أتهم علانيةً المجلس العسكري والنائب العام بالتواطء

[Ahmed Anwer]

أنا بقول بناء علي مشاركتك يا باشا

(( وإذا كان 55 الف فاسد هم أعضاء المحليات مازالوا موجودين

وإذا كان المحافظين المجرمين لسه موجودين

يبقى ما فائدة الثورة وما فائدة دم الشهداء ؟ ))

55 الف في يوم واحد ؟؟؟ أو في شهر أو شهرين ؟؟؟ أو سنة حتي ؟؟

دوول لو جابوا عائلاتهم و حبايبهم هيعملوا أحلي مليونية !!!

ده إذا كنت واثق كمان إن كلهم فاسدين بنسبة 100%

أنا قصدي فيه حاجات سهلة و بسيطة ،، تحقيقها سريعا

و كمان لازم في اطار قانوني

و فيه حاجات فعلا محتاجة وقت

[الباشمهندس ياسر]

الاولوية الأن جنباً إلى جنب مع التنمية هي تصفية الفساد وقطع دابره لإن كل ما نمشي خطوة بيكعبولنا ....

أنا كتبت قبل كده يا ياسر ... إما ثورة أو لا ثورة

إما تنظيف الجرح تماماً .. أو كان من الأول لا نفتحه ولا نيجي ناحيته ونخلي المريض يموت لوحده ...

هل عاجبك وضع مبارك وعائلته ... ومبارك وحاشيتة اللي كانوا سبب في كل البلاوي يا ياسر ؟

طب إحنا منتظرين إيه لحد دلوقت ؟

هل بعد ده كله يا ياسر تقبل إنك تلاقي الحزب الوطني نازل إنتخابات مجلس الشعب بعد شهرين تلاته عادي وكان شيئاً لم يكن ؟

لأ وخد دي ... لحد دلوقت من حقهم يرشحوا حد لرئاسة الجمهورية . إيه رأيك قانونياً لو رشحوا مبارك .. أو

جمال لرئاسة الجمهورية ؟

إيه هانقول عيب .. وما يصحش ..

لا بالوضع ده يصح ونص وحقهم طالما سايبينهم

هل فكر في احد يا ياسر مراجعة مقرات الحزب الوطني وإمكانياته اللا متناهية عشان نشوف دي فلوس مين وجايبينها منين ؟

هل تقبل اللي خربوها يبقى لهم وجود قانوني عيني عينك كده لحد دلوقت ؟

هل تقبل أن ترى إسم أسامة كلب السرايا وممتاز القط وعبد الله كمال ... إلخ ؟

طب المجلس الاعلي مش هيعمل كده اطلاقا

احنا محتاجيين الرجل القوي

في احد كتب هيكل كان بيتكلم عن الثورة و قال علي ما اتذكر

و ظل الانجليز يبحثون عن الرجل القوي الذي خطط و نفذ و قاد .. انهم لم يقتنعوا ابدا ان محمد نجيب هو ذلك الرجل فشخصيته معروفة و حدوده ايضا معروفة

لم يكونوا يعرفون ان هناك رجلا اسمه جمال عبد الناصر

بغض الطرف عن حقيقة كلمات هيكل

هل نستطيع ان نوجد هذا الرجل الذي يقوم بالمهمة خير قيام و هي التخلص من الفاسدين بقرار استثنائي

ان اعدام عشرة افراد كفيل تماما بالقضاء علي الثورة المضادة و اعداء الارادة الحرة لهذا الشعب الابي الي الابد

عشرة يذهبون في جريرة جرائمهم النكراء ليحيا مازاد عن الثمانين مليونا في رغد

تري هل يحدث...؟؟؟

ام اننا سنضطر الي مليونية اخري؟؟؟

[shawshank]

الشعب أقوى من الجيش .... وأخر ضربة شوفناها كانت أمن الدولة بجبروته لما جبناه الأرض

بإذن الله الجمعة القادمة فيها كلام كتير ... وهاتشوفوا

ماهو يُخشى إن جيشنا يعمل زي ما القذافي عمل. يعني ممكن الجيش يفض المظاهرة بالقوة. مش بس كده، ويحاكم المتظاهرين كمان بالقانون اللي لسه طازة ونصه:

1. يعاقب بالحبس أو الغرامة التى لاتقل عن خمسين ألف جنيه ولا تجاوز مائة ألف جنيه أو بإحدى هاتين العقوبتين كل من قام أثناء سريان حالة الطوارىء بوقفة احتجاجية أو اعتصام أو تجمهر أو شارك فى ذلك بحيث ترتب على تلك الوقفة أو الاعتصام أو التجمهر منع أو تعطيل أو إعاقة إحدى مؤسسات الدولة أو إحدى السلطات العامة أو إحدى جهات العمل العامة أو الخاصة عن أداء أعمالها.
   
2. تكون العقوبة الحبس مدة لا تقل عن سنة وبالغرامة التى لاتقل عن مائة ألف جنيه ولا تجاوز خمسمائة ألف جنيه أو بإحدى هاتين العقوبتين إذا استخدم الجانى القوة أو العنف أثناء الوقفة أو الاعتصام أو التجمهر أو إذا ترتب على الجريمة تخريب إحدى وسائل الإنتاج أو الإضرار بالوحدة الوطنية أو السلام الاجتماعى أو الإخلال بالنظام العام أو إلحاق الضرر بالأموال أو المبانى أو بالأملاك العامة أو الخاصة أو احتلالها أو الاستيلاء عليها.
   
3. ويعاقب بالحبس والغرامة التى لاتقل عن ثلاثين ألف جنيه ولا تجاوز خمسين ألف جنيه كل من حرض أو دعا أو روج بالقول أو بالكتابة أو بأية طريقة أخرى من طرق العلانية لأى من الأفعال السابقة.
   

ده خبر في نفس السياق ...

