محاسب فى شركة الكهرباء

[mohamedgedo]

السلام عليكم

اولا انا اسمى محمد وشغال محاسب فى الرياض فى مؤسسة لتجارة مواد البناء

المهم ان انا مضى على عملى هنا بالمملكه مده 3 شهور فقط

وجالى الان تعيين فى مصر فى الشركة القابضه لكهرباء مصر(حكومة طبعا)

والان اريد النزول...

تنصحونى بايه عشان اعرف انزل والكفيل يرضى يخلينى انزل

والمفروض انى اكون فى مصر خلال هذه الايام

وهل من حقوقى انى اطلب منه خروج وعوده لظروف عائليه طارئه اما لا

أرجو الرد عليا سريعا وجزاكم الله خيرا

[AbkaReno]

وعليكم السلام

جرب الاول الموضوع ودي وان عندك ظروف ولازم تنزل واعمل خروج وعوده افضل

لو منفعش يبقا اطلب خروج نهائي بس حاول معاه الاول في الاموضوع الاول

[Nileman]

صلي استخارة و انزل و ماتفكرش

قطاع الكهربا في مصر من الوظايف الكويسة

[mohamedgedo]

شكرا ياجماعه لردودكم

بس حابب اعرف هو لو ما وافقش على انه يدينى خروج وعودة وكمان موافقش انه يدينى خروج نهائى

اتصرف انا ازاى ساعتها..عايز اعرف هل ليا حقوق ساعتها.. وانا لازم وضرورى بأى حال من الاحوال انى انزل مصر خلال الكام يوم دول

معلش هتقل عليكم.. بس ده من عشمى وكمان انا مش عارف قوانين البلد كويس

ياريت حد يفدنى فى الموضوع ده

[hOuSsAm]

على حسب شروط العقد وهل فيه شروط جزائية ولا ايه (ياريت توضح العقد مكتوب فيه ايه)

وهل مصاريف الاستقدام فى الحالة دى المفروض تتحمل عليك ولا ايه (طبعا حسب العقد)

لو كدة قدم استقالتك وادفع الفلوس اللى عليك وانزل معزز مكرم

ولو مش هتتحمل حاجة وعادى قدم استقالتك وانزل معزز مكرم

لو انت مش عليك فلوس وحاسس انه هيبقى لبط معاك (مش عايزك تكذب بس حاولى تجيبها بطريقة ما) تقوله عندى ظروف شخصية فى مصر وتاخد خروج وعودة ولما تنزل مصر بطريقة محترمة تبعتله تعتذره وتعرفه ان الظروف هتطول معاك فى مصر شوية

فى الاول والاخر وانت بتسيب شغلك مع الراجل ده متحولش تضره فى اى شئ ولا تسبله فرصة انه يضرك ومتدلوش انطباع مش كويس عن العمالة المصرية عشان متضرش ولاد بلدك لانك لو عملت اى حاجة فيه اللى هيجيبه بعد كدة هيكتبه شروط جزائية ويعمله مشاكل فى عقده ده غير انه مش هيرضى ينزل اى حد اجازات استثنائية الا بطلوع الروح

وزى ماخونا نيل قال صلى استخارة ومتعرفش الخير فين

نتمى لك التوفيق

[hOuSsAm]

شكرا ياجماعه لردودكم

بس حابب اعرف هو لو ما وافقش على انه يدينى خروج وعودة وكمان موافقش انه يدينى خروج نهائى

اتصرف انا ازاى ساعتها..عايز اعرف هل ليا حقوق ساعتها.. وانا لازم وضرورى بأى حال من الاحوال انى انزل مصر خلال الكام يوم دول

معلش هتقل عليكم.. بس ده من عشمى وكمان انا مش عارف قوانين البلد كويس

ياريت حد يفدنى فى الموضوع ده

مفيش حد يقدر يمنعك من النزول لبلدك

هقولك تانى ارجع لعقدك وهو المحدد الاساسى لطريقة تعاملك

طبعا لو متسجل عليك مبالغ الاستقدام او اى شئ او فيه شرط جزائى بالعقد فانت مطالب ترد الحجات دى وبعد كدة توافق

المشكلة انه يقولك حسب قانون العمل خليك معايا شهر لحد مجيب بديل (وفى الحالة دى مفيش قدامك الا الحلول الودية وان زملاتك فى الشغل يشلوك - جدعنة يعنى)

وشوف كدة واحنا معاك لحد متوصل لمصر بالسلامة

[mohamedgedo]

شكرا ليك ياحسام على ردك واهتمامك بالموضوع.. عامه العقد بتاعى مفيهوش اى شروط جزائيه اطلاقا.. ولا مكتوب فيه انى اتحمل اى حاجه.. عامه انا هجرب معاه بطريقه وديه هقوله انا عندى ظروف فى مصر وكدا.. وربنا يسهل

دعواتكم معانا