المشاركات الأكثر تفاعلاً

se_ Elsyed
se_ Elsyed

لا يُمكن أن نظل خجولين ومسكوفين من الحديث عن نزاهة المجلس العسكري وعن نزاهة النائب العام فما يحدث منذ شهرين يجعل الشبهات تحوم حولهم ... وذلك فيما يخص كل شيء بمبارك وعائلته والعصابة المقربة له مثل ز

الغريب
الغريب

علشان كدة أنا قولت نعم للتعديلات الدستورية الثورة أزالت أصنام هامة وهي مبارك وأعوانه وتركت لنا الجيش ويحيى الجمل لابد الآن الدفع نحو السلطة المدنية المنتخبة لابد من التعجيل من انتخابات مجلس الشعب

الغريب
الغريب

أي مطالب يا بشمهندس !!؟؟ ولكن الحق أنه لولا الجيش المصري لسالت الدماء أنهار في الثورة المصرية ، فهل نرضى بالفوضى في هذا الكيان .. أنا أقول الجيش وليس المجلس العسكري ومن حق الجيش علينا أن نطرح حلول

masraweya عضو جديد

masraweya

بتاريخ:
بتاريخ: (معدل)

يمكن هنا المكان الانسب للمداخلة دي

***********************

أظن أننا لا يجب أن نركن لا إلى المجلس العسكرى ولا إلى غيره ، بل ينبغى أن نطالب جميعا بتشكيل مجلس قيادة للثورة (مشكل من مدنيين ومندوب واحد فقط عن الجيش يكون من قيادات الصف الثانى وليس من المجلس العسكرى ) ، وأن يذهب المجلس العسكرى الى ثكناته لان من الواضح انهم متورطين ...

****************

حبيبتي فلانة

ده اللي كان المفروض يحصل

بس مفيش قوة تحميه

الشعب مش عايز يصطدم مع الجيش

الناس بين اتنين .. مقتنع تماما بفساد قيادات الجيش و مسئوليتهم و تواطئهم

و مقتنع تماما ان النظام السابق كان له رؤوس كثيرة و ذيول اكثر و الجيش للا يستطيع التعامل مع كل ابواب جهنم التي يفتحونها عليه

عارفة لو الناس كلها متأكدة ان القيادات العسكرية بتلعب علينا .. مش بعيد كانوا ضباط الصف الثاني عملوا انقلاب عليهم

لكن المسئولية الواضحة للمجلس العسكري هي الضبابية

رغم انه قادر على التواصل مع الناس

لكنه يصر في كثير من الحالات على "اقصاء الشعب

و الدعوة دي وجيهة جدا جدا

عاجل: نشطاء ينظمون مسيرة مليونية بميدان التحرير الجمعة 1 أبريل ﻹنقاذ الثورة المصرية

يوم جمهة .. يعني محدش يتلكك اننا معطلين البلد

محتاجة حشد قوي

محتاجين الناس ترجع تضغط على المجلس او تؤازره (زي ما يفهموها

محتاجين ما ننجرش للمعارك الصغيرة و ننسى مصر

تم تعديل بواسطة masraweya

39_17.png

39_18.png

رابط هذا التعليق
شارك
se_ Elsyed عضو جديد

se_ Elsyed

بتاريخ:
  • كاتب الموضوع
بتاريخ:

للمرة المليون

- أيها المجلس العسكري الموقر ... كيف تحكم على من شرع أو نوى القيام بسرقة ولو رغيف خبز بسبع سنوات مع السجن .. وعلى من قاومكم أثناء القبض عليه بـ 25 عاماً .... وتترك اللصوص الكبار يرتعون في البلد .. والمقبوض عليهم يأكلون ويشربون في السجون وهم أجرموا في حقنا جميعاً لمدة 30 عاماً وكل يوم تاجيل وتسويف للمحاكمات ..

الشعب يُريد محاكم ثورة للفاسدين...

