عاجل: نشطاء ينظمون مسيرة مليونية بميدان التحرير الجمعة 1 أبريل ﻹنقاذ الثورة المصرية

[أبو محمد]

لا زال أستاذي أبا محمد كعهدي به من الحكمة و الرصانة و الرأى الذى يجبرك على التوقف و اعمال العقل .. رأيى أن المشكلة تكمن فى المجلس الأعلى للقوات المسلحة ذاته .. ليس عن سوء نية و لكن عن فقدان بصيرة ادارية .. كان من المهم جدا و الضروري أن يكون الهدف الثاني للمجلس بعد احلال الأمن و ادارة عجلة الانتاج أن يكون قنوات يستطيع بها أن يكون على اتصالية حقيقية بالجماهير التى تنتظر نتائج .. قنوات ذات اتجاهين مرسل و مستقبل .. لا أن تكون قناة ارسال من المجلس الاعلى للشعب عبر الاعلام .. و من ثلة قليلة جدا يختارهم المجلس اليه .. ففى ظل غياب التواجد الحزبي و الذى يمثل عمقا فكريا و توجهيا للجماهير .. يظل ميدان التحرير هو الورقة الرابحة و القناة الشرعية المؤثرة و الوحيدة للتخاطب مع القائم على الأمر ..

لو أسرع المجلس فى فتح المجال للأحزاب أن تتشكل .. بل و دعم هذا التشكل و عجل به .. فان قيادات الاحزاب الحقيقية التى تعبر عن الكتل الجماهيرية على اختلاف توجهاتها الفكرية ستكون شريكة فى القرار .. و مراقبة لتنفيذه .. لكن حالة الغموض و التكتم الحالية لن يتأتى منها الا المشاكل .. فى ظل وجود اعلام لا يعتمد عليه .. اما مواليا للجالسين على الكرسي أيا ما كانوا كالاعلام الحكومي .. أو اعلام ساذج جاهل يفتقر للحرفية و الهدف كالاعلام الخاص .. فلا يزيد الأمر الا تعقيدا .. تلك الحالة التى تؤدي الى انتشار الاشاعات و الارتباك

أنا لست مع استمرار التظاهرات المليونية .. لكن المجلس العسكري لم يترك لنا خيارا الا هذا الخيار لاسماع صوتنا و توصيل ما نريده و تفعيله .. و لو لم يعمل المجلس الاعلى على فتح قنوات حقيقية فى الايام القادمة لابداء الرأى و مراقبة تنفيذ ما يتفق عليه بشكل واضح .. فانه يجب عليه أن يتوقع الكثير من دعاوى التظاهر المليوني فى الفترة القادمة .. و لن تجدى معها لا القوة .. و لا مناشدات التهدئة

مهيب

يادى الفرحة يا اولاد .. قلم "مهيب" رجع ينور المحاورات تانى .. فعلا فعلا أنا فرحان .. ألف حمد لله على السلامة يا عزيزى الغالى .. بعدين نتحاسب على الغياب الفجائى الطويل ده .. المهم أن نرى حروفك وكلامتك تضئ المكان

نيجى بقى للمجلس الأعلى للقوات المسلحة .. لا أخفى ما أعلنته من قبل .. ولازلت أخشاه .. لا زلت أخشى الحكم العسكرى .. مهما حسنت النوايا فالعسكر هم العسكر .. منظمون .. منضبطون .. يسيرون كما يقول الكتاب حتى ولو كان السير فى الاتجاه الخطأ .. قطر ماشى على قضيبين لا يوقفه شئ سوى وصوله للمحطة .. ولك أن تتخيل لو انحرف هذا القطار كما انحرف قطار 23 يوليو .. يا ساتر يارب

ومع ذلك فالعسكر هذه المرة مختلفون عن عسكر 52 .. عسكر 52 قاموا بالانقلاب ثم جاء خروج الشعب وتأييده لهم ليعطيهم شرعية ثورية .. أما عسكر 2011 فقد تحركوا بعد أن تحرك الشعب ، جاءت حركتهم تأييدا لحركة الشعب فيما أسميته "انقلاب عسكرى ودى"

السياسة ليست مهنتهم .. تماما مثل عسكر 52 .. ولكنهم مختلفون عن فى أنهم من ذوى الشعر الرمادى أو الشعر الأبيض .. ليسوا فى سخونة واندفاع عسكر 52 الذين كانوا من الشباب ، أغلبهم من رتب يوزباشى (نقيب) وصاغ (رائد) وبكباشى (مقدم)

