عاجل: نشطاء ينظمون مسيرة مليونية بميدان التحرير الجمعة 1 أبريل ﻹنقاذ الثورة المصرية

[teacher]

قام مئات من النشطاء الشعبيين بتنظيم الدعوة إلى مسيرة مليونية بميدان التحرير

وذلك من خلال موقع الفيس بوك

http://www.facebook.com/event.php?eid=199483743407705

وذلك لتحقيق تلك المطالب

1- الأسراع في محاكمة كبار الفاسدين و علي رأسهم مبارك و ثلاثي الشر : زكريا عزمي و صفوت الشريف و فتحي سرور .

2- حل الحزب الوطني اساس الخراب و الفساد في بلادنا .

3- الأفراج عن معتقلين الرأي الذين اعتقلهم الأمن المركزي مسبقا و الشرطة العسكرية حديثا .

4- الأسراع من مصادرة اموال الطغاة و رجال الأعمال الفاسدين و تجميد كل ارصدتهم في كافة بنوك العالم و اولهم ال مبارك .

5- التأكيد علي حرية الرأي و التظاهر السلمي و عدم العمل بأي قانون يصدر لتقييد رأي الشعب الذي يستمد الجيش منه شرعيته .

بينما يضيف المشاركون كل ساعة طلبات وقرارات جديدة لتضمينها بيان الثورة

[se_ Elsyed]

أنا مع الدعوى دي مليون المية

[mhamed]

دعوة لمليونية "إنقاذ الثورة" على الفيس بوك

دعت مجموعة على موقع فيس بوك إلى مليونية يوم الجمعة أول أبريل بعنوان "مليونية إنقاذ الثورة"، مطالبين بالإسراع في محاكمة كبار الفاسدين وعلي رأسهم مبارك وثلاثي الشر زكريا عزمي وصفوت الشريف وفتحي سرور .

كما طالب الجروب بـ"حل الحزب الوطني اساس الخراب والفساد في بلادنا"، وتطهير الإعلام الفاسد الذي يدافع عن المجرمين ويؤيد ثورتهم المضادة لإجهاض ثورة الشعب, واستبدال الإعلاميين الفاسدين بإعلاميين شرفاء للمساهمة في توعية الناس وعدم تضليلهم ".

وطالب بالإسراع في مصادرة "أموال الطغاة ورجال الأعمال الفاسدين وتجميد كل أرصدتهم في كافة بنوك العالم وأولهم آل مبارك، والإفراج عن معتقلي الرأي الذين اعتقلهم الأمن المركزي مسبقا والشرطة العسكرية حديثا، مع التأكيد علي حرية الرأي و التظاهر السلمي وعدم العمل بأي قانون يصدر لتقييد رأي الشعب الذي يستمد الجيش منه شرعيته ".

وقالوا في صفحتهم على الموقع الاجتماعي: "إن مؤسسة الفساد فى مصر بما تضم من المفسدين والانتهازيين والمتحولين مازالت تقبض بقوة على زمام المؤسسات الإعلامية والتعليمية والأمنية والاقتصادية والإدارية والاجتماعية، وتسعى بالثورة المضادة بشراسة لاستعادة زمام المبادرة بغية إجهاض باقى مطالب الشعب، تحت دعوى أنه بسقوط الرئيس السابق وحل مجلسى الشعب والشورى قد تحققت مطالب الشعب". ودعا الجروب إلى الاحتشاد في ميدان التحرير وكل ميدان وشوارع مصر يوم الجمعة 1 / 4 / 2011 الساعة التاسعة صباحا.

[fatfouta]

أم الشهيد .. بص فى عينيها و انتا تفهم .. ليه تنزل كل جمعة لحد ما الحق يرجع .. ليه ماتقولش كفاية كدا

[se_ Elsyed]

الإحتفاظ بالقمة أصعب من الوصول إليها

ونحن وصلنا للقمة عند قيامنا بالثورة على الظلم ..

لكن جاء الوقت الذي يجني فيه المجتمع ثمار تلك الثورة . ولا نكتفي بالوصول للقمة فقط ...

يجب أن يصل صوتنا عالياً إلى هؤلاء الجالسين في العالي ... ويجب أن نقول لهم صراحة : إن أسلوب العصر البائد الذي إعتمد على إن الأيام بتنسي كل حاجه .. وإنها تبات نار تصبح رماد .. وربنا يدينا طولة العُمر ..

لأ .. ده كان زمان ...

أما الأن وبعد 25 يناير .. فلابد أن تكون هناك شفافية في كل أفعال الحكومة أمام الشعب مالك البلد ...