مصادر: المراسي والفرماوي سيحاكمان أمام الجنح وليس الجنايات في جرائم قتل المتظاهرين

قالت مصادر قضائية إن اللواءين أسامة يوسف المراسى مدير أمن الجيزة السابق واللواء عمر الفرماوى مدير أمن 6 أكتوبر ستتم محاكمتهما أمام محكمة الجنح وليس الجنايات وذلك في اتهامات قتل متظاهري الثورة وأحداث الشغب والإنفلات الأمني التي شهدتها القاهرة والجيزة وأكتوبر. وأشار المصدر القضائى إلى أن مديري أمن الجيزة وأكتوبر تم التحقيق معهما دون أن يتم ضبطهما وإحضارهما وأن الاتهامات الموجهة لكليهما كانت لإلحاقهما الضرر بأموال ومصالح الجهة التى يعملان بها، بالإضافة إلى القتل والإصابة الخطأ إلى عدد من المتظاهرين بالجيزة.

تم تعديل 26 مارس 2011 بواسطة shawshank

[se_ Elsyed]

لن تصل إلى مرحلة الصدام بإذن الله

لإنها مطالب مشروعة وجزء لا ينجزأ من مطالب الثورة اللي سالت عشانها الدماء ....

[ozoozo]

سؤااال

هل فيه حد شكوى للنائب العام بقضايا فساد مدعمة بالادله ضد صفوت وعزمى وسرور واسرة مبارك ولم يتحرك النائب العم ؟

يا دكتور رفاعي إحنا مش منتظرين حد يقدم بلاغ يقول فيه إن غسيل زكريا عزمي نقط على غسيلهم في الدور اللي تحت

بل إن أجهزة الرقابة في الدولة كانت لازم تتحرك من تلقاء نفسها ولا تنتظر شكوى من أحد

فهؤلاء كان فسادهم واضحاً كوضوح الشمس

--------

سؤال ... وهل ننتظر أن يتقدم أحد بشكوى ضد مبارك وإبنه لكي نُثبت فسادهم ؟

ياغالى انت وانا واعضاء المحاورات والمجلس الاعلى وكل الناس عارفة انهم فاسدين

لكن لا يستطيع الجيش اتخاذ اى اجراء ضدهم بدون شكوى ودلائل ,

الجيش ممشى امورة بالعافية وبيلعب دور مش دوره بالاساس ,ولايريد ان يضع نفسه فى مواجهة مباشرة مع اكثر من 50% من الشعب

نظام مبارك لم يترك احد الا تلوث بفساده والمنتفعيين كتير واصحاب الثورة المضادة اكثر ويهمهم نفاذ صبر الجيش ودخوله فى مواجه مع الشعب

ارى ان نعامل قادة الجيش كانهم قضاه نقدم لهم القضايا بالادله ونحاسبهم على التأخير

وفى الاخير دى وجهة نظرى وقد اكون مخطىء

فعلا يادكتور لما اشوف بتوع انا اسف ياريس واسف ياشفيق بفكر جم منين هاتلاقي

1-رجال اعمال صغيرين وذويهم واولادهم وعمال شركاتهم

2- اعضاء شعب وشوري ومحليات واسرهم واللي بينوبهم من الحب جانب

3-ناس كتير كانو منتفعيين والثوره قطعت عيشهم زي امين الشرطه بتاع الخمسه والعشره جنيه

[ام سلمي]

انا مش فاهمة هو لو عملنا الجمعة الجاية مظاهرة مليونية وحددنا مطالب معينة ليه الكل مسميها مواجهة مع الجيش ،ما احنا بعد ما الجيش مسك الحكم عملنا عدة مظاهرات والجيش كان بيستجيب لمطالبنا واخر مظاهرة بتاعة شفيق الجيش اقاله الخميس يعني قبل المظاهرة بيوم كمان ، والجمعة اللي فاتت كان في مظاهرة صغيرة والجيش ما اتعرضلهاش ، قانون الاعتصامات ما يدخلش فيه المظاهرات اللي ما بتعطلش عن العمل واللي في الاجازات ، واحنا توقفنا لو تفتكروا عن المظاهرات علشان ندي فرصة لعصام شرف يصلح كام اسبوع وبعدين نشوف ،وفعلا هو عمل اصلاحات كتير بس شغل النيابة والنائب العام و التأجيلات وتباطأ بعض القضاة ده مش تحت ايد عصام شرف وده اللي احنا مضايقنا دلوقتي ، يعني مليون خبر عن جرايم مبارك ، وما فيش حاجة ، اخرها الاكواد اللي عملها في البورصة ، طب البلاد اللي جمدت ارصدته ما بتقولش فلوسه كام ليه علشان نقوله من اين لك هذا مش المفروض يطلبوا من البلاد دي تفاصيل عن حساباته يحاسبوه علي اساسها ، وبرضه من 4 ايام قالوا حيجمدوا ارصدة زكريا وسرور والشريف وما فيش حس ولا خبر ، ده كله شغل النائب العام والقضاء ده مش تحت ايد شرف ، المفروض الائتلاف يحدد مطالب وننزل مظاهرة بيها والجيش لما بيلاقي مظاهرة مليونية بيستجيب غير كدة لأ

[shawshank]

انا مش فاهمة هو لو عملنا الجمعة الجاية مظاهرة مليونية وحددنا مطالب معينة ليه الكل مسميها مواجهة مع الجيش ،ما احنا بعد ما الجيش مسك الحكم عملنا عدة مظاهرات والجيش كان بيستجيب لمطالبنا ...

مواجهة عشان بنتهم علانية المجلس العسكري بالتواطؤ، وبنقول من غير خجل ولا كسوف: الشبهات تحوم حولك يا مجلس يا عسكري، واحنا بنشكك في نزاهتك.