الروية فى تحركهم وقراراتهم - وإن كانت محمودة - إلا أنها لا تعوض عدم الحنكة السياسية .. تمثل هذا فى القصور الذى ظهر فى تناولهم للاستفتاء ، وهو عدم وضوح رؤيتهم أو - إذا فسرنا الشك فى صالحهم - هو عدم توضيح رؤيتهم لسيناريوهات ما بعد الاستفتاء "مقدما" .. كل من قال "نعم" لم يكن يعلم تماما: "ماذا بعد نعم" .. وكل من قال "لا" لم يكن يعلم تماما : "ماذا بعد لا" .. الكل أدلى بصوته وفى ذهنه سيناريو خاص به

ظهرت عدم الحنكة أيضا فى صياغة المرسوم بقانون الأحزاب - برغم كل ما فيه من إيجابيات - فى اشتراط 5000 عضو مؤسس لأى حزب .. (واضح إن صوت صبحى صالح ومباركة طارق البشرى كانوا عاليين عليهم)

لا أريد أن أسترسل فى تعداد أوجه القصور فى أدائهم .. لأن ما يشفع لهم هو أنهم أفضل بديل - على الاطلاق - لقيادة هذه المرحلة الانتقالية "الحرجة جدا" التى تمر بها البلاد

أختم مكررا أن "استعجال" إدانة الفاسدين ماليا وسياسيا ليست فى الصالح العام كما يبدو للكثيرين .. لم ولن يرحم التاريخ عسكر 52 لما حدث فى محاكمات كفر الدوار ومحاكمات حامية الاسكندرية وسلاح الفرسان والاخوان فى 54 و65 .. ولن يرحم المشير عبد الحكيم عامر "رئيس لجنة تصفية الاقطاع" وغير ذلك من المحاكمات والاجراءات الاستثنائية ..

والأمر مختلف هذه المرة .. فمن يطالب بالاجراءات الاستثنائية هو الشعب ..

ومن أقسى أحكام التاريخ الحكم بإدانة شعب .. عندما ينسى هذا الشعب أن إفلات مائة مجرم من العقاب أفضل من إدانة برئ واحد ..

أعطوا للعدالة "معصوبة العينين" فرصة

[se_ Elsyed]

أعطوا للعدالة "معصوبة العينين" فرصة

حاضر يا عم ابو محمد ... هاديها كمان فرصة أخيرة عشان خاطرك إنت

تصدق بالله ؟

والله والله والله ... أي نقد أو هجوم لي على المجلس العسكري بيكون من ورا قلبي .. وبأبقى نفس أطلع واهم او كذاب او مش شايف الحقائق .. لكن للأسف ... انا أذكر حقائق على الأرض وحدثت بالفعل ولا أجد لها إجابة ..

أعطي العدالة فرصة ؟

حاضر يا عم ابو محمد مرة تاني

بس يا ترى :

1- أديها فرصة لحد إمتى عشان تفسر لي سر حرائق أقسام الشرطة وهروب المساجين من السجون ؟

2- أديها فرصة لحد إمتى عشان تفسر لي تخاذل جهاز الشرطة حتى الأن .. وكان منظر اللواءات البشوات في منتهى الزبالة أمبارح وهما في ميدان رمسيس بيطهروه من الباعة الجائلين اللي إحتلوه .. وماشي حواليهم رجال الشرطة العسكرية عاملين كردون حواليهم بيحموهم .؟

3- أدي للعدالة فرصة لحد إمتى ولسه أول أمبارح فقط ومنذ أكثر من شهرين الشرطة مختفية تماماً من محافظ العريش ولسه راجعين شغلهم أول أمس فقط يا عمنا ؟

4- أديها فرصة لحد إمتى وعندنا فيديوهات موثقة عن سيارات الكلاب الشرطة اللي دهست الشباب اللي زي الورد .. الشباب دول أولاد حضرتك وأخواتي وقرايبي دمهم راح هدر يا فندم ؟

5- أديلهم فرصة لحد إمتى وحتى الأن لا يوجد بلاغ ضد سيارة السفارة الأمريكية التي دهست العشرات قدام عنينا والموضوع راح سيادتك ؟ أظن دي لو في أمريكا او دولة من دول الموز حتى كانت الحرب العالمية الثالثة قامت .. لإن قيمة الإنسان لا تقدر بثمن هناك ؟

