جااااااااالى عقد ف سعودية ... اعمل اية ومحتااااااااااار جدااا

[ahmedcs]

ياريت ناس تقولى اعمل اية محتار جداااااااااااااااا والله العظيم

بص اقولكو ... انا جايلى عمل فى السعودية .... انا بكالوريس حاسبات ومعلومات تخصص برمجة تصميم مواقع وشبكات

العقد = مرتب 2500 ريال + 10 % من راتب موصلات + السكن 3 شهور من قيمة الراتب

بس مشكلة ان التاشيرة عاااااااااااااااااااااامل منزلى ...

بس مش عن طريق مكتب يعنى هو يبعتلى التاشيرة انا اورح مكتب واخلصها ومكتب هاياخد 500 جينة لتخليص الورق

بس مشكلة عندى ان الباسبور بتاعى بوظيفة اخصائى حاسب الالى من نقابة

اعمل اية

[الفقير الى الله]

ياريت ناس تقولى اعمل اية محتار جداااااااااااااااا والله العظيم

بص اقولكو ... انا جايلى عمل فى السعودية .... انا بكالوريس حاسبات ومعلومات تخصص برمجة تصميم مواقع وشبكات

العقد = مرتب 2500 ريال + 10 % من راتب موصلات + السكن 3 شهور من قيمة الراتب

بس مشكلة ان التاشيرة عاااااااااااااااااااااامل منزلى ...

بس مش عن طريق مكتب يعنى هو يبعتلى التاشيرة انا اورح مكتب واخلصها ومكتب هاياخد 500 جينة لتخليص الورق

بس مشكلة عندى ان الباسبور بتاعى بوظيفة اخصائى حاسب الالى من نقابة

اعمل اية

[مروان]

الراتب عادي واقل من العادي

لا يستحق التنازلات اللي لازم تعملها من تغيير البطاقة بمهنة عامل واصدار جواز جديد

والمواصلات هتهتاج مبلغ اكتر من الللي جادوا به لك

والسكن اغلى-ازا كنت بالرياض او جدة-

نصيحتي اطلب تاشيرة فني حاسب

واطلب زيادة الراتب الى ثلاثة كبداية وبدل مواصلات 500 ريال

وبدل سكن لا يقل عن 10 الاف

وعموما انت ادرى بظروفك

ولعل الاخوة الكرام عندهم اراء اخرى

ربنا معاك

[ozoozo]

طبعا العرض زباله ومرتب زباله خصوصا انك خريج حاسبات يعني مهندس

ماتخليش ودنك تسمع اقل من اربعه اساسي وفيزا محترمه يعني المفروض اخصائي حاسب ولو اتنازلت يبقي فني

انما خدام ؟؟؟؟؟؟؟

[AbkaReno]

السلام عليكم

انا منصحكش نهائي بالتأشيره لانها اقل ما يقال زبااااااله

موكفايه الي قالوه الاعضاء الكرام من نصايح حاول تاخد بيها

لو الناس متمسكه بيك يبقا تطلعلك تأشيره اقل حاجه بمهنة فني حاسبات

[ahmedcs]

المشكلة كماااااااااااااااان انى خبرة 4 سنين وا اشتغلت فى شركات كبيرة بجد زى تكنال سبورت Tedata

system engineer = 2 years

web design and developer = 2 Years

يعنى خبرة كويسة جدااا مش لسة جديد ولا حاجة بس الواحد حال مصر واقف فقولت افكر اطلع بس بستغرب ناس كتتتيرة بتطلع باسمها يعنى زى

المحاسب او تسويق دية اقل مهنة مثلا مكن اطلع عليها ...

اما مهنة عااامل منزلى = يعنى خدام ....

همة بيقولى انت ادخل السعودية واحنا هانغيرهالك متخفيش احنا هانغيرهالك

انا مرة قولتة صعبة انى اغير بطاقة ... قالى ماهو السعودة كلة عاااااامل وكل مصرين بيجيو ع عامل ... ومهندسين كمان ...

يااااااايت حد يقولى اعمل اية بجد

بجد متشكرا جدااااااا لكل الاعضاء والله

[محمد الشافعى]

اخى العزيز

السلام عليكم ورحمة الله وبركاته

العرض الوظيفى ده ضعيف جدا على مثال فى الشركة التى أعمل بها فنى حاسب االى كان جى تأشيره حره واشتغل فى الشركه براتب لا يقل عن4000 ريال وفنى اخر فى فرع الشركه خبره فى العمل هنا وعمل نقل كفاله راتبه 6500 كبدايه

[الفقير الى الله]

السلام عليكم ورحمة الله

بص يا اخى فى الله كلام الاخوة الاعضاء الكرام غاية فى النصح والارشاد ليـــــــــــــــــــــة؟؟؟؟ لان انا كنت فى نفس ظروفك دى وقاعد على نفس الموقع واتقالى نفس الكلام من اخوة بردة محترمين بس انا بقى استعجلت ومسمعتش الكلام تمام وطلعت بردة على نفس مرتبك دة وفيزا عامل ودلوقتى بعانى منها لية ؟؟؟؟؟؟؟

هوا دة السؤال لانى متجوز وعاوز اجيب زوجتى مش عارف ادى واحد حتى الزيارة مش من حقك

السبب التانى مرتبك دة يعنى يدوبك زى حلاتى هتبقى ماشى بتتخبط مش عارف تاكل ولاتشرب ولا تلبس ولا تشترى كروت للتلفون ولا تجيب لبس بدل اللى قدم ولا تحوش ولا تبعت للى فى مصر الخ

نصيحة اخوية سمعتها قبلك بس معملتش بيها لانى ساعات كدة بيركبنى العند وبعند على نفسى ساعات وانا اللى بشرب فى الاخر

اولا احترم شهادتك ومتطلعش الا على فيزا محترمة بمسمى محترم تسمح بالاستقدام

ثانيا متقبلش باقل من 4000 راتب مبدئيا وهوا لو عاوزك هيقبل بالشروط دى

اوعــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــى تستعجل فرصة السفر جاية جاية ان شاء الله المهم تصبر وان شاء الله تجيلك حاجة كويسة

والسلام ختام

[مهندس عمرو]

توكل على الله وارفض العرض وربنا يوفقك بالاحسن انشاء الله وصدقني الي بيتنازل دايما خسران واللي سافرو على مرتبات كويسة وفيزا كويسة مش احسن منك والرزق كبير والله اكبر فلا تقبل الا مايليق بك والله الموفق انشاء الله .

[Nileman]

اوعى تقبل أي تأشيرة عمالة منزلية حتبقى غلطة عمرك .. عامل عادي ماشي ممكن تغير المهنة لما تيجي

لكن عامل منزلي مافيش تغيير مهنة-مافيش امكانية لنقل الكفالة-مافيش تأمين طبي محترم-مافيش استقدام او حتى زيارة للزوجة

بالنسبة للراتب و حسب خبراتك اطلب راب أساسي 3500 ريال + 500 ريال بدل انتقال + 3 شهور بدل سكن

و كمان تامين صحي محترم و اجازة سنوية و السفر بالطيران

انا بقالي 7 سنين في الرياض و جبتلك من الأخر