الجيش كان بيستجيب قبل كده عشان ماكناش بنشكك فيه. دلوقت هنشكك فيه، فلجوؤه للقوة هيكون أمر متوقع وطبيعي، غير قبل كده خالص. قبل كده عملنا عدة مظاهرات والجيش كان بيستجيب لنا، ماكناش في المظاهرات دي بنشكك في الجيش. بالعكس كنا بنقول الجيش والشعب ايد واحدة. لكن دلوقتي فيه مواجهة ... مش مواجهة عنف، لكن مواجهة اتهام الشعب للجيش بالتواطؤ. وأعضاء المجلس الأعلى للقوات المسلحة في النهاية بشر مش ملايكة.

... يعني مليون خبر عن جرايم مبارك ، وما فيش حاجة ، اخرها الاكواد اللي عملها في البورصة ، طب البلاد اللي جمدت ارصدته ما بتقولش فلوسه كام ليه علشان نقوله من اين لك هذا مش المفروض يطلبوا من البلاد دي تفاصيل عن حساباته يحاسبوه علي اساسها ، وبرضه من 4 ايام قالوا حيجمدوا ارصدة زكريا وسرور والشريف وما فيش حس ولا خبر ، ده كله شغل النائب العام والقضاء ده مش تحت ايد شرف ، المفروض الائتلاف يحدد مطالب وننزل مظاهرة بيها والجيش لما بيلاقي مظاهرة مليونية بيستجيب غير كدة لأ

طب ماهو حضرتك بتقولي اهوه إن المطالب المبنية على التساؤلات دي شغل النائب العام والقضاء، يبقى الجيش هيستجيب ازاي للمطالب دي لما يلاقي مظاهرة مليونية؟ ماهو كده كده مش بإيده. لو بإيده، يبقى متواطئ عشان التأخير, ولو مش بإيده، مفيش حاجة يقدر يعملها حتى مع المظاهرة المليونية.

تم تعديل 27 مارس 2011 بواسطة shawshank

[se_ Elsyed]

أنا زهقت بجد

كل يوم جلسات لمحاكمة الفاسدين .. وأقل تأجيل بيبقى شهر ...

إيه في إيه ؟

هما القضاة للدرجة دي مشغولين ؟

أو عندهم قضايا أهم من مصير البلد اللي خلصناها من إيد الظلمة ؟

وخلوا بالكم فين وفين لو الحكم صدر .. هايبقى في طعن وإستئناف و و و و إلخ ... وربنا يدينا طولة العُمر زي موضوع طلعت مصطفى كده ... والورثة بقى يبقى يفرحوا بالحكم النهائي الغير قابل للطعن

[jasmin hamed]

اهو رد عليك يا سيدى هنورثهم بعد عمر طويل

http://dostor.org/politics/egypt/11/march/27/38936

وزير العدل:تشريع جديد للتصالح مع رجال الأعمال المتهمين..والدولة سترث الرئيس السابق

وزير العدل المستشار محمد عبد العزيزالجندى انه بصدد اعداد تشريع جديد يتيح لجهات النيابة العامة قبول عروض رجال الأعمال باعادة الأموال المنهوبة والتصالح بشرط ان تكون الحالات لا تتضمن فساد متعمد.

وقال الجندى فى مؤتمر صحفى اليوم الأحد أن الحكومة تقف بشدة وراء دعم رجال الأعمال الشرفاء لكنها ستتعقب من استفادوا من الفساد بقصد وتعمد، وقال ان التشريع الجديد يسمح فقط لمن استفاد من الفساد دون مشاركة فيه ان يعيد ما تحصل عليه من اموال الشعب وذلك لرفع الحرج عن النائب العام ورجال النيابة فى قبول مثل هذه الطلبات.

واضاف الجندى ان جهاز الامن العام الجديد الذى يحل محل جهاز امن الدولة لن يستبعد كل رجال الجهاز القديم، مضيفا ان المعيار هو مدى تورط اي من افراد الجهاز القديم ومسئوليتهم عن الجرائم المنسوبة اليهم.

واضاف ان استرداد الأموال المنهوبة هدف رئيسى للحكومة الجديدة التى تحتاج لهذه الأموال لسد عجز الميزانية ومواجهة الأزمة التى يعيشها الاقتصاد المصرى حاليا ، وقال ان الحكومة تتبع الاجراءات القانونية لاستردادها بما فى ذلك ماينسب من استيلاء على الأموال من الرئيس السابق.

وردا على سؤال حول مصير هذه الأموال فى حالة وفاة الرئيس السابق قال الجندى بالعكس سيكون ذلك اسهل لأن الدولة سترثه!ودافع وزير العدل عن القانون الجديد لمنع التظاهر وقال أن هناك قوى تعمل بتنظيم وترتيب شديدين وبشكل لافت للنظر لضرب قدرات الدولة الإقتصادية وشل حركة البلاد وحذر ان الضع اذا لم يواجة بسرعة وحزم سيؤدى بمصر للدخول فى فوضى شاملة.

وقال الجندى ان الحكومة لن تسمح بإستمرار هذه الفوضى وأن الذين قاموا بالثورة يجب أن ينضموا لجهود وقف الفوضى التي تستهدف الثورة بالأساس وليس الحكومة، وقال ان الثورة كانت واعية لهذة الأهمية فكانت تنظم وقفاتها الأحتجاجية ايام العطلات ولم تعطل دولاب العمل يوما واحدا.

وقال الجندى أنه لايفهم الإحتجاجات الطلابية المتواصلة التى ترفع مطالب تغيير رؤساء الجامعات وعمداء الكليات وقال هذا غير معروف فى اى جامعة فى العالم ورغم اننى ممن طالبوا لسنوات بمشاركة الطلاب فى الحياة السياسية فقد ادهشنى الشباب بقيامهم بالثورة لكنى لا استطيع التعاطف مع طلبات الطلاب لانها تخرق اعراف التعليم الجامعى.