الشعب يريد الضرب على رؤوس الفساد بأسرع وقت عن طريق المحاكم العسكرية

الشعب يريد شفافية كاملة وكشف الستار عن كل أسماء الفاسدين والمتورطين في قضايا فساد

وإلا كما ذكرت من قبل ... كيف يتم القبض على 120 مجرم شاركوا في معركة الجحوش والحمير رابع أو خامس يوم الثورة .. وفين وفين بعد شهرين يتم القبض على إتنين من أعضاء مجلس الشعب ... وخلص الموضوع على كده وحلني على ما يتحدد لهم جلسه وحلني على ما يقولوا.. ده لو قالوا مين اللي وراهم من الرؤوس الكبيرة الفاسدة اللي كلنا عارفينهم

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
Alattar عضو جديد

Alattar

بتاريخ:
بتاريخ:

أتمني أن يكون التباطؤ ،،، لتجهيز ملفات محترمة ،

إحتمال بتمناه ،،،

والله يا عم أحمد قلنا الكلام ده قبل كده

حتي لما بدأت محاكمة حبيب العادلي بتهمة غسيل الأموال..قالوا وقتها ان دي تهم من السهل اثباتها..و عشان بس يجروا رجله و يمنعوه من السفر..لحين تجهيز ملف به كل الجرائم الخاصة به..و كمان مع توثيقها بالفيديو و كافة أنواع الوثائق

و بعد كده ولا شفنا ملف ولا حاجة..و كل الاتهامات اللي وجهت لحبيب العادلي زي قتل المتظاهرين مثلا هو عمللها فوروارد لمبارك..و المفروض كان مبارك يتم استدعائه للنيابة كإجراء منطقي جدا..بس ده ما حصلش

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

رابط هذا التعليق
شارك
Dreamwithme عضو جديد

Dreamwithme

بتاريخ:
بتاريخ:

سبحان الله أنا من امبارح وأنا قاعدة ألف حوالين نفسي وأفكر واستخير إني أكتب موضوع بنفس المعني

ويكون عنوانه هل يثور الشعب المصري علي المجلس العسكري؟

وكان كل تفكيري وخوفي لأكون أنا من الثورة المضادة اللي عايزة تعمل وقيعة بين الشعب والجيش لكن الحمد لله أستاذ سي السيد

أعفاني من الحرج وشال التهمة هو لوحده.

مع كامل الاحترام والتقدير للجيش المصري إحنا هنا بنتكلم عن جزء منه وليس كله وبنتكلم عن بعض القيادات وليس كلهم

لكن في علامات تساؤل من أول يوم للثورة عن موقف الجيش وبالرغم من كده هنرجع نقولهم كل يوم مائة مرة متشكرين جدا جدا أنكم ماضربتوش فينا وأنكم مخلتوناش زي ليبا واليمن

لكن أليس تسقيع الثورة بالتباطؤ والتماطل والتعامل بمكيالين أشد من قتل الشعب؟

موقف الجيش مبهم من يوم موقعة الجمل عندما وقف صامتا بدون ردة فعل بالرغم أنه كان يملك أن يمنع البلطجية بأقل جهد

وفعلا عندما تدخل يوم الخميس أوقف المهزلة ولكنه هنا تدخل بعدما تم التأكد إن العيال اللي في التحرير مستقتلين ومش هيسيبوا الميدان وإن منظرنا بقي وحش أمام العالم

وهذه كانت أول علامة استفهام....تلتها علامات استفهام كثيرة جدا مع الانتهاكات والتعذيب الذي طال المعتصمين في ميدان التحرير

أنا في رأيي إن ثورة مصر لم تنجح بعد ولم تسقط النظام وأن الجيش حاليا بيقوم بتسقيع الثورة وقتلها بالبطؤ والضغط علي الشعب بأننا عايزين عجلة الانتاج تمشي

والناس تنسي بقي وكفاية واحمدوا ربنا مش أنتم كنتم عايزين مبارك يمشي أهو مشي أنتوا عايزين أكثر من كده أيه؟