اما التسويف والتأجيل والتطنيش والطرمخة .. فلن نقبلها ولو لثواني ..

[Nileman]

يا جماعة الصير .. العقل .. الهدوء

هي ثورة ثورة و خلاص

فساد 30 سنة عايزينه يتصلح في يومين ده على الأقل سنتين لم الأمور تتصلح

و اللي تم تنفي>ه لغاية دلوقتي و الله ماكنا نحلم حتى بنصه

كفاية منظر العادلي و احمد عز و هما في قفص الإتهام

يا سلام حاجة تفرح

يبقى نصبر و نشتغل و نبني بلدنا و نصر على الديمقراطية هي دي الأمان الوحيد للشعب

[se_ Elsyed]

يا عم نايل مان ... ما هو قياساً على كلامك .. كنا ممكن نصبر على من الدولة ... وممكن نصبر على أحمد شفيق .. وممكن نصبر سنة إتنين تلاته على اسامه سرايا وزكريا عزمي ... وخلي عجلة الأنتاج تشتغل

[م تيمور المراغي]

ربي ينصرهم ,,

[se_ Elsyed]

ألا تستحق منا التسريبات المريبة التي يختبرنا بها المجلس العسكري عن تأجيل الإنتخابات الرئاسية إلى سنة 2012 .. ألا تستحق أن نخرج جميعاً ونعترض على ذلك ؟

والله الذي لا إله إلا هو لو أنا في مصر لكنت أخرج وكأن الثورة لم تقم في 25 يناير ... لإن هذا التأجيل هو قمة الخداع وقمة الخيانة للثورة وما قامت عليه ..

لإن من أدرانا إن يولية2012 لا تجر وراءها سنة أو إتنين كمان ؟

ولماذا التأجيل من شهر لشهر إلى أن وصلنا لأكثر من عام الأن ؟

وبعدين هو أحنا يا نُسلق تعديلات دستورية في 10 أيام ..

يا نأجل إنتخابات لحوالي سنة وربع ؟

إيه ما فيش عندكم وسط

وبعدين مش هما اللي حلفوا براس طنطاوي الكبير إن تسيلم السلطة سيكون خلال حد أقصى 6 شهور ؟

في إيه يا جماعة هو لعب عيال ؟

[Simba]

فعلا شكلها محتاجة ثورة تانية

مش عارف بطرس غالي بيعمل ايه علي قناة الفرنسية 24

هو ده مش متهم بقضايا فساد

[Simba]

بطرس غالي بيقول فيه مؤيدين للرئيس ومعارضين في مصر وبكده مصر ممكن تبقي في يوم زي الصومال

[se_ Elsyed]

فعلا شكلها محتاجة ثورة تانية

مش عارف بطرس غالي بيعمل ايه علي قناة الفرنسية 24

هو ده مش متهم بقضايا فساد

إصحى يا سمبا

الأخ أحمد شفيق روق شويه من اصحابه على رأسهم يوسف بطرس غالي الحرامي .. ورشيد محمد رشيد اللص .. ومنحهم تصريحات سفر في بداية الثورة وقال لهم روحوا يا ولاد شموا هوا بعيد عن مصر والقرف والثورات والكلام ده ...

وخلعون يا معلم

يوسف بطرس غالي خلع على لبنان " مراته لبنانية على فكرة عشان كده بأحترمه ههههههههههه " ومن هناك تقريباً راح أمريكا وزمانه بيركب الزحاليق بتاعت ديزني لاند

ورشيد محمد رشيد عمل فيها خضرة الشريفة وأول ما طلع له قرار بقى يطلع كل ساعتين على القنوات الفضائية ويقول بريء يا بيه وأول ما يخبروني بالإتهامات هاجي أسلم نفسي لقسم الويلي ... وأدي وش الضيف وفي الخلعون برضوا

[Simba]

مراته لبنانية على فكرة عشان كده بأحترمه

اذا كان كده ماشي :wub:

[rewsha]

أنا مع الدعوى دي مليون المية

وانا كمان معاكم......قصدي معاها (مع الدعوه المليونيه)

بس تفتكروا هاتبقى مليونيه بجد؟؟؟؟؟؟؟؟؟؟؟؟؟؟؟

انا اللي مخوفني وراعبني بجد هوه ان الاعداد تبقى قليله زي اخر ايام الثوره (اخر جمعتين)

لاْن اللي كتر عدد المتظاهرين في الاول هوه ان الناس طلعت من قرفها وتعبها وفقرها مع شباب الثوره

تفتكروا ممكن الناس دي كلها تتجمع تاني؟؟؟؟؟؟؟؟؟؟؟

من جوايا قاعده ادعي واقول ...يارب يتجمعوا تاني

[teacher]

ألا تستحق منا التسريبات المريبة التي يختبرنا بها المجلس العسكري عن تأجيل الإنتخابات الرئاسية إلى سنة 2012 .. ألا تستحق أن نخرج جميعاً ونعترض على ذلك ؟

والله الذي لا إله إلا هو لو أنا في مصر لكنت أخرج وكأن الثورة لم تقم في 25 يناير ... لإن هذا التأجيل هو قمة الخداع وقمة الخيانة للثورة وما قامت عليه ..