وأضاف الجندى أن هذا القانون إجراء استثنائي يتم العمل به تحت مظلة قانون الطوارئ المصري، وقال انة يساوى اجراء فرض حظر التجول الذى سيرفع فورا بمجرد انتفاء الحاجة الية.

القانون الجديد ينص على عقوبة "الحبس أو غرامة لا تقل عن 50 ألف جنيه مصري وحد أقصى 100 ألف جنية على "كل من قام أثناء سريان حالة الطوارىء بوقفة احتجاجية أو اعتصام أو تجمهر أو شارك فى ذلك بحيث ترتب على تلك الوقفة أو الاعتصام أو التجمهر منع أو تعطيل أو إعاقة إحدى مؤسسات الدولة أو إحدى السلطات العامة أو إحدى جهات العمل العامة أو الخاصة عن أداء أعمالها".

كما يجرم القانون التحريض والدعوات والكتابات وأي إعلانات عامة تدعو للتظاهر أو الإضراب، بالسجن وغرامة لا تقل عن 30 ألف جنيه بحد أقصى 50 ألف جنيه. ينص القانون على السجن لمدة لا تقل عن عام في حال استخدام العنف أثناء التظاهر أو الإضراب، أو إذا أدى التظاهر أو الإضراب لأي تدمير للممتلكات، أو "الإضرار بالوحدة الوطنية أو السلام الاجتماعي أو الإخلال بالنظام العام" أو "إلحاق الضرر بالأموال أو المباني أو بالأملاك العامة أو الخاصة".

وردا على انتقادات واسعة للصحفيين حول صياغة القانون الحالية، الفضفاضة والواسعة وهي صياغة لا تتفق مع الأسس المقبولة حسب القانون الدولي، بررالجندى أصدار القانون أنة ليس ضد حرية الرأي والتعبير، مشيراً إلى أنه موجه ضد الإعتصامات والإحتجاجات التي من شأنها تعطيل سير العمل في المؤسسات العامة أو الخاصة، بما يؤثر بالسلب على الإقتصاد المصري، ويعطي إنطباعاً لدي المستثمرين يفيد بأن مصر ما زالت تعاني من الإضطربات. وقال" البلاد تمر حالياً بمرحلة حرجة تتطلب حماية أمنها واقتصادها من التلاعب بهما بهدف تخطي أزمتها الحالية والاستجابة لما ظهر من مطالب مشروعة لكافة فئات المجتمع".

ونفى الجندى أن تكون التشريعات موجهة ضد الشرفاء وقال سيقوم رجال الشرطة بضبط البلطجية والمتسببين فى العنف ولن يؤخذ متظاهر بجريمة لم يرتكبها ورفض الحديث عن ضمانات للمتظاهرين مؤكدا ان رجال الشرطة سيتولون متابعة اى تجاوزات فى المظاهرات.

وكانت العديد من المنظمات الحقوقية والتيارات السياسية هاجمت ذلك القانون الذي أصدره المجلس العسكري، معتبرين إياه "إنقلاب على متكسبات الثورة، وعودة إلى عصر الإستبداد والقهر". وحسب المنظمة المصرية لحقوق الإنسان فإن المرسوم يعتبر انتهاكاً للحق في التظاهر وحرية الرأي والتعبير المكفول بمقتضى الدستور والمواثيق الدولية المعنية بحقوق الإنسان التي صدقت عليها الحكومة المصرية وأصبحت نافذة قانونيا فيها.

[وطني حر]

شبكة رصد

رصد | تويتر | البرادعي : الطريق نحو الديمقراطية الحقة والاستقرار واضح منذ اليوم الاول :دستور مؤقت،دستور جديد،انتخابات رئاسية ثم برلمانية.مازالت الفرصة أمامنا

خير الكلام ما قل ودل

بقيه المطالب والفئويه والتظاهرات مش وقتها .

هدف الثوره هو الاطاحه بالنظام , , فلنعد لترتيب البيت المصري من الداخل .

[أبو محمد]

أنا زهقت بجد

كل يوم جلسات لمحاكمة الفاسدين .. وأقل تأجيل بيبقى شهر ...

إيه في إيه ؟

هما القضاة للدرجة دي مشغولين ؟

أو عندهم قضايا أهم من مصير البلد اللي خلصناها من إيد الظلمة ؟

وخلوا بالكم فين وفين لو الحكم صدر .. هايبقى في طعن وإستئناف و و و و إلخ ... وربنا يدينا طولة العُمر زي موضوع طلعت مصطفى كده ... والورثة بقى يبقى يفرحوا بالحكم النهائي الغير قابل للطعن

عزيزى س س

أكدب عليك لو قلت لك ليه اللى مش بيلتزم بحظر التجول يتحكم عليه فى جلسة واحدة فى المحكمة العسكرية ، واللى متهم بقتل المتظاهرين وسرقة المال العام والتربح بيتحول لمحكمة الجنايات .. بس أقدر أقولك إن المقارنة بين القضيتين مقارنة لا تجوز لسبب منطقى جدا وهو أن التحقيق فى التهمة الأولى (بتاعة حظر التجول) وإثباتها غير التحقيق فى البلاوى التانية وإثباتها ..

المحاكمة أمام القاضى الطبيعى بتخضع لقانون العقوبات وفى نفس الوقت لقانون الإجراءات .. قانون العقوبات معمول للمجرمين وقانون الاجراءات معمول للأبرياء .. وما دام المتهم برئ حتى تثبت إدانته فلازم تخضع محاكمته للقانونين مش لقانون واحد منهم بس

الفايدة التانية لمحاكمة الحيتان الكبيرة دى أمام القاضى الطبيعى هى إكمال الصورة الحضارية للثورة .. الثورة اللى خلت رئيس الدانيمارك يرشح الشعب المصرى لجائزة نوبل "للسلام"

إهدى يا س س .. وفكر فى المثال بتاع اللى كان محروم من الخلفة

[se_ Elsyed]

أنا زهقت بجد

كل يوم جلسات لمحاكمة الفاسدين .. وأقل تأجيل بيبقى شهر ...