سأختلف مع أستاذ سمبا إن لن ينجح الأمر بدون الأخوان ....لأن هذا تضخيم من حجم الأخوان وتأثيرهم علي الشارع

اللي عمل الأعداد الضخمة اللي نزلت الشارع وقت الثورة كان إن الشعب كله هب وقام وليس فقط الشباب أو الأخوان

وهذا يطرح سؤال هل يهب الشعب الآن نفس الهبة أمام الجيش؟ وهذا السؤال اللي بيجيبلي اكتئاب لأن عامة الناس في الشارع

كان سهل جدا تتجمع علي كره مبارك وفساد مبارك

لكن الشعب عايز يصدق إن في حاجة عدله في البلد إن لسه في حائط سليم في البلد يتسند عليه

فبالتالي عند الكلام عن مشكلة في أداء الجيش لا يتفاعل معها الناس بشكل قوي

الشعب بيحب الجيش ومش عايز يشوف عيوب منه وحتي لو شاف ....

لازم نلاحظ هنا إنك لما كنت بتدعو الناس لمظاهرة مليونية ضد النظام شئ

ودلوقتي لو قلت مظاهرة مليونية عشان نتابع أهداف الثورة فهنا بتترجم علي طول في أذهان الناس إن دي مظاهرة ضد الجيش

فهل تستطيع كسر حاجز الخوف من الجيش وما من الممكن أن يحدث إذا حدث تصادم بين المتظاهرين والجيش؟

موضوع صعب

بس أنا متأكدة إنها هتكمل وإن مصر هتتغير بجد وإنها لم تكن نصف ثورة وإننا فعلا هنأخد حقنا

<p class='bbc_center'><span style='color: #000080'><strong class='bbc'><span style='font-size: 14px;'>"من مدحك فإنما مدح مواهب الله فيك.....فالشكر لمن وهب وليس لمن وُهِب له" ابن عطاء السكندري<br /><br />"اللهم من ضاق صدره بنا فاجعل قلوبنا تتسع له" الامام أبو حنيفة</span></strong></span></p>

رابط هذا التعليق
شارك
Ahmed Anwer عضو جديد

Ahmed Anwer

بتاريخ:
بتاريخ:

معلهشي لو حتي دبابة الجيش ،،، داست عليا ،،

هيفضل رأيي ،،

نضغط علي الجيش ،،،،،،،،،،،،،،،،،،،،،،، نعم

نواجه الجيش ،،،،،،،،،،،،،،،،،،،،،،،،،، لأ

03zjkty10.jpg

رابط هذا التعليق
شارك
se_ Elsyed عضو جديد

se_ Elsyed

بتاريخ:
  • كاتب الموضوع
بتاريخ:

يا أحمد ومين قال ثورة ؟

هو يا أقصى اليمين .. يا أقصى الشمال ؟؟؟؟

من حقي أحاسب واتساءل وأعلي صوتي بكلمة الحق ....

وإلا هانرجع لعهد مبارك الأسود اللي فاهم كل حاجه وعارف كل حاجه وإنما يُرينا ما يرى هو لإنه دايماً صح

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
jasmin hamed عضو جديد

jasmin hamed

بتاريخ:
بتاريخ:

هقول تانى

نفس الاليه الى اتبعت لاقالة شفيق

مظاهرات اعلاميه

مظاهرات فيس بوكيه

صفحات رئاية الوزاره و المجلس الاعلى لازم تتملى بتعليقات

اذا هما بعرفو ايه البيدور فى عقل المصرين من الانترنت

و اطمنو ان اغلب كلامنا بقى فى مواضيع فرعيه بتهد اكتر مما بتبنى

لازم المسئولين يعرفو اننا مركزين عارفين الخطوه الجايه ان الحوارات بتاعت

البرلمانيه و الرئاسيه

الاستفتاء مش هتنسينا حقنا الى لسه عندهم

مش معقول تبقى مصر بتمر بازمه اقتصاديه و فلوسها مسروقه و جزء منها لسه فى البلد و

و مش عارفين نتحصل عليها

I shall be telling this with a sigh

Somewhere ages and ages hence:

Two roads diverged in a wood, and I—

I took the one less traveled by,

And that has made all the difference

رابط هذا التعليق
شارك
raouf عضو جديد

raouf

بتاريخ:
بتاريخ:

يا أحمد ومين قال ثورة ؟

هو يا أقصى اليمين .. يا أقصى الشمال ؟؟؟؟

من حقي أحاسب واتساءل وأعلي صوتي بكلمة الحق ....

