عاجل: نشطاء ينظمون مسيرة مليونية بميدان التحرير الجمعة 1 أبريل ﻹنقاذ الثورة المصرية

[قلب ابيض]

اعلامنا زززززززفت الزفت لازال كما هو

التلفزيون جايب كارتون وعبله الكحلاوى بتتكلم عن النيل

لامتى ياربى كده؟؟

عندى احساس قوى ان لسه المزيييييد من الدماء والشهداء

انفعال الناس وعدم المبالاه من الطرف التانى هيؤدى الى انفجار

مش ناسيه يوم الاربعاء الدامى اللى الشباب كانوا بيتساقطوا واحد ورا واحد والجيش كان بيتفرج

طول ما الجيش اللى بأيده الموقف ومابيتحركش الا لما تقوم مظاهره ويردوا بكلام ها ....ها..... وكله تسويف ومافيش ردود حاسمه ..يبقى على البلد السلامه

[قلب ابيض]

النيل الاخباريه ..خبر فقط عن المظاهره ...

ياااامسهل يارب اول الغيث قطره

[tarek hassan]

خبر عاجل :

واحد في قناة الجزيرة مباشر بيشكر إذاعة الجزيرة اللي وقفت مع الثروة

وواحد تاني بيقول الاستفتاء ما كانش له لازمة

تم تعديل 1 أبريل 2011 بواسطة tarek hassan

[se_ Elsyed]

خبر عاجل :

واحد في قناة الجزيرة مباشر بيشكر إذاعة الجزيرة اللي وقفت مع الثروة

وواحد تاني بيقول الاستفتاء ما كانش له لازمة

بغض النظر مين قال كده وعنه اخطاء الهجائية

لكن تصدق بالله . إن سبب من اسباب نجاح الثورة هي كانت الجزيرة

ولو ما كانش في صورة حية منقولة للعالم كله .

كانت قوات الأمن نزلت خلصت الليلة دي في ساعات

[tarek hassan]

أنا مش مختلف على الجزيرة ومتفق معاك جدا ولا ننكر فضلها بعد فضل الله ومتفق معاكم جميعا في المطالب المشروعة ولكنه كخلاف ( رأي علي التمهل في الأخذ على على يد قتلة عثمان ورأى معاوية ضرورة الإسراع ) وكلاهما صحابيان يرى البعض إعطاء الفرصة ويرى آخرون أن الوقت قد حان بعد مرور خمسين يوما

تم تعديل 1 أبريل 2011 بواسطة tarek hassan

[Howayda Ismail]

شارك ما يزيد على خمسة آلاف مواطن بمحافظة الإسكندرية في مظاهرة انطلقت من أمام مسجد القائد إبراهيم

بمحطة الرمل، عقب انتهاء صلاة جمعة، المعروفة "بجمعة الحفاظ على الثورة"، والتي غاب عنها الشيخ

المحلاوي، لأول مرة منذ اندلاع الثورة، كاستجابة للدعوة التي وجهت للمواطنين عبر موقع "فيس بوك" على

مدار الأسبوع المنقضي، ملوحين بأن جمعة 8 أبريل القادمة ستكون موعدا نهائيا لإعلان محاكمة مبارك

وإلا التوجه إلى شرم الشيخ.

[tarek hassan]

شارك ما يزيد على خمسة آلاف مواطن بمحافظة الإسكندرية في مظاهرة انطلقت من أمام مسجد القائد إبراهيم

بمحطة الرمل، عقب انتهاء صلاة جمعة، المعروفة "بجمعة الحفاظ على الثورة"، والتي غاب عنها الشيخ

المحلاوي، لأول مرة منذ اندلاع الثورة، كاستجابة للدعوة التي وجهت للمواطنين عبر موقع "فيس بوك" على

مدار الأسبوع المنقضي، ملوحين بأن جمعة 8 أبريل القادمة ستكون موعدا نهائيا لإعلان محاكمة مبارك

وإلا التوجه إلى شرم الشيخ.

الشيخ صفوت حجازي قال في صلاة الجمعة إحنا أعطينا طلبات ومهلة لتنفيذها وبعدين يبقى فيه كلام والتوجه لشرم الشيخ مشروع جدا من أجل الشهداء فعلا تم تعديل 1 أبريل 2011 بواسطة tarek hassan

[rewsha]

كل اللي اقدر اعلق بيه واقوله

رغم انها مش مليونيه (وانا كنت اتمنى انها تبقى مليونيه)

لكن كفاية ان اعداد كبيره نزلت وبتفكر المسؤلين ان لسه في ناس مازهقتش ومش هاتزهق وهاتكمل علشان تحافظ على الثوره

والتباطؤ يمكن يكون في صالح المتظاهرين ....لاْنه بيثبت ان كلامهم صح

وممكن مع مرور الوقت .يقدروا يرتبوا ويحشدوا اعداد اكبر

يعني لو كل واحد اقنع معاه واحد بس ..العدد هايتضاعف

:egyflag:

[shiko]

من هتافات التحرير اليوم : "الشعب يريد محاكمة مبارك"

و"يا مشير يا مشير..الشرعية من التحرير"

و"قالوا عليكي يا مصر حرة..واحنا فلوسنا لسه بره"

و"لو ضربونا بالرصاص..اتعلمنا الـ لإ خلاص"

و"مهما ملوكي يا بلدي سجون..صوتي هيطلع مهما يكون".

ورفع المتظاهرون لافتات مكتوب عليها "الإقامة تكون جبرية..مش كوميدية"

و"حاكموا الديكتات...ور المخلوع" و"التباطؤ في العدل..ظلم"

و"قول يا سيادة النائب العام..امتي تحاكم الحكام"

و"الشعب يرفض المصالحة

تم تعديل 1 أبريل 2011 بواسطة shiko

[Simba]

شوفوا القناة دي قناة 25 يناير

اسم كده في قائمة القنوات

TWENTY FIVE TV

كل شوية بيجيبوا تغطية من التحرير

ولو اني شامم فيها ريحة الحزب الوطني ورجالته

مش بيجيبوا هتافات

ومركزين علي اللي دهنوا الارصفة واللي قفوا في لجان الشعبية وحاجات كده

[fatfouta]

رامى مغنى الثورة اللى تم تعذيبه من الججيش قبل كده....عالمنصة دلوقتى وبيغنى تانى

[Ahmed Anwer]

صورة ميدان التحرير الآن منذ عدة دقائق علي شبكة رصد ،،

للاسف مقدرتش أروح ،،

[rewsha]

شوفوا القناة دي قناة 25 يناير

اسم كده في قائمة القنوات

TWENTY FIVE TV

كل شوية بيجيبوا تغطية من التحرير

ولو اني شامم فيها ريحة الحزب الوطني ورجالته

مش بيجيبوا هتافات

ومركزين علي اللي دهنوا الارصفة واللي قفوا في لجان الشعبية وحاجات كده

ممكن حضرتك تكتب لنا التردد بتاع القناة عل نايل سات

:egyflag:

[fatfouta]

لازم يا مبارك انت كمان تستمتع بانجازاتك ذى الشعب...يافطة معبرة جدااا

[fatfouta]

كان لسه مفيد فوزى بيقول فى احد البرامج على دريم

انتوا فاكرين اللى فى التحرير دول هم الثوار ولا ايه؟؟؟ دول كلهم مطالب فئوية....وده الرد عليه من احد المتظاهرين

[fatfouta]

بيقولوا قطعوا عليهم النور من شوية فى ميدان التحرير

سادت حالة من الغضب الشديد بين متظاهرى ميدان التحرير بسبب انقطاع التيار الكهربى عن الميدان، وحمل مجموعة من المتظاهرين علم مصر، يبلغ طوله 100 متر، وطافوا به الميدان، مرددين "هو النور قطع ليه هى مؤامرة ولا إيه"، معتبرين أن قطع الكهرباء عن الميدان محاولة لتفريقهم وتصريفهم، وقالوا إنهم سيبيتون فى الميدان.

[fatfouta]

التحرير الان

[fatfouta]

رسالة للدكتور يحيى الجمل صاحب دعوة التصالح

[fatfouta]

التحرير اليوم بلا لجان تفتيش..بلا تواجد لجيش أو شرطة..بلا حواجز..........العجيبة جدا انه بلا بلطجية

[arkan]

التحرير اليوم بلا لجان تفتيش..بلا تواجد لجيش أو شرطة..بلا حواجز..........العجيبة جدا انه بلا بلطجية

طب الحمد لله يافتفوتة

ربنا يبعد عنا البلطجية