إيه في إيه ؟

هما القضاة للدرجة دي مشغولين ؟

أو عندهم قضايا أهم من مصير البلد اللي خلصناها من إيد الظلمة ؟

وخلوا بالكم فين وفين لو الحكم صدر .. هايبقى في طعن وإستئناف و و و و إلخ ... وربنا يدينا طولة العُمر زي موضوع طلعت مصطفى كده ... والورثة بقى يبقى يفرحوا بالحكم النهائي الغير قابل للطعن

عزيزى س س

أكدب عليك لو قلت لك ليه اللى مش بيلتزم بحظر التجول يتحكم عليه فى جلسة واحدة فى المحكمة العسكرية ، واللى متهم بقتل المتظاهرين وسرقة المال العام والتربح بيتحول لمحكمة الجنايات .. بس أقدر أقولك إن المقارنة بين القضيتين مقارنة لا تجوز لسبب منطقى جدا وهو أن التحقيق فى التهمة الأولى (بتاعة حظر التجول) وإثباتها غير التحقيق فى البلاوى التانية وإثباتها ..

المحاكمة أمام القاضى الطبيعى بتخضع لقانون العقوبات وفى نفس الوقت لقانون الإجراءات .. قانون العقوبات معمول للمجرمين وقانون الاجراءات معمول للأبرياء .. وما دام المتهم برئ حتى تثبت إدانته فلازم تخضع محاكمته للقانونين مش لقانون واحد منهم بس

الفايدة التانية لمحاكمة الحيتان الكبيرة دى أمام القاضى الطبيعى هى إكمال الصورة الحضارية للثورة .. الثورة اللى خلت رئيس الدانيمارك يرشح الشعب المصرى لجائزة نوبل "للسلام"

إهدى يا س س .. وفكر فى المثال بتاع اللى كان محروم من الخلفة

من حقي أقلق يا عم ابو محمد

و من حقي أطالب بوجد قضاة متفرغين لقضايا مصيرية زي دي

عفواً يا سيدي .. وهل قتل أكثر من 500 نفس في المظاهرات بدم بارد محتاجه كل هذه التحقيقات والتسوفيات ؟

وهل ... خد بالك بقى من دي .. وهل قتل المدنيين من قبل رجال شرطة ... ترسى في الأخر على تحويلهم لمحكمة الجُنح ؟ زي ما تكون كانت عركه في شارع أو سرقة حبل غسيل يا فندم

ومن حقي أسأل .. هو مبارك بريء ؟ طب جمدتوا أمواله ليه هو وعائلتة ومنعتوهم من السفر ؟

ولا مُجرم في حق شعبة هو واسرتة وعصابتة ... طب سايبينهم ليه ؟

ومش الحزب الواطي هو اللي خربها وجاب ضرفها ؟ ... طب لسه بيمارس نشاطة وهاينزل الإنتخابات القادمة ليه .. وفين مقراته المتنطورة في أرجاء المعمورة وهي ملك للشعب يا فندم ... فين ده كله ؟

لماأسمع واقرا خبر إن منظمي حملة عمرو موسى بيقابلوا قيادات في الحزب الوطني الان بالمحافظات لنشر برنامجة الإنتخابي ... هل ساعتها أهدا وكأن شيئاً ً لم يكن ؟

إيه يا عم أبو محمد ... إحنا داخلين حضرتك في 3 شهور الأن وكل اللي حصل عبارة عن إجراءات شكلية ... أما جوهر الفساد فمازال صاحي وبيلعب

[se_ Elsyed]

لما تيجي تتكلم عن النظام القضائي المصري ... ممكن البعض يتهمك بالكفر والزندقة ..

لكنني ولله الحمد لا أخشى ذلك .. وأطلق عليه في كثير من الأحيان ... مسخرة

بكل ما تحمل الكلمة من معنى

فلما تكون عندي قضايا مكتملة الأركان .. على سبيل المثال :

1- غرق العبارة السلام 98 في فبراير 2006 ... ومقتل 1300 نفس بشرية .. وتتحول القضية إلى جُنحة .. وتنزل على ما فيش ... بعد إيه ؟ بعد اكثر من 3 سنوات تداول وتأجيلات أمام المحاكم لحد ما في ناس من أهالي الضحايا أصيبو بالجنون ودخلوا مستشفى الأمراض العقلية .. ومنهم من قضى نحبه كمداً وغماً من غير ان يعرف مصير القاتل الذي يعيش عيشة الملوك الان في لندن هو وأولاده .. وشركاءة بالداخل هم علية القوم ومنهم القاتل زكريا عزمي .

2- مقتل سوزان تميم سنة 2008 ... وليه لحد دلوقت لعب وتسويف ومسخرة مالهاش نهاية ؟

3- قضايا الفساد المتورط فيها المجرم محمد إيراهيم سليمان .. وفي الأخر ... يقول لك حفظ القضية لعدم وجود أدلة فساد ضده ههههههههههههههه .. اومال لقيتوا أدلة ضدي أنا ؟

وها نحن الان نسير في نفس الطريق في قضايا إفساد 30 سنة ..... وربنايدينا ويديكم طولة العُمر

اهم حاجه دولاب العمل ... والحرص على إجراءات التقاضي .. والتأجيل قدر المستطاع للإطلاع والنقض والأستئناف .. وفي الأخر يقول لك " معليش القاضي تنحى عن القضية لإحساسة بالحرج " .. وعيد من الأول يا عبد الموجود ...

