استفسار عن عقد عمل بالسعودية

[engalsheeeeme]

انا مهندس مدني خريج 2002 موجود عقدين للعمل فى السعودية العقد الاول للعمل فى مكتب الجوري للاستشارات الهندسية براتب 7000 فى الرياض

والعقد الثاني للعمل فى شركة شمائل الخليج للمقاولات بالرياض والراتب 8000 ريال برجاء الافادة عن العقدين وايهما افضل بالله عليكم نصحية من اهل الخبرة وسوف تحاسبون عليها يوم القيامة

[Nileman]

السلام عليكم

أخوك محاسب خبرة 7 سنين في الرياض

شوف يا سيدي واضح ان الفرق مش كبير في الرواتب (مع العلم ان الإتنين كويسين)

المهم اتصل بالشركتين و حاول تشوف ظروفهم فيهم كام ؟ ايه حجم اعمالهم؟ اخر سنة كانو محققين ربح ولا خسارة؟؟

ثانيا شوف العقد فيه بدلات (بدل سكن-*بدل انتقال-تامين طبي ليك و للأسرة- تدكرة طيران)

و بعدين بناء على المعلومات دي صلي استخارة و قرر بنفسك

[hOuSsAm]

بص يا سيدى معايير المقارنة بين الشركات

1- البوزشن اللى هتمسكه فى كل واحدة (مهمة جدا جدا)

2- المهام الوظيفية المطلوبة منك والخبرة اللى هتاخدها من المكان ده

3- المرتب الاساسى

4- البدلات من سكن ومواصلات وبونص وتذكر سفر ليك وللزوجة والاطفال وتامين صحى بردوا ليهم كلهم وفئة التامين A or B or C (ومش لازم تلاقى كل البلادت دى مجتمعة فى شركة واحدة فقد تلاقى كلهم او بعضهم او متلقيش)

5- حجم الشركة فى السوق

6- جنسية الادارة (وعلى حسب جنسية الادارة بيتحدد حجات كتيرة)

دول اللى فاكرهم ولو افتكرت حاجة تانية هقولك

بس انا لاحظت حاجة ان شركة استشارات هندسبة وده على مبفهم معناه ان هيبقى شغلك اوفيس ومفيش مواقع بمعنى انك استشارى (يبقى يكون ظنى صح)

والشركة التانية مقاولات وده فى الغالب مواقع بالاضافة طبعا للاوفيس (شوف انت بقى اهتمامك بايه بالظبط)

تحياتى لك واتمنى لك التوفيق والتسديد والنجاح (مهم اوى تقرا بنود العقد وشروطه عشان ده المستند الوحيد تقريبا بعد ربنا اللى يحميك فى شغلك)

تحياتى