6- أدي العدالة والمجلس العسكري فرصة وهما بيعينوا سامي الشريف عضو لجنة السياسات وأحد صقور الحزب الوطني ومهندس حملة الورنيش لترشيح مبارك سنة 2005 .. ومهندس حملة تلميع جمال مبارك عشان التوريث يبقى على مقاسه .... المجلس عينه حضرتك رئيساً لجهاز الإذاعة والتليفزيون . وهو أيضاً لسه عميد كلية الصحافة والإعلام والدنيا مولعة هناك من الطلبة والأساتذة اللي مخنقوين منه .. وعشان سواد عيونه ينزل الجيش يضرب المعتصمين ويعتقل منهم ناس ويفض الإعتصام .... ؟ أديلهم فرصة يا فندم ؟

7- أديلهم فرصة يردموا على ملفات أمن الدولة اللي أستولى عليها الجيش والموضوع خخخخخخخخخخخخخخخخ .. نام ومش عارفين الدنيا حصل فيها إيه .. ولا ده أمر ما يهمناش أو على رأي شفيق يا راجل " مالناش فيها " ؟

8- أديلهم فرصة وأنا سامع نائب رئيس جلس الورزاء بوداني بيقول إنه عاوز يمشيها بلدي ونقبل قرشين لا مؤخذه يترموا لنا على أقذر حذاء من الحرامية اللي مسجونين ونهبوا ثروات البلد .. ويطلعوا أطهار وشرفاء وصفحتهم بيضا ؟

9- أديلهم فرصة وأنا سامع إميارح في مجلس الحوار الوطني أصوات تتحدث عن المصالحة الوطنية مع رموز الحزب الوطني وأولهم مبارك واللاشريف وفتحي شرور وزكريا عزمي وأبية جمال ؟ الله ... دي لعبة حلوه والله ... نتجمع بقى كلنا في دوار قصر العروبة ونقوم نبوس على راس بعض وحقك عليه يابا الحج وأنا غلطت في حجك 30 سنة ... ويحلفوا عالمصحف إنهم مش هايعملوا كده تاني ونرجع بقى المياه لمجاريها وسمنة على عسل ..

لأ يا فندم .. أنا مش هاسمح لمصر تكون عزبة مرة أخرى ... ومش هاسمح لحد مهما كان إنه يعمل إنه بيفهم أكتر مني وإنه بيعمل الصح وإني علي السمع والطاعة ...

دي بلدي ولي فيها حقوق ومن حقي أفهم ما يحدث ..

هم لهم القيادة أينعم أتفق مع الجميع على ذلك ..

لكنني لست دابة لكي يقودوها وهي مغمضة العينين ...

[se_ Elsyed]

عمو عمو

تعرف إن المجلس العسكري لسه مشكل لجنة أمبارح فقط لإستعادة الأموال المنهوبة من مصر وعلى رأس الناهبين مبارك ؟

تخيل .؟؟؟؟

يعني داخلين على 3 شهور والملس ما كانش عارف مين اللي سرقنا ؟

وطبعاً في الثلاث شهور دول الدنيا كلها ممكن تندفن وما نعرفلهاش طريق جُرة ...

تفتكر دي صدفة ولا إغفال ولا ما كانوش واخدين بالهم إن في واحد حرامي إسمه مبارك .. وكان بيتزعم عصابة من الهجامة لسرقة البلد وإنه إتخلع زي الحذاء في 25 يناير وإن كل اللي حواليه كانوا حرامية ونهبونا وخلونا على الحديدة ؟

[ام سلمي]

المطاهرة ان شاء الله حتنجح واهه امبارح اثارها بانت وغيروا رؤساء تحرير الصحف ولو المظاهرة اتجهت من التحرير لماسبيرو وكانت مليونية اتوقع حيشيلوا شلة الفساد اللي في التليفزيون بعد كام يوم هما مش اقوي من مبارك او شفيق

وبعدين الجماعة بتوع لا للتعديلات دول ما بيعجبهمش الحال المايل فأكيد حينزلوا بكرة ان شاء الله والجماعة بتوع نعم نعلن لهم عن شيخ محبوب من امثال القرضاوي او جبريل انه حيؤم الصلاة بكرة وحتلاقيهم من الصبح في التحرير ان شاء الله بس سهلة اهه

[ام سلمي]

الفيديو ده ظريف يبين ليه لازم ننزل بكرة

http://www.youtube.com/watch?v=K34haMjlwlE&feature=player_embedded#at=30

[rewsha]