[ام سلمي]

لما تيجي تتكلم عن النظام القضائي المصري ... ممكن البعض يتهمك بالكفر والزندقة

لا انا مش حاتهمك بالكفر والزندقة ، المفروض زي ما كل واحد فاسد في الحكومة اصرينا انه يتشال نفس الكلام ينطبق علي كل واحد فاسد في القضاء لأن هما دول اللي معطلين محاسبة المجرمين، القضاء لازم ينضف هو كمان

[se_ Elsyed]

لما تيجي تتكلم عن النظام القضائي المصري ... ممكن البعض يتهمك بالكفر والزندقة

لا انا مش حاتهمك بالكفر والزندقة ، المفروض زي ما كل واحد فاسد في الحكومة اصرينا انه يتشال نفس الكلام ينطبق علي كل واحد فاسد في القضاء لأن هما دول اللي معطلين محاسبة المجرمين، القضاء لازم ينضف هو كمان

لأ يا فندم حاشا لله أن أتهمهم بالفساد بغير دليل

لكن ... البطء المميت في إجراءات التقاضي وحسم أي قضية هو قمة الفساد

يا فندم ده من طول إجراءات التقاضي في تصفية شركات توظيف الأموال في أجيال بكاملها ماتت من غير ما تعرف مصير فلوسها إيه ... لو تفتكروا إن الموضوع أستغرق أكثر من 10 سنوات ... إيه إنتوا بتحفروا القناة بالمقاطف تاني ؟

مش ممكن ...

عندكم عجز في القضاة .. ما تعملوا معاهد أو أكاديميات لإعداد الكوادر المحترمة ...

أنا روحت المحكمة مرة أو إتنين في حياتي كمشاهد يعني ..

مش ممكن شيء لا يصدقه عقل ... الرول الواحد أو الجلسة ممكن يبقى فيها أكتر من 50 قضية ينظرها نفس القاضي ..

وكله

تأجيل

تاجيل

تأجيل اللي بعده

الاهم بقى ... ما تصنفوا القضايا وتشيلوا من على كاهل القضاة القضايا أو النزاعات البسيطة بدل ما تشغلوهم بها ويختلط أبو قرش على ابو قرشين ...

وبما إننا في مرحلة دقيقة من عُمر الوطن .. يبقى أعود وأكرر ... لابد من تخصيص قُضاة لتلك النوعية من القضايا لسرعة حسمها . والبريء يتم إطلاق سراحه .. والمجرم ياخد جزاءة بسرعة وبالعدل والحق ..

يا جماعة قضية الشهيدة مروه الشربيني في ألمانيا في خلال أسابيع أو ايام قليلة كانت إتحسمت وريحت الجميع في الداخل والخارج ..

أظن دي لو عندنا كان زمان المجرم الروسي ده مشرف جنب أخوه هشام طلعت مصطفى وبياكل كافيار جوه السجن وبرضوا لسه القضية بتتأجل للإطلاع ..

[ام سلمي]

طب المستشار عادل عبدالسلام جمعة اللي ساب قضية عز علشان اتحرج اهو عليه بلاغات كتير دلوقتي ، اعتقد القضاء فيه متواطئين برضه وده مش معناه انهم كلهم كدة لا سمح الله

بوابة الاهرام

تزايد البلاغات ضد المستشار عبد السلام جمعه بتهمة إصدار أحكام متفق عليها

شهدت الفترة الأخيرة تقدم العديد من الشخصيات ببلاغات ضد القاضي المستشار عادل عبد السلام جمعة رئيس محكمة جنايات القاهرة. فبعد البلاغات التي تقدم بها كل من النائب البرلماني السابق أيمن نور والمستشار فؤاد راشد رئيس محكمة استئناف القاهرة، وأحد قيادات تيار استقلال القضاء للنائب العام لفتح التحقيق في قضية التزوير التي سجن بسببها أيمن نور خمس سنوات، وذلك علي ضوء وثائق أمن الدولة التي ذكرت أن القاضي عبد السلام جمعة تورط في إصدار أحكام متفق عليها.

تقدم النائب البرلماني السابق عماد الجلدة بثلاثة بلاغات إلي النائب العام يتهم فيها الدكتور زكريا عزمي وأحمد عز أمين التنظيم السابق وأحمد حسين عتمان أمين الحزب الوطني بمحافظة البحيرة، أنهم يقفون وراء تلفيق القضية التي يحاكم بسببها حاليًا، بتهمة تقديم رشاوي للحصول علي معلومات سرية عن حقول البترول.

قال الجلدة في بلاغه إن عزمي وعز بدأا في اضطهاده عندما رفض التبرع للحزب ووقوفه بجانب المعارضة البرلمانية عند مطالبتها بفتح المعابر بين الحدود المصرية الفلسطينية.وقد تقدم النائب السابق سعد عبود كمحامي وكيل عن عماد الجلدة بالبلاغ وذكر فيه أن زكريا عزمي استدعي عماد الجلدة لمكتبه وطلب منه مليون دولار بإدعاء أنها مساهمة في تمويل الحملة الانتخابية الرئاسية لحسني مبارك وبعد رفض الجلدة بدأ تحريك القضية ضده.

وقال عبود إن زكريا عزمي رفض التصديق علي قرار مكتب شئون أمن الدولة الصادر برئاسة الجمهورية بتاريخ 29/7/2009 بوقف عقوبة الحبس علي 38 من أنصار الجلدة في القضية الخاصة بمحاكمته.. وأعتبر عبود أن المستشار عبد السلام جمعه كان له دور في قضية الجلدة علي ضوء ما تكشف من وثائق أمن الدولة.

معروف أن المستشار جمعه كان قد تولي التصدي لقضايا عديدة وأصدر فيها العديد من الأحكام التي أثارت الجدل مثل قضايا أيمن نور وعماد الجلدة وخيرت الشاطر و28 من قيادات الإخوان ومجدي حسين وسعد الدين إبراهيم وتخفيف الحكم ضد هشام طلعت مصطفي من الإعدام إلي الحبس 15 عامًا.

