اتغلبنا يا ولاااااد ادام جنوب افريقيا

[fatfouta]

للاسف اتغلب المنتخب المصرى ادام منتخب جنوب افريقية فى اخر كام دقيقة

بس مش عارفة ليه ماحستش انى زعلانة

شايفة انه مش وقت كورة والبلد مش فاضيه ليها خلال الكام سنة اللى جايين دول

ولا انتوا رايكم ايه؟؟؟؟؟

[تامر مصطفى]

للاسف اتغلب المنتخب المصرى ادام منتخب جنوب افريقية فى اخر كام دقيقة

بس مش عارفة ليه ماحستش انى زعلانة

شايفة انه مش وقت كورة والبلد مش فاضيه ليها خلال الكام سنة اللى جايين دول

ولا انتوا رايكم ايه؟؟؟؟؟

انتي كمان ليكي في الرياضة والكورة والكلام ده؟؟

انا شايف ان مصر بعد الاستقرار ان شاء الله تنظم مباريات وتخصص دخلها للتنمية

يعني كل لاعب كرة قدم يكون عنده وظيفة ثابته ودخل وكل مباراة ياخد عليها 200 جنيه بالكثير وباقي الدخل يروح لخزينة الدولة

ويتعمل بيها مشروعات حتى ولو صغيرة لتشغيل اكبر عدد من الشباب

بلا كورة بلا وجع قلب

[fatfouta]

معظم الناس بتعلق عالخسارة وبتقول

خلصنا من الكورة لمده 3 سنين خلينا نركز فى المصالح الاهم بقى

انا حاسس ان الناس من فرحتها بهزيمة المنتخب هتنزل الشوارع

تم تعديل 26 مارس 2011 بواسطة fatfouta

[م تيمور المراغي]

طيب ,,

[mustafagamiel]

ولا فارقة خالص

ولا حتى اتفرجت عليه

[التونسى]

والله المنتخب لعب كويس جدااااااااااااا .. واضاع فرص كثيره .. وبصراحه المنتخب معذور

بس اقدر اقول كده للاسف .. بااااااااااااااااااااااى بااااااااااااااااااى .. مع السلامه يا شحاته

[fatfouta]

الدرس من الماتش لشعب مصر. ما ترداش بالتعادل علشان ما تخسرش. ثورتنا لازم تلعب على الفوز و بس

[جسار]

210 ألف جنيه مرتب شهرى لحسن شحاته مدرب المنتخب ، ولما الناس قالوا له ممكن تخفض

مرتبك علشان الظروف اللى بتمر بيها البلد قال ليه هو أنا موظف بتطالبونى أنزل مرتبى !!!!

طبعا ده غير شوقى غريب حوالى 120 ألف جنيه ، واحمد سليمان مدرب حراس المرمى اللى كان ضابط

وبيتدرب على اجساد المعتقلين وسمير عدلى اللى من أيام الجوهرى وهواللى معاه الخزنة وغيرهم

كتير قوى هذا بالاضافة للسادة ( المتطوعين ) من أعضاء مجلس أتحاد كرة القدم اللى سافروا مع

سمير زاهر ريس العصابة الى جنوب افريقيا .. هو احنا مطالبين كمان نتحمل هؤلاء ومصاريفهم من

جيوبنا ومن دم الشعب الغلبان لحد أمتى ..أطالب جمهور الكرة يروح المطار ويمسك الشلة دى كلها

وهاتك يارقع لحد ما يبان لهم صاحب ونرجو من الاخوة الشرطة العسكرية عدم التدخل علشان دى خناقة

عائلية ومش مطلوب حد غريب يتدخل .

[أبوعمار]

دي هايعملوها نكتة وينشرررررررررروها ع الفيس بوك

منتخب يفوز بالكأس ويحتفظ بيه 3 مرات متتالية

والمرة الرابعة .... يطلع من التصفيات

آآآآآآآآه يا كزوفي

هي دي آخرة الثورة المضادة

[fatfouta]

وذى ما قال الريس....منتخب مصر كويس

الرئيس مبارك يرسل رسالة لبعثة المنتخب : "بوسة كبيرة و حضن كبير .. اخيرا حد عكننلي علي الشعب دة"

الحمد لله مصر خسرت النهارده في آخر لحظة و مش هتتأهل الشعب يريد ان يكسب وطن لا أن يكسب مباراه عاشت الثورة و المجد للشهداء

تم تعديل 26 مارس 2011 بواسطة fatfouta

[ozoozo]

انا مبسوط بصراحه في شحاته ابو كف بتاع لامؤاخذه ياريس

انا كمان اقترح بيع اللعيبه كلها وبتمنها نعمل اي مشروع انتاجي

والله العظيم لو فتحنا مصنع وانتجنا فوانيس رمضان بتمنهم هانكون احنا الكسبانيين

[سكر]

الدرس من الماتش لشعب مصر. ما ترداش بالتعادل علشان ما تخسرش. ثورتنا لازم تلعب على الفوز و بس

والله كلامك دة احسن من الماتش كله

وفعلا الماتش بتاع مصر وكان اللعيبه لازم تكسب بس المشكه هما داخلين الماتش ومركزين قوى فى التعادل

بالرغم انهم احسن من جنوب افريقيا

[م تيمور المراغي]

مازالت افكارك الثورية يا ازوزو تخلب الالباب كعهدي بك وعهدك بنا ,,

كيف تفتق الذهن الثوري عن تلكما فكرة !!

تسريح لاعبي منتخب مصر ,,

وبقبض الثمن ,,

ننشأ ليس مصنعا او مزرعة او متحفا يعرض ارقى الفنون بل شيئ لا خطر على قلب بشر ,!

خدوا بالكوا بالله ,,

هو قال :

فوانيس رمضان ,,

الفانوس رمز للنور = التنوير !

ورمضان رمز مبطن للتيار الاسلامي

معنى الشفرة في النهاية

دمج فكر التيار الاسلامي مع الفكر المستنير لحكم مصر !!

[ozoozo]

زي ماقال الريث

منتخب مثر كويث

http://www.youtube.com/watch?v=pWXNkGI_8WE

[fatfouta]

من تداعيات الثورة في مصر...........منتخب مصر يُهزم والشعب لا يهتم bv:-

[fatfouta]

حسن شحاتة قبل الماتش كان بيقول احنا هنلعب بروح 25 يناير.. هو عموما ما كدبش هو اصله كان من الناس بتوع مصطفي محمود في 25 يناير

[الباشمهندس ياسر]

مازالت افكارك الثورية يا ازوزو تخلب الالباب كعهدي بك وعهدك بنا ,,

كيف تفتق الذهن الثوري عن تلكما فكرة !!

تسريح لاعبي منتخب مصر ,,

وبقبض الثمن ,,

ننشأ ليس مصنعا او مزرعة او متحفا يعرض ارقى الفنون بل شيئ لا خطر على قلب بشر ,!

خدوا بالكوا بالله ,,

هو قال :

فوانيس رمضان ,,

الفانوس رمز للنور = التنوير !

ورمضان رمز مبطن للتيار الاسلامي

معنى الشفرة في النهاية

دمج فكر التيار الاسلامي مع الفكر المستنير لحكم مصر !!

يخرب بيتك اللي يكرهوك

ايه اللي انت فيه ده

كده فعلا فيه مشكلة

انت بقيت عامل من الحوار ده بؤرة قطبية لحياتك

معقولة اتوحدت مع الموضوع ده للدرجادي...؟

حالة نرفانا يا ناااااااااااااس

[Dreamwithme]

حسن شحاتة قبل الماتش كان بيقول احنا هنلعب بروح 25 يناير..

لا بجد يافتفوتة قول لي وماتهزريش هو بجد قال كده؟ :blink: ولا دي نكتة ؟ ولا الراجل جاله زهايمر ومش فاكر موقفه أيه من 25 يناير

عموما هو خد جزائه والضرب في الميت حرام

والحمد لله أنه مكسبش لحسن كان يطلع يقول أنه بيهدي الفوز لشهداء الثورة وإن روح الثورة هي اللي جعلتهم يفوزوا

ونرجع نقول في الآخر الحكمة الخالدة : منتخب مصر كويس زي ما قال الريس :P

أنا بأقول يروحوا له شرم يزوروه ويونسوه شويه ;)

[Diab]

لما أتغلبنا من الجزائر

مبارك طيب خاطر المنتخب المتشحتف ب 6 مليون جنيه مكأفاة هزيمة

أحمد سليمان مدرب حراس المرمي و الضابط بالمعتقلات الذي اذاق الناس هناك سوم العذاب

أبو الغضب الشهير بحسن شحاته مكنش بيضحك غير لما يبقي علي حجر مبارك بس وعلينا مصدر الوش الخشب

اللي اتصرف علي المنتخب الفترة اللي فاتت مئات الملايين كان ممكن تفتح مصنع ضخم يكفي بطالة محافظة بحالها

ياريت يتم تفكيك الاندية دي ويبقي دوري هواة وليس محترفيين ونوفر الفلوس دي ونبني ملاعب في كل حي

تم تعديل 27 مارس 2011 بواسطة Diab

[أسد]

فيه فرق ...

واضح جداً ...

مدرب جنوب أفريقيا ماسك دفتر وقلم بيدون ملاحظات وبيفكر بطريقة موضوعية

مدرب منتخب مصر (حسن شحاته) واقف يحزق وينفخ ويشوح بإيديه

طيب إزاااااااااي

كالعادة ... لازم يحرق دمنا ...