أنا آسف يا محاورات المصريين

[eslam elmasre]

وما هي المشكلة ان نحترم سياسة المكان الذي نكتب فيه فكلنا من المؤكد اتينا الي هذا المكان بعد ان انشأه صاحبه ووضع له قوانين وقواعد واستراتيجية عامة وقام بتقسيم المنتدي الي اقسام مختلفة تلبي كافة رغبات الاعضاء

مثلا انا اتكلم عن نفسي هناك باب في المنتدي وهو باب المغتربين وهو يجذب عدد من الاعضاء والزوار كبير جدا وانا لا اعلم محتواه ولا مواضيعه ولم افكر يوما حتي مجرد زيارته لانه ليس من إهتماماتي مطلقا واترك هذا الباب للمهتمين به والمستفيدين من وجوده فاحتراما مني لهذه التقسيمة الادارية فلا يجوز ان انقل مواضيع او افكار واطالب بنقاشها في مواضيع جاد او هدي الإسلام وليس من المنطق حتي اثبت وجودي في المنتدي ان اقوم بعمل مداخلات في هذا الباب لا قيمة لها فكريا و لن تسمن من جوع ولكن لمجرد ان يكون لي إثبات وجود وانني افهم في كل شيء واهتم بكل شيء وان اضع حكمتي في مكان وجودي فيه مثل عدمه لكن هذا لا يمنع دخولي كزائر استفيد معلومة جديدة من اصحاب التجربة انفسهم واذا استشكل عليّ امر ما اسأل لمجرد الاستفهام وليس الاقحام

هذا المثل ينطبق علي كافة الاقسام

وفي احيان كثيرة ايضا وانا واحد من الناس اقع في هذا الخطأ في احيان كثيرة اكتب ردا علي مداخلة وبعد ان اقوم بارسالها بوقت اتذكر فكرة جديدة لم ارسلها في مداخلتي فاضطر لكتابة مداخلة جديدة لان وقت التعديل يكون قد انتهي وانا طبعا لا اود ان ازيد العبأ علي السادة المشرفين واطالبهم بضم تلك المداخلات المجزأة فهذا امر صعب المنال لانه يحتاج لكتيبة لذلك العمل لكن اطلب اذا كان ذلك في الامكان إطالة مدة تعديل المداخلات لوقت اطول من الممنوح للاعضاء فهذا قد يمكننا من ارفاق تلك التعديلات إكمالا لمداخلاتنا السابقة وبالتالي تكتمل المداخلة بدل من تفريطها واحيانا تأتي مبتورة لقيام اعضاء اخرين بارسال مداخلات فاصلة لها مما يجعلها بلا معني في كثير من الاحيان

بقي نقطة واحدة تكلم فيها الاخ تيمور وهي الخاصة ببث روح الدعابة بين الحين والاخر في بعض المداخلات الجادة وهذا امر لا يختلف معه احد فيه فالامر يحتاج في احيان كثيرة تلطيف الجو من مشاحنات ناتجة عن الشد والجذب لكن ان تكون مداخلات تتصف بهذا الامر متكررة قد تعطي إيحاء بعدم جدية المتحاور في تناول افكار الموضوع او توحي باستخفاف المتحاور بموضوعية الفكرة المطروحة مما قد يعطي انعكاس سلبي علي المتحاور علي الجانب الاخر

[Howayda Ismail]

فينك يالماضة روحتى بالبخور فين ؟!

بصراحة الواحد بقى حزين مافيش توبيك دلوقت ادخله الا الاقى مشاحنات وشد وجذب بين الاخوة وبعضهم

وتقوم عركة على اهون سبب كاننا بنتلكك عشان نمسك فى خناق بعض

ارجوكم شئ يسير من التغاضى والتسامح بينا عشان المحبة والروح الجميلة اللى خلتنا نشترك فى محاورات

المصريين ترجع تانى متخلوناش نطفش من المنتدى

انا مبقتش عارفة مين الصح ومين الغلط كل واحد بيدافع عن وجهة نظره كانها نهاية العالم بالنسبة له

مش بلحق اروح الصفحة الرئيسية وارجع لنفس الموضوع الا والاقى رد جديد كانهم قاعدين مستنين بعض ومجهزين الرد

محدش يزعل منى بس ليه روح التحفز دى كان الاول مسلمين واقباط وبعدين بقت سلفيين واخوان ولبراليين

الى ان طالت اخوة اعزاء نعتز بفكرهم ورايهم

انا خايفة اتاثر بيكم وملاقيش حد قدامى اتعارك معاه غير ابو العيال وتبقوا انتم السبب هههههههه

بالله عليكم انا بعتذر بالنيابة لكم كلكم

واعذرونى على كتابتى بالعامية لانى ده اللى حاسة بيه

[الســـاري]

أنا مستغرب من رد فعل تيمور وإنفعاله في الموضوع اللي أخده على صدره وأعتبره موجه له وأخر مداخلة له كانت غير مقبولة بالمرة .. مع إن الموضوع ببساطة تم فتحه من الاستاذ طارق بمبادرة شخصية ومن غير تحريض من أحد

سيدي الفاضل

لو حضرتك شفت المداخلة رقم 3 بالتوبيك ده هتعذر تيمور بردة فعله

يعني مع احترامي الكبير للاستاذ طارق حسن بس ما كنش فيه داعي الاستفزاز واستجلاب المثل .. يعني التوبيك الرئيسي كان كافي لايصال الفكرة

دي بس نقطة اولية

1- لكل مقام مقال .. يعني الجد جد .. والموضوعات الخفيفة لها مكانها برضوا لها أبواب مستقلة وأنا شخصياً بأشارك فيها وبكثرة

----------------------------------------------------------------

فيه مواضيع كتير تكون معبرة باسلوب ساخر وانت استاذ هذا الاسلوب المحبوب

يعني لما نقول الهزل هزل والجد جد .. وفيه اقسام للتوبيكات الخفيفة .. فهناك قسم خاص للموضوعات الجادة ايضا

لما لا يتم قصر الموضوعات التي يراد تحويلها من الصيغة التفاعلية الى الصيغة المطبوعة الجاهزة التي تنفع لتتحول مستقبلا لكتاب الى قسم الموضوعات الجادة ؟؟

يعني موضوع مهم .. وعايزين اللي يناقشوا فيه يناقشوا بروح الصالون الثقافي ويوزنوا كلامهم بالمللي يبقى ليه ما تنقلوش للمواضيع الجادة .. على ان يكون هناك قانون خاص لذاك القسم يمنع الردود الهازلة التي كما تقولون تفقد الموضوع هيبته ؟

التنقيح يا عزيزي ابو الاسيان .. هو الحل لو كانت المشكلة تتعلق بكتاب

2- الكلمة مسئولية .. ومش شرط كل موضوع الواحد لازم يبقى متواجد فيه ولو بإبتسامة او إضافة كلمة في مداخلة لإثبات التواجد والحضور وخلاص

--------------------------------------------------------

في بعض الاحيان تكون كلمة او صورة معبرة عن الف مقال

ودي من صور البلاغة فعلا ..

قالوا هل البلاغة في الايجاز .. قالوا لا .. البلاغة الايجاز .. واختصروا حرف الجر في

كلمة كاريزما مثلا التي اوردها تيمور كانت معبرة جدا

واختصرت عشرات الكلمات

يعني مش كل سطر خفيف او كلمة او كلمتين ينفع نقول ان كلهم ما ينفعوش

لما تكون كلمة زي دي عبرت باختصار شديد يبقى ايه المشكلة ؟

---------------------------------------------------------

3- إحنا إستثنينا موضوع النقل الكتير حتى بدون تعليق ممن نقل الخبر أثناء الثورة عشان كانت ظورف إستثنائية .. لكن ما ينفعش نفضل كده على طول في دوامة الكوبي والبيست .. لأننا موقع حواري يعتمد على طرح الأفكار ومشاركاتها بيننا وبين بعض للإفادة والإستفادة في المقام الأول

دي كلنا معاك فيها ..

والمشرفين من ضمنهم كمان ..

بس محدش منع اللي يحلل انه يحلل ويفند بدل ما يقولوا محاورات ضاعت خلاص

يعني اللي عاز يحلل يحلل .. واللي عاوز يعبر باسلوبه وطريقته يعبر

وكل واحد يقرا اللي يعوزه

وبصراحة لو ظل المنتدى بلا روح وبقى فقط للمداخلات التقيلة والعميقة .. نعم هتقدروا تنشروا اكتر من كتاب ... بس بصراحة هيختفي عدد كبير من المحاوراتيين . لانهم في النهاية بمنتدى جايين يناقشوا فيه كل واحد باسلوبه وبطريقته ويسألوا ويجاوبوا وكل واحد يحس بشخصيته في المنتدى ولكل مقام مقال

واحد مضايقته مداخلة شايفها هزل .. يقول رأيه بالموضوع اللي جا عشانه ويترك المداخلة دي ولا لازم يتلحقها ؟

مهو اي واحد زي ما قال اوزاوز عايز مقالات عميقة يروح لمواقع مخصصة

بس ده موقع تفاعلي .. مختلف

حتى عليكم صعب تسيطروا ع الموضوع ده .. وقرينا موضوعات قديمة كانت مليانة برضو بردود الشات .. يعني عفوا مش مشكلة مستحدثة

واحنا نقول الكلام دا من حبنا لهذا الصرح اللي مش عاوزين نتخلى عنه بسهولة ونقول خلاص .. نشوف غيرهم

فين الغلط في الكلام دا ؟

[أسد]

كل مازاد عن حده ... إنقلب لضده

[عبير يونس]

معقول أن يصل الأمر لتقييم صاحب المكان سلبا؟؟!!!

يبدو أن لذة الحرية أنستنا أننا في مكان خاص و ملكية خاصة و ليست عامة

و أننا ندخل هنا و يكون لنا الحق في الكلام بإذن من صاحب المكان و ترحيبه

إن اللياقة و أصول الضيافة هي تعبير عن مشاعر الود و الاحترام لمن يدخل بيتي

و لكن عندما يتجاوز من فتحت لهم بيتي كل الحواجز و يصرون على فرض ما يرونه هم بدعوى الحرية

و يبدأون في تحريك الأثاث ليعيدوا ترتيب الغرف كما يريدون

فهنا أستطيع أن أرى أن الأمور اختلطت بالفعل

و عندما يقوم صاحب البيت بالتذكير يلقى الهجوم!!!

ماذا ننتظر بعد ذلك؟؟

يبدوا أن الحرية السائدة الآن هي حرية القمع و مصادرة الممتلكات

[ozoozo]

اولا :الفاضله مصريه متغربه مفيش حاجه اسمها صاحب المكان كده عاملين زي ماكنا بنقول اصل مبارك ده ابونا ومصر تساوي مبارك

وبعدين يعني ايه صاحب المكان هل استضافه الموقع علي سيرفر مقابل بضع مئات من الدولارات سنويا مع تعويض جزء منها بالاعلانات بعتبر (بيج ديل) ؟

المحاورات لم تاخذ اسمها وشهرتها الا باعضائها وكتابتهم والتي هي ملك لهم وليست لصاحب المكان

انا شخصيا احترم استاذ عادل جدا كاحد اعمده اليبراليه في مصر و كمثقف من العيار الثقيل واخيرا احتراما لسنه فنحن كنا ومازلنا نوقر الكبير

وليس احترامي له لدفعه بضع مئات من الدولارات ممكن انا او اي حد انه يدفع ضعفهم بسهوله ويبقي صاحب مكان اكبر من المحاورات

في النهايه المحاورات = اعضائها فقط

ثانيا: من قال بأنه هذه هي المحاورات بقوانينها ويجب احترامها وان مستوي المحاورات انحدر بسببنا .....اذن فلماذا ترك المنتدي اصحاب الاقلام العظيمه والمؤثره في المنتدي وذهبوا لاماكن اخري الا بسبب تلك القوانين .....ايها الساده ان قوانينكم لم تفرز الا اشباه المثقفين امثالنا وجعلت المثقفين الكبار يتركوكم فأما ان تغيروا قوانينكم او تتحملوا تلك الاشباه

.....

سؤال هل قرأ احدكم في صالون العقاد كانت لنا ايام لانيس منصور؟

هل رأيتم اسلوب اداره الحوار من العقاد

هل كان ماسك خرزانه للي يتكلم مع زميله علي جنب في موضوع المناقشه

ولا من قال قفشه او نكته-وكانت اكثرها من العقاد-كان مصيره الطرد؟

تم تعديل 30 مارس 2011 بواسطة ozoozo

[hOuSsAm]

سيدتى الفاضلة مصرية متغربة

هل هو المطلوب مننا فى محاورات المصريين ان ندخل ننافق ونطبل؟

وهل التقييم السالب يعتبر فى عرفكم شتيمة او اهانة؟

وهل يوجد احد هنا فى المحاورات سواء كان عضوا او مشرفا فوق دائرة التقيمات ؟ والا كان من الافضل والاحرى حذف خاصية التقييمات من هذا العضو او المشرف الفاضل طالما انه مش من اللياقة او الذوق

عذرا سيدتى الفاضلة فلو انتم رايتم ان التقييمات شتيمة لو بالاحمر او مدح لو بالاخضر فنحن نرى انها ابداء الراى بطريقة محترمة بمعنى انا لا اتفق مع رايك او اتفق

فى بيوتنا وشركاتنا نعارض اراء اصحاب المكان ونتناقش فى ظل وجود الاحترام والود ولو راى صاحب المكان مصلحة المكان فى راينا حتى لو ضد مصلحته الشخصية او حتى ميوله فينصاغ متواضعا لاراء الجماعة

ونعبر بطرقنا الودية على حسب طبيعة علاقاتنا عن احتجاجنا او رفضنا لامر ما

فما هى المشكلة سيدتى بالتذكير ............ فذكر فان الذكرى تنفع المؤمنين ولا يوجد منا ماهو معصوم من الخطأ

[tarek hassan]

بداية

أنا آسف لصاحب الدار

ولي عودة بعد الرجوع من العمل إن شاء الله

[Alshiekh]

.....

سؤال هل قرأ احدكم في صالون العقاد كانت لنا ايام لانيس منصور؟

هل رأيتم اسلوب اداره الحوار من العقاد

هل كان ماسك خرزانه للي يتكلم مع زميله علي جنب في موضوع المناقشه

ولا من قال قفشه او نكته-وكانت اكثرها من العقاد-كان مصيره الطرد؟

أنا ماقعدتش فى صالون العقاد

أنا قعدت فى المكان اللى كان بيقعد فيه توفيق الحكيم

لم يكن ملكه كان مجرد زبون دائم له ترابيزة محجوزة باسمه ، كان كافيتريا أو سميه كازينو على البحر كان اسمه البوريفاج

كنا لم بنروح وهو موجود ولم نكن قاعدين معاه ، لكن كنا بنقعد زى التلاميذ داخل الفصل إحترامه له ولضيوفه ، ولو واحد من اصحابنا رفع صوته او قال نكتة أو قفشة بصوت عالى كنا بننبهه بانه يوطى صوته علشان الحكيم موجود.

وأكيد لو كان الحكيم شاف مننا قلة ادب وعدم أحترام كان زمانه ساب البوريفاج ورحل زى الاقلام المحترمة والعظيمة اللى حضرتك بتقول عليهم انهم سابوا المنتدى واللى اكيد ماسابوش المنتدى علشان قوانينه لانهم كانوا من واضعى تلك القواعد لانهم كانوا من المؤسسين للمنتدى.

وبدون احراج لو شايف انك ممكن بشوية دولارات ضعف اللى بيدفعهم الاستاذ عادل ممكن تعمل منتدى احسن من منتدى المحاورات ؛ ليه ماعملتش كده؟ تبقى غلطان لو ماعملتش كده.

[Alshiekh]

سيدتى الفاضلة مصرية متغربة

هل هو المطلوب مننا فى محاورات المصريين ان ندخل ننافق ونطبل؟

وهل التقييم السالب يعتبر فى عرفكم شتيمة او اهانة؟

وهل يوجد احد هنا فى المحاورات سواء كان عضوا او مشرفا فوق دائرة التقيمات ؟ والا كان من الافضل والاحرى حذف خاصية التقييمات من هذا العضو او المشرف الفاضل طالما انه مش من اللياقة او الذوق

عذرا سيدتى الفاضلة فلو انتم رايتم ان التقييمات شتيمة لو بالاحمر او مدح لو بالاخضر فنحن نرى انها ابداء الراى بطريقة محترمة بمعنى انا لا اتفق مع رايك او اتفق

فى بيوتنا وشركاتنا نعارض اراء اصحاب المكان ونتناقش فى ظل وجود الاحترام والود ولو راى صاحب المكان مصلحة المكان فى راينا حتى لو ضد مصلحته الشخصية او حتى ميوله فينصاغ متواضعا لاراء الجماعة

ونعبر بطرقنا الودية على حسب طبيعة علاقاتنا عن احتجاجنا او رفضنا لامر ما

فما هى المشكلة سيدتى بالتذكير ............ فذكر فان الذكرى تنفع المؤمنين ولا يوجد منا ماهو معصوم من الخطأ

مفيش أى مشكلة فى موضوع التقييم

بعض الأعضاء اعطى تقييم سالب للـ " News Bot " بس صعب علينا وحذفنا له التقييم السالب بعد تقديمه شكوى للادارة

والـ News Bot أضاف أصدقاء لنفسه ايضا

[Alshiekh]

معقول أن يصل الأمر لتقييم صاحب المكان سلبا؟؟!!!

يبدو أن لذة الحرية أنستنا أننا في مكان خاص و ملكية خاصة و ليست عامة

و أننا ندخل هنا و يكون لنا الحق في الكلام بإذن من صاحب المكان و ترحيبه

إن اللياقة و أصول الضيافة هي تعبير عن مشاعر الود و الاحترام لمن يدخل بيتي

و لكن عندما يتجاوز من فتحت لهم بيتي كل الحواجز و يصرون على فرض ما يرونه هم بدعوى الحرية

و يبدأون في تحريك الأثاث ليعيدوا ترتيب الغرف كما يريدون

فهنا أستطيع أن أرى أن الأمور اختلطت بالفعل

و عندما يقوم صاحب البيت بالتذكير يلقى الهجوم!!!

ماذا ننتظر بعد ذلك؟؟

يبدوا أن الحرية السائدة الآن هي حرية القمع و مصادرة الممتلكات

مالكيش حق يامدام مصرية متغربة

من حق كل واحد يستخدم التقييم بالشكل اللى يعجبه

ومن حق كل واحد انه يعترض على قوانين المكان حتى لو كان وقع عليها وهو مغمض

نحن فى عصر الحرية والديمقراطية

زمان ايام لما كنت فى مصر ، قمت بعملية تنظيف وتشجير لرصيف الشارع الذى كنت أسكن فيه

وبعدين أكتشفت أن ابن احد الجيران بيشد فروع الشجر ( كان شجر لسه صغير ) ويكسرها ويقطع الورق.

قمت بالكلام مع الولد وقلت له كده عيب أحنا بنعمل الكلام علشان الشارع يبقى نظيف والشجر بكره يكبر ويبقى شكل الشارع حلو

راح اشتكى لابوه ، لقيت ابوه زعلان وبيكلمنى من بلكونته وبيقولى " انت مفكر انك اشتريتنا علشان نضفت الشارع وزرعت لنا كام شكرة؟ "

ابنى يعمل اللى هو عايزه والشارع ده بتاع الحكومة.

بلمت وماعرفتش ارد عليه وأقول له ايه

الشعب يريد تغيير النظام

الضيوف تريد تغيير صاحب المكان

ثورة ثورة حتى التغيير

[ozoozo]

.....

سؤال هل قرأ احدكم في صالون العقاد كانت لنا ايام لانيس منصور؟

هل رأيتم اسلوب اداره الحوار من العقاد

هل كان ماسك خرزانه للي يتكلم مع زميله علي جنب في موضوع المناقشه

ولا من قال قفشه او نكته-وكانت اكثرها من العقاد-كان مصيره الطرد؟

أنا ماقعدتش فى صالون العقاد

أنا قعدت فى المكان اللى كان بيقعد فيه توفيق الحكيم

لم يكن ملكه كان مجرد زبون دائم له ترابيزة محجوزة باسمه ، كان كافيتريا أو سميه كازينو على البحر كان اسمه البوريفاج

كنا لم بنروح وهو موجود ولم نكن قاعدين معاه ، لكن كنا بنقعد زى التلاميذ داخل الفصل إحترامه له ولضيوفه ، ولو واحد من اصحابنا رفع صوته او قال نكتة أو قفشة بصوت عالى كنا بننبهه بانه يوطى صوته علشان الحكيم موجود.

وأكيد لو كان الحكيم شاف مننا قلة ادب وعدم أحترام كان زمانه ساب البوريفاج ورحل زى الاقلام المحترمة والعظيمة اللى حضرتك بتقول عليهم انهم سابوا المنتدى واللى اكيد ماسابوش المنتدى علشان قوانينه لانهم كانوا من واضعى تلك القواعد لانهم كانوا من المؤسسين للمنتدى.

وبدون احراج لو شايف انك ممكن بشوية دولارات ضعف اللى بيدفعهم الاستاذ عادل ممكن تعمل منتدى احسن من منتدى المحاورات ؛ ليه ماعملتش كده؟ تبقى غلطان لو ماعملتش كده.

شكرا لتوضيحك ان الاعضاء العظام اللي سابوا المنتدي سبوه بسبب قله ادب الاعضاء اشباه المثقفين امثالي انا وبعض الاعضاء الاشباه الاخرين وليس بسبب وجهه نظرهم في قوانين المنتدي

وبعدين انا ماعملتش منتدي عشان ماليش مزاج فرغم ان معايا فلوس اني انزل اشتري -زوحلفه- او سلحفاه بلغه الجادين من سوق السيده عيشه الا اني ماشترتش ببساطه عشان ماليش مزاج لتربيه -زوحلفه- رغم امتلاكي لثمنها

واظن ان وصلك قصدي انه مش معني اني صاحب السيرفر ان انجوا من النقد ........مش كده ولا ايه؟

تم تعديل 30 مارس 2011 بواسطة ozoozo

[se_ Elsyed]

.....ايها الساده ان قوانينكم لم تفرز الا اشباه المثقفين امثالنا وجعلت المثقفين الكبار يتركوكم فأما ان تغيروا قوانينكم او تتحملوا تلك الاشباه

أستوقفتني تلك الجُملة

تبقى مصيبة لو إنت شايف نفسك من اشباه المثقفين !!!

والحمد لله كل الموجودن الأن كبار بعقلهم وأحترامهم .. وهذه رؤيتنا ونظرتنا لهم

وإعلم يا عزيزي إن من مباديء عالم الإنترنت إنه علم مفتوح وغير مقيد بأي قيود ... وبالتالي هناك ديناميكية وحرية في الإنتقال ...

وعُمر ما كانت القوانين اللي موافق عليها العضو قيد أو طوق .. وإلا ما كانش سجل من البداية ...

ولم أكن أتصور إن موضوع بسيط فتحه زميل للتنبية على ما يحدث هذه الأيام يُير هذا اللغط ..

لإن مسئولية الارتقاء تقع علينا جميعاً وليست على الادارة وحدها أو فريق بعينه ..

[عبير يونس]

سيدتى الفاضلة مصرية متغربة

هل هو المطلوب مننا فى محاورات المصريين ان ندخل ننافق ونطبل؟

وهل التقييم السالب يعتبر فى عرفكم شتيمة او اهانة؟

وهل يوجد احد هنا فى المحاورات سواء كان عضوا او مشرفا فوق دائرة التقيمات ؟ والا كان من الافضل والاحرى حذف خاصية التقييمات من هذا العضو او المشرف الفاضل طالما انه مش من اللياقة او الذوق

عذرا سيدتى الفاضلة فلو انتم رايتم ان التقييمات شتيمة لو بالاحمر او مدح لو بالاخضر فنحن نرى انها ابداء الراى بطريقة محترمة بمعنى انا لا اتفق مع رايك او اتفق

فى بيوتنا وشركاتنا نعارض اراء اصحاب المكان ونتناقش فى ظل وجود الاحترام والود ولو راى صاحب المكان مصلحة المكان فى راينا حتى لو ضد مصلحته الشخصية او حتى ميوله فينصاغ متواضعا لاراء الجماعة

ونعبر بطرقنا الودية على حسب طبيعة علاقاتنا عن احتجاجنا او رفضنا لامر ما

فما هى المشكلة سيدتى بالتذكير ............ فذكر فان الذكرى تنفع المؤمنين ولا يوجد منا ماهو معصوم من الخطأ

أخي العزيز حسام

تعلم مقدار احترامي لحضرتك

بس واضح إن فكرتي ما وصلتش لحضرتك

لفظة اللياقة والذوق ليست موجهة للأعضاء

و لكنها رد على اتهام للطاقم الإداري بعدم الذوق و اللياقة في مداخلات سابقة في هذا الموضوع

فاللياقة المطلوبة من صاحب الدار و التي يرى البعض أنها غير موجودة

أحببت أن أذكر أنها موجودة

و تذكير صاحب المكان لنا بالتزام الحدود لا تلغي هذه اللياقة

التقييم السالب ليس شتيمة ولا إهانة

و لكنه هجوم بالطبع

و الجميع يضايقه التقييم الأحمر

و لست فوقه و قد اخذت نصيبي منه من قبل و غيري من المشرفين أيضا حيث أننا و إن تولينا مهام إدارية لازلنا مثلكم أعضاء

لكنني أتعجب أن يتم اعتبار التقييم فوق صاحب المكان أيضا !!!

و هذا في رأيي الخاص غير مقبول

خاصة إن أستاذ عادل لم يخرج عن أصول اللياقة نهائيا في كلامه و فقط كان يذكّر بالقواعد التي ارتضيناها جميعا عند الاشتراك في هذا الموقع

و كان رده في غاية الهدوء بعد اتهامنا كطاقم اداري بقلة الذوق و عدم مراعاة أصول اللياقة

تشبيه حضرتك بصاحب العمل الذي يدفع مرتباتكم و يستفيد من أعمالكم غير ملائم لعلاقتنا هنا بموقع المحاورات

فالاستفادة هنا معنوية وليست مادية

و الموقع ليس منتدى بالمعنى المعروف

بل هو صالون ثقافي كما يؤكد صاحبه في كل مناسبة

و بعدين مين قال ان كل الموقع جد في جد و مفيش فيه أي مساحة للابتسام ؟؟؟

بجد اللي يعتبر كده يبقى بيغالط نفسه

يوجد باب كبير اسمه " استراحة المحاورات "

فيه سبعة أبواب فرعية

كلها ترفيه و مرح و هوايات و علاقات اجتماعية

و دي ممكن نعتبرها زي التراس او الفراندة للي عايز يبعد شوية عن مناقشات الصالون

ايه بقى المشكلة؟؟

لكن أنا عايزة ردك يا أستاذ حسام

ينفع نهرج في كل المواضيع و نخللي الهزار يطغى على الجد؟؟

كل المطلوب أن يكون لكل مقام مقال

بس الحساسية من الادارة و لكل ما له علاقة بالسلطة

خلتنا نكبّر كل حاجة و ما نشوفش فيها غير المعنى السيء فقط

ربنا ينور بصيرتنا جميعا

[mekkawy]

الفاضلة مصرية متغربة

اسمحيلي اتدخل في الحوار مع حضرتك و حسام .. اللي أنا متأكد منه و اللي انا فاهمه و انا بأجي هنا كل يوم ان المحاورات مش بتاعة حد و يا ريت تصلحيلي لو كنت غلطان

و أظن كمان ان الاستاذ عادل بنفسه ممكن يجي و ينفي عن نفسه صفة تملك المحاورات و إن المحاورات ملك لجميع روادها .. لعقولهم و أفكارهم و أقلامهم .. و الله ده المبدأ اللي بأجي بيه هنا كل يوم .. و الا فعلاً لو كانت المحاورات ملك لحد بعينه فخلاص يبا صح و الحد ده يكون له كامل الحق في عمل كل اللي يعجبه و يقعد اللي يعجبه و يمشي اللي يعجبه.

معرفتي بالمنتديات أنه طالما المنتدى تم افتتاحه لرواد الفكر فهو ملك لهم جميعاً يحافظون عليه بقدر ما يحافظ عليه مبتدئ الفكرة.

بجد و الله يا ريت تصححيلي لو انا مخطئ أو أي حد من الزملاء الأفاضل

و أحب أكد إن الموضوع مش ادارة و أعضاء .. من إمتى الأعضاء بياخدوا موقف من الادارة أو العكس .. لكن الموضوع فعلاً في الحريات العامة لا هو موضوع تيمور ولا اوزو ولا حسام ولا طارق و لا مصرية و لا استاذ عادل ولا أزمة شخصيات .. أنا بأتسائل و بتدخل لأنه فيما بعد هيتحدد شكل المحاورات و بعد كدة كل واحد هيخاف يكتب اللي نفسه فيه (في حدود الأدب) لأنه قد يصبح من المغضوب عليهم .. ولا ايه؟

[عبير يونس]

اولا :الفاضله مصريه متغربه مفيش حاجه اسمها صاحب المكان كده عاملين زي ماكنا بنقول اصل مبارك ده ابونا ومصر تساوي مبارك

وبعدين يعني ايه صاحب المكان هل استضافه الموقع علي سيرفر مقابل بضع مئات من الدولارات سنويا مع تعويض جزء منها بالاعلانات بعتبر (بيج ديل) ؟

المحاورات لم تاخذ اسمها وشهرتها الا باعضائها وكتابتهم والتي هي ملك لهم وليست لصاحب المكان

انا شخصيا احترم استاذ عادل جدا كاحد اعمده اليبراليه في مصر و كمثقف من العيار الثقيل واخيرا احتراما لسنه فنحن كنا ومازلنا نوقر الكبير

وليس احترامي له لدفعه بضع مئات من الدولارات ممكن انا او اي حد انه يدفع ضعفهم بسهوله ويبقي صاحب مكان اكبر من المحاورات

في النهايه المحاورات = اعضائها فقط

ثانيا: من قال بأنه هذه هي المحاورات بقوانينها ويجب احترامها وان مستوي المحاورات انحدر بسببنا .....اذن فلماذا ترك المنتدي اصحاب الاقلام العظيمه والمؤثره في المنتدي وذهبوا لاماكن اخري الا بسبب تلك القوانين .....ايها الساده ان قوانينكم لم تفرز الا اشباه المثقفين امثالنا وجعلت المثقفين الكبار يتركوكم فأما ان تغيروا قوانينكم او تتحملوا تلك الاشباه

.....

سؤال هل قرأ احدكم في صالون العقاد كانت لنا ايام لانيس منصور؟

هل رأيتم اسلوب اداره الحوار من العقاد

هل كان ماسك خرزانه للي يتكلم مع زميله علي جنب في موضوع المناقشه

ولا من قال قفشه او نكته-وكانت اكثرها من العقاد-كان مصيره الطرد؟

أخي الكريم

اسمح لي أرد على المداخلة ككل و ليس على فقرة فقرة

و مش حأزود كتير عن ردي على الفاضل حسام

اسمحلي اعترض على مفهوم حضرتك للموقع

العلاقة هنا ليست نفعية

و لسنا صحفيين محترفين نترك جريدة و نعمل في أخرى

انظر للمكان كما يعتبره صاحبه صالون ثقافي

و ليس منتدى و مشاركات كغيره من المنتديات

المحاورات موقع فريد فعلا

و كل من هجرها من قبل لابد أن يجذبه الحنين مرة أخرى إلى هنا

المحاورات - بالنسبة لي على الأقل- هي الوطن الالكتروني

فهي ليست كأي منتدى

و التحاور هنا يجعل للموقع مذاق مختلف

يعني بمنتهى الصراحة

لما الفاضل تيمور اتكلم عن الإخوان و صلاتهم داخل المؤتمر

حد اعترض عليه من الادارة؟

هنا ابداء الرأي مكفول للجميع

يبقى ليه مطلوب مننا أن نكفل حرية الرأي لأحد دون الآخر؟؟

الأستاذ طارق عمل الموضوع ده

و مدام ضحى أبدت رأيها

زي ما الفاضل تيمور نال مطلق الحرية في التحدث عن رأيه الذي ضايق الكثيرين من زملائه دون أن تُحذف له كلمة

الجميع لهم الحرية في ابداء الرأي دون إهانة للآخرين

راجع حضرتك المداخلات و شوف بعين الحق

محدش ماسك خرزانة و محدش بيطرد حد

بس برضه لما التجاوزات تصل إلى حد غير مقبول

لازم برضه يكون فيه رد

و راجع حضرتك المداخلات و الرد

و ملحوظة صغيرة

مش أي حد معاه بضع مئات من الدولارات يقدر يعمل موقع زي ده

الموضوع عمره ما كان فلوس بالمرة

[عبير يونس]

الفاضلة مصرية متغربة

اسمحيلي اتدخل في الحوار مع حضرتك و حسام .. اللي أنا متأكد منه و اللي انا فاهمه و انا بأجي هنا كل يوم ان المحاورات مش بتاعة حد و يا ريت تصلحيلي لو كنت غلطان

و أظن كمان ان الاستاذ عادل بنفسه ممكن يجي و ينفي عن نفسه صفة تملك المحاورات و إن المحاورات ملك لجميع روادها .. لعقولهم و أفكارهم و أقلامهم .. و الله ده المبدأ اللي بأجي بيه هنا كل يوم .. و الا فعلاً لو كانت المحاورات ملك لحد بعينه فخلاص يبا صح و الحد ده يكون له كامل الحق في عمل كل اللي يعجبه و يقعد اللي يعجبه و يمشي اللي يعجبه.

معرفتي بالمنتديات أنه طالما المنتدى تم افتتاحه لرواد الفكر فهو ملك لهم جميعاً يحافظون عليه بقدر ما يحافظ عليه مبتدئ الفكرة.

بجد و الله يا ريت تصححيلي لو انا مخطئ أو أي حد من الزملاء الأفاضل

و أحب أكد إن الموضوع مش ادارة و أعضاء .. من إمتى الأعضاء بياخدوا موقف من الادارة أو العكس .. لكن الموضوع فعلاً في الحريات العامة لا هو موضوع تيمور ولا اوزو ولا حسام ولا طارق و لا مصرية و لا استاذ عادل ولا أزمة شخصيات .. أنا بأتسائل و بتدخل لأنه فيما بعد هيتحدد شكل المحاورات و بعد كدة كل واحد هيخاف يكتب اللي نفسه فيه (في حدود الأدب) لأنه قد يصبح من المغضوب عليهم .. ولا ايه؟

اولا انا عضوة زيي زي حضرتك يا اخي الفاضل

و أعتز بعضويتي هنا

و حتى لو تركت الإشراف فسأظل عضوة هنا

حديثي عن ملكية المكان لم يأتي من فراغ

بل هو رد على من يعتبره ملكية عامة و لابد من الثورة على اداراتها و تغييرها

و حتى على الادفايزور نفسه!!!

الأستاذ عادل تمنعه أخلاقه الراقية من التحدث كصاحب مكان

و لكني انفعلت جدا من تقييمه سلبا و بهذه الطريقة الجماعية مع أنه لم يتجاوز حدود المقبول

و قام بالرد بحكمة و بهدوء على استفزازات تمت في أكثر من مداخلة

كل واحد فينا بيجي هنا باختياره يا أستاذ مكاوي

لا إجبار على المجيء و لا طرد

و المفترض ألا يؤثر كلامي أو كلام أي شخص على اختيار حضرتك المجيء هنا

ما قلته يعتمد على رؤيتي أنا للمكان

أراه صالون ثقافي له احترامه

و أراه ملكية خاصة لأستاذ عادل أبو زيد

و عضويتي فيه تمت على أساس موافقتي على قواعد المشاركة

و منذ اشتراكي لم أصادف مشكلة مع إدارته

بل على العكس

لم يحدث مرة أن أرسلت تقرير و لم يهتم بي أحد

و لم يحدث مرة أن ارسلت شكوى و لم يتم البت فيها

منذ البداية و حتى اللحظة التزم بما وافقت عليه من قواعد

و لا أجد اي مشكلة

كل واحد بيتعامل مع المكان برؤيته له

و يحصد ما رآه في المكان

و عن نفسي منذ اشتركت لم تُحذف لي مداخلة و لم يُقصف لي قلم

مفيش حد مغضوب عليه يافندم

اخرج الفكرة دي من تفكيرك

حتلاقي الموضوع غاية في البساطة

تفاءلوا بالخير تجدوه

[mekkawy]

الفاضلة مصرية متغربة

انا بالنسبة ليا - على المستوى الشخصي - الموضوع بسيط جداً و أنا عن نفسي معنديش أي مشكلة مع أي حد لكن انا قلت لحضرتك مفيش issue بين الأعضاء و الادارة ولا كان فيه حاجة للتبريرات اللي حضرتك سقتيها لأنها معروفة و أوكيه .. الكلام بس كان على عدم إملاء التصرفات و الأقوال و تفصيلها للناس عشان نقول ايه و ما نقولش ايه

رؤيتك للمنتدى على عيني و راسي و أحترمها و رؤيتي كمان للمنتدى كملكية عامة أتبناها و أدافع عنها إلى أن يثبت العكس و إن ثبت العكس و أنه ملكية خاصة يبا خلاص المالك حر فيما يقوله و يفعله و اللي مش عاجبه من الضيوف هو كمان حر في تصرفه

[عبير يونس]

الفاضلة مصرية متغربة

انا بالنسبة ليا - على المستوى الشخصي - الموضوع بسيط جداً و أنا عن نفسي معنديش أي مشكلة مع أي حد لكن انا قلت لحضرتك مفيش issue بين الأعضاء و الادارة ولا كان فيه حاجة للتبريرات اللي حضرتك سقتيها لأنها معروفة و أوكيه .. الكلام بس كان على عدم إملاء التصرفات و الأقوال و تفصيلها للناس عشان نقول ايه و ما نقولش ايه

رؤيتك للمنتدى على عيني و راسي و أحترمها و رؤيتي كمان للمنتدى كملكية عامة أتبناها و أدافع عنها إلى أن يثبت العكس و إن ثبت العكس و أنه ملكية خاصة يبا خلاص المالك حر فيما يقوله و يفعله و اللي مش عاجبه من الضيوف هو كمان حر في تصرفه

رأي حضرتك أحترمه

بس حبيت أذكر حاجة مهمة جدا

الملكيات العامة لا توجد فيها عضوية و لا قواعد مشاركة

فالنوادي الرياضية و الاجتماعية مثلا ليست مفتوحة لغير الأعضاء و من يزور النادي يُعطى بطاقة زائر و ليس له حقوق العضو

و لا يمكنه التواجد بدون العضو الذي أتى معه

و يتم انذار الأعضاء و شطب عضويتهم إذا قاموا بالمخالفات

الملكية العامة هي كالحديقة العامة مثلا

للجميع أن يدخلها بدون اشتراك و لا قواعد

و يتنزه فيها بكامل الحرية دون أن يمنعه أحد

من هذا المفهوم أرى المحاورات لا تندرج تحت مسمى " الملكية العامة"

[tarek hassan]

معذرة المداخلات أكثر من أن ألم بها كلها وجميعها مهمة تستحق للرد

بداية قدر لي أن أقف في اتجاه لا أكون فيه مع من قاموا بتشجيعي وتقويمي بالإيجاب حيث لم أكن أعلم عملية التقويم إلا من وقت قصير

وأيضا أنا السبب المباشر في كل ما يحدث الآن من خلاف بسبب هذه الموضوع الذي كان مستحسنا منكم في بداية الأمر

وأنا طبعا كعضو ومن وحي ضميري أعتذر للأدفايزر ومن قبله للفاضل أبو محمد حيث كنت سببا بهذا الموضوع في أن وجهت إليه بعض الكلمات التي لا تليق بمكانته في أي وقت من الأوقات فليس منا من لم يوقر كبيرنا

وطبعا أنا من وحي نفسي كتبت هذا الموضوع وليس لي اتصال بأحد من الإدارة اعتراضا على بعض المداخلات التي أراهاغير مثمرة أوالموضوعات المكررة من وجهة نظري وأنا مثل عامة الناس أخطيء كثيرا وأصيب قليلا

وكمان أحيي الفاضل إسلام المصري الذي وجهت له سهام نقدي القاسي في هذا الموضوع وما كان منه إلا أن تعامل بفكر وموضوعية في مداخلاته هنا

وأنا هنا كعضو كتبت موضوعا لأناقش فيه بقية الأعضاء

ومن جديد أريد مناقشته بعيدا عن الإدارة حتى لا أبدو منافقا لها ولا يبدو غيري عدوا لها مع كامل الاحترام للجميع

وجهة نظري من البداية

أنني مخطيء

وأخي تيمور مخطيء

صحيح المكان ملك لأصحابه نعم ولن يكون هذا المكان إلا بالأعضاء اللي فيه ولذلك كان كلا منا حريص على الآخر وهذا معلوم جيدا للجميع

رجاء لا تجعلوا مشكلتكم مع ما طرحته هي مشكلة مع الإدارة

وناقشوني أنا فقط فليس هو موضوع كنت أتوجه به للإدارة ولكن لأناقش فيه زملائي الأعضاء

تحياتي وشكرا

تم تعديل 30 مارس 2011 بواسطة tarek hassan