تم تعديل 28 مارس 2011 بواسطة ام سلمي

[أبو محمد]

خلاص يا ابو الأسيان

يبقى موضوعك لازم يكون طلب تشكيل محكمة ثورة .. وده شئ بيحصل فى كل الثورات .. يعنى مش اختراع ولا حاجة .. بس المحاذير كتير .. أعتقد كده أحسن من توجيه اتهام للمجلس العسكرى بالتواطؤ ..

الأستاذ عادل فاتح موضوع عن محاكم الثورة ومحكمة الشعب ومحكمة الغدر وأنا مش راضى أعلق فى الموضوع لأن لى تحفظات كتير على هذا النوع من المحاكم (برغم إنه شئ مألوف فى الثورات) لأنى عاصرت تلك المحاكم وانا صغير وكان آخرها محكمة الدجوى اللى حاكمت سيد قطب (كنت أيامها فى الجامعة) وعارف المهازل اللى حصلت فيها وعارف معيدين (كانوا معيدين) اتحكم عليهم بأحكام شديدة جدا ومتأكد إنها أحكام جائرة .. وأستطيع الكتابة عن تلك المحاكمات ابتداء من محاكمة عمال كفر الدوار عام 52 بعد الثورة مباشرة اللى أعدم فيها عاملين عمرهم 19 سنة وكمان صبى عنده 11 سنة ، إلى محكمة الشعب بتاعة الدجوى عام 64/65

خللى بالك يا س س .. بيرلسكونى قال على المصريين (تعليقا على ثورة 25 يناير) إن مفيش شئ غريب .. هو الشعب المصرى دايما بيكتب التاريخ .. والتاريخ يا س س كتب عن المحاكم الاستثنائية المصرية أشياء يندى لها الجبين ..

إذن نحن أمام خيارين : إما السرعة لكى تبرد النار التى فى الصدور .. ونتحمل ما سيكتبه التاريخ بعد نصف قرن وربما أقل .. أو محاكمة المتهمين أمام قاضيهم الطبيعى ونتحمل النار التى فى الصدور كى تكتمل الصورة الحضارية للثورة ..

هما خياران أحلاهما مر

أنا باقول نعمل استفتاء .. واللى حيقول محاكمة أمام القاضى الطبيعى يدخل النار ، واللى يقول محاكم استثنائية يدخل الجنة :)

[Alattar]

الفاضل أبو محمد..معلش سؤال صغير

هو ليه حضرتك افترضت أن المحاكم الاستثنائية دي لازم هيكون فيها ظلم و جور؟

هو احنا مش ممكن في مصر مثلا نعمل محاكم استثنائية نظرا للظروف الاستثنائية التي تمر بها مصر..و في نفس الوقت تكون المحاكم دي موكلة لأشخاص مشهود لهم بالكفاءة و الاحترام

الخوف كله من ان بعض المقبوض عليهم و ننتظر محاكماتهم اللي عمالة تتأجل كل فترة..ان الناس دي ترتب أوراقها..أو تهرب أموال ليها ..وده واضح من ردة فعل بعضهم..زي أحمد عز مثلا

لما شفناه بيتكلم..الراجل بيتكلم بثقة شديدة..مش عارف هل هو مستفز أصلا..ولا عشان هو مأمن نفسه تمام؟؟

[Dreamwithme]

في شاب اسمه مايكل نبيل سند من النشطاء سياسيا وله مدونة قد تختلف أو تتفق معه في بعض أرائه

لكن هنا أنا لن أناقش أرائه بشكل عام لأني بصراحة لم أقرأ له غير تدوينة واحدة هي اللي أحببت إنكم نتشارك فيها

صعب إني أنقل التدوينة لأنها طويلة جدا وبها كثير من الصور والفيديوهات

التدوينة بعنوان الجيش والشعب عمرهم ما كانوا أيد واحدة

مايكل تم القبض عليه من منزله من قبل الشرطة العسكرية ويتعرض للمحاكمة العسكرية غدا

بسبب هذه المدونة

ياريت نقرأها سويا

المدونة:

http://www.maikelnabil.com/2011/03/blog-post_07.html

[Folana]

[يمكن هنا المكان الانسب للمداخلة دي

***********************

أظن أننا لا يجب أن نركن لا إلى المجلس العسكرى ولا إلى غيره ، بل ينبغى أن نطالب جميعا بتشكيل مجلس قيادة للثورة (مشكل من مدنيين ومندوب واحد فقط عن الجيش يكون من قيادات الصف الثانى وليس من المجلس العسكرى ) ، وأن يذهب المجلس العسكرى الى ثكناته لان من الواضح انهم متورطين ...

****************

حبيبتي فلانة

ده اللي كان المفروض يحصل

بس مفيش قوة تحميه

الشعب مش عايز يصطدم مع الجيش

الناس بين اتنين .. مقتنع تماما بفساد قيادات الجيش و مسئوليتهم و تواطئهم

و مقتنع تماما ان النظام السابق كان له رؤوس كثيرة و ذيول اكثر و الجيش للا يستطيع التعامل مع كل ابواب جهنم التي يفتحونها عليه

عارفة لو الناس كلها متأكدة ان القيادات العسكرية بتلعب علينا .. مش بعيد كانوا ضباط الصف الثاني عملوا انقلاب عليهم

لكن المسئولية الواضحة للمجلس العسكري هي الضبابية

رغم انه قادر على التواصل مع الناس

لكنه يصر في كثير من الحالات على "اقصاء الشعب

السلام عليكم ورحمة الله...

بأعتذر لحضرتك على التأخير..لكن حقيقى ما أخدتش بالى من الرد إلا دلوقت...