لإن من أدرانا إن يولية2012 لا تجر وراءها سنة أو إتنين كمان ؟

ولماذا التأجيل من شهر لشهر إلى أن وصلنا لأكثر من عام الأن ؟

وبعدين هو أحنا يا نُسلق تعديلات دستورية في 10 أيام ..

يا نأجل إنتخابات لحوالي سنة وربع ؟

إيه ما فيش عندكم وسط

وبعدين مش هما اللي حلفوا براس طنطاوي الكبير إن تسيلم السلطة سيكون خلال حد أقصى 6 شهور ؟

في إيه يا جماعة هو لعب عيال ؟

كلام حضرتك كله سليم تماما

ليست هذه طريقة ادارة بلد. ممكن تبقى طريقة ادارة دكان الزلباني مثلا .. تعبان النهارده يقفل ويروح البلد والناس تفاجأ إن عم احمد الزلباني راح البلد هايرجع امتى الله اعلم

كل ده .. مع استمرار وزيادة الضعف الاقتصادي والاختراق الامني من البلطجة والعصابات وضعف الشرطة طبعا .. كل ده ان شاء الله وقود للنزول ووضع حد

لكن بالنسبة لحضرتك، لو حضرتك خارج مصر ممكن تقوم بما تستطيع. ممكن تنشر الدعوة للمليونية لجميع ايميلات المعارف بمصر

ممكن تشترك - رمزيا - في الصفحة الخاصة بالاضراب

نسيت اقول ان المصريين بالخارج هم مصريين بالباسبور فقط..وبلا حقوق وبلا أصوات انتخابية وبلا اي شيء

هذا ملف لوحده. ﻷن هؤلاء متساوون تماما مع من هو على أرض مصر. يستحقون كل دعم وكل رعاية وكل تواصل وكل اطلاع على أعمال الحكومة وعلى اعمال سفاراتهم بالخارج.. التي لم تتغير بعد الثورة

فياريت يا جماعة مصر تناديكم والمعتقلون والمعذبون في السجون وفي المستشفيات ينادوكم ...ياريت تنشروا الخبر والحدث وتشعلوا فتيل الثورة التي لم تنته بكل طاقتكم ولو كنتم فين

[مصري أصيل]

لو الدعوه دي اتاخدت بجديه زي ما كان بيحصل الأول و أحس المجلس العسكري بالجديه فيها يبقي أكيد هنسمع أخبار كويسه من المجلس العسكري يوم الأربعاء و ساعتها مش هيكون فيه داعي للمليونيه ... هما بس يحسوا ان الشباب جاد في النزول و كل القرارات هتطلع لوحدها

[أبو محمد]

مع المجلس الأعلى للقوات المسلحة الذى لولاه ما نجحت الثورة هذا النجاح المبهر ، لا بأس من الضغط لتحقيق المطالب أو للإسراع فى تحقيقها

ولكنى أحذر أن ينقلب هذا الضغط إلى تصادم

خلينى أقول زيكم .. خلوا بالكم إن "الثورة المضادة" ممكن تستغل هذه المظاهرات للاحتكاك والتصادم مع الجيش إلى درجة تجبره على الدفاع عن النفس

ملحوظة خارج السياق : "الثورة المضادة" هو تعبير أعرفه ويعرفه أبناء جيلى .. إنه تعبير الستينيات الذى كان لا يخلو مقال "بصراحة" منه واتخذ سببا فى ارتكاب شتى الجرائم ضد الحرية وحقوق الإنسان ، وذلك بعد أن اتخذ شعارا لمرحلة هو وشعار آخر يقول "الحرية كل الحرية للشعب ، ولا حرية لأعداء الشعب" .. ومعروف طبعا من الذى كان يحدد من هم الشعب ومن هم أعداء الشعب

[قلب ابيض]

كلام حضرتك كله سليم تماما

ليست هذه طريقة ادارة بلد. ممكن تبقى طريقة ادارة دكان الزلباني مثلا .. تعبان النهارده يقفل ويروح البلد والناس تفاجأ إن عم احمد الزلباني راح البلد هايرجع امتى الله اعلم