وإلا هانرجع لعهد مبارك الأسود اللي فاهم كل حاجه وعارف كل حاجه وإنما يُرينا ما يرى هو لإنه دايماً صح

للاسف يا سين سين

الجيش معندوش منتصف

يا اقصى اليمين او اقصى اليسار يعنى انت معى او ضدى فقط

لا يوجد حياد

وحاجة هو الجيش تم تفريغه تماما من 2001

اى ظابط كام ملتزم او عنده ميول ضد النظام مستحيل يتعدى رتبة عقيد فقط

عميد-لواء لابد ان يكون ولاءوه كامل لقائد الجيش

إذا مــات الـسـيـد فـأقـتــل حـتـى كـلبــه لأنــه لــن يــكـون وفيـا لـغير سـيـده الأول

اذا جالست الجهال فانصت لهم

واذا جالست العلماء فانصت لهم

فان فى انصاتك للجهال زيادة فى الحلم

وفى انصاتك للعلماء زيادة فى العلم

129042712.jpg

رابط هذا التعليق
شارك
se_ Elsyed عضو جديد

se_ Elsyed

بتاريخ:
  • كاتب الموضوع
بتاريخ:

يا أحمد ومين قال ثورة ؟

هو يا أقصى اليمين .. يا أقصى الشمال ؟؟؟؟

من حقي أحاسب واتساءل وأعلي صوتي بكلمة الحق ....

وإلا هانرجع لعهد مبارك الأسود اللي فاهم كل حاجه وعارف كل حاجه وإنما يُرينا ما يرى هو لإنه دايماً صح

للاسف يا سين سين

الجيش معندوش منتصف

يا اقصى اليمين او اقصى اليسار يعنى انت معى او ضدى فقط

لا يوجد حياد

وحاجة هو الجيش تم تفريغه تماما من 2001

اى ظابط كام ملتزم او عنده ميول ضد النظام مستحيل يتعدى رتبة عقيد فقط

عميد-لواء لابد ان يكون ولاءوه كامل لقائد الجيش

الشعب أقوى من الجيش .... وأخر ضربة شوفناها كانت أمن الدولة بجبروته لما جبناه الأرض

بإذن الله الجمعة القادمة فيها كلام كتير ... وهاتشوفوا

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
الباشمهندس ياسر عضو جديد

الباشمهندس ياسر

بتاريخ:
بتاريخ:

يا أحمد ومين قال ثورة ؟

هو يا أقصى اليمين .. يا أقصى الشمال ؟؟؟؟

من حقي أحاسب واتساءل وأعلي صوتي بكلمة الحق ....

وإلا هانرجع لعهد مبارك الأسود اللي فاهم كل حاجه وعارف كل حاجه وإنما يُرينا ما يرى هو لإنه دايماً صح

مش هينفع نظرا لاختلاف الوضع تماما

دلوقتي الجيش بيلم و عايز يخلص م البلد و يسلمها لسلطة باحترام

و من الاخر فيه ديييييل

و مفيش حل غير ان بقايا النظام البائد تزودها عن الحد فيضطر الجيش انه يوريهم الوش الخشب

انما كل اللي حصل لغاية دلوقتي من طراز هناخدكم واحدة واحدو لغاية ما تنشغلوا و تتلهوا و تنسوا

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك
الباشمهندس ياسر عضو جديد

الباشمهندس ياسر

بتاريخ:
بتاريخ:

الشعب أقوى من الجيش .... وأخر ضربة شوفناها كانت أمن الدولة بجبروته لما جبناه الأرض

بإذن الله الجمعة القادمة فيها كلام كتير ... وهاتشوفوا

الجيش جزء من الشعب

مفيش تحدي او حرب بين الجزء و الكل عشان نتكلم باللهجة دي

اهدي يا احمد

و شوف عاوز تحقق ايه الجمعه الجاية و نتناقش

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك
se_ Elsyed عضو جديد

se_ Elsyed

بتاريخ:
  • كاتب الموضوع
بتاريخ:

الشعب أقوى من الجيش .... وأخر ضربة شوفناها كانت أمن الدولة بجبروته لما جبناه الأرض

بإذن الله الجمعة القادمة فيها كلام كتير ... وهاتشوفوا

الجيش جزء من الشعب

مفيش تحدي او حرب بين الجزء و الكل عشان نتكلم باللهجة دي

اهدي يا احمد

و شوف عاوز تحقق ايه الجمعه الجاية و نتناقش

حرب إيه يا عم ياسر

وهل كانت مطالبنا وضغوطنا بخلع ذيل النظام أحمد شفيق .. هل كانت حرب ؟

وهل كانت مطالبنا بتصفية النظام الفاشي المُُمثل في أمن الدولة .. هل كانت حرب ؟

الاولوية الأن جنباً إلى جنب مع التنمية هي تصفية الفساد وقطع دابره لإن كل ما نمشي خطوة بيكعبولنا ....

أنا كتبت قبل كده يا ياسر ... إما ثورة أو لا ثورة

إما تنظيف الجرح تماماً .. أو كان من الأول لا نفتحه ولا نيجي ناحيته ونخلي المريض يموت لوحده ...

هل عاجبك وضع مبارك وعائلته ... ومبارك وحاشيتة اللي كانوا سبب في كل البلاوي يا ياسر ؟

طب إحنا منتظرين إيه لحد دلوقت ؟

هل بعد ده كله يا ياسر تقبل إنك تلاقي الحزب الوطني نازل إنتخابات مجلس الشعب بعد شهرين تلاته عادي وكان شيئاً لم يكن ؟

لأ وخد دي ... لحد دلوقت من حقهم يرشحوا حد لرئاسة الجمهورية . إيه رأيك قانونياً لو رشحوا مبارك .. أو

جمال لرئاسة الجمهورية ؟

إيه هانقول عيب .. وما يصحش ..

لا بالوضع ده يصح ونص وحقهم طالما سايبينهم

هل فكر في احد يا ياسر مراجعة مقرات الحزب الوطني وإمكانياته اللا متناهية عشان نشوف دي فلوس مين وجايبينها منين ؟

هل تقبل اللي خربوها يبقى لهم وجود قانوني عيني عينك كده لحد دلوقت ؟

هل تقبل أن ترى إسم أسامة كلب السرايا وممتاز القط وعبد الله كمال ... إلخ ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
Alrefaey عضو جديد

Alrefaey

بتاريخ:
بتاريخ:

سؤااال

هل فيه حد شكوى للنائب العام بقضايا فساد مدعمة بالادله ضد صفوت وعزمى وسرور واسرة مبارك ولم يتحرك النائب العم ؟

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
se_ Elsyed عضو جديد

se_ Elsyed

بتاريخ:
  • كاتب الموضوع
بتاريخ:

سؤااال

هل فيه حد شكوى للنائب العام بقضايا فساد مدعمة بالادله ضد صفوت وعزمى وسرور واسرة مبارك ولم يتحرك النائب العم ؟

يا دكتور رفاعي إحنا مش منتظرين حد يقدم بلاغ يقول فيه إن غسيل زكريا عزمي نقط على غسيلهم في الدور اللي تحت

بل إن أجهزة الرقابة في الدولة كانت لازم تتحرك من تلقاء نفسها ولا تنتظر شكوى من أحد

فهؤلاء كان فسادهم واضحاً كوضوح الشمس

--------

سؤال ... وهل ننتظر أن يتقدم أحد بشكوى ضد مبارك وإبنه لكي نُثبت فسادهم ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
Alrefaey عضو جديد

Alrefaey

بتاريخ:
بتاريخ:

سؤااال

هل فيه حد شكوى للنائب العام بقضايا فساد مدعمة بالادله ضد صفوت وعزمى وسرور واسرة مبارك ولم يتحرك النائب العم ؟

يا دكتور رفاعي إحنا مش منتظرين حد يقدم بلاغ يقول فيه إن غسيل زكريا عزمي نقط على غسيلهم في الدور اللي تحت

بل إن أجهزة الرقابة في الدولة كانت لازم تتحرك من تلقاء نفسها ولا تنتظر شكوى من أحد

فهؤلاء كان فسادهم واضحاً كوضوح الشمس

--------

سؤال ... وهل ننتظر أن يتقدم أحد بشكوى ضد مبارك وإبنه لكي نُثبت فسادهم ؟

ياغالى انت وانا واعضاء المحاورات والمجلس الاعلى وكل الناس عارفة انهم فاسدين

لكن لا يستطيع الجيش اتخاذ اى اجراء ضدهم بدون شكوى ودلائل ,

الجيش ممشى امورة بالعافية وبيلعب دور مش دوره بالاساس ,ولايريد ان يضع نفسه فى مواجهة مباشرة مع اكثر من 50% من الشعب

نظام مبارك لم يترك احد الا تلوث بفساده والمنتفعيين كتير واصحاب الثورة المضادة اكثر ويهمهم نفاذ صبر الجيش ودخوله فى مواجه مع الشعب

ارى ان نعامل قادة الجيش كانهم قضاه نقدم لهم القضايا بالادله ونحاسبهم على التأخير

وفى الاخير دى وجهة نظرى وقد اكون مخطىء

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
Alrefaey عضو جديد

Alrefaey

بتاريخ:
بتاريخ:

هو بالفعل مايتم لوم القادة عليه هما وحكومة شرف بقائهم حتى الان على اذيال النظام السابق فى مواقعهم

رؤساء التحرير زى سريا والقط ,رؤوساء وعمداء الجامعات ,لابد من حركة استأصال لجميع النمازج الفاسدة التابعة للنظام السابق

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
Ahmed Anwer عضو جديد

Ahmed Anwer

بتاريخ:
بتاريخ:

بالضبط كده ،،

مش عايزين نبقي عيال صغيرة بتعيط عشان يجيبولها اللعبة

لو كده ،، اشطه أضربلكم أحلي صورة فوتوشوب لمبارك في الترينج الأبيض

و لسوزي بالجلابية البيضه في سجن النسوان

فين محامين مصر ؟؟؟؟ دوول رفع القواضي بالنسبة لهم هواية زي جمع الطوابع !!!

فين اللي صدعونا ،، المنظمات الحقوقية و جمعيات المجتمع المدني

إحنا كشعب مفيش حاجة في ايدينا غير تكوين رأي عام ،،، دووول فين بقه ؟؟

و برده لازم تكون المطالب منطقية

مش معقول نطلب إزالة نظام بالكامل من الرئيس للغفير !!!!

عشان محدهش يتريق علينا لما نقول إحنا محتاجين وقت عشان نعمل أحزاب ،،

اشمعني مش عايزين تدوهم وقت عشان يطهروا ؟؟؟

03zjkty10.jpg

رابط هذا التعليق
شارك
se_ Elsyed عضو جديد

se_ Elsyed

بتاريخ:
  • كاتب الموضوع
بتاريخ:

اشمعني مش عايزين تدوهم وقت عشان يطهروا ؟؟؟

مش عارف ليه قريت الكلمة اللي بالاحمر دي على إنها circumcision

ما علينا ... مش موضوعنا ده وهانشوفه بعد ما نقفشهم

يا عزيزي أحمد ...

وهل أسامه سرايا وامثاله من القمامة محتاجين وقت عشان نكنسهم ؟

هم والمحافظين الفاسدين وأعضاء المحليات ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...