أتفق معك تماماً فى الرأى حول ضبابية المجلس العسكرى ، وتباطؤه الذى يوحى بالتواطؤ مع النظام السابق ، والسؤال الذى عجزنا عن الوصول إلى إجابة شافية عليه هو لماذا يتلكأ ويتباطىء المشير طنطاوى ومعه مجلسه العسكرى فى وضع هذه العصابة وزعيمها الرئيس المخلوع فى قفص الإتهام فى محاكمة عاجلة لكى يتم توقيع القصاص الذى أمرت به الشرائع السماوية جميعها ، ألم يسمع المشير طنطاوى ومجلسه العسكرى الآية القرآنية التى تنص على :

( وَلَكُمْ فِي الْقِصَاصِ حَيَاةٌ يَا أُولِي الْأَلْبَابِ لَعَلَّكُمْ تَتَّقُونَ )

فأين هذا القصاص مِن مَن قام بسرقة ونهب أموال الشعب وتجويعه وإفقاره وإمراضه وإنتهاك كرامته وإذلاله بل وإنتهاك حرمة الدستور بحنثه بالقسم الذى أقسمه بأن يرعى حرمة الدستور وأن يحافظ على النظام الجمهورى .

ومع كل ذلك الفساد والإفساد والنهب والسرقة وقتل الابرياء ، فمازال الرئيس المخلوع يرتع وينعم فى قصره بشرم الشيخ ، هو وأبناءه وزوجته "سيدة الفساد الأولى" الذين أفسدوا الحياة على هذا الشعب الصبور ونهبوه ولم يتركوا له شيئاً حتى رغيف الخبز وطبق الفول ، بينما هم يعيشون أقصى درجات الترف ، فى أجمل بقاع مصر دون أن يشعروا بأدنى شعور بالذنب تجاه سفك دماء الشهداء الذين أصدر أوامره شخصياً بقتلهم ، إذن مازالت الغطرسة والجبروت والوهم الكبير الذى يعيشه مبارك مازال فى عنفوانه دون أن يمس من قريب أو بعيد ..

وأتساءل مع الجميع...هل الإقامة الجبرية فى قصر شرم الشيخ تُعد إقامة جبرية حقاً ؟..والجميع يعلم أن شرم الشيخ هو مكانه المفضل الذى كان يكاد لا يفارقه ، إذا كانت كذلك فالشعب بأكمله يطالب بأن توقع علينا الإقامة الجبرية فى قصر مماثل مع توفر اليخوت والوجبات والخدم والحشم...أنا أول واحدة أروح أقيم جبرياً هناك..:)

على من يضحكون ؟ على الشعب المطحون الذى أصبح غالبيته تحت خط الفقر ؟أم على أباء وأمهات الشهداء الذين سُفكت دماءهم ظلماً وعدواناً ؟ ...

هل تقف حدود أمكانيات المجلس العسكرى وسقف صلاحياته عند حبيب العدلى وأحمد عز وجرانة والمغربى (صبيان المعلم ) ، هل هذا يليق بمنطق الثورة التى يدعون حمايتها وإيمانهم بها وسعيهم لتحقيق مطالبها؟

ما أراه أن الواقع الفعلى يناقض تماماً أقوال المجلس العسكرى التى يحاولون بها كسب الوقت والمماطلة والتسويف لإمهال مبارك المخلوع الوقت لإزالة أثار جرائمه وعصابته وغسيل الأموال المنهوبة فى شتى بقاع الأرض .

أخشى ما أخشاه أن تؤدى هذه الأساليب الإلتفافية على الثورة إلى شعور الشعب بالإحباط يولد إنفجاراً جديداً يولد الرغبة فى إقصاء هذا المجلس العسكرى الذى يقف حائلاً دون تحقيق أهداف الثورة .، وأن يتحول شعار الثورة بعد ذلك إلى " الشعب يريد محاكمة طنطاوى " .

النقطة الأخرى اختى الفاضلة مصراوية - وأعتذر عن الإطالة - هى ما تخص خوف الشعب من الإصطدام بالجيش ، أو بلاش الجيش طبعا ..خلينا نقول الاصطدام بالمشير ومجلسه العسكرى بحجة أنه الحامى للثورة ...والله يامصراوية بعد الثورة مفروض أن يكف الجميع عن هذا الخوف الذى لا يليق بالشعوب المحترمة ، لأن المجلس العسكرى لا يحمى الثورة كما كان مبارك لا يحمى مصر .

لأنه ببساطة علينا أن ندرك أن من يحمى مصر هم المصريون بعد الله سبحانه وتعالى ، وأن من يحمى الثورة هم الثوار ، لا المجلس العسكرى ولا غيره ، ويجب علينا جميعاً أن نكف عن نغمة الإستكانة والخنوع والتذلل للأخرين ، وأن نكف عن تأليه حكامنا ، لأننا بذلك نصنع ديكتاتورا جديدا ، سواء كان هذا الديكتاتور فى صورة فرد خائن كمبارك أو فى صورة مجلس عسكرى ، أو فى صورة رئيس الجمهورية الجديد ....، لأن الكارثة الكبرى ليست فى وجود هؤلاء أو عدمهم ولكن الكارثة تكمن فى هؤلاء المستضعفين الهيَابين الخوافين ، الذين يخافون من الحرية ويستكثرون على الشعب المصرى أن يمسك زمامه بيده ، وأن يقرر مصيره بنفسه .

يجب أن نكف عن صناعة الديكتاتور ، عن صناعة الفرعون ، فمصر للمصريين ، وكما قال عرابى " لقد ولدتنا أمهاتنا أحراراً ولن نوّرث بعد اليوم " ...لن نورث لمبارك ولن نورث للمجلس العسكرى ولن نورث للرئيس القادم ، ويجب ان نحمى ثورتنا بأنفسنا ، ونحطم جلادينا ونقتلع رؤس الفساد بأيدينا ...

وتحضرنى هنا مقولة عباس محمود العقاد التى قالها فى مجلس النواب :

"إن الأمة على إستعداد أن تسحق أكبر رأس فى البلاد يخون الدستور ولا يصونه "

خالص مودتى واحترامى ...