كل ده .. مع استمرار وزيادة الضعف الاقتصادي والاختراق الامني من البلطجة والعصابات وضعف الشرطة طبعا .. كل ده ان شاء الله وقود للنزول ووضع حد

لكن بالنسبة لحضرتك، لو حضرتك خارج مصر ممكن تقوم بما تستطيع. ممكن تنشر الدعوة للمليونية لجميع ايميلات المعارف بمصر

ممكن تشترك - رمزيا - في الصفحة الخاصة بالاضراب

نسيت اقول ان المصريين بالخارج هم مصريين بالباسبور فقط..وبلا حقوق وبلا أصوات انتخابية وبلا اي شيء

هذا ملف لوحده. ﻷن هؤلاء متساوون تماما مع من هو على أرض مصر. يستحقون كل دعم وكل رعاية وكل تواصل وكل اطلاع على أعمال الحكومة وعلى اعمال سفاراتهم بالخارج.. التي لم تتغير بعد الثورة

فياريت يا جماعة مصر تناديكم والمعتقلون والمعذبون في السجون وفي المستشفيات ينادوكم ...ياريت تنشروا الخبر والحدث وتشعلوا فتيل الثورة التي لم تنته بكل طاقتكم ولو كنتم فين

بكل شده اؤيد هذهالمظاهره وامثالها ...سمعت تعليق من ابنتى كتبته على الفايسبوك ..اثار انتباهى جدا ..كتبت ..انتبه الثوره ترجع الى الخلف !!!!!!

وما ضاع حق وراءه مطالب ...ولو صبرررررررنا زى ما بعضنا بينادى صدقونى سنين صابرنى لما اتعودنا الصبر والصبر زهق مننا

ايه المانع اننا نشتغل والعجله تدور ومانتازلش عن حقنا ؟؟

ايه المانع اننا نفضل على يد واحده لحد ما تتحقق اهداف الثوره اللى راح فيها زهره شباب ولادنا ؟

اللى بيحصل دلوقتى مخيف جدا ..التسويف فى الامور ده مقلق جدا ..

وجود حد زى زكريا عزمى وما يمتلكه من اسرار للبلد مخيف

السكوت عنه وعن صفوت الشريف ونظيف وغيرهم مرعب

هما فين ؟ وليه البطء فى التحقيقات دى؟

اتذكر برنامج كان عالمحور من شهور لسجينات فى سجن القناطر والله مانمت وقتها ولا نسيته للان...الستات كانوا محكوم عليهم من 3 سنوات ل 15 سنه ليه ؟؟

شيكات وكمبيالات لاتتعدى الالاف منهم اتحبست على كمبيالات بخمسه الاف جنيه كانت بتجهز بنتها اللى فاتها القطر زى ما قالت فكتبت كمبيالات على نفسها وما سددتش ...

طيب 5 الاف جنيه وحكم فورى وسجن لامرأه جاهله او حتى متعلمه

واللى نهب مليارات ومص دم شعب نستنى عليه ده كله ليييييه؟؟

لابد من الثوره والله واستمرارها مع دوران عجله الانتاج ...هى مرحله عصيبه مافيش شك

ولكننا بدأنها ويااارب ثبتنا وساعدنا على الاستمرار كل فى مكانه حتى ان شاء الله ما يضيعش حق وراه مطالب به

اعتذر لانى كتبت ومحيت المشاركه لخطأ ما ,,,وسامحونى لجهلى سابقا بأمور كتيره تخص بلدى ...مش عيب انى اتعلم من ولادى

تم تعديل 28 مارس 2011 بواسطة قلب ابيض

[قلب ابيض]

اللينك ده يمكن يفيد

http://www.facebook.com/Vote4EgyAbroad?sk=wall#!/Vote4EgyAbroad

[teacher]

شكرا لك قلب ابيض

حقيقة كمات ذكرتي ..أضيف: ان بطء التقاضي في القضايا القومية خطير جدا

وتأجيل العدالة ظلم

كيف يحكمون بسرعة شديدة على من اتهموهم بالبلطجة ويتركوا هؤلاء طلقاء تماما؟

أكيد فيه "إنّه" والرجال دول ماسكين حاجات على ناس

الثورة يعني ثورة

يعني قرارات ثورية

مش توافقية كما كنا زمان

استمروا في النشر ودعوة الاصدقاء وعلى فكرة التظاهر في كل ميادين مصر مش التحرير فقط

تم تعديل 28 مارس 2011 بواسطة teacher