المطاهرة ان شاء الله حتنجح واهه امبارح اثارها بانت وغيروا رؤساء تحرير الصحف ولو المظاهرة اتجهت من التحرير لماسبيرو وكانت مليونية اتوقع حيشيلوا شلة الفساد اللي في التليفزيون بعد كام يوم هما مش اقوي من مبارك او شفيق

وبعدين الجماعة بتوع لا للتعديلات دول ما بيعجبهمش الحال المايل فأكيد حينزلوا بكرة ان شاء الله والجماعة بتوع نعم نعلن لهم عن شيخ محبوب من امثال القرضاوي او جبريل انه حيؤم الصلاة بكرة وحتلاقيهم من الصبح في التحرير ان شاء الله بس سهلة اهه

انا اتمنى زي ماقلت قبل كده انها تبقى مليونيه فعلا .

لكن رد حضرتك مش مقنع(على الاقل بالنسبه لي)

اولا الجماعه بتوع لاْ(زي ما انتي بتقولي) واللي انا كنت منهم .مش شرط انهم ينزلوا كلهم .لاْن انا واحده منهم ومش هاقدر انزل .ومش معنى اني قلت لاْ اني لازم انزل بكره

والجماعه بتوع نعم اللي هانعلن لهم عن شيخ محبوب زي القرضاوي ...هاقف هنا واساْل حضرتك سؤال.ممكن؟؟؟

مين اللي هايعلن لهم ؟؟؟؟

وهايعلن لهم امتى؟؟؟؟

ده خلاص اقل من 24 ساعه عل المليونيه دي .

الموضوع مش سهل خالص

انا اقدر اقول ان لو في قائد للناس اللي بتنزل التحرير يبقى فعلا سهله

لاْن كلمته هاتتنفذ .يعني زي وائل غنيم كده ماهو نازل بكره .طبعا هايجمع ناس كتير وراؤه (لاْنه رمز من رموز المظاهره)

وفي ناس هاتنزل وراه

لو القرضاوي اعلنها النهارده ....ساعتها اقدر اقول ...ممكن فعلا تبقى مليونيه

بس القرضاوي رجل مريض وصحته لا تسمح له بانه كل شويه ينزل مصر (ميدان التحرير)

من قلبي باتمنى ان ده يحصل

بس ماينفعش اقول الجماعه بتوع نعم .والجماعه بتوع لاْ

تحياتي

[ام سلمي]

المطاهرة ان شاء الله حتنجح واهه امبارح اثارها بانت وغيروا رؤساء تحرير الصحف ولو المظاهرة اتجهت من التحرير لماسبيرو وكانت مليونية اتوقع حيشيلوا شلة الفساد اللي في التليفزيون بعد كام يوم هما مش اقوي من مبارك او شفيق

وبعدين الجماعة بتوع لا للتعديلات دول ما بيعجبهمش الحال المايل فأكيد حينزلوا بكرة ان شاء الله والجماعة بتوع نعم نعلن لهم عن شيخ محبوب من امثال القرضاوي او جبريل انه حيؤم الصلاة بكرة وحتلاقيهم من الصبح في التحرير ان شاء الله بس سهلة اهه

انا اتمنى زي ماقلت قبل كده انها تبقى مليونيه فعلا .

لكن رد حضرتك مش مقنع(على الاقل بالنسبه لي)

اولا الجماعه بتوع لاْ(زي ما انتي بتقولي) واللي انا كنت منهم .مش شرط انهم ينزلوا كلهم .لاْن انا واحده منهم ومش هاقدر انزل .ومش معنى اني قلت لاْ اني لازم انزل بكره

والجماعه بتوع نعم اللي هانعلن لهم عن شيخ محبوب زي القرضاوي ...هاقف هنا واساْل حضرتك سؤال.ممكن؟؟؟

مين اللي هايعلن لهم ؟؟؟؟

وهايعلن لهم امتى؟؟؟؟

ده خلاص اقل من 24 ساعه عل المليونيه دي .

