خيرى رمضان: سأترك مصر النهارده نهاية الأسبوع

[mhamed]

خيرى رمضان: سأترك مصر النهارده نهاية الأسبوع

صرح الإعلامى خيرى رمضان، أنه سيترك العمل فى برنامج مصر النهارده نهاية الأسبوع لعدة أسباب بدأت بانتهاء عقده فى 28 فبراير الماضى حيث التقى حينها مع اللواء طارق المهدى عندما كان مشرفا على اتحاد الإذاعة والتليفزيون لإبداء رغبته فى ترك البرنامج بعد ترك الفرص لاتحاد التليفزيون لإيجاد بديل له، مضيفا أنه عقب الثورة كثير من الملامح تغيرت، ورغبته فى الراحة والتأمل ودراسة ما مضى والوقوف على أخطائه وأين موقعه فى الفترة القادمة ورغبته فى تغيير طبيعة عمله.

أكد الإعلامى خيرى رمضان، أن اللواء المهدى رفض تركه البرنامج، معللا ذلك بأن التوقيت حساس وأن البرنامج سيتأثر بذلك سلبا، فوافق لأنها تعد خدمة للوطن أولا، مضيفا أنه رفض النقاش بشأن راتبه عندما قال اللواء له إنه سيتم تقليصه بسبب الميزانيات، فرد خيرى "مش هاخد ولا مليم لأنى مستور واعتبرنى فى مهمة حتى تجدوا من يحل محلى".

وأشار خيرى إلى أن المهدى أصدر بيانا يشكره فيه ويشيد بموقفه إلا أنه لم يلتفت له لأنه واجبه تجاه البرنامج ومبنى التليفزيون ولم تحدد مدة بقائه فى البرنامج إلى أن تولى الدكتور سامى الشريف المسئولية خلفا للمهدى والتقاه فى ندوة بـ"المصرى اليوم" قائلا له "مش هينفع أقعد من غير دخل فترة طويلة، وحاولوا تجيبوا حد وأنا مستمر حتى تجدوا الشخص المناسب".

وفوجئ خيرى رمضان بتصريحات الدكتور سامى الشريف فى جريدة الأهرام ثم أعلن موقفه بأن هذا هو الأسبوع الأخير لعمله فى البرنامج، مضيفا أن الإعلامية هالة فهمى أيدته فى موقفه قائلة له "امشى يا خيرى عشان نحترمك" مؤكدا أنه أجرى عدة اتصالات مع اللواء إسماعيل عتمان مدير إدارة الشئون المعنوية بالقوات المسلحة والدكتور سامى الشريف واختلفت الآراء والرؤى حتى اتفق مع اللواء عتمان على اللقاء والحوار مع لميس الحديدى، للوقوف على أهم الإجراءات حتى فوجئ بتصريح الدكتور الشريف فى أحد البرامج أن نهاية "مصر النهارده" و"من قلب مصر" هذا الأسبوع فقط.

وفى نفس السياق، انتقد خيرى الهجوم الشديد عليه من أقرب أصدقائه ومن الجمهور بعد عرضه فيديو الشيخ محمد حسنين يعقوب قائلا "أنا مؤمن بما أقول ولو أخطأت حاسبونى مش تشتمونى وتقولوا عليه ثورة مضادة".

اليوم السابع

[se_ Elsyed]

البلد اللي تودي ... وياريت ياخد أخوه تامر أمين معاه .. ويفرشوا بعربية بطاطا أو حلبسه قدام ماسبيرو .... ده أخرهم بصراحة

مبنى الإذاعة والتليفزيون عاوز لهم ثوره سبيشيل ... وقد فنطاس ديتول عشان يتطهر .. وأول واحد عاوز يتطهر هو سامي الشريف اللي مش عارف المجلس العسكري عينه إزاي في المنصب ده وهو معروف بولاءه الشديد لمبارك وكان من مهندسي حملة الورنيش لتلميع وش السيد الرئيس سنة 2005 ....

أنا مستغرب والله الناس دي إزاي بتفكر

يعني بلد من أوائل بلاد العالم في مجال الإعلام والإذاعة والتليفزيون يكون ده حالها ؟

وإيه لازمة الالف قناة دول إذا كان كلهم زي غثاء السيل ...

ما تركزوا في 10 قنوات بالكتير قوي بس تكون قنوات تخاطب العقل وتقول كلمة الحق وتبعد عن التفاهة والإسفاف ...

ده بالنسبة للقنوات الحكومية اللي إحنا كشعب بنصرف عليها من الضرايب اللي بيسفخوها مننا

أما القنوات الخاصة المصرية ... فهما حُرين .. لكن للحرية حدود

يعني الملايين اللي بتتبعتر على الهيافه ... لعب النجوم ... وديل أور نو ديل والكلام ده ... تعالى يا حبيبي وهاقطم وسطك ضرايب

[Alattar]

عمال أقرأ العنوان..و بقول..ازاي هيسيبها النهاردة..و بعدين يقول آخر الاسبوع

و بعدين اكتشفت بذكائي المعهود به من زمااااان..ان فيه برنامج اسمه مصر النهاردة..

وبعدين هو ايه اللي هيقعده لحد آخر الأسبوع...مش خير البر عاجله برده؟؟

بس يا خسارة علي مرهفين الحس اللي بيقرأوا بريد الجمعة..مين هيرد عليهم بعد كده..لما الأخ خيري هيغور في داهية؟

[جسار]

الأول ........... ( وش أنور وجدى فى أمير الدهاء )

عقبال يارب بقية الشلة .... تامر أمين بسيونى والمناوى ووحيد عبد المجيد

ده حتى اللواء لوقا بباوى ومفيد فوزى لقيتهم موجودين فى احتفالية الوحدة الوطنية

بمناسبة كنيسة العياط ... هى البلد عدمت ماعدش فيها غير الوجوه المحروقة دى

كل ما نفتح التليفزيون نلاقيهم فى خلقتنا ، والله انا خايف افتح الحنفية الاقيهم نازلين منها .

[Alattar]

عمال أقرأ العنوان..و بقول..ازاي هيسيبها النهاردة..و بعدين يقول آخر الاسبوع

و بعدين اكتشفت بذكائي المعهود به من زمااااان..ان فيه برنامج اسمه مصر النهاردة..

وبعدين هو ايه اللي هيقعده لحد آخر الأسبوع...مش خير البر عاجله برده؟؟

بس يا خسارة علي مرهفين الحس اللي بيقرأوا بريد الجمعة..مين هيرد عليهم بعد كده..لما الأخ خيري هيغور في داهية؟

ممكن الأخ نايل مان يوضلحلنا هو ايه اللي هو مختلف معانا فيه هنا؟؟

ولا هي نقط حمرا و ببلاش؟؟

تم تعديل 27 مارس 2011 بواسطة Alattar

[se_ Elsyed]

الاخ نايل مان خلال دقائق معدومة فتح البوك اللي مليان كروت حمرا ونازل بعتره على الناس ....

أعتقد إن خيري رمضان ممكن يكون قريبة او حاجه عشان كده مختلف معنا .. وهذا حقه ...

إستمر يا أخ نايل مان .. برافو عليك

[jasmin hamed]

خسارة تامر امين عنده كل مقومات مذيع كويس بس داء النفاق و الجبن مسك فيه