الموضوع مش سهل خالص

انا اقدر اقول ان لو في قائد للناس اللي بتنزل التحرير يبقى فعلا سهله

لاْن كلمته هاتتنفذ .يعني زي وائل غنيم كده ماهو نازل بكره .طبعا هايجمع ناس كتير وراؤه (لاْنه رمز من رموز المظاهره)

وفي ناس هاتنزل وراه

لو القرضاوي اعلنها النهارده ....ساعتها اقدر اقول ...ممكن فعلا تبقى مليونيه

بس القرضاوي رجل مريض وصحته لا تسمح له بانه كل شويه ينزل مصر (ميدان التحرير)

من قلبي باتمنى ان ده يحصل

بس ماينفعش اقول الجماعه بتوع نعم .والجماعه بتوع لاْ

تحياتي

عزيزتي و اختي روشة انا عارفة طبعا ان مش كل اللي قال نعم ولا حاينزلوا ده كدة حيبقوا 18 مليون بس اتمني اللي يقدر منهم ينزل وكلامي كان لرفع الحالة المعنوية للمحبطين خاصة اني حاسة ناس كتير محبطة وحاسة ان مظاهرة بكرة حتفشل فاقلت ادخل اطمنهم وبالنسبة للاعلان عن شيخ انا من امبارح عمالة ادخل اكتب الاقتراح ده في صفحة الائتلاف عسي يكونوا بيقروا ويستجيبوا بسرعة وحاولت اكتبه في صفحة خالد سعيد بس ما عرفتش عاملين شروط للي يقدر يعمل كومنت الظاهر علشان اللجنة الالكترونية تعبتهم يا ريت اللي يقدر يبعت لهم الاقتراح يبعته وربنا يسهل

[rewsha]

عزيزتي و اختي روشة انا عارفة طبعا ان مش كل اللي قال نعم ولا حاينزلوا ده كدة حيبقوا 18 مليون بس اتمني اللي يقدر منهم ينزل وكلامي كان لرفع الحالة المعنوية للمحبطين خاصة اني حاسة ناس كتير محبطة وحاسة ان مظاهرة بكرة حتفشل فاقلت ادخل اطمنهم وبالنسبة للاعلان عن شيخ انا من امبارح عمالة ادخل اكتب الاقتراح ده في صفحة الائتلاف عسي يكونوا بيقروا ويستجيبوا بسرعة وحاولت اكتبه في صفحة خالد سعيد بس ما عرفتش عاملين شروط للي يقدر يعمل كومنت الظاهر علشان اللجنة الالكترونية تعبتهم يا ريت اللي يقدر يبعت لهم الاقتراح يبعته وربنا يسهل

يبقى المفروض طالما كلنا حاسيين وعارفين ولنا عقل ربنا وهبهولنا علشان نفهم بيه

المفروض الائتلاف يرتب للمظاهره دي .لاْنهم عارفين انها مش هاتبقى مليونيه .

الصح اني اخطط لاْنها تبقى مليونيه .وبعد كده يبقى موضوع رفع المعنويات ده

لكن مش صح انى اقول مليونيه وخلاص

يعني لو الائتلاف رتب مع وائل ومع الشيخ القرضاوي مثلا .واعلنوا انهم هايبقوا موجودين ومن فتره طويله شويه ...يعني من كذا يوم .علشان الناس تلحق تعرف الخبر

يبقى كده همه بيخططوا وماشيين صح

انا طبعا مُقدره انك بترفعي الروح المعنويه وعاوزاها تبقى مليونيه (وباضم صوتي لصوتك واقول ....يارب )

[ام سلمي]

عزيزتي روشة وانا معاكي ان كان ممكن يعملوا تخطيط افضل بس لأجل الحق الجمعة دي افضل من اللي فاتت بكتير الجمعة اللي فاتت اعلنوا الخميس العصر كدة الجمعة دي تقريبا اعلنوا من يوم الاتنين والخبر اتحط في معظم الصحف الالكترونية اليوم السابع المصري اليوم الجزيرة واسماء محفوظ عملت الفيديو اللي فتفوتة حطته هنا في التوبيك وخلوا ناس تبعت لهم فيديوهات يقولوا فيها هما نازلين ليه وجمعوهم في الفيديو اللي انا حاطاه ده وصفحة خالد سعيد عملت استفتاء من 24 الف واحد 66% منهم قالوا حينزلوا بكرة يعني برضه اشتغلوا ما نظلمهمش وفعلا كلنا نقول يا رب

و خبر حلواهه برضه لسة قرياه علشان الناس تتشجع وتشوف بركات المظاهرة

رصد | صحافة | شرف : تغيير قيادات مسبيرو الاسبوع المقبل

http://www.youtube.com/watch?v=gf9DflmH5fI&feature=player_embedded

تم تعديل 31 مارس 2011 بواسطة ام سلمي

[ام سلمي]

علي فكرة بدأوا يطلعوا اشاعات ان المظاهرة حتتأجل بيدوروا علي اي طريقة علشان يوقفوها

رصد

في إتصال هاتفي مع أحد ممثلي ائتلاف شباب الثورة نفى بشكل قاطع ما تردد في بعض وسائل الإعلام من صحف وغيره عن إلغاء التظاهرة المليونية غدا بميدان التحرير

كما صرح لنا نفس المصدر أن من وراء هذه الإشاعات والأخبار بعض فلول الحزب الوطنى وقيادات الثورة المضادة

وأكد على أنهم قد قاموا بالإتصال بـ120 أسرة من أسر شهداء الثورة لدعوتهم للحضور غدا لتكريمهم وقد أكدت تلك الأسر على حضورها غدا في الميدان

شبكة رصد

رصد | مصر | هام وعاجل وخطير للغاية : ظهور ما يسمى بـ "ائتلاف شباب 25 يناير" فجأة وتحدثه مع وسائل الإعلام على أنه ممثل شرعي للثورة في حين أنه لم يكون هناك أى ائتلاف بهذا الإسم منذ أيام الثورة في التحرير وإتفاق كل القوى السياسية والمتظاهرين على عدم إستغلال كلمة "25 يناير" في أى عمل سياسي أو إجتماعي

كلنا خالد سعيد

فيه إشاعات بتنتشر إن المظاهرة بكره إتأجلت للأسبوع الجاي وده كلام معروف طبعا مين اللي وراه .. كلنا نازلين بكره ومش هنسكت عن حقوقنا لازم محاكمة كل رموز الفساد واسترداد الأموال المنهوبة

تم تعديل 31 مارس 2011 بواسطة ام سلمي

[ام سلمي]

اليوم السابع

القوى السياسية تنفى إلغاء مظاهرة الجمعة وتؤكد تمسكها بمطالب الثورة

ردا على الشائعات التى ترددت حول إلغاء مظاهرات جمعة إنقاذ الثورة، أكدت الجمعية الوطنية للتغيير وائتلاف شباب الثورة الذى يضم شباب حركات "6 إبريل والعدالة والحرية والإخوان ودعم البرادعى"، وأحزاب"الجبهة والكرامة والتجمع"، واتحاد شباب الثورة ـ الدعوة لمظاهرة حاشدة غدا بميدان التحرير وكافة الميادين المصرية بالمحافظات المختلفة للتأكيد على باقى مطالب الثورة التى لم تنفذ بعد.

قال الدكتور أحمد دراج، القيادى بالجمعية الوطنية للتغيير، لـ"اليوم السابع"، إن مروجى تلك الشائعات هم بقايا النظام السابق وفلول الحزب الوطنى سعيا لإخماد فتيل الثورة المصرية، مؤكدا على أن جميع الائتلافات والاتحادات تؤيد المشاركة فى مظاهرات الغد الجمعة.

يصف ائتلاف شباب الثورة فى بيان له اليوم، أن شائعة إلغاء مظاهره الجمعة أكبر دليل على وجود منظم للثورة المضادة داخل أجهزة الإعلام، مؤكدا أن دعوة الغد موجهة من الائتلاف بكامل مكوناته، بالإضافة إلى الجمعية الوطنية للتغيير وأعضاء صفحة كلنا خالد سعيد و7 حركات سياسية أخرى.

[أبو محمد]

أعطوا للعدالة "معصوبة العينين" فرصة

حاضر يا عم ابو محمد ... هاديها كمان فرصة أخيرة عشان خاطرك إنت

تصدق بالله ؟

والله والله والله ... أي نقد أو هجوم لي على المجلس العسكري بيكون من ورا قلبي .. وبأبقى نفس أطلع واهم او كذاب او مش شايف الحقائق .. لكن للأسف ... انا أذكر حقائق على الأرض وحدثت بالفعل ولا أجد لها إجابة ..

أعطي العدالة فرصة ؟

حاضر يا عم ابو محمد مرة تاني

بس يا ترى :

1- أديها فرصة لحد إمتى عشان تفسر لي سر حرائق أقسام الشرطة وهروب المساجين من السجون ؟

2- أديها فرصة لحد إمتى عشان تفسر لي تخاذل جهاز الشرطة حتى الأن .. وكان منظر اللواءات البشوات في منتهى الزبالة أمبارح وهما في ميدان رمسيس بيطهروه من الباعة الجائلين اللي إحتلوه .. وماشي حواليهم رجال الشرطة العسكرية عاملين كردون حواليهم بيحموهم .؟

3- أدي للعدالة فرصة لحد إمتى ولسه أول أمبارح فقط ومنذ أكثر من شهرين الشرطة مختفية تماماً من محافظ العريش ولسه راجعين شغلهم أول أمس فقط يا عمنا ؟

4- أديها فرصة لحد إمتى وعندنا فيديوهات موثقة عن سيارات الكلاب الشرطة اللي دهست الشباب اللي زي الورد .. الشباب دول أولاد حضرتك وأخواتي وقرايبي دمهم راح هدر يا فندم ؟

5- أديلهم فرصة لحد إمتى وحتى الأن لا يوجد بلاغ ضد سيارة السفارة الأمريكية التي دهست العشرات قدام عنينا والموضوع راح سيادتك ؟ أظن دي لو في أمريكا او دولة من دول الموز حتى كانت الحرب العالمية الثالثة قامت .. لإن قيمة الإنسان لا تقدر بثمن هناك ؟

6- أدي العدالة والمجلس العسكري فرصة وهما بيعينوا سامي الشريف عضو لجنة السياسات وأحد صقور الحزب الوطني ومهندس حملة الورنيش لترشيح مبارك سنة 2005 .. ومهندس حملة تلميع جمال مبارك عشان التوريث يبقى على مقاسه .... المجلس عينه حضرتك رئيساً لجهاز الإذاعة والتليفزيون . وهو أيضاً لسه عميد كلية الصحافة والإعلام والدنيا مولعة هناك من الطلبة والأساتذة اللي مخنقوين منه .. وعشان سواد عيونه ينزل الجيش يضرب المعتصمين ويعتقل منهم ناس ويفض الإعتصام .... ؟ أديلهم فرصة يا فندم ؟

7- أديلهم فرصة يردموا على ملفات أمن الدولة اللي أستولى عليها الجيش والموضوع خخخخخخخخخخخخخخخخ .. نام ومش عارفين الدنيا حصل فيها إيه .. ولا ده أمر ما يهمناش أو على رأي شفيق يا راجل " مالناش فيها " ؟

8- أديلهم فرصة وأنا سامع نائب رئيس جلس الورزاء بوداني بيقول إنه عاوز يمشيها بلدي ونقبل قرشين لا مؤخذه يترموا لنا على أقذر حذاء من الحرامية اللي مسجونين ونهبوا ثروات البلد .. ويطلعوا أطهار وشرفاء وصفحتهم بيضا ؟

9- أديلهم فرصة وأنا سامع إميارح في مجلس الحوار الوطني أصوات تتحدث عن المصالحة الوطنية مع رموز الحزب الوطني وأولهم مبارك واللاشريف وفتحي شرور وزكريا عزمي وأبية جمال ؟ الله ... دي لعبة حلوه والله ... نتجمع بقى كلنا في دوار قصر العروبة ونقوم نبوس على راس بعض وحقك عليه يابا الحج وأنا غلطت في حجك 30 سنة ... ويحلفوا عالمصحف إنهم مش هايعملوا كده تاني ونرجع بقى المياه لمجاريها وسمنة على عسل ..

لأ يا فندم .. أنا مش هاسمح لمصر تكون عزبة مرة أخرى ... ومش هاسمح لحد مهما كان إنه يعمل إنه بيفهم أكتر مني وإنه بيعمل الصح وإني علي السمع والطاعة ...

دي بلدي ولي فيها حقوق ومن حقي أفهم ما يحدث ..

هم لهم القيادة أينعم أتفق مع الجميع على ذلك ..

لكنني لست دابة لكي يقودوها وهي مغمضة العينين ...

مرافعة جميلة ، ومتعوب عليها .. من المدعى العام على المجلس العسكرى

فين بقى مرافعة الدفاع ؟

ده حتى المتهم لو مش موكل محامى ، المحكمة بتنتدب له محامى .. بس الظاهر المجلس العسكرى أصبح زى مبارك .. مفيش محامى عايز يترافع عنه .. كلهم خايفين ، من إيه ؟ ماعرفش .. مع إن الثوار قاموا بثورتهم لتحقيق العدل .. يعنى ناس بتعرف يعنى إيه عدل

[tarek hassan]

هل نسخة 25 يناير اللي نازلة التحرير بكرة دي هي النسخة الأصلية بتاعة دم الشهداء والحاجات دي أصل بصراحة النسخ كترت وكأننا مع حكاية القرموطي وصدام حسين رحمه الله

هل فعلا الثورة قدر الله لها النجاح على يد هؤلاء الشباب ( الديكتاتوريين الصغار ) الذين لا يستمعون لصوت العقل من أجل البلد التي سارت مسافة كبيرة في الاتجاه الصحيح وحققت ما لم نكن نحلم به

وما بقي يمكن أن يحل

- في ظل حكومة عصام شرف بتاع التحرير اللي انقلبوا عليه

- وفي ظل المجلس الأعلي الذي له الفضل بعد الله تعالى في نجاح الثورة

أنا أعترض على لغة التكبر

وأعترض على حجد دور المجلس الأعلى

وأعترض على الإساءة لعصام شرف

وأعترض أن يجحد كل إنجاز قد تم سواء أكان اقتصاديا أو سياسيا

وأعترض أن تظل نسخ الثائرين ثائرة بعد أن هدأ الثائرون الحقيقيون ومن بينهم آلاف الجرحى والمصابين

أرى أغلبية الشعب راضية فمن وكل هؤلاء ليتكلموا باسم الشعب كله وأن يحتكروا الثورة وخارجين يحافظوا عليها

أخشى أن نظل نحتكم للشارع في كل شاردة وواردة بدلا من الطرق المشروعة طالما هناك اتفاق والعامل عامل وقت فقط ومتوقف على حكمة الكبار بعيدا عن اندفاع الشباب

ياشباب خلوا صورتكم تفضل حلوة وفكروا في مصلحة البلد

تم تعديل 31 مارس 2011 بواسطة tarek hassan

[rewsha]

ملحوظه:يا استاذ طارق حسن

لو ماكانش الثوار نزلوا كل جمعه ونادوا بالمليونيه .ماكانش حصل ربع اللي وصلناله دلوقتي

المجلس العسكري بينقطنا بالقطاره

في بديهيات كان مفروض يعملها .بس ما بيعملهاش غير لما نقول كلمة السر..........مليونيه

والدليل:

اخبار امبارح والنهارده حد كان يتوقع ده كله يحصل في يومين (قبل الجمعه)؟؟؟

تم تعديل 31 مارس 2011 بواسطة rewsha

[tarek hassan]

ملحوظه:يا استاذ طارق حسن

لو ماكانش الثوار نزلوا كل جمعه ونادوا بالمليونيه .ماكانش حصل ربع اللي وصلناله دلوقتي

المجلس العسكري بينقطنا بالقطاره

في بديهيات كان مفروض يعملها .بس ما بيعملهاش غير لما نقول كلمة السر..........مليونيه

والدليل: اخبار امبارح والنهارده حد كان يتوقع ده كله يحصل في يومين (قبل الجمعه)؟؟؟

إيه اللي حصل إمبارح والنهاردة قصدك يعني شالوا المناوي يعني المناوي محتاج مليونية

كل شيء بيزيد عن حده بيتقلب لضده

لعلمك شعبية الجماعة دول في النازل الوقتي

وحكاية بكرة دي هتنزل من رصيدهم عند الناس أكثر وأكثر لكونها عملية مظهرية فقط

عموما سنرى عددهم بكره ومدى نجاح مظاهراتهم

تحياتي

[rewsha]

لاْ يا استاذ/طارق .مش شيل المناوي بس

خد.عندك

تغيير رؤساء تحرير ورؤساء مجالس الاداره كلهم

تشكيل لجنه لمتابعة واسترداد الاموال المسروقه (اللي سرقها مبارك )

استقالة زكريا عزمي

منع صفوت الشريف وزكريا عمي وفتحي سرور من السفر

اقالة المناوي

ده اللي انا فاكراه دلوقتي

[fatfouta]

ميدان التحرير ليلة 31 مارس 2011

http://www.youtube.com/watch?v=kgWF4yfNwv0

[fatfouta]

التحرير منذ قليل

[fatfouta]

ستقوم قناه التحرير الجديده بالبث المباشر لأحداث الجمعة 1 أبريل من التحرير مباشرعلي النيل سات تردد 10949 - رأسى

[Simba]

شدوا حيلكم يا شباب الحرية علي الابواب

https://www.youtube.com/watch?v=kgWF4yfNwv0&